“Ogas 3–9. ‘Yu bai Kam … long Kain Taim Olsem Dispela ’: Esther,” Kam,Bihainim Mi—Bilong Haus na Sios: Olpela Testamen 2026 (2026)
“Ogas 3–9. ‘Yu bai Kam … long Kain Taim Olsem Dispela,” Kam,Bihainim Mi: Olpela Testamen 2026
Kwin Esta i Savim Pipol bilong Jehova, Sam Lawlor i droim
Ogas 3–9:“ Yu bai Kam … long Kain Taim Olsem Dispela ”
Esther
Planti samting i bin kamap insait long buk bilong Esther i luk olsem laki o i kamap nating. Hau bai yu eksplenim dispela olsem wanpela Jewish pikinini meri husait i nogat papamama i kamap kwin bilong Persia long raitpela taim long savim ol pipol bilong em long dai? Wanem ol sans i stap olsem kasen bilong Esther, Mordecai bai long harim wanpela plen long kilim kin? Dispela ol kamap nating, o ol bin hap bilong wanpela plen bilong Heven? Elda Ronald A. Rasband i notim: “Samting we i luk olsem wanpela sans tasol, tru tru,wanpela Papa long Heven i lovim yumi i save lukautim. … Bikpela i stap insait long ol likllik samting long laip bilong yumi” (“Disain I Kam Long Heven,” Liahona, Nov. 2017, 56). Ating yumi no inap luksave long strong bilong Bikpela long ol dispela “liklik samting.” Tasol yumi lainim long eskpiriens bilong Esta olsem Em i ken gaidim rot bilong yumi na redim yumi “long kain taim olsem dispela” (Esther 4:14) taim yumi ken stap olsem ol instramen insait long han bilong Em long inapim ol tingting bilong Em.
Long ovaviu bilong buk bilong Esther, lukim “Esther, buk bilong” insait long the Baibel Diksinari.
Ol Aidia long Lainim long Haus na long Sios
Esther
Bikpela i save putim mi long ol situasen we mi ken blesim ol narapela lain.
Presiden Dieter F. Uchtdorf i bin tisiim olsem wanwan bilong yumi“ sanap long wanpela spesel ples na i gat wanpela impotent wok we [yumi] yet ken wokim . … Bikpela i gat as long givim wok long yu. Ating i gat ol pipol na ol bel we yu tasol i ken kisim na senism. Ating i no gat narapela man inap long makim samting long wankain we” (“Liptimapim Long Hap Yu Sanap,” Liahona, Nov. 2008, 56).
Taim yu ridim stori bilong Esther, tingim gut hau ol dispela toktok i toktok long em. Lukluk long ol we Bikpela i bin mekim em i savim ol Jew (lukim,long eskample, Esther 2:21–23; 3:10–14; 4:14–16). Bihaintingim hau Em i givim sans long yu long blesim ol narapela. Wanem ol sampela samting o rilesensip we Em i gaidim yu long en “long kain taim olsem dispela”? (Esther 4:14). Sapos yu gat wanpela petriakel blesing,tingim long ridim longkisim moa save long wok Bikpela i gat long yu long mekim. Wanem samting bai yu mekim long pinism dispela wok?
Lukim tu “Long Kain Taim Olsem Dispela” (vidio), ChurchofJesusChrist.org.
For Such a Time as This
Yumi i save lainim planti moa long mekim wok na i no long harim. Elda David A. Bednar i kaunselim ol tisa: “Tingting bilong yumi i noken stap olsem ‘Mi bai tokim ol wanem?’ Tasol,ol askim yu mas askim yumi yet em ‘Mi bai invaitim ol long mekim wanem? Wanem ol gutpela askim mi ken askim we, sapos ol i redi long bekim, bai stat long invaitim Holi Gos i kam insait long laip bilong ol?’” (insait Lainim long we bilong Sevia, 25). Sapos yu tisim famili bilong yu o wanpela klas long Esta, yu ken askim ol long mekim wanpela samting i ken helpim ol long lainim?
“Taim Haman lukim olsem Mordekai i no bau … orait Haman i belhat nogut tru” (Esther 3:5).
Esther 3; 5:9–14; 7
Pasin praid na belhat i ken lidim long pundaun.
Insait long buk bilong Esther, yumi lainim pasin bilong Esther na Mordecai long stap feitful long God i, tasol yumi lainim tu pasin praid na belhat bilong Haman. Taim yu ridim Esther 3; 5:9–14, luksave long ol filings, ol wod,na ol eksen bilong Haman. Ol i soim wanem samting long em na ol as tingting bilong em? Em i bungim ol wanem asua? (lukim Esther 7). Taim yu ridim stori bilong Haman, ating dispela bai mekim yu tingim long skelim wanem samting i kirapim ol filings na pasin bilong yu. Yu tingting long mekim sampela senis? Hai bai yu tanim i go long Papa long Heven long helpim?
Lukim tu Provebs 16:32; Alma 5:28.
Esther 3–4; 5:2–3; 8:11–12
Fasting i soim olsem mi mas trastim na rilai long Bikpela.
Lukim wai na Esther na narapela ol Jew i pasim tok long fast (lukim Esther 3:13; 4:1–3, 10–17). Hau fastin i blesim ol? (lukim Esther 5:2–3; 8:11–12). Bilong wanem Bikpela i askim yumi long fast? (lukim ol Topik na ol Askim, “Fasting na ol Fas Ofarin,” Gospel Laiberari). Tingim hau yu ken mekim fastin i kamap wanpela bikpela blesin long laip bilong yu.
