పాత నిబంధనలో కవిత్వమును చదువుట

ముందుగా, పాత నిబంధనలో హెబ్రీ కవిత్వము కొన్ని ఇతర రకాల కవితల వలె పద్యముపై ఆధారపడిలేదని గమనించుట మీకు సహాయపడవచ్చు. లయ, పదబంధము మరియు శబ్దాల పునరావృతం ప్రాచీన హెబ్రీ కవిత్వం యొక్క సాధారణ లక్షణాలైనప్పటికీ, ఈ విషయాలు సాధారణంగా అనువాదంలో కోల్పోబడతాయి. అయినప్పటికీ, ఆలోచనలు లేదా ఉపాయములు పునరావృతమై కొన్నిసార్లు “సాదృశ్యము” అని పిలువబడే ఒక లక్షణమును మీరు గమనిస్తారు. యెషయా నుండి ఇది ఒక సాధారణ ఉదాహరణ:

29వ కీర్తనలో అనేక సాదృశ్యాలు ఉన్నాయి—ఉదాహరణకు:

రెండవ వరుస మొదటి వరుసకు సాదృశ్యముగా ఉందని తెలుసుకొనుట ద్వారా లేఖన భాగాన్ని అర్థం చేసుకోవడాన్ని సులభతరం చేసే ఒక సంఘటన ఇక్కడున్నది.

ఈ ఉదాహరణలలో, కవి స్వల్ప తేడాలతో ఒక ఆలోచనను పునరావృతం చేశాడు. ఈ పద్ధతి పునరావృత ఆలోచనను నొక్కి చెప్పగలదు మరియు దానిని మరింత పూర్తిగా వివరించడానికి లేదా అభివృద్ధి చేయడానికి తేడాలను ఉపయోగించగలదు.

ఇతర సందర్భాలలో, ఈ మాదిరిలో ఉన్నట్లుగా రెండు సాదృశ్యపు వాక్యాలు వ్యతిరేక ఆలోచనలను తెలుపడానికి అదే భాషను ఉపయోగిస్తాయి:

ఈ విధమైన సాదృశ్యము ఆకస్మికంగా జరగలేదు. రచయితలు దానిని ఉద్దేశ్యపూర్వకంగా చేసారు. ఇది శక్తి మరియు అందం రెండింటితో ఆధ్యాత్మిక భావాలను లేదా సత్యాలను వ్యక్తపరచడంలో వారికి సహాయపడింది. కనుక పాత నిబంధన రచనలో మీరు సాదృశ్యమును గమనించినప్పుడు, రచయిత యొక్క సందేశమును గ్రహించడానికి అది మీకు ఎలా సహాయపడుతుందని మిమ్మల్ని మీరు ప్రశ్నించుకోండి. ఉదాహరణకు, “సుందర వస్త్రములతో” “బలమును” మరియు “యెరూషలేముతో” “సీయోనును” సంబంధింప చేయుట ద్వారా యెషయా ఏమి చెప్పడానికి ప్రయత్నిస్తున్నాడు? (యెషయా 52:1). “నొప్పించు మాటలు” అనే వాక్యభాగానికి వ్యతిరేకమైనది “మృదువైన మాట” అని మనకు తెలిసినప్పుడు దాని గురించి మనము ఏమి ఊహించగలము? (సామెతలు 15:1).

కొంతమంది కవిత్వం చదవడాన్ని కొత్త వ్యక్తిని కలవడంతో పోలుస్తారు. పాత నిబంధన కవిత్వాన్ని చదవడం, సుదూర దేశం మరియు విదేశీ సంస్కృతి నుండి మనకు భిన్నమైన భాష మాట్లాడే వ్యక్తిని మరియు రెండు వేల సంవత్సరాల కంటే ఎక్కువ వయస్సు ఉన్న వ్యక్తిని కలవడం వంటిది కావచ్చు. ఈ వ్యక్తి బహుశా మొదట మనం అర్థము చేసుకోలేని విషయాలను మాట్లాడవచ్చు, కానీ వారికి మనతో మాట్లాడడానికి విలువైనది ఏదీ లేదని దానర్థము కాదు. వారి దృష్టి కోణం నుండి విషయాలను చూడడానికి ప్రయత్నిస్తూ, మనము వారితో కాస్త సమయాన్ని గడపాలి. మన హృదయాలలో, వాస్తవంగా మనం ఒకరినొకరం బాగా అర్థము చేసుకోవడాన్ని మనం కనుగొనవచ్చు. మనం సహనం మరియు కనికరం చూపిస్తే, మనకు కొత్తగా పరిచయమైన వ్యక్తి చివరికి ప్రియమైన స్నేహితుడిగా మారవచ్చు.

కనుక మీరు యెషయా నుండి ఒక గద్యభాగమును చదివినప్పుడు, ఉదాహరణకు, దానిని ఒక క్రొత్త పరిచయస్థునితో మీ మొదటి పరిచయముగా భావించండి. “నా సాధారణ అభిప్రాయం ఏమిటి?” అని మిమ్మల్ని మీరు ప్రశ్నించుకోండి. ప్రతీ మాటను మీరు గ్రహించనప్పటికీ—గద్యభాగము మీరు ఎలా భావించేలా చేయాలి? తరువాత సాధ్యమైతే, దానిని మరలా అనేకసార్లు చదవండి. బిగ్గరగా చదవడాన్ని పరిగణించండి; కొందరు వ్యక్తులు ఆ విధంగా అదనపు అర్థాన్ని కనుగొంటారు. యెషయా ఎంపిక చేసిన ప్రత్యేకమైన మాటలు, ప్రత్యేకంగా మీ మనస్సులో ఒక చిత్రమును గీసే మాటలను గమనించండి. ఆ చిత్రాలు మీరు ఎలా భావించేలా చేస్తాయి? యెషయా భావాల గురించి అవి ఏమి సూచిస్తున్నాయి? పాత నిబంధన కవుల యొక్క మాటలను మీరు ఎంత ఎక్కువగా అధ్యయనం చేస్తే, అంత ఎక్కువగా లోతైన ఆత్మీయ సందేశాన్ని వ్యక్తీకరించడానికి వారు ఉద్దేశపూర్వకంగా వారి మాటలను మరియు పద్ధతులను ఎంచుకున్నారని మీరు కనుగొంటారు.

కవితలు అద్భుతమైన స్నేహితులు కాగలవు, ఎందుకనగా అవి మన భావాలను, అనుభవాలను గ్రహించడానికి మనకు సహాయపడతాయి. పాత నిబంధన కవితలు ప్రత్యేకంగా ప్రశస్థమైనవి, ఎందుకంటే అవి దేవునితో మన అనుబంధానికి సంబంధించిన—మన అత్యంత ముఖ్యమైన భావాలను, అనుభవాలను గ్రహించడానికి మనకు సహాయపడతాయి.

పాత నిబంధనలో కవిత్వమును మీరు అధ్యయనం చేసినప్పుడు, లేఖన అధ్యయనము మనల్ని యేసు క్రీస్తు యొద్దకు నడిపించినప్పుడు అది అత్యంత విలువైనదని జ్ఞాపకముంచుకోండి. ఆయన యందు మీ విశ్వాసమును వృద్ధి చేసే చిహ్నములు, ఊహాచిత్రములు మరియు సత్యముల కొరకు వెదకండి. మీరు అధ్యయనం చేస్తున్నప్పుడు పరిశుద్ధాత్మ నుండి ప్రేరేపణలను వినండి.