Fahsruh, Fahsr Tukuk
Nuhnak in Esamyuck: “Jisus Elac Fah Fahk Nuhsin Israel Nohfohn, ‘Fahsruh’”

“Nuhnak in Esamyuck: ‘Jesus Will Say to All Israel, “Come Home,”’” Fahsruh, Fahsr Tukuk—Nuhke Lohm ac Alu: Wuhlweacng Mahtuh 2026 (2026)

“Nuhnak in Esamyuck: ‘Jesus Will Say to All Israel, “Come Home,”’” Fahsruh, Fahsr Tukuk: Wuhlweacng Mahtuh

akucl luhn mwe nuhnak

Nuhnak in Esamyuck

“Jisus Elac Fahk Nuhsin Israel Nohfohn, ‘Fahsruh’”

Ke yen mwesis luhn Sinai, Moses el oracni tuhlihk nuhtin Israel nuh pe soko finohl. Ingoh Leum el tuh fahk lah el kena ekuhllah un mwet ahkkohs se tuhfahna sukohsohklah inge nuh ke sie mwet fokoko. “Kowos sie mutunfal sriyukla nu sik mukena,” El fak, “sie tokosrai lun pris, a sie mutunfal mutal” (Exodus 19:6). El olwelah muh elos ac kapkapwack ac fokokoi, finne rauniyucklac ke mwet lokwoalok pucspucs, arulacna fokoko.1

Ma inge nuhkwewa fah sikyak tiac kalmac pa mwet Israel ah puhkwanten kuh fokoko kuh suhmaht. Ac fah sikyak, Leum el ahkuhtweyac, lah elos fin ahkos “kahs [Lal] , ac liacacng wuhlweacng [Lal]” (Exodus 19:5). Kuh luhn God, tiac ma laltahl, ac oruh eltahl in fokoko.

Tuhsruhktuh mwet Israel tiacna ahkos puhsrwen God, ac pacl puhs eltahl tilac karihngihn wuhlweacng Lal. Puhs selos alu nuh sin god sahyac ac sruokyac orekmakihnyen facsin yohrohlos. Eltahl sislah sie ma oruh eltahl siena liki muhtuhnfacl sahyac—kuhpwahsr ke wuhlweacng lalos yurin Leum. Fin kuh luhn God tiac karuhnguhnuhlos, e wacngihn ma tulokihnyac mwet lokwoalok lalos.2

Muhsahlwelihk Sac

Kuhtuh pacl inmahsrlon 735 ac 720 BC, mwet Assyria utyak eslah Tohkohsrahi Eir ke acn Israel, nien muhta luhn sruf singucul sin sruf singucul luo ah, ac uslah tausin mwet Israel mwet srohoh nuh ke kain in ip ke Tohkohsrahi Assyria.3 Mwet Israel eklac etweyuck oacna “sruf tuhlac sac,” kuhtuh ip kac mweyen eltahl utucklac liki acn selos ac osrwaclihk inmahsrlon muhtuhnfacl sahyac. Tuhsruhk eltahl oacyacpac tuhlac ke ohiac na yohk se: pacl loeles eltahl nuhkanlah ohien moul lalos ekihn mwet wuhlweacng luhn God.

Sahflahiyac mwet pucspucs ke Tohkohsrai Epang luhn Judah wi pac forlah liki Leum. Mwet Assyria meuni ac kuhtanglah inkaiyen tohkohsrahi sac pac; Jerusalem muhkwena usrnguck tena muhsahllah.4 Tok kuhtuh, inmahsrlon 597 ac 580 BC, mwet Babylon kuhnahoslah acn Jerusalem, weacng tempuhl ah, ac uslah mwet srohoh pucspucs.5 Sahp 70 yac tohkoh, tuhlihk nuhtin Judah tuh fihliyucklac in fohlohk nuh Jerusalem ac sifil muhsahi tempuhl ah. Puhkwanten, tuhsruhktuh, muhta fin acn Babylon.6

Fihrihryak Jerusalem ke e

Kuhnausyucklac luhn acn Jerusalem sel Nebuzar-adan, sel William Brassey Hole, © Providence Collection/licensed from goodsalt.com