Lukim tu Isaiah 58:6–12; “Fasting: Yanpela Single Adalt Wod, Amanda” (vidio), ChurchofJesusChrist.org
Fasting: Young Single Adult Ward, Amanda
Esther 3:1–11; 4:10–17; 5:1–4; 9:17–19
Long mekim raitpela pasin i save nidim bikpela strongpela bel.
Taim Mordecai na Esther sanap long bilip bilong ol na ol pipol bilong ol, ol i putim laip bilong ol long hevi. Ol sois bilong yumi bai i gat liklik asua,tasol long mekim raitpela samting i nidim strongpela bel. Yu lainim wanem samting long Esther 3:1–4; 4:10–17 long i gat strongpela bel long mekim raitpela samting? Lukim ol narapela kain ol asua Mordecai na Esther i eksperiensim bihain long soim strongpela bel (lukim Esther 3:5–11; 5:1–4). Wanem samting Esther na Mordecai nidim long save long God long mekim ol sois ol i bin mekim?
Tingting long ol situasen we yu nidim strongpela bel long sanap long ol raitpela pasin. Wanem samting yu lainim long Esther na Mordecai i ken halivim yu painim strongpela bel insait long Bikpela?
Strongpela bel bilong Esther i lidim go long “de bilong hamamas” (lukim Esther 9:17–19). Hau bin Kraislaik strongpela bel givim yu “de bilong hamamas”?
Lukim tu “Strongpela Bel,” “Mi Ken Sanap Mi Yet” (ol vidio), Gospel Laiberari; “Tru long Feit,” Ol Hymn, no. 254.
Courage
Dare to Stand Alone
Long moa aidia, lukim isu bilong dispela mun Liahona na Bilong Strongim ol Yut megazin.
Ol Aidia bilong Tisim ol Pikinini
Esther 2:5–7
Mi ken sevim famili bilong mi.
-
Yu ken pilim gutpela tingting long yusim Esther 2:7 long tisim ol pikinini bilong yu long helpim ol famili memba husait i stap long nid,olsem Modekai mekim long Esta. Yu ken ridim dispela ves wantaim o mekim sotpela tok long ol own wod bilong yu. Orait yu na ol pikinini bilong yu ken tingim ol famili membs husait i bai nidim helpim bilong yu. Mekim wanpela plen long helpim ol.
Esther 3:1–11; 4:10–17
Bikpela i ken helpim mi long i gat strongpela bel.
-
Ol eskampel bilong Esther na Mordecai i ken helpim ol pikinini bilong yu kliagut olsem strongpela bel i minim olsem yu mas mekim stretpela pasin maski yu pret Traim raitim ol hap toktok Mordecai ino pret taim em … na Esther i no pret taim em … . Taim yu lainim stori bilong Esther wantaim, ol pikinini bilong yu ken tingting ol long we long pinisim dispela ol sentens. Yu ken ridim Esther 3:1–11; 4:10–17 or “Kwin Esther” (insait long Ol Stori bilong Olpela Testamen, 166–70) o lukluk long ol piksa insait long dispela autlain. Bihain raitim Mi bai ino pret long … , na invaitim ol pikinini bilong yu long listim ol samting Papa long Heven i laikim ol long mekim we i nidim strongpela bel. Wanpela singsing long strongpela bel, kain olsem “Dare to Do Right” (Childrens Songbook,158), inap helpim yu.
2:45Queen Esther
-
Yu ken tu lainim long ol taim we Jisas Krais i bin strongpela bel—long eksampel, taim Em i bin kisim pen long ol sin bilong yumi long Getsemane na long diwai kros (lukim Matthew 26:36–39; 27:33–35). Askim ol pikinini bilong yu long serim wanpela taim we ol i strongpela bel, na serim ekspiriens bilong yu yet wantaim.
Esther 4: 1– 3, 10– 17
Fasting save bringim blesing bilong Bikpela.
-
Ridim Esther 4:1–3, 10–17 i ken helpim yu long lainim ol pikinini bilong yu long fas. Bilong wanem Esther na ol Jew i fas? Tokim pikinini bilong yu bilong wanem yu fas. Yu ken askim ol tu long hau ol i ken eskplenim i go long wanpela poroma husait i no bin fas bifo. Olsem wanem bai yumi halivim ol poroman bilong yumi long kliagut long ol blesing i kam long fas?
-
Enkarisim ol pikinini bilong yu long tingting long wanpela samting we ol bai nidim halivim bilong Bikpela. Tokim ol long makim dispela kamap pat bilong fastin bilong ol long neks fastin Sande.
Bikos Esther i no bin pret, em bin seivim ol pipol bilong Bikpela.
(Esther 4:14)
Mi ken kamap wanpela instrament insait long han bilong God.
-
Helpim ol pikinini bilong yu save olsem taim Esther i bin pret, Mordecai strongim bel bilong em taim em i eskplenim olsem Bikpela i bin helpim em long kamap kwin “long kain taim olsem” (Esther 4:14). Mordecai i minim wanem long dispela? Serim wantaim narapela hau Esther i kamap instramen bilong Bikpela. Olsem Wanem bai yumi kamap olsem instramen bilong Bikpela?
-
Hau bai yu halivim ol pikinini bilong yu kliagut e gut wanem em instrumen? Traim invaitim wanpela man long pleim wanpela singsing long musik instramen o soim piksa bilong wanpela man usin tol. Yu ken nau toktok long wanem em minin bilong kamap instramen long han bilong God.
Long moa aidia, lukim isu bilong dispela mun bilong Friend megazin.