2 Tohkohsrah 2–7

Mwenmwen ahkkahlwemye nuh sesr kuh luhn God. Eltahl kuh in kahsrwe kuht kuhtanglah ma upac ke moul suhkawihl—oacna sie acn koluk fohk kac ma enenuh kof nwacsnwacs (see 2 Tohkohsrah 2:19–22) kuh tuhla tuhlac soko ma enenuh in sukokyak (see 2 Tohkohsrah 6:4–7). Tuhsruhk yohk srihpac liki nuhkwewa, mwenmwen uh kuh in kihfucskuhtlac nuh yurin Leum. Ke kom rit 2 Tohkohsrah 2–6, motko in tahkuhnlah mwenmwen kom konwacack, ac motko ke lesin ke ma kawihl kom lotwelah sin kais sie.

Kom ac kuh in kapsruh mwenmwen Elisha el oruh nuh ke mwenmwen ma Jisus Kraist el oruh (see2 Tohkohsrah 4:8–37 and Luke 7:11–16; 2 Tohkohsrah 4:42–44 and John 6:1–13; 2 Tohkohsrah 5:1–15 and Luke 17:11–19). Meac mwenmwen inge luti kom ke Mwet Lahngo ac mwet pahluh Lal?

Liye pac 2 Nephi 26:12–13; 27:23; Moroni 7:35–37; the section “Seek and expect miracles” in Russell M. Nelson, “The Power of Spiritual Momentum,” Liahona, Mei 2022, 99–100.

Leum el moklwacl Elisha in palye ma ac fah tuhkuh—yohkna, ma ac kuh in tiac sikyak. Ke kom rit 2 Tohkohsrah 4:8–17; 7:1–16, nuhnkuh lah kom ac topuk fuhkah kahs luhn Leum sin mwet pahluh Lal misenge. Lutlut fuhkah, palye, kuh olwelah yac kom lohng sin mwet pahluh moul? Meac kom oruh in orekmakihn luhlahlfongi ke kahs lalos?

Liye pac 3 Nephi 29:6; Doctrine and Covenants 1:37–38; “Teachings of Presidents” collection, Gospel Library.

Ke kom rit 2 Tohkohsrah 5, motko in kapsruh lepa lal Naaman nuh ke ma kawihl upac kom puhlakihn.

Kuh oasr mwet se oacna “mwet kuhlwacnsap srihsrihk se” ke moul lom, ahkkweyekom in suk kolyuck ke ma upac nuh sum yurin mwet pahluh luhn Leum? (liye fuhs 2–3, 13).

Meac se Leum el suli kom in oruh ma sahp motkweyuck muh arlac fihsrwacsr—oacna “owo, ac in nwacsnwacs”? (fuhs 13). Meac se tuh sruok kom in tiac insese nuh ke solsol fihsracsr Lal?

Kom ac ahkkahlwemye fuhkah mongfihsracr lom oacna Naaman el oruh?

Liye lah fuhkah ma sikyak nuh sel Naaman tuh ekuhllah luhlahlfongi lal ke God luhn Israel (liye fuhs 15). Meac kom kuh in lotwelah ke ma se inge?

Liye pac Luke 4:27; 1 Piter 5:5–7; Alma 37:3–7; Ether 12:27; L. Whitney Clayton, “Oacna Sie Ma El Fahk nuh Sum, Kom Oruh,” Liahona, May 2017, 97–99; “Naaman ac Elisha” (video), Gospel Library.

14:30

Ke kom srihke in fahsr tukihn Kraist, yac kom nuh puhla oacna mwet kuhlwacnsap fuhsr lal Elisha—kuhtangyucklac ac sahngweng? Nuhnkuh fin kom pa el ke kom rit 2 Tohkohsrah 6:8–23 Sramsram soko inge ekuhllah fuhkah nuhnak lom ac puhla lom ke ma upac nuh sum, ma kunom, kuh kwacfeacng lom in moulkihn wosasuc?

Ke kom nuhnkuh, motko kahs lal President Henry B. Eyring: “Oacna mwet kuhlwacnsap se lal Elisha ah, puhs mwet wi kom likina elos ma kom kuh in liye sruhngwac kom. Kuhtuh selos ma wi kom fah koflah liyeyuck ke muhta suhkawihl. Leum el fah ahkkweye kom ac fah oruh ke kuhtuh pacl in pahngon mwet sahyac in wi kom” (“O Ye That Embark,” Liahona, Nov. 2008, 58).

Motkoelah in oraclah sie lis ke “elos ma wi [kom]” (fuhs 16)—mwet ma God el fihliac in moul lom in kahsre kom. Kom ac kuh in siyuck Sel in kahsre kom ahkahlwemye lah suc eltahl uh in ikacslah muhta kawihl lom an. Sahp El oacyacpac fihlikowi in moul luhn mwet sahyac in kahsrelos. Kom ac oruh fuhkah kom in eis kuh ac kahsruh sin sie sin sie?