Ke pacl somlah, mwet Israel ke sruf nuhkwewa tuh “fahsrwelihk … ke sie eng for inmahsrlon muhtuhnfacl nuhkwewa suc elos tiac etuh kac” (Zechariah 7:14). Kuhtuh Leum el pwacnlah nuh ke kuhtuh acn sahyac.7 Kuhtuh som liki acn Israel kahengkihn srohoh8 kuh nuh ke ma sap kuh srihpac luhn mani.9

Kuht pahngon ma inge nuhkwewa fahsrwelihk luhn Israel. Ac oacyacpac yohk srihpac in etuh ke fahsrwelihk se inge ke srihpac puhs. Weacng pac, el sifac na yohk se ke Wuhlweacng Mahtuh—mwet pahluh puhs ke Olweacng Mahtuh tuh mwet loh ke wacngihnlac luhn ma kawihl ma kol nuhke fahsrwelihk se inge. Eltahl etuh na met ac sensenkackihn. Kuhtuh selos finne luhlahlfongi kac.10 Arulacna kahsrweacng ke kom riti puk lal Isaiah, Jeremiah, Amos, ac kuhtuh mwet pahluh sahyac ke ip sahflah ke Wuhlweacng Mahtuh. Motko ke ma se inge, ke kom riti palye lalos ke Assyria ac Babylon, alu nuhke ma srolwaclah ac srohoh, kuhnausyucklac ac sahflahiyac fohlohkihnyuckyak, kom ac etuh lah meac elos sramsram kac uh.

Etuh ke fahsrwelihk luhn Israel fah kahsrwe kom in kahlwem yohk ke Puk luhn Mormon pac, mweyen Puk luhn Mormon el ma suhmuhslah ke sie lah ke Israsel ma fahsrwelihk ac.11 Ma suhmuhslah inge muhtwacwacack ke Lehi ac sucu lal ah kahenglac liki acn Jerusalem sahp 600 BC, met likina mweun luhn mwet Babylon ah. Lehi el sie sin mwet pahluh ma palye ke fahsrwelihk luhn Israel.12 Ac sucu lal ah kahsruh ahkfalyelah palye sac, uslah lah se lalos Israel ac ukwiyac ke siskac se sahyac fin facluh, ke acn Macrike.

Fahsrweni Sac

Fahsrwelihk luhn Israel, tuhsruhktuh, tahfuh na sramsram soko ah. Leum el tiacna muhlkuhnlah mwet Lal, kuh tiacna sisuhltahllah, finne ke eltahl tilac Sokol. Mwe palye pucspucs muh God elac oraclihk Israel tuh wi olwelah pucspucs muh sie lwen El ac usacltahlweni nuh sie.13

Lwen sac pa mihsenge —lwen lasr uh. Fahsrweni sac muhtwacwacack tari. Ke 1836, tausin yac tukihn Moses el oracni tuhlihk nuhtin Israel nuh pe Finohl Sinai, el sikyak lun Kirtland Tempuhl in sang nuh sel Joseph “ki nuhke fahsrweni luhn Israel liki sroasrihk ahkosr fin facluh” (Doctrine and Covenants 110:11). Inge, ke kolyuck luhn mwet ma sruok ki inge, sruf luhn Israel muhtwacwacack fahsrweni ke muhtuhnfacl nuhkwewa ma mwet kuhlwacnsap luhn Leum inge kuh in som nuh we.

Moses el sikyang nuh sel Joseph Smith ac Oliver Cowdery lun Kirtland Tempuhl

Moses, Elias, ac Elijah Sikyak lun Kirtland Tempuhl, by Gary E. Smith

President Russell M. Nelson el tuh pahngon fahsrweni se inge “pa ma yohk srihpac se emet orek fin facluh mihsenge uh. Wacngihn kuhtwena ma yohk oacna, wacngihn kuhtwena ma yohk srihpac oacna, wacngihn kuhtwena ma wolacna oacna. Ac kom fin sulaclah, kom fin ke, kom ac kuh in sie ip yohk kac.”14

Kuht ac kahsruh fuhkah? Meac kalmac in usacni nuh sie Israel? Yac kalmac pa in fohlohkunlah sruf singucul luo ah nuh ke acn laltahl met ah? Pwacyelah, oasr ma se yohk liki na, yohk wacngihn sahflahiyac, Oacna ke Prestuhn Nelson el ahkuhtweyac:

