“Julai 27–Ogas 2. ‘Mi Mekim Wanpela Bikpela Wok’: Ezra 1; 3–7; Nehemiah 2; 4–6; 8,” Kam, Bihainim Mi— Bilong Haus na Sios: Olpela Testamen 2026 (2026)
“Julai 27–Ogas 2. ‘Mi Mekim Wanpela Bikpela Wok,’” Kam, Bihainim Mi: Olpela Testamen 2026
Mi Gat Bikpela Wok long Mekim, Tyson Snow i droim
Julai 27–Ogas 2: “Mi Makim wanpela Bikpela Wok”
Ezra 1; 3–7; Nehemiah 2; 4–6; 8
Ol Jewish pipol i bin stap kalabus insait long Babylon inap 70 yia samting. Ol i bin lusim Jerusalem na temple, na planti bilong ol i bin lus tingting long komitmen bilong ol long bihainim lo bilong God. Tasol God i no lus tingting long ol. Tru tumas, Em i bin tokaut long ol profet bilong Em, “ Mi bai visitim yu, na mekim gutpela wok bilong mi long yu,long mkim yu long kam bek gen ” (Jeremiah 29:10). Tru long dispela tok profet, Bikpela i mekim wanpela we long ol lain bilong Em long kam bek gen—long Jerusalem na, moa impotent, long ol kavanen bilong ol. Na Em i bin kirapim ol wokman bilong Em long mekim “wanpela bikpela wok ” (Nehemiah 6:3): Wanpela gavana Zerubbabel i bin lukim dispela wok bilong bildim haus bilong Bikpela gen. Ezra, wanpela pris na man bilong rait, i halivim ol lain long tanim bel bilong ol bek long lo bilong Bikpela. Na Nehemiah i bin lidim wok bilong bildim raun gen ol wal bilong lukautim Jerusalem. Ol i bin bungim hevi, tasol ol i bin kisim tu halivim long ol samting we ol i no tingim. Ol eskpiriens bilong ol i ken givim na kirapim tingting bilong yumi bikos yumi tu i wokim bikpela wok. Na wankain olsem bilong ol, wok bilong yumi i gat planti samting long mekim long haus bilong Bikpela, lo bilong Bikpela, na proteksen bilong spirit yumi painim insait long Em.
Long ovaviu bilong ol buk bilong Ezra na Nehemiah, lukim “Ezra” na “Nehemiah” long Baibel Diksinari.
Ol Aidia bilong Lainim long Haus na long Sios
Ezra 1
Bikpela i ken strongim ol pipol long mekim wok bilong Em.
Bihain long Persia i winim Babilonia, Bikpela i stronim kin bilong Persia, Cyrus, long salim wanpela group bilong ol Jews i go long Jerusalem long bildim tempel gen. Taim yu ritim Ezra 1, lukluk long wanem samting Cyrus i mekim long sopotim ol Jews long dispela impotent wok. Hau yu lukim Bikpela i wok long ol man na meri i stap raunim yu,na tu ol lain i no memba bilong Sios bilong Em? Dispela i makim yu tingim wanem samting long Bikpela na wok bilong Em?
Lukim tu Isaiah 44:24–28.
Ezra 3:8–13; 6:16–22
Haus bilong Bikpela i ples bilong amamas.
Taim ol lain Babiloni i kisim Jerusalem, ol i stilim olgeta samting insait long temple na kukim em i go daun long graun (lukim 2 Kings 25:1–10; 2 Chronicles 36:17–19). Yu ting hau bai yu i pilim sapos yu bin wanpela Jew husait i bin lukim dispela samting? (lukim Psalm 137). Lukim hau ol Jews i bin pilim, planti 10-pela yia bihain taim ol i bin kisim tok orait long go bek gen na bildim gen temple (lukim Ezra 3:8–13; 6:16–22). Dispela i ken mekim yu tingim ol pilings bilong yu yet long Bikpela na haus bilong Em. Wai na wok bilong bildim Temple em i wanpela as long amamas?
Temple bilong Zerubbabel; Sam Lawlor i droim
Ezra 4–7; Nehemiah 2; 4; 6
God i gat wanpela impoten wok bilong mi long wokim.
Wok bilong Bikpela isave bungim birua. Dispela i bin tru long ol wok we Zerubbabel na Nehemiah i bin statim. Hia em wanpela isipela we i ken halivim yu long lainim long dispela stori na tingim hau yu ken mekim wok bilong Bikpela maski long taim long birua:
Wok bilong God long Zerubbabel (Ezra 4:3):
Wok bilong God long Nehemiah (Nehemiah 2:17-18):
Wok bilong God long.mi:
Birua Zerubbabel i bin bungim (Ezra 4:4–24):
Birua Nehemiah i bin bungim (Nehemiah 2:19; 4:1–3, 7–8; 6:1–13):
Birua mi i bin bungim:
Hau Zerubabel i bin bekim (Ezra 5:1–2):
Hau Nehemiah i bin bekim (Nehemiah 2:20; 4:6, 9; 6:3–15):
Hau mi bai bekim :
Long helpim yu skelim eskpiriens bilong Nehemiah long laip bilong yu, yu ken stadim toktok bilong Presiden Dieter F. Uchtdorf “Mipela Mekim Bikpela Wok na nonap long Kam Daun” (Liahona, Me 2009, 59–62), moa yet laspela tupela seksen. Taim yu tingim long wok God i givim yu, yu ken stadim “Yanpela Meri Tim” o “Aronik Prishud Korum Tim” (Gospel Laiberari). O yu ken lukluk insait long hymn olsem “Olsem Ol Sista Insait Long Saion” (ol Hymn, no. 309) or “Yupela ol Elda Bilong Israel” (ol Hymns, no. 319).
