Kam, Bihainim Mi
Ogas 17–23. “Bikpela Em i Wasman Bilong Mi ”: Psalms 1–2; 8; 19–33; 40; 46

“Ogas 17–23. ‘Bikpela Em i Wasman Bilong Mi’: Psalms 1–2; 8; 19–33; 40; 46,” Kam, Bihainim Mi—Bilong Haus na Sios: Olpela Testamen 2026 (2026)

“Ogas 17–23. ‘Bikpela Em i Wasman Bilong Mi,’” Kam, Bihainim Mi: Olpela Testamen 2026

Jisas lidim sipsip

Bikpela Em i Wasman bilong Bilong Mi, Yongsung Kim i droim Piksa em i bilong havenlight.com

Ogas 27–23:“Bikpela Em i Wasman Bilong Mi”

Psalms 1–2; 8; 19–33; 40; 46

Yumi i no save gut tru long husait i bin raitim Psalms. Sampela ol tok em i bilong King David, tasol planti bilong ol, ol i no save long nem bilong husait man i raitim. Tasol bihain long ridim ol Psalms, bai yumi pilim olsem yumi save long bel bilong man husait i raitim, maski sapos yumi no save long ol nem bilong ol. Yumi save tasol olsem ol Psalms em i impoten samting long lotu namel long ol lain Israel, na yumi save olsem Seivia i save kolim ol dispela tok planti taim. Insait long Psalms, yumi kisim wanpela windo long bel bilong pipol bilong God long bipo taim. Yumi lukim hau ol i pilim long God, ol wari bilong ol, na hau ol i painim bel isi. Olsem ol bilipman tede, long olgeta hap bilong wol, yumi save yusim yet ol dispela toktok long lotu long God. Em i olsem ol man i raitim Psalms i bin gat wanpela windo i go insait long sol bilong yumi bikos ol i soim hau yumi pilim long God, wanem samting yumi wari long en, na hau yumi painim bel isi.

Long ovaviu bilong buk bilong Psalms, lukim “Psalms” long Baibel Diksinari.

sain bilong stadi

Ol Aidia bilong Lainim long Haus na long Sios

Psalms 1; 23; 26–28; 46

“Mi bin gat trast … long Bikpela.”

Taim yu ridim Psalms, ating bai yu ken luksave olsem planti taim ol man i raitim dispela buk i tokaut long ol pret, wari, o tingting planti. Kain ol dispela pilings i nomal, moa yet long ol pipol bilong feit. Tasol wanem i mekim ol Psalms i gat gutpela tingting em olsem ol i givim tu rot long stretim ol hevi wantaim olgeta trast long Bikpela. Taim yu ridim Psalms 1; 23; 26–28; 46,:, raitim go daun

  • Invaitesen long trastim Bikpela.

  • Ol wod we i tok klia long Em.

  • Ol wod we i tok klia long pis, strong, na ol narapela blesings Em i save givim.

  • Ol wod we i tok klia long ol lain husait i trastim Em.

Na tu watsim ol kain tingting na ol simbol ol Psalms i yusim long tisim Sevia. Long eksampel, insait long Psalm 23, wanem ol hap tok olsem “slip go daun long grinpela gras ”or “ol wara i stap isi” (verse 2) i karim kam long tingting bilong yu wanem samting? Dispela “rod” na “staf” we i mekim wok isi (verse 4) i makim wanem samting? Wanem minin bilong “kap” bilong yumi (verse 5) i kapsait?

Psalms 2; 22

Jisas Krais em i dispela promis Mesaia.

Sampela bilong ol psalm i toktok long laip bilong Jisas Krais long graun. Ol kristens bilong Nupela Testamen taim i bin lukim dispela ol koneksen tu. Tingim tu long ridim ol dispela skripsa referens. Painim ol koneksen namel long ol toktok bilong ol psalm na long laip bilong Seivia:

  • Psalm 2:1–3 na Acts 4:24–28

  • Psalm 2:7 na Acts 13:30–33

  • Psalm 22:1 na Matthew 27:45–46

  • Psalm 22:7–8 na Matthew 27:39–43

  • Psalm 22:16 na Luke 23:32–33

  • Psalm 22:18 na Matthew 27:35

  • Psalm 31:5 na Luke 23:46

Wanem samting yu lainim long stadim ol dispela ol koneksen? Wanem ol tok profet na ol promis bilong skripsa i no kamap yet? Yu painim wanem samting insait long ol dispela promis we i givim yu hop long bihain taim?

wanpela wara na ol ston

Psalms 8; 19; 33

“Dispela graun em i pulap long gutpela bilong Bikpela.”

