Julahe 13–19. ‘El Tuh Luhlahlfongi ke Leum God luhn Israel’: 2 Tohkohsrah 16–25,” Come, Follow Me—For Home and Church: wuhlweacng Mahtuh 2026 (2026)
Julahe 13–19. ‘El Tuh Luhlahlfongi ke Leum God luhn Israel,’” Come, Follow Me: Wuhlweacng Mahtuh 2026
Fahlac se luhn Mwet Kaclpous Ac, sel James Jacques Joseph Tissot ac kuhtuh pac sahyac
Julahe 13–19: “El Tuh Luhlahlfongi ke Leum God luhn Israel”
2 Tohkosrah 16–25
Finne ke luti fokoko luhn mwet pahluh Elisha ah, mwet ke Tohkohsrahi Eir luhn Israel tiacna auliyak. Sahflahiyac, Tohkohsrah luhn Mwet Assyria kuhtanglah ac ukwacack sruf singucul luhn Israel ah. Ke pacl sac pacna, Tohkohsrahi Epang luhn Judah tiac pac oruh ma wo: alu nuhke ma sruhlwaclah oacyacpac fahsrelihk we.
In pacl se ma kawihl wacngihnlac, ma suhmuhslah fahk lah tohkohsrah luo luhn Judah suc, ke sie pacl ah, furohklah mwet laltahl ah nuh sin Leum. Sie pa Hezekiah Ke pacl in kol lal ah, Mwet Assyria kuhtanglah inkaiiyen acn Judah. Tuhsruhk Ezekiah ac mwet lal ah ahkkahlwemye luhlahlfongi ke Leum, suc molwelah Jerusalem ke sie inkacnek usrnguck. Tok kuhtuh, tukihn sie pac pacl in forlah liki ma pwacye, Josiah el tohkohsrah lac. Mokleyuckyak ke ipin sie ma sulpac konweyuckyak ke puk in masap lal Moses, Josiah el oraclah ayaol ma fohlohkunwack moul in alu luhn mwet lal.
Oacna Israel ac Judah, kuht nuhkwewa orek sulaclah wo ac koluk. Ke kuht puhla muh moul lasr uh enenuh in orek ayaol, kuht kuh in eis mwe ahkkweye ke acn kahlwem luo ke lohsr ke sramsram mahtuh luhn Judah. Sahp mwe srihkasrak lal Hezekiah ac Josiah kuh in mokle kuht in “luhlahlfongi ke Leum God lasr.” (2 Tohkosrah 18:22).
Me Nuhnak nuhke Lutlut in Lohm ah ac Alu
2 Tohkohsrah 18–19
Nga kuh in muhta ke pwacye nuh sin Leum ke luhlahlfongi luhk uh srihkeyuck.
Puhs sesr oasr ma sikyak nuh se ma srihke luhlahlfongi lasr uh. Nuhkacl Ezekiah ac mwet lal, sie mwe srihkasrak ma tuhkuh pa ke Mwet Assyria tuhkuh apkuhran nuh Jerusalem ah. Ke kom riti 2 Tohkohsrah 18–19, petsaelah muh kom muhta Jerusalem ke pacl se inge. Kom motko muh fuhkah puhla lom, in mwe srihkasrak, lohng lah Mwet Assyria apkuhran me ke 2 Tohkohsrah 18:28–37; 19:10–13? Meac kom tuh oruh? Kapsruh srihpac luhn Mwet Assyria nuh sin Mwet Israel in tiac luhlahlfongi ke Leum ke srihpac ma Satan el use nuh sesr in ahlohloh ke luhlahlfongi lasr mihsenge uh. Kom kuh pac in oruh siena srihpac luhn Mwet Assyria ke srihpac lom lah efuh kom kuh luhlahlfongi ke Leum.
Meac kom lotwelah ke mukuikui lal Hezekiah ke oiyac se inge? (liye 2 Tohkohsrah 19:1–7, 14–19). Leum el tuh topuk fuhkah? (liye 2 Tohkohsrah 19:35–37). Kom nuhnkuh tuh efuh Hezekiah el luhlahlfongi na? (liye 2 Tohkohsrah 18:5–7). Motko lah Leum el kahsre kom fuhkah ke pacl in srihkeyuck? Meac kom puhla muh mokle in oruh in ahkyohkye luhlahlfongi lom Sel?
