“Julahe 20–26. ‘Muhtahsr Nget nuh Yurum’: 2 Chronicles 14–20; 26; 30,” Fahsruh, Fahsr Tukuk—Nuhke Lohm sesr ac Alu ah: Wuhlweacng Mahtuh 2026 (2026)
“Julahe 20–26. ‘Muhtahsr Nget nuh Yurum,’” Fahsruh, Fahsr Tukuk: 2026
Pruhe Lal Tohkohsrah Jehoshaphat, sel Keeley Rae
Julahe 20–26: “Muhtahsr Nget nuh Yurum”
2 Chronicles 14–20; 26; 30
Tohkohsrahi lal Juda ah tuh rauniyucklac. Mwet mweun ke muhtuhnfacl fokoko tolu tuh mukuiyak pacl sefanna, ahkolah nuh ke mweun. Ke puhlan pacl in elyah se inge, Jehoshaphat, Tohkohsrah luhn Juda, forwacng nuh sin Tohkohsrah luhn kuhsrao ac facluh. Jehoshapaht el tuh oracni mwet lal ah ke tempuhl ac pruhe. El akihlen muhnahs lalos ac pahng in moliyucklac. Topukyac, Leum el olwelah karihngihnyuck Lal: “Tiac sahngeng, kuh tiac fosrngah” (2 Chronicles 20:17).
Sahp wacngihn mwet mweun utyak nuh ke motonac lasr uh in kuhnauskuhtlac, tuhsruhk kuhtuh pacl uh kuht puhla muh raniyucklac kuht ke ma upac ac ma koluk. Inkacnek nuh ke molwelah lasr uh oacna ma se Jehoshaphat el suk ac, ac pruhe lasr uh kuh pac in oacna ma lal ah: “O God lasr, … wacngihn kuh lasr in lain u luhlahp se inge ma tuhkuh in lain kuht; ac tiac pac etuh lah meac kuht ac oruh: tuhsruhk muhtahsr nget nuh sum” (2 Chronicles 20:12).
Ke 2 Chronicles 14–30, kom ac fah riti kacl Jehoshaphat ac tohkohsrah sahyac fin acn Judah. Motko lah fuhkah luhlahlfongi lalos eklac, kuhtanglah, ac ma upac kuh in sikyak nuh in moul lom.
In ahkuhtweyac yohk ke 2 Chronicles, liye “Chronicles” ke Pwacpuhl Dictionary.
Mwe nuhnak nuh ke Lutlut Lohm ah ac ke Alu
2 Chronicles 14–16
Luhlahlfongi ke God fah use nuh sihk mislac.
Ke Asa el tohkohsrah Judah, el sun ma upac pucspucs—oacpacna kuht nuhkwewa oruh misenge. Ke kom riti ma upac el pulakihn, akihlen lah el fihliac luhlahlfongi lal ac fuhkah eklac ma luhlahp.
|
Kahsruh |
Ma Upac Asa el sun |
Acn Asa el fihliac luhlahlfongi lal we |
|---|---|---|
Kahsruh 2 Chronicles 14:9–12 | ||
Kahsruh 2 Chronicles 15:1–8 | ||
Kahsruh 2 Chronicles 16:1–10 |
Efuh kuhtuh pacl uh kuht tilac luhlahlfongi Leum? Meac pac sahyac kom lotwelah ke moul lal Asa?
Liye pac Elder D. Todd Christofferson, “Kuhpahsr lasr yurin God,” Liahona, May 2022, 78–80.
2 Chronicles 18
Nga kuh in karihngihn ma pwacye, finne pacl ma tiac eye.
Mwet pahluh Macaiah sahp el puhla ma kalyeyuck in fahkwak kuhtanglah nuh sel tohkohsrah Jehosaphat ac Ahab ke meun laltahl lain Syria. Suk mwe ahkpwacye ke kalyeyuck sacn ke 2 Chronicles 18:1–12. Meac mwe ahkpwacye kom konwacack ke puhlaik ac suwohs ke verses 13–27? (In ahklohyac verse 14, Micaiah el sang top tiac pwacye; top na pwacye lal uh pa ke fuhs 16.) Kahs lal Micaiah ahkpwacyeyuck fuhkah ke fuhs 28–34?
Meac kuhtuh ohiyac ma kom ac kuh in puhla wakreyuck oacna Micaiah el puhla? ? Meac usot puhlaik lom in tuyak ke Leum ac mwe luti Lal?
In lwen lal Tohkohsrah Jehoshaphat, muhtuhnfacl tolu tuh mweuni acn Jerusalem.