Ridim Psalms 8; 19; 33 i ken kirapim tingting bilong yu long tingim ol planti gutpela samting Bikpela i mekim. Lukkuk gut long ol filin bilong yu taim yu mekim. Yu tu ken singim o tingim ol wod bilong wanpela song we i go wantaim dispela ol psalm,olsem “Yu Bikpela Tru” (ol Hymn, 86). Hau na ol kreasen bilong Bikpela “autim glorim bilong God” long yu? (Psalm 19:1).

Hia em sampela narapela ol hynm we i kam long ol Psalms:

  • Psalm 23: “Bikpela Em i Wasman Bilong” (ol Hymn, no. 108)

  • Psalms 23:6; 150: “Preis i go long Bikpela, I gat Olgeta Strong” (ol Hymn, no. 72)

  • Psalm 26:8: “Mipela Lavim Haus Bilong Yu,, O God” (ol Hymn, no. 247)

  • Psalm 27:1: “Bikpela Em i Lait Bilong Mi” (ol Hymns, no. 89)

  • Psalms 33:1–6; 95:1–6: “Long Naispela Bilong Dispela Graun” (ol Hymn, no. 92)

  • Psalm 37:3–9: “Stap Isi , Sol Bilong Mi” (ol Hymn, no. 124)

  • Psalm 148: “Olgeta Samitng i gat laip em bilong God na King” (ol Hymn, no. 62)

Yusim musik. Presiden Dallin H. Oaks i tok: “Singim ol hymn em wanpela gutpela we long putim yumi yet long tuin wantaim Spirit bilong Bikpela. … Sakred musik i gat strong long autim filins bilong yumi long lavim bilong Bikpela. Dispela kain pasin bilong toktok em i wanpela gutpela helpim long lotu bilong yumi. … Ol hymn bilong yumi i gat planti ol dokrin semon, we ol skrikpsa tasol i winim ol tok tru na poet bilong ol hymn” (“Lotu long rot bilong Musik,” Ensign, Nov. 1994, 10, 11). Wanem ol hymn i go wantaim Psalms we yu ken harim o singim long makim lotu bilong yu kamap gut long dispela wik?

Psalms 19:7–11; 29

Tok bilong Bikpela i pulap long pawa, “i bai mekim bel bilong man i amamas.”

Insait long Psalms,ol wod olsem testimoni, statutes, komamens, na jasmen i ken toktok long tok bilong Bikpela. Tingim dispela taim yu ridim Psalm 19:7–11. Dispela ol ves i mekim yu tingim wanem long ol tok bilong Bikpela? Wanem samting yu lainim insait long Psalm 29 long vois bilong Em? Long ekspiriens bilong yu, hau ol tok o nek bilong Bikpela i wankain long ol dispela tok klia?

Psalms 24; 26–27

sain bilong seminari
Seivia ken halivim mi kamap klin bai mi ken go insait long ples we God i stap.

Bikos long dispela tempel long Jerusalem ol i bin bildim antap long wanpela liklik maunten, dispela hap toktok “maunten bilong Bikpela” (Psalm 24:3) i ken minim tempel o ples we God i stap. Dispela i edim wanem samting long save bilong yu long Psalm 24? Dispela em i minim wanem samting long yu long gat “klinpela han, na klinpela hat”? (vese 4). Taim yu ritim Psalms 26–27, wanem samting moa yu lainim long haus bilong Bikpela?