Ngac kom nuh puhla kahsruh ma Leum el sruhmuhn ke Doctrine and Covenants 84:88?

Sahp kom oacyacpac stuhti ke pweng lal Sister Michelle D. Craig “ Muhta in Liye” (Liahona, Nov. 2020, 15–17). Siyuck sum sifacna, “Meac God el luhngse nga in liye?”

Tuhkuh ke sramsram ke 2 Kings 6:8–23, Elder Ronald A. Rasband el fahk: “Sahp ac oasr kuh wacngihn yohrohsr jacriot ke e suhpweyuckme in sislah sahngeng lasr ac kuhtanglah ma koluk lasr, tuhsruhk lesin se inge kahlwem. Leum el wi kuht, nuhnkuh kacsr ac ahkinsewowoye kuht ke inkacnek El muhkwena kuh in oruh. Pruhe el kuh in use kuh ac fahkyuck ma kuht enenuh in akiac nuhnak lasr facl Jisus Kraist ac Iwaclah kisackuhnlah Lal. Leum el etuh lah ac oasr pacl kuht ac fah puhla sahngeng. Sikyak nuh sihk tari ac oacyacpac kom. … Ke Alu se inge sahp kuht suhpuhs in nacmpuh ke ohiyac facluh oek ma sikyak, tuhsruhk ke kuht ikacslah muhta kawihl lasr uh, ‘elos ma wi kuht uh puhs liki el suc weluhlos’ [2 Tohkohsrah 6:16]” (“Nikmet Fosrngah,” Liahona, Nov. 2018, 18, 19). Kom ac orekmakihn kahs inge fuhkah in kahsruh sie mwet suc puhla fosrngah ac sahngeng?

Liye pac “Dearest Children, God Is Near You,” Hymns, no. 96.

• Tukihn kom kahsruh tuhlihk nuhtum in kahlwem lah meac se mwenmwen uh, solwacltahl in tahkuhnlah srihkasrak puhs ke mwenmwen ma eltahl kuh. Petsac keGospel Art Book kuh Fahsruh, Fahsr Tukuk kuh in kahsruh. Na eltahl kuh in suk mwenmwen ke 2 Tohkohsrah 4:1–7, 14–17, 32–35, 38–44. Meac mwenmwen inge luti ke Pahpah Inkuhsrao?

• Kom ac tuhlihk nuhtum an kuh in sramsramkihn fuhkah God el ahkkahlwemye luhngse Lal ke mwewmwen. Komtacl oacyacpac kuh in tuhkweni yuck soko on oacna “God’s Gracious Love” (Gospel Library).

• Kahsruh tuhlihk nuhtum in luti ke sramsram ke 2 Tohkohsrah 5:1–3, 9–14. Motko in orekmakihn “Elisha el Unwellah Naaman” (ke Sramsram ke Wuhlweacng Mahtuh, 134–37) kuh petsac lal Naaman ke mwe ahkuhtweyac ke wik se inge. Efuh kuh Naaman el tiac luhngse yulac ke Infacl Jordan, finne Elisha el fahk muh ma se inge ac ahkkeyelahh mas lal ah? Naaman el ahkinsewowoyeyuck fuhkah ke el ahkos kahs lal Elisha ah? Kom ac kuh in akacsruhi sie sin sie ke kuhtuhpac ma sikyak ke kom ahkos Leum, finne kom tiac arlac etuh lah kom luhngse.

  

  1:52

• Kom ac kuh in oacyacpac ahkahlwemye 2 Tohkohsrah 5:13, ke mwet kuhlwacnsap lal Naaman ah kahsrel in sulaclah in ahkos mwet pahluh Elisha. Na tuhlihk nuhtum ac kuh in sramsramkihn ohiyac ma eltahl kuh in kahsruh kawuck laltahl kuh mwet in sucu porongo ac ahkos mwet pahluh.

• Kom ac tuhlihk nuhtum an kuh in petsacelah muh kom rauniyucklac ke sie un mwet mweun ke katlas, ohsr, ac jacriot. Meac kom ac puhla? Meac kom ac oruh? Na tuhlihk nuhtum an kuh in kaliyac muhtahltahl ke kom rit 2 Tohkohsrah 6:16–17 nuh seltahl. (Liye pac “Elisha ac Mwet Mweun luhn Leum,” ke Sramsram ke Wuhlweascng Mahtuh, 138–39, kuh ke petsac ke sahflahiyen mwe ahkuhtweyac se inge.) Ke kom oasr ke kahs inge “ikacslah muhtahl” (fuhs 17), siyuck sin tuhlihk ac in ikacslah muhtahltahl. Sramsram ke ma mwet kuhlwacnsap sac liye. Akacsruhi nuh sin tuhlihk nuhtum ohiyac ma kom puhla Leum el wi kom ke pacl upac nuh sum, finne pacl ma oacna kom in muhkuh.

  

  1:9