“Ke kuht sramsramkihn usacni nuh sie,kuht fahk ke ma fihsrwacsr se inge: kais sie sin tuhlihk nuhtin Pahpah Tuhmasr Inkuhsrao, mwet moul ac misac, enenuh in lohng ke pweng luhn wosasuc fohlohkihnyuck luhn Jisus Kraist. …

“Oacna sie pacl kom oruh kuhtwena ma ma kahsruh oacna sie mwet—ke kewana sisken lihsrlihsr uh—eis step se nuh met in oraclah wuhlweacng yurin God ac eis pacptais yohk srihpac ac akwuck ke tempuhl, kom kahsruh usacni nuh sie Israel. Ac arlac fihsracsr oacna ngacn.”28

Ma se inge sikyak, oacna Isaiah el fahk, “kais sie” (Isaiah 27:12) kuh, oacna Jeremiah el fahklah, “sie ke siti se, ac luo in sucu se” (Jeremiah 3:14).

Usacni Israel kalmac in use tuhlihk nuhtin God nuh Yohrohl. Kalmac in fohlohkyang nuh selos wuhlweacng inmahsrloltahl Yohrohl. Kalmac in sifilpac akwucki “muhtuhnfacl muhtahl sac” El motko in oraclah pacl na loeles somlah (Exodus 19:6).

Tuhkuh Nuh Acn Sum

Oacna sie mwet ma orek wuhlweacng yurin God, kom ipin lohm sin Israel.16 Kom fahsrweni nuh sie, ac kom mwet usacni se. Sramsram mahtuh-somlah ke mwet wuhlweacng inge el muhsahiyuckyak nuh ke sahflahiyac, ac oasr ip se lom kac. Ingena pa pacl se ke “Jesus will say to all Israel, ‘Come home.’”17

Pa inge pweng ke mwet usacni uh: Fahsruh inge nuh ke wuhlweacng. Fahsruh inge nuh Saion. Fahsruh inge nuh yurin Jisus Kraist, Mwet Muhtahl se luhn Israel, ac El fah uskom nuh yurin God, Pahpah tomom.

Mwe Kahsruh

  1. Liye Deuteronomy 28:1–14.

  2. Liye 2 Tohkohsrah 17:6–7; 2 Kronikel 36:12–20.

  3. Liye 2 Tohkosrah 17:1–7. Sruf singucul ma utucklac srohoh luhn Assyria pa Reuben, Simeon, Issachar, Zebulun, Dan, Naphtali, Gad, Asher, Ephraim, and Manasseh. Sruf lal Levi fahsrwelihk ke acn nuhkwewa luhn sruf sahyac’ eltahl in muh kuh in oruh ma kunaclos ke alu lalos.

  4. Liye 2 Tohkohsrah 19; Isaiah 10:12–13.

  5. Liye 2 Tohkohsrah 24–25; 2 Kronikel 36; Jeremiah 39; 52.

  6. Liye Ezra 1; 7; Nehemiah 2.

  7. Liye 2 Nephi 1:1–5; Omni 1:15–16.

  8. Liye 2 Tohkohsrah 25:22–26; Jeremiah 42:13–19; 43:1–7.

  9. Ke AD 70, Jerusalem ac tempuhl lalos sifilpac kuhnausyucklac, pacl se inge sin mwet Rome ah, ac mwet Jew ma luhlah fahsrwelihk nuh ke muhtuhnfacl pucsp;ucs facluh.

  10. Liye Jeremiah 29:18; Ezekiel 22:15; Hosea 9:17; Amos 9:9; 1 Nephi 1:13.

  11. Liye 1 Nephi 15:12.

  12. Liye 1 Nephi 1:13, 18–20; 10:12–14.

  13. Liye Isaiah 5:26; 27:12; 54; Jeremiah 16:14–15; 29:14; 31:10; Ezekiel 11:17; 34:12; 37:21–28; Zechariah 10:8; 1 Nephi 10:14; 22:25; 3 Nephi 16:1–5; 17:4.

  14. Russell M. Nelson, “Finsrak luhn Mwet Israeltoeni luhn mwet fuhsr fin facluh nohfohn, Jun 3, 2018), Gospel Library.

  15. Russell M. Nelson, “Finsrak luhn mwet Israel.”

  16. Liye 2 Nephi 30:2.

  17. “Now Let Us Rejoice,” On in Alu, no. 3.