2 Kīngi 2–7

Ka whakaatu mai ngā merekara i te kaha o te Atua ki a tātou. Ka āwhinatia tātou kia wikitōria i runga i ngā uauatanga o te ora—pērā i tētahi whenua tītōhea e mate wai māori ana (tirohia 2 Kīngi 2:19–22) he toki rānei kua ngaro e tika ana kia whakahokia mai (tirohia 2 Kīngi 6:4–7). Engari ko te mea nui, mā ngā merekara e tahuri ai tātou ki te Ariki. I a koe e pānui ana i 2 Kīngi 2–6, me whakaaro ake kia whakarārangihia, ā, kia whakaarohia ngā akoranga ā–wairua e ako ana i tēnā, i tēnā.

Māu hoki e whakataurite ngā merekara a Eriha ki ngā merekara a Ihu Karaiti (tirohia 2 Kīngi 4:8–37 me Ruka 7:11–16; 2 Kīngi 4:42–44 me Hoani 6:1–13; 2 Kīngi 5:1–15 me Ruka 17:11–19). He aha ngā mea e ako ai koe i ēnei merekara e pā ana ki te Kaiwhakaora me Ana poropiti?

Tirohia anōtia 2 Nīwhai 26:12–13; 27:23; Moronai 7:35–37; te wahanga “Seek and expect miracles” i Russell M. Nelson, “The Power of Spiritual Momentum,” Liahona, Mei 2022, 99–100.

Nā te Ariki i whakahihiko i te ngākau o Eriha kia poropiti mō ngā mea e puta mai ai—i te nuinga o te wā, ko ngā mea ko te āhua nei e kore rawa e puta. I a koe e pānui ana i 2 Kings 4:8–17; 7:1–16, me whakaaro ki tāu aro ki te kupu a te Ariki mā roto i Ana poropiti. He aha ngā akoranga, ngā poropititanga, ngā whakaari rānei kua rangona i ngā poropiti e ora ana? He aha tāu hei whakatinana i ā rātou kupu i runga i te whakapono?

Tirohia anōtia 3 Nīwhai 29:6; Whakaakoranga me ngā Kawenata 1:37–38; “Teachings of Presidents” collection, Wharepukapuka Rongopai.

I a koe e pānui ana i 2 Kīngi 5, me whakataurite te pānga o te mate ngerengere ki a Nāmana ki ngā uauatanga e pā nei ki a koe.

Kei tō oranga tētahi e rite ana ki te “pononga wahine iti,” e akiaki ana i a koe ki te rapu i ngā kōrero arataki e pā ana ki ngā uauatanga kei runga i a koe mai i ngā poropiti a te Ariki? (tirohia ngā whiti 2–3, 13).

He aha te tono a te Ariki ki a koe ko te āhua nei he tino māmā rawa—pērā i te “horoi, kia mā”? (whiti 13). He aha ngā mea e ārai atu ana i tō aro ki Ana tono māmā?

Me pēhea koe e whakaatu atu i te ngākau whakaiti pērā i tā Nāmana?

Kia aro ki ngā hua i puta ai i ngā āhuatanga i pā ai ki a Nāmana i tana whakapono i te Atua o Iharaira (tirohia whiti 15). He aha ngā mea e ako ai koe i konei?

Tirohia anōtia Ruka 4:27; 1 Pita 5:5–7; Arami 37:3–7; Etere 12:27; L. Whitney Clayton, “Whatsoever He Saith unto You, Do It,” Liahona, Mei 2017, 97–99; “Naaman and Elisha” (whitiāhua), Wharepukapuka Rongopai.

14:30

I a koe e ngana ana ki te whai i te Karaiti, kua rite ō kare ā–roto i tētahi wā ki ngā kare ā–roto o te pononga taiohi a Eriha—e mataku ana, ā, e wehi ana. Me whakaaro koe anō nei kei tōna tūranga i a koe e pānui ana i 2 Kīngi 6:8–23. He aha ngā whakaaro hou e toko ake ana ki roto i a koe e pā ana ki ō whakapātaritari, ō haepapa, ō mahi rānei ki te whakatinana i te rongopai?