President Jeffrey R. Holland’s message “Fear Not: Believe Only!” (Liahona, May 2022, 34–36) mwe kahsruh na wowo nuhke pacl fosrngah ac ahlohloh. On oacna “Let Us All Press On” (Hymns, no. 243) kuh pac in kahs in ahkkweye. Meac kom konwacac ke mwe kahsruh inge in kahsre kom?
See also 2 Chronicles 31–32; 3 Nephi 3–4; Jörg Klebingat, “Valiant Discipleship in the Latter Days,” Liahona, May 2022, 107–10.
Orekmakihn lutlut ke ma suhmuhslah kahsruh. Alu uh sang mwe kahsruh puhs in kahsre kom in kahlwem ke ma suhmuhslah. In mwe srihkasrak, ke Gospel Library kom kuh in konwacack ke Guide to the Scriptures, Topics and Questions, and Church magazines. In tahfwelah, ke kom riti Wuhlweacng Mahtuh, kom kuh in konwacack kahsruh ke koano ac etwacack ke “Thoughts to Keep in Mind” articles in Come, Follow Me. The article titled “Jesus Will Say to All Israel, ‘Come Home’” might help your study of 2 Tohkohsrah 16–25.
2 Tohkohsrah 19:20–37
Ma nuhkwewa oan in poun Leum.
Sennacherib, tohkohsrah se luhn Mwet Assyria, oasr srihpac wowo se muh mwet meun lal ah ac kuhtanglah Jerusalem (liye 2 Tohkohsrah 17; 18:33–34; 19:11–13). Tuhsruhk oasr sap soko luhn Leum ma nuh sel Sennacherib, ituckyang sin mwet pahlu Isaiah. Sihmlac ke 2 Tohkohsrah 19:20–34. Ma pwacye fuhkah kom konwacack ke sap luhn Leum ma kahsre kom in luhlahlfongi ke El ac plwacn Lal?
2 Tohkohsrah 21–23
Ma suhmuhslah kuh in furohklah insiacn mwet nuh sin Leum.
Yac kom nuh puhla muh wacngihn ma luhn nguhn yurum? Sahp kom puhla muh kuhpahsr lom nuh sin God kuh in fokokoi. Meac tuh kahsre kom in fohlohkuh nuh Yohrohl? Motko ma inge ke kom riti 2 Tohkohsrah 21–23, suc ahkuhtweyac lah tohkohsrahi luhn Judah puhtatlac liki Leum ye kolyuck lal Tohkohsrah Manasseh (liye2 Tohkohsrah 21) ac fuhkah Tohkohsrah Josaiah kahsruh mwet ah in forlah nuh Sel (see 2 Tohkohsrah 22–23). Fuhkah ac efuh kuh Josaiah ac mwet lal eklac? (liye 2 Tohkohsrah 22:8–11; 23:1–6, 21, 24).
President Spencer W. Kimball tuh pahngon sramsram se kacl Tohkohsrah Josiah “soko sin sramsram askuclacna emet ke ma suhmuhslah” (Teachings of Presidents of the Church: Spencer W. Kimball [2006], 62). Riti kahs lal President Kimball ke Tohkohsrah Josiah (sra puk 62–64). Sahp kom kuh in nuhnkuh ke sie ma sikyak ke sie pohloh kahs ke ma suhmuhslah “orek[ma] fokoko” in kom. Meac kom kuh in oruh in eis kuhtuh pac kain ma sikyak ingacn?
See also Alma 31:5; “Josiah and the Book of the Law” (video), Gospel Library.
Josiah and the Book of the Law
2 Tohkohsrah 23:1–25
Sie wuhlweacng pa kisackuhnlah-insiac nohfohn inmahsrlok ac Leum.
Meac kom luhngse ke wuhlweacng Josaiah el tuh oraclah ke 2 Tohkohsrah 23:3? Ke kom tahfwelah in riti chapter 23, esam ma Josaiah el oruh in ahkkahlwemye wuhlweacng lal nuh sin Leum (liye pac petsac ke sahflahiyen mwe ahkuhtweyac inge). Kom ac ahkkahlwemye fuhkah wuhlweacng lom nuh Sel?
For more, see this month’s issues of the Liahona and For the Strength of Youth magazines.
Mwe Nuhnak nuhke Lutlut In Lohm ah ac Alu
2 Tohkohsrah 18:3–6; 19:14–19
Nga kuh in luhlahlfongi Pahpah Inkuhsrao ac Jisus Kraist.