Sampela taim, yumi bai lusim bilip long harim olsem yumi nid long kamap klin long go insait long ples we God i stap. Bihain long olgeta, yumi olgeta i save stragel, na i nogat wanpela bilong yumi i pefek. Wanem hop yu panim insait long toktok bilong Elder David A. Bedna “Klinpela ol Han na wanpela Klinpela Bel”? LiahonaNov. 2007, 80–83). Hau bai yu yusim toktok bilong em long helpim wanpela man husait i pilim olsem em i gat bikpela laik tru long kamap pefek? Tingim hau yu ken kisim helpim bilong Sevia long ol wok bilong yu long gat “klinpela han, na wanpela klinpela bel.”

Lukim Bradley R. Wilcox, “Gutpela Pasin Em I No Gat Asua,” Liahona, Nov. 2021, 61–67.

Long moa, lukim isu bilong dispela mun Liahona na Bilong Strongim ol Yut ol megazin.

sain bilong seksen bilong ol pikinini

Ol Aidia bilong Tisim ol Pikinini

Psalms 23; 27–28; 32; 46

Bikpela i save givim mi pis,strong, na gaidens.

  • Tingim long ritim Bikpela em i … Invaitim ol pikinini bilong yu long painim ol we long pinisim dispeal sentens na yusim srikpsa olsem dispela: Psalms 23:1; 27:1; 28:1; 28:7; 32:7; 46:1. Wanem samting dispela ol vese i tisim yumi long hau Bikpela i ken halivim yumi?

  • Yu ken toktok wantaim ol pikinini long wanem samting sipsip i nidim long stap seif na helti. Orait , taim yu ridim wantaim Psalm 23, halivim ol pikinini bilong yu long skelim wanem samting wasman bilong sipsip i save mekim long wanpela sipsip wantaim wanem samting Jisas i bai mekim long yumi. Yumi bai nidim wanem samting long stap seif na helti long samting bilong spirit? Singim wantaim olgeta wanpela song we i ken givim ol aidia, olsem “Mi Pilim Lav Bilong Sevia Bilong Mi” (Singsingbuk bilong Pikinini,74–75).

Concepción Chile Tempel

Concepción Chile Tempel

Psalm 24:3–4

Long entarim tempel, yumi nidim “ol klinpela han, na klinpelabel.”

  • Taim yu ridim Psalm 24:3 wantaim olgeta, ol pikinini bilong yu i ken painim ol wod we i makim ol tingim tempel. Ol i ken lukim tu wanpela piksa bilong wanpela tempel. Orait yu ken ridim wantaim vese 4 long lainim husait i ken go insait long tempel. Yu ken toktok long hau han i kamap deti na hau yumi save klinim ol. Hau yumi save kamap deti long ol samting bilong spirit? Hau Sevia i save halivim yumi long klinim yumi long sait bilong spirit?

Psalm 30:5

Jisas Krais i ken senisim sore kamap amamas.

  • Sapos yu gat ol liklik pikinini, yu ken invaitim ol long giaman long krai taim yu ridim Psalm 30:5, “Krai stap inap long wanpela nait.” Bihain askim ol long siom amamas taim yu ridim, “Tasol amamas i save kam long monin.” Tok gen dispela hap tok sampela moa taim.

  • Soim wanpela piksa bilong Sevia, na tokim ol pikinini bilong yu wanem samting Em i mekim long yu we i givim yu amamas. Yu ken givim wanwan pikinini bilong yu sans long holim dispela piksa na serim wanem samting Jisas i bin mekim we i givim yuplea amamas.

Psalm 46:10

“Stap Isi, na Save Olsem Mi Em God”

  • Helpim ol pikinini bilong yu memorisim namba wan lain long Psalm 46:10: “Stap isi, na save olsem Mi Em God.” Wanem minin bilong dispela tok “stap isi”? Ating yu ken spendim sampela taim long prektis long stap isi. Yu i ken serim wantaim narapela ol ekspiriens taim yu “stap isi” we i strongim relesensip bilong yu wantaim God. Helpim ol pikinini bilong yu tingim ol taim insait long de we ol i bin “stap isi” we ol i pilim ol stap klostu long Papa long Heven.

Long moa, lukim isu bilong dispela mun bilong Pren megazin.

Seivia i holim wanpela sipsip

Gutpela Wasman, Eva Timothy i droim

Primari ektiviti pes: Bikpela em Wasmas Bilong Mi