2 Ahemfo 16-25

Hɛn mu dodow wɔ sũahu horow a wɔsɔ hɛn gyedzi hwɛ. Hezekiah na no nkorɔfo dze, nsɔhwɛ no mu kor bae mber a Assyria nsordaafo no bɛɛn Jerusalem. Ber a ekenkan 2 Ahemfo 18-19 no, susu dɛ nna etse Jerusalem dɛm mber yi mu. Mfatoho, ebɛn atsenkã na nkyɛ ibenya, mfatoho, dɛ etse dɛ Assyriafo risi hɔn atwetwe wɔ 2 Ahemfo 18:28–37; 19:10–13 mu? Nkyɛ ebɛnadze na ebɛyɛ? Fa Assyriafo no hɔn siantsir a onnyi dɛ Israelfo no twer Ewuradze no toto siantsir a Satan dze ma hɛn ma yɛgye hɛn gyedzi ho kyim ndɛ no ho. Ibotum so edze Assyriafo hɔn siantsir no atoto wo siantsir a etwer Ewuradze ho.

Ebɛnadze na isũa fi Hezekiah ne ndzeyɛɛ wɔ gyinabew yi mu? (hwɛ 2 Ahemfo 19:1–7, 14–19). Ewuradze sii dɛn maa mbuae? (hwɛ 2 Ahemfo 19:35–37). Edwen dɛ ebɛnadze ntsi na Hezekiah kɔr do yɛɛ nokwafo? (hwɛ 2 Ahemfo 18:5–7). Dwendwen mbrɛ Ewuradze esi aboa wo wɔ nsɔhwɛ ber mu ho. Ebɛnadze na etse ho nkenyan dɛ yɛ fa tu wo awerɛhyɛmu wɔ No mu mpon?

President Jeffrey R. Holland n’asɛm “Fear Not: Believe Only!” (Liahona, Esusow Aketseaba 2022, 34–36) wɔ afotu a ɔyɛ mfaso wɔ suro na ekyingye ber mu. Asɔr ndwom tse dɛ “Hom Mma Yɛnkɔ Do,” (Asɔr na Mbofra Ndwom) nkanee 10 botum so ama nkuranhyɛ nsɛm Ebɛnadze na ihu no wɔ mboa yinom mu a ɔboa wo?

Hwɛ 2 Mbermunsɛm 31–32; 3 Nephi 3–4; Jörg Klebingat, “Valiant Discipleship in the Latter Days,” Liahona, Esusow Aketseaba 2022, 107–10.

Nna Sennacherib, Assyria hen, wɔ siantsir a ɔwɔ dɛ ɔgye dzi dɛ no nsordaafo no botum edzi Jerusalem do konyim (hwɛ 2 Ahemfo 17; 18:33–34; 19:11–13). Naaso nna Ewuradze wɔ nsɛm fa Sennacherib ho a ɔdze dua nkɔnhyɛnyi Isaiah do dze mae. Wɔakyerɛw no wɔ 2 Ahemfo 19:20–34 mu. Ebɛn nokwar horow na ihu wɔ Ewuradze ne nsɛm mu a ɔboa wo ma inya gyedzi wɔ Ɔno na Ne nhyehyɛɛ mu?

Ana enya atsenkã dɛ ihia sunsum mu biribi da? Bia etsee nkã dɛ enye Nyankopɔn ntamu nkitahodzi mu botum ayɛ dzen yie. Ebɛnadze na ɔboaa wo ma edanee kɔr No hɔ? Dwendwen nsɛmbisa yinom ho ber a ekenkan 2 Ahemfo 21–23, a ɔkã mbrɛ Judah Ahenman no sii fii Ewuradze ho wɔ Ɔhen Manasseh n’aber do (hwɛ 2 Kings 21) na mbrɛ Ɔhen Josiah sii boaa nkorɔfo no ma wɔdanee kɔr No hɔ ho asɛm (hwɛ 2 Ahemfo 22–23). Josiah sii dɛn maa no nkorɔfo no sesãe na ebɛnadze ntsi a? (hwɛ 2 Ahemfo 22:8–11; 23:1–6, 21, 24).

President Spencer W. Kimball frɛɛ Ɔhen Josiah n’asɛm no dɛ “kyerɛwsɛm nyinara mu nsɛm apapapaa no mu kor” (Teachings of Presidents of the Church: Spencer W. Kimball [2006], 62). Kenkan President Kimball ne nsɛm fa Ɔhen Josiah ho (nkrataafa 62–64). Bia ibotum adwen sũahu bi ho a mber bi kyerɛwsɛm mu asɛnsin “yɛɛ edwuma kɛse” wɔ wo mu. Ebɛnadze na ibotum ayɛ dze enya sũahu beberee a ɔtse dɛm?