-
Ke 2 Tohkohsrah 18:3, 5–6, kahsruh tuhlihk nuhtum an in konwacack lah meac oraclah Hezekiah sie tohkohsrah wowo. Na ke komtahl tuhkweni riti 2 Tohkohsrah 19:14–19, eltahl kuh in konwacack lah el ahkkahlwemye fuhkah lah el luhlahlfongi ke Leum. Kom kuh in ngetang nuhke sie petsac ke Jisus ac sramsram lah efuh kuht kuh in luhlahlfongi Kacl. Kuht ac ahkkahlwemye fuhkah lah kuht luhlahlfongi ke Leum?
2 Tohkohsrah 22:1–7
Pahpah Lucng ac Jisus Kraist kuh in luhlahlfongiyuc.
-
Ke 2 Tohkohsrah 22:1, kahsruh tuhlihk nuhtum an in konwacack lah Josaiah el yac ekahsr ke el tuh tohkohsrah lac ah. Meac kuht lotwelah kacl Josaiah ke fuhs 2? Motko ke sie mukuikui ma kuh in ahkuhtweyac ke fahsr tukun Leumac tiac forlah nuh “siskac lacyot kuh siskac lacsac.”
-
Mwet orekma ma sruhmuhnyuck ke 2 Tohkohsrah 22:3–7 tuh luhlahlfongiyuck ke mani in sifilpac muhsahi tempuhl “mweyen orekma lalos suwohs” (fuhs 7). Tukun riti fuhs inge, kom ac tuhlihk nuhtum an kuh in sramsram ke ma kom tuh luhlahlfongiyuck kac. Kuht ac oruh kuht in luhlahlfongiyuck fuhkah oacna mwet orekma ke fuhs inge.
Mwet sihm el use sie puk lihmlihm ke ma suhmuhslah nuh yohrohl Tohkohsrah Josaiah;illustration by Robert T. Barrett
2 Tohkohsrah 22:8–11; 23:2–3
Ma suhmuhslah el lutiyuc in fahsr tukihn Jisus Kraist.
-
In ahkuhtweyac ke sramsram kacl Tohkohsrah Josaiah ke 2 Tohkohsrah 22–23, kom kuh in okanlah kapi se ke ma suhmuhslah oacna sie acn lun rum sac. Suli tuhlihk nuhtum an in sokwack. Na kom kuh in akacsruhi lah meac sikyak ke sie sin prist lal Josaiah ah konwacack ma suhmuhslah lun tempuhl (liye 2 Tohkohsrah 22:8–11; liye pac “Tohkohsrah Josiah” ke Sramsram ke Wuhlweacng Mahtuh, 148–49). Meac kuh in sikyak nuh sesr fin wacngihn ma suhmuhslah yohrohsr? Akacsruhi sie sin sie lah efuh kuh kom engan lah oasr ma suhmuhslah yohrohsr mihsenge?
1:36King Josiah
-
Tukun riti 2 Tohkohsrah 23:2–3, kom ac tuhlihk nuhtum an kuh in sruhmuhn ke ma suhmuhslah ma mokle kom in “fahsr tukihn Leum” (fuhs 3). Kom kuh pac in yuck soko on ke ma suhmuhslah, oacna “Search, Ponder, and Pray” (Children’s Songbook, 109).
2 Tohkohsrah 23:1–3
Nga kuh in liacacng wuhlweacng luhk yurin God.
-
Ke Josiah ac mwet lal lotwelah ke masap luhn God, eltahl oraclah sie wuhlweacng in moulkihn. Riti ke ma se inge yurin tuhlihk nuhtum an ke 2 Tohkohsrah 23:1–3, ac kahsreltahl in suk kahs kuh pohloh kahs ma ahkkahlwemye lah mwet ah puhla fuhkah ke masap luhn Leum. Sahp tuhlihk nuhtum an kuh in tuyak ac sruhmuhn lah meac kalmac in “[tuyak] nuhke wuhlweacng.” Na eltahl kuh in fahsr ke acn ac sruhmuhn lah meac kalmac in “fahsr tukihn Leum.” Tohkoh, eltahl kuh in fihliac paholtahl fin insiaclos ac nuhnkuh ke ohiyac kuht kuh liacacng wuhlweacng lasr “ke [insiacsr] nohfohn.”
For more, see this month’s issue of the Friend magazine.