2 Chronicles 20:1–25
Ke pacl upac, Nga kuh in foracng nuh sin God ac mwet pahluh Lal.
Ke kom riti 2 Chronicles 20:1–12, suk ma Tohkohsrah Jehoshaphat el oruh ke muhtuhnfacl puhs tuh tuhkuh in mweuni acn Judah. Kom ac orekmakihn fuhkah ma el oruh ke ohiyac upac inge tuhkuh nuh sum?
Top luhn Leum nuh ke pruhe lal Jehoshaphat konweyuckyak ke verses 14–17. Pohloh kahs fuhkah se kom konwacack ma kuh in ahkkweyekom kuh sie mwet kom etuh in pacl upac?
Lwen se tok ah, mwet fin acn Jerusalem tufoklac in ohsun nuh sin mwet mweun laenuhltahl ah. Ke kom riti 2 Chronicles 20:20, suk pweng se Jehoshaphat el sang nuh sin mwet Jerusalem ah. Kahs lal ah ahkpwacyeiyuck fuhkah?(see verses 22–23). God el ahkinsewowoye kom fuhkah ke kom luhlahlfongi in El ac ukwoe mwet pahluh Lal?
President Russell M. Nelson el fahk: “Puhla luhk pa ke kom tulokihnyac kihsen siyuck lom tukihn sramsram luhn mwet pahluh uh ac fihliac in kihsen lut, ac ac oruh, mwe insewowo el puhtat. Nga sonna siyuck sihk sifacna, ‘Piac pacl se mwet pahluh el sramsram oacna sie mwet pahluh ac piac pacl el tiac?’ Ma nga ke pacl nuhkwewa uh, ‘Ngac oruh fuhkah ngacn ocna el?’” (in Lane Johnson, “Russell M. Nelson: A Study in Obedience,” Ensign, Aug. 1982, 24).
Liye pac Doctrine and Covenants 21:4–6; “A Secure Anchor” (video), Gospel Library; “Make inspired choices,” For the Strength of Youth: A Guide for Making Choices (2022), 4–5.
A Secure Anchor
akihlenyac mwe fahk fihsracsr pwacye. Elder Neal A. Maxwell el tuh luti: “Ma suhmuhslah use nuh sesr mwe luti sacohk pucspucs. Ac ke kahlwem luhn Nguhn kahlwem ke kuhtuh sin muhtahlos, eltahl sahromrom ke wolacna ke celestial ac oraclah in kahlwem inkacnek ma kuht in ukwoe” (“According to the Desire of [Our] Hearts,” Ensign, Nov. 1996, 21). Ke kom lutlut ke ma suhmuhslah, motko in oasr pacl in akihlenyac, mahkiac, ac nuhnkuh ke pweng fototo tuh fokoko. Kuhtuh ohyiac uh kuh in konweyuckyak ke 2 Chronicles 14:11; 15:7; 18:13; 20:15; 26:5. Piac pac kuhtuh “mwe luti sacohk” kom kuh in konwacack?
2 Chronicles 26:3–21
Inse fuhlwact kol nuh ke kuhnaustwen.
Oacna ke tohkohsrah pucspucs luhn Judah, kolyuck lal Uzziah muhtwacwacack wi kuhtanglah tuhsruhktuh sahflahiyac wi mwe ahsor. Suk pactuhn se inge ke 2 Chronicles 26. Meac kom ac fahk ke tuh forlah moul lal Uzzaiah ah?
Ke kom riti verses 16–23, fihliac in nuhnak lom an lah pacl se inge, prist muhkwena tuh lwelah in esuhkwack mwe insewowo ke tempuhl. Efuh kom nuhnkuh muh Uzziah el seahkos God? Meac kom lotwelah ke mwe ahsor se inge?
Liye pac “Be Thou Humble,” Hymns, no. 130.
2 Chronicles 30
Nga kuh in mwet ahkmisye se.
Ke 2 Chronicles 30, Hezekiah el tuh tohkohsrah luhn Judah. El suli tohkohsrah nuhkwewa Israel in fahsreni nuh Jerusalem in ahkfuhlwactye Passover—sie ma mwet Israel koflah in oruh ke yac pucspucs (see verses 1–12). Meac kom nuhnkuh ke solsol sac ac tuh ituck fuhkah—kwewana sin mwet kacto Israel ac mwet in pwacngack lalos Judah?
Ke srihpen arulacna loeslac na pwacye, kuhtuh mwet muhtwacta Jerusalem tiac pah ke ma ahkuhtweyucki in wi oruh Passover. Ke kom riti 2 Chronicles 30:18–27, meac kom lotwelah ke top lal Uzziah ac ma sikyak ke top lal?
