2 Ahemfo 2–7

Anwanwadze kyerɛ hɛn Nyankopɔn no tum. Wobotum aboa hɛn ma yeedzi ɔnnkyebo no nkõdzen horow do konyim—tse dɛ asaase a ɔayɛ kɛsɛɛ na ohia nsu krɔngyenn (hwɛ 2 Ahemfo 2:19–22) ekumatsir a ɔayew na ohia dɛ nsa kã (hwɛ 2 Ahemfo 6:4–7). Mbom dza ohia dodow no, anwanwadze botum adan hɛn akɔ Ewuradze hɔ. Ber a ekenkan 2 Ahemfo 2–6 no, hwɛ dɛ ebɛkyerɛw anwanwadze a ihu no nkorkor, na dwendwen sunsum mu adzesũadze a isũa fi kor biara mu no.

Ibotum so edze Elisha n’anwanwadze a ɔyɛe no atoto anwanwadze a Jesus Christ yɛe no ho (hwɛ 2 Ahemfo 4:8–37 na Luke 7:11–16; 2 Ahemfo 4:42–44 na John 6:1–13; 2 Ahemfo 5:1–15 na Luke 17:11–19). Ebɛnadze na anwanwadze yinom kyerɛkyerɛ wo fa Agyenkwa no na No nkɔnhyɛfo ho?

Hwɛ 2 Nephi 26:12–13; 27:23; Moroni 7:35–37; ɔfã “Seek and expect miracles” no wɔ Russell M. Nelson, “The Power of Spiritual Momentum,” Liahona, Esusow Aketseaba 2022, 99–100 mu so.

Ewuradze kenyaan Elisha dɛ ɔnhyɛ nkɔm fa ndzɛmba a ɔbɛba ho—nkanka ndzɛmba a ɔyɛ dɛ onnkesi. Ber a ekenkan 2 Ahemfo 4:8–17; 7:1–16 no, dwen mbrɛ isi gye Ewuradze n’asɛm a ɔdze dua No nkɔnhyɛfo do ndɛ ho. Ebɛn nkyerɛkyerɛ, nkɔnhyɛsɛm, anaa anohoba horow na atse fi nkɔnhyɛfo atseasefo hɔ? Ebɛnadze na ereyɛ ama edze gyedzi wɔ hɔn nsɛm mu no edzi dwuma?

Hwɛ 3 Nephi 29:6; Nkyerɛkyerɛ na Ahyɛmudzi 1:37-38; “Teachings of Presidents” collection, Asɛmpa nwoma Korabea so

Ber a ekenkan 2 Ahemfo 5 no, hwɛ dɛ edze Naaman no kwata no bɔtoto sunsum mu ɔhaw bi a ɔda w’enyim no ho.

Ana obi wɔ hɔ a ɔtse dɛ “abaawa kakraba” yi wɔ w’abrabɔ mu a, ɔhyɛ wo nkuran dɛ hwehwɛ akwankyerɛ fa wo haw ho fi Ewuradze no nkɔnhyɛfo hɔ? (hwɛ nyiyimu 2–3, 13).

Ebɛnadze na Ewuradze roto nsa afrɛ wo dɛ yɛ a obotum ayɛ dɛ ɔda famu koraa dodow—tse dɛ “koguar, na wo ho mfir”? (nyiyimu 13). Ebɛnadze na bia orisiw wo kwan ma nnkɛgye Ne nsato a ɔnnyɛ dzen no ato mu?

Ibesi dɛn botum akyerɛ ahobrɛadze dɛ mbrɛ Naaman yɛe no?

Hyɛ mbrɛ Naaman no sũahu no sii nyaa nsunsuando wɔ ne gyedzi wɔ Israel Nyankopon mu do ho no nsew (hwɛ nyiyimu 15). Ebɛnadze na ibotum esũa fi iyi mu?

Hwɛ Luke 4:27; 1 Peter 5:5–7; Alma 37:3–7; Ether 12:27; L. Whitney Clayton, “Whatsoever He Saith unto You, Do It,” Liahona, Esusow Aketseaba 2017, 97–99; “Naaman and Elisha” (video), Asɛmpa Nwoma Korabea so.

14:30

Ber a ebɔ mbɔdzen dzi Christ n’ekyir no, ana enya atsenka tse dɛ Elisha n’abawaa kakraba no pɛn—dodow ahyɛ wo do na isuro? Susu dɛ ehyɛ n’ananmu ber a ekenakan 2 Ahemfo 6:8–23. Asɛm yi si dɛn sesa kwan a edwen na etse nkã fa wo nsɔhwɛ, w’asodzi, anaa wo mbɔdzembɔ dɛ edze asɛmpa no bɔbɔ bra ho?

Ber a edwendwen ho no, hwɛ President Henry B. Eyring ne nsɛm no: “Tse dɛ Elisha n’abaawa no, dɔm beberee kã wo ho sen hɔn a ihu dɛ wɔkõ tsia wo no. Binom kã wo ho a innkotum dze wo honandua mu enyiwa ehu hɔn. Ewuradze bɔboa wo na ɔtɔfabi a ɔbɛfrɛ binom ma wɔnye wo egyina” (“O Ye That Embark,” Liahona, Ɔberɛfɛw 2008, 58).

Hwɛ dɛ ebɛkyerɛw “hɔn a wɔkã [wo] ho no” nkorkor (nyiyimu 16)—nkorɔfo a Nyankopɔn dze hɔn esisi w’abrabɔ mu dɛ wɔmboa wo no. Ibotum ebisa No dɛ ɔmboa wo ma hu hɔn ber a obue wo sunsum mu enyiwa. Bi so mpo a ɔdze wo esi binom hɔn abrabɔ mu ama aaboa hɔn. Hom besi dɛn benya ahoɔdzen na mboa efi hom ho nkorkor hɔ?