Yu ting em minim wanem samting long “gat tingting long wok” insait long sevis bilong Sevia? (Nehemiah 4:6). Em i min wanem samting long gat “gutpela han bilong … God long [yu]” taim yu mekim wok bilong Em? (Nehemiah 2:8; lukim tu Nehemiah 2:18; Ezra 7:6, 9, 27–28). Hau yu bin lukim han bilong Em long ol wok bilong yu long servim Em?
Nehemiah 8
Mi kisim blesing taim mi stadim ol srikpsa.
Long planti ol jeneresen taim ol stap long kalabus, ol Jews i no gat planti ekses ong “buk bilong lo bilong Moses” (Nehemiah 8:1). Insait long Nehemiah 8, Ezra i bin ridim ol lo long pipol. Yu painim wanem samting insait long ol dispela sapta we i soim hau Ezra na ol pipol bilong em i bin filim long God na toktok bilong Em? (lukim ol ves 1–12). Yu pilim wanem samting insait long laip bilong yu long God na toktok bilong Em?
Lukim tu Tisings bilong ol Presiden bilong Sios: Ezra Taft Benson (2014), 115–24.
Long moa, lukim isu bilong dispela mun Liahona na Long Strongim ol Yut ol megazin.
Ol Aidia bilong Tisim ol Pikinini
Ezra 3:8–13; 6:16–22
Haus bilong Bikpela i ples bilong amamas.
-
Long lainim ol pikinini bilong yu long amamas ol Jews i bin filim taim ol i bin buldim gen tempel bilong ol, yu ken soim ol wanpela piksas olsem i stap aninit. Toktok long wanem ol dispela pipol i ken amamas long stap long haus bilong Bikpela. Yu ken tokim ol pikinini bilong long wanem tempel i ples bilong amamas long yu. Hau tempel i helpim yu pilim klostu long Papa long Heven na Sevia?
-
Taim yu ridim Ezra 3:10–13 wantaim ol pikinini bilong yu, helpim ol long painim ol tok we i soim hau ol Jews pilim taim temple i bin kirap gen. Taim yu kam long pinis bilong ves 13, yu ken singaut wantaim hamamas wantaim olgeta. Halivim ol pikinini bilong yu long tingim long ol as long amamas olsem Bikpela i givim yumi ol tempel. Hau bai yumi soim dispela amamas?
-
Tingtim longsingim wanpela singsing i toktok long tempel wantaim ol pikinini bilong yu, olsem namba tu vese bilong “Welkam Hom” (Gospel Laiberari). Bihain long wanwan lain, yu ken stop na askim wanwan pikinini long serim wanem samting ol i laikim long tempel. Yu ken lukim tu ol piksa bilong ol temple taim yu singsing.
Nehemiah 2:17–20; 6:1–9
Bikpela bai halivim mi long mekim “bikpela wok bilong Em.”
-
Serim wantaim ol pikininni bilong yu stori bilong Nehemiah (lukim Nehemiah 2:17–20; 6:1–9; o “Nehemiah” insait long ol Olpela Testamen Stori, 173–74). Taim yu ridim Nehemiah 2:20, yu na ol pikinini bilong yu “kirap” na giaman long helpim bildim ol wol bilong Jerusalem. O ol pikinini bilong yu ken amamas long bildim wanpela wol wantaim blok o ol narapela samting. Taim ol makim olsem, yu ken helpim ol long tingim ol impotent samting Papa long Heven i laikim yumi long mekim.
1:38Nehemiah
-
Taim yu ridim Nehemiah 6:9, invaitim ol pikinini bilong yu long apim han taim ol i harim yu tok “strongim han bilong mi.” Tokim ol pikinini long wanpela taim we yu bin pilim God i bin strongim han bilong yu long mekim wok bilong Em.
Nehemiah 8:1-12
Ol skripsa em i blesings.
-
Ridim bikpela sampela hap toktok long Nehemiah 8:2–3, 5–6, 8–9, 12 we i toktok long wanem samting ol pipol i bin mekim taim ol i harim Ezra i ridim ol skripsa. Taim yu ridim, ol pikinini bilong yu i ken ektim aut ol dispela hap tok. Bihain yu ken serim wantaim wanwan hau yu pilim taim yu ridim o harim ol skripsa.
-
Taim yupela olgeta ridim Nehemiah 8:8, yu ken askim ol pikinini bilong yu wanem samting i helpim ol long kliagut long ol srikpsa. Soim ol hau long yusim ol srikpsa stadi aid olsem Gaid i go long ol Skripsa na ol Topik na ol Askim (Gospel Laiberari). Invaitim ol pikinini long serim wanpela samting ol i lainim long Sevia long ol srikpsa.
Painim ol toktru insait long ol sripksa. Ol srikpsa … i pulap wantaim ol toktru bilong gospel, tasol sampela taim em i nidim gutpela tingting long painim ol. Taim yu lainim wantaim long ol srikpsa, stop na askim ol dispela ol lain yu lanim long wanem gospel toktru ol i painim. Halivim ol long lukim hau ol dispela ol toktru i wankain long plan bilong salvesen bilong Papa Long Heven. Sampela taim ol toktru i save stap insait long ol srikpsa, sampela taim ol i soim ol long ol stori na long ol laip bilong ol lain we yumi ridim long. Em i helpim tu long panimaut wantaim historikal bekgraun bilong ol veses yu wok long ridim, na minin bilong ol dispela vese na hau ol i aplai long yumi tude ” (Tising long We Bilong Seivia, 22).
Long moa, lukim isu bilong dispela mun bilong Pren megazin.