Russell M. Nelson, “Peacemakers Needed,” , Liahona, Mei 2023, 98–101.
Nuhke kuhtuh pac, liye ma nuhke mahlwem inge ke Liahona ac Mwe Ahkkweye Mwet Fuhsr mackuhsin.
Mwe nuhnak nuh ke Luti Tuhlihk
2 Chronicles 14–16; 20
Nga kuh in luhlahlfongi God.
-
In sruhkack mwe nuhnak se ke luhlahlfongi in Leum, kom ac kuh in oruh tuhlihk nuhtum an in liye sie ma kom luhlahlfongi kac ma oruh kom in paho ke pacl af, oacna sie ampuhrelac kuh jacket. Lwelah eltahl in sramsramkihn lah efuh kuht kuh in luhlahlfongi ma inge. Na kahsrweltahl kapsreni ma sac nuh ke luhlahlfongi lasr ke Leum uh. Efuh kuht Luhlahlfongwel in liyekuhtyang in sef ke ip luhn nguhn?
-
Kom kuh in kahsruh tuhlihk nuhtum an konwacack lah fuhkah Tohkohsrah Asa ac Tohkohsrah Jehoshaphat kuhtanglah ma upac ke elos luhlahlfongi ke Leum (liye 2 Chronicles 14:11; 20:3–5, 12). Akacsruhi sie sin sie kuhtuh inkacnek kom kuh in ahkkahlwemye nuh sin Leum lah kom Luhlahlfongwel.
2 Chronicles 20:1–29
God elac fah lohng ac topuk pruhe luhk.
-
Mukuikui in week ke sra puk se inge kuh in kahsruh tuhlihk nuhtum an in kahlwem ke sramsram ke pruhe lal Jehoshaphat ac top luhn Leum. Kom ac tuhlihk nuhtum an kuh in akacsruhi ke pacl ma God el lohng ac topuk pruhe lom. Nuhnkuh pac ke pacl ma top kac tuhkuh ke ohiyac kuh ke pacl ma kom tiac motko kac. Soko on ke pruhe, oacna ke “I Pray in Faith” (Children’s Songbook, 14), kuh in kahsruh muhsaheack luhlahlfongi luhn tuhlihk nuhtum an.
2 Chronicles 26:3–23
Nga kuh in puhsisacl.
-
In luti ke mwe sensen ke insefuhlwact, tuhlihk nuhtum an kuh in muhsahelah sie taor ke plak kuh kuhp srihsrihk. Ke eltahl fihliac kais sie plak kuh kuhp nuh fin taor sac, kahsrweltahl akihlen sie sin ma Uzziah el kuhtanglah ke 2 Chronicles 26:3–15. Tukihn eltahl ahksahfyelah taor sac, sramsramkihn nuh sin tuhlihk nuhtum an lah Uzziah elac liacacng in fuhlwact ac fokoko fuhkah. Meac kuh in oruh in puhtatlac? Na, ke kom riti verse 16, kom kuh in sruhmuhn lah meac kalmen oraclah insiacsr “sruhkyuckyak nuh ke kuhnahostwen [lasr].” Akacsruhi nuh sin tuhlihk nuhtum an lah meac sikyak nuh sel Uzziah keverses 16–23. Lwelah eltahl in tohklah taor laltahl ah in puhtatlac. Sruhmuhn lah meac kuht ac kuh in oruh in puhsisacl.
Tohkohsrah Hezekiah ac Mwet ah Kuloh nuh sin God, © Lifeway Collection/licensed from goodsalt.com
2 Chronicles 30
Nga kuh in mwet ahkmisye se.
-
Petsac se lucng inge ahkkahlwemye ke Hezekiah el tuh suli mwet tuhlan Judah ke Tohkohsrahi luhn Israel in weluhlos ahkfuhlwactye Passover. Kom kuh in liye petsac se inge yurin tuhlihk nuhtum an ac rit 2 Chronicles 30:18–19, suc ahkuhtweyac lah kuhtuh sin mwet kacto inge tiacna ahknwacsnwacsyacltahllah in fal nuh ke masap lal Moses. Meac Hezekiah el tuh oruh? Fuhkah puhla luhn mwet kacto ah ke ma se inge? Kahsruh tuhlihk nuhtum an in nuhnak kac lah eltahl ac oacna Hezekiah fuhkah ke ohiyac eltahl oruh nuh sin mwet sahyac.
Nuhke kuhtuh pac, liye ma nuhke mahlwem inge ke Friend mackuhsin.