Hwɛ Alma 31:5; “Josiah and the Book of the Law” (video), Asɛmpa Nwoma korabea so.

12:25

Ebɛnadze na ɔyɛ wo ahomka fa ahyɛmu a Josiah yɛɛ no wɔ 2 Ahemfo 23:3 mu ho? Ber a ekɔ do kenkan tsir 23 no, hyɛ no nsew dza Josiah yɛɛ dze kyerɛ n’enyimpisi ma Ewuradze (hwɛ mfonyin wɔ n’apɔwdo yi n’ewiei no so). Ibesi dɛn akyerɛ w’enyimpisi ama No?

• 2 Ahemfo 18:3, 5–6 mu no, boa wo mbofra no ma wɔnhwehwɛ dza ɔmaa Hezekiah yɛɛ ɔhen papa. Nkyii ber a hom bɔ mu kenkan 2 Ahemfo 19:14–19 no, hom botum ahwehwɛ mbrɛɛ osii kyerɛɛ dɛ ɔtwer Ewuradze. Wobotum ahwɛ Jesus no mfonyin na wɔakã siantsir a yebotum atwer No ho asɛm. Yebesi dɛn botum akyerɛ dɛ yɛtwer Ewuradze?

• 2 Ahemfo 22:1 mu no, boa wo mbofra no ma wɔnhwehwɛ mfe dodow a nna Josiah edzi ber a ɔbɛyɛɛ ɔhen no. Ebɛnadze na yesũa fa Josiah ho wɔ nyiyimu 2 mu? Hwɛ dwumadzi bi a obotum akyerɛkyerɛ mu dɛ iridzi Ewuradze n’ekyir na erenndandan “mmfa nkyɛn nnkɔ enyimfa anaa bankum.”

• Wɔdze sika hyɛɛ edwumayɛfo a wɔkãa hɔn ho asɛm wɔ 2 Ahemfo 22:3–7 mu no nsa dɛ wɔnsan nsi temple no “osiandɛ wɔyɛɛ no nokwar mu” (nyiyimu 7). Wɔakenkan nyiyimu yinom ewiei no, ɔwo na wo mbofra botum akasa afa ndzɛmba a wɔdze ahyɛ wo nsa no ho. Yebesi dɛn botum ayɛ nokwardzifo tse dɛ edwumayɛfo a wɔwɔ nyiyimu yinom mu no?

• Ibobue Ɔhen Josiah n’asɛm wɔ 2 Ahemfo 22–23 mu enyi no, ibotum dze kyerɛwsɛm no kor esuma beebi wɔ dan no mu hɔ. To nsa frɛ wo mbofra ma wɔnhwehwɛ. Nkyii ma ibotum akã dza osii mber a Ɔhen Josiah n’asɔfo no mu kor hun kyerɛwsɛm no wɔ temple (hwɛ 2 Ahemfo 22:8–11;hwɛ “King Josiah” wɔ Old Testament Stories mu so, 148–49). Sɛ yennyi kyerɛwsɛm no a nkyɛ ebɛnadze na obotum ato hɛn? Hom nye hom ho nkyɛ siantsir a ɔyɛ hom enyigye dɛ yɛwɔ kyerɛsɛm no ndɛ.

  

  1:36

• Hom akenkan 2 Ahemfo 23:2-3 ewie no, ɔwo na wo mbofra botum akasa afa kyerɛwsɛm a oekenyan wo ma “edzi Ewuradze [n’]ekyir” ho (nyiyimu 3). Hom botum so atow ndwom a ɔfa kyerɛwsɛm no ho, tse dɛ “Search, Ponder, and Pray’’ (Children’s Songbook, 109)

• Mber a Josiah na no nkorɔfo sũaa Nyankopɔn ne mbrasɛm no, wodzii ahyɛmu dɛ wɔdze bɔbɔ bra. Enye wo mbofra no nkenkan iyi ho asɛm wɔ 2 Ahmfo 23:1–3, na boa hɔn ma wɔnhwehwɛ nsɛmfua anaa nsɛnsin a ɔkyerɛ mbrɛ nkorɔfo no sii hunii faa Ewuradze ne mbrasɛm no ho. Bia wo mbofra no botum asoɛr egyina hɔ na wɔakasa afa dza n’ase kyerɛ dɛ “[ibegyina] ahyɛmu no do” ho. Nkyii wobotum anantsew wɔ hɔn ananmu na wɔakasa afa dza n’asekyerɛ botum ayɛ ho dɛ “[ibedzi] Ewuradze n’ekyir.” Odzi do no, wobotum dze hɔn nsa ato hɔn akoma do na woesusu akwan a yebotum “dze [hɛn] akoma nyinara” esie hɛn ahyɛmudzi horow.