I a koe e whakaaroaro ana, kia aro ki ngā kupu a Tumuaki Henry B. Eyring: “Pērā i taua pononga a Eria, he nui ake te hunga kei tō taha i te hunga kei tērā atu taha. Kāore e taea e te karu te kite atu i ētahi o te hunga kei tō taha. Mā te Ariki koe e hāpai, ā, hei ētahi wā ka pērā mā te karanga ake i ētahi atu kia tū ki tō taha” (“O Ye That Embark,” Liahona, Noema 2008, 58).

Me whakarite i tētahi rārangi o “te hunga kei [tō] taha” (whiti 16)–ngā tangata kua whakanohoia e te Atua hei hāpai mōu i tō oranga. Me inoi ake ki a Ia kia āwhina i a koe ki te kite atu i a rātou mā Tana whakatūwhera i ō karu ā–wairua. Nāna anō koe i whakanoho ki roto i ngā oranga o ētahi atu hei hāpai i a rātou. Me pēhea koe e rapu kaha, e rapu tautoko tētahi i tētahi?

Inahea rangona ai e koe te tautoko e whakamāramahia nei e te Ariki i Whakaakoranga me ngā Kawenata 84:88?

Tērā pea ka kimi whakaaro koe i roto i te kōrero a Sister Michelle D. Craig’s “Eyes to See” (Liahona, Nov. 2020, 15–17). Me pātai ki a koe anō, “He aha te hiahia a te Matua i te Rangi hei mahi māku?”

Nā Erata Ronald A. Rasband i kī: “Tērā pea kāore ō tātou hāriata ahi kua tukuna iho ki te whakakore i ō tātou wehi me te turaki i ō tātou ngoikoretanga, engari kua mārakerake te kite atu i te akoranga, he hāngai ēnei kōrero ki 2 Kīngi 6:8–23. Kei te piri mai te Ariki ki a tātou, e whaiwhakaaro ana ki a tātou, ā, e manaakitia ana tātou i ngā āhuatanga e taea anake e Ia te mahi. Mā te inoi e tō mai ai te kaha me te whakakitenga e tika ana kia aro pūmau ō tātou whakaaro ki a Ihu Karaiti me Tana whakahere whakamārie. I mōhio te Ariki hei ētahi wā ka rongo tātou i te wehi. Kua pērā au, ā, kua pēra hoki koutou. … I roto i tēnei Hāhi, tērā pea he ruarua noa tō tātou tokomaha ki te taha o te ao, engari ina whakatūwheratia ō tātou karu ā–wairua, ‘he nui ake te hunga kei tō tātou taha i te hunga kei tō rātou taha’ [2 Kīngi 6:16]” (“Be Not Troubled,” Liahona, Noema 2018, 18, 19). He aha tāu hei whakamahi i ēnei kupu ki te āwhina i tētahi e rongo ana i te āmaimai, i te mataku rānei?

Tirohia anōtia “Dearest Children, God Is Near You,” Hymns, no. 96.

• Whai muri iho i tāu whakamārama ki ō tamariki he aha te tikanga o te merekara, tonoa rātou kia whakarārangihia ngā tauira katoa o te merekara. Mā ngā whakaahua i te Gospel Art Book i ētahi atu pukapuka Haere Mai, Whai Mai i Ahau rānei e āwhina. Kātahi ka taea te kimi i ngā merekara i 2 Kīngi 4:1–7, 14–17, 32–35, 38–44. He aha ngā mea e whakaakona ai i ēnei whiti mō te Matua i te Rangi?

• Me kōrero koutou ko ō tamariki e pā ana ki tā te Atua i whakaatu ai i Tōna aroha mā roto i ngā merekara. Me waiata ngātahi hoki i tētahi waiata pērā i “God’s Gracious Love” (Wharepukapuka Rongopai).

• Āwhinatia ō tamariki kia akona ngā kōrero i 2 Kīngi 5:1–3, 9–14. Me whakamahi i a “Elisha Heals Naaman” (i Old Testament Stories, 134–37) te pikitia rānei o Nāmana i roto i te whakatakotoranga mahi mō tēnei wiki. He aha a Nāmana i kore ai e hiahia ki te horoi i te Awa o Hōrana, ahakoa i kī ake a Eriha mā konā mahu ai tana mate. He aha ngā momo manaakitanga o Nāmana nā tana whai i ngā tohutohu a Eriha? Me kōrero tētahi ki tētahi e pā ana ki ngā wā i whakarongo koe ki te Ariki, ahakoa i