Mber bɛn na atse mboa a Ewuradze kã ho asɛm wɔ Nkyerɛkyerɛ na Ahyɛmudzi 84:88 ho nkã?

Ibotum asan so esũa Akyerɛbaa Michelle D. Craig n’asɛm “Eyes to See” (Liahona, Ɔberɛfɛw 2020, 15–17). Bisa woho dɛ, “Ebɛnadze na Nyankopɔn pɛ dɛ muhu?

Ɔrekyerɛ asɛm a ɔwɔ 2 Ahemfo 6:8–23 no, Elder Ronald A. Rasband kãa dɛ: “Bia yebenya anaa yennkenya ogya ntseaseanam a wɔbɔsoma hɔn ma wɔabɔhwetse hɛn suro na woedzi hɛn mbusu do konyim, naaso adzesũadze no yɛ pefee. Ewuradze kã hɛnho, Ɔdwen hɛnho, na Ohyira hɛn wɔ akwan a No nko botum ayɛ mu. Mpaabɔ botum atwe ahoɔdzen na nyikyerɛ a yehia dze aba ma yetsim hɛn adwendwen wɔ Jesus Christ na No werdam afɔrbɔ no do. Nna Ewuradze nyim dɛ ɔyɛ a yebosuro. Mawɔ hɔ pɛn na ɔwo so dɛmara. … Asɔr yi mu no, hɛn dodow bosuar wɔ kwan a wiadze no dze kan nhyɛdo no do, naaso sɛ yebue hɛn sunsum mu enyiwa a, ‘hɔn a wɔkã hɛn ho wɔdɔɔ sõ sen hɔn a wɔkã hɔn ho no’ [2 Ahemfo 6:16]” (“Be Not Troubled,” Liahona, Ɔberɛfɛw 2018, 18, 19). Ibesi dɛn dze nsɛm yinom aboa obi a ɔhaw anaa suro akã no?

Hwɛ “Dearest Children, God Is Near You,” Asɔr Ndwom, nkanee 96 so.

• Aboa wo mbofra ma wɔatse dza anwanwadze n’ase kyerɛ ekyir no, to nsa frɛ hɔn ma wɔnkyerɛw anwanwadze mfatoho pii dɛ mbrɛ wobotum no nkorkor. Mfonyin a ɔwɔ Gospel Art Book anaa Bra, Bɛka Mo Do nwoma mu no botum aboa. Nkyii wobotum ahwehwɛ anwanwadze wɔ 2 Ahemfo 4:1–7, 14–17, 32–35, 38–44 mu. Ebɛnadze na anwanwadze yinom kyerɛkyerɛ fa Ɔsor Egya ho?

• Ɔwo na wo mbofra botum akasa afa mbrɛ Nyankopɔn esi edua anwanwadze do akyerɛ No dɔ ho. Hom botum so abɔ mu atow ndwom tse dɛ “God’s Gracious Love” (Asɛmpa Nwoma Korabea).

• Boa wo mbofra no ma wonsũa asɛm a ɔwɔ 2 Ahemfo 5:1–3, 9–14 mu no. Hwɛ dɛ edze “Elisha Heals Naaman” (wɔ Old Testament Stories mu, 134–37) anaa Naaman no mfonyin wɔ dapɛn yi n’apɔw do no bedzi dwuma. Ebɛnadze ntsi na nna Naaman mmpɛ dɛ oboguar wɔ Jordan Esutsen no mu, mpo dɛ Elisha kãa dɛ iyi na ɔbɛsa ne yarba no? Naaman sii dɛn nyaa nhyira ber a odzii Elisha ne nkyerɛkyerɛ no do? Hom botum nye hom ho akyɛ sũahu horow bi so afa mber a hom yɛɛ setsie maa Ewuradze, mpo dɛ nna hom nngye nndzi dɛ hom pɛ dɛ hom yɛ no.

  

  1:52

• Ibotum asan so etsĩ 2 Ahemfo 5:13 mu, a Naaman n’akowaa no boaa no ma osii gyinae dɛ ɔbɛyɛ setsie ama nkɔnhyɛnyi Elisha no. Wo mbofra no botum akasa afa akwan horow a wobotum aboa hɔn anyɛnkofo anaa ebusuafo ma woetsie na wɔayɛ setsie ama nkɔnhyɛnyi no ho.

• Ɔwo na wo mbofra botum esusu dɛ nsordaafo dze mpea, mpɔnkɔ, na ntseasenam etwa hɔn ho ehyia. Ebɛn atsenkã na ebenya? Ebɛnadze na ebɛyɛ? Nkyii wo mbofra no botum emua hɔn enyiwa ber a ekenkan 2 Ahemfo 6:16–17 kyerɛ hɔn. (Hwɛ “Elisha and the Lord’s Army,” wɔ Old Testament Stories mu, 138–39 anaa mfonyin a ɔwɔ dapɛn yi n’apɔw do no so). Sɛ ikodu nsɛmfua “bue n’enyiwa” a (nyiyimu 17), serɛ mbofra no ma wombue hɔn enyiwa. Kasa fa dza akowaa no hunii no ho. Enye wo mbofra no nkyɛ akwanhorow a atse nka dɛ nna Ewuradze kã wo ho wɔ wo nsɔhwɛ ber mu, mpo ber a nna ɔyɛ dɛ ma ayɛ ankonam no.

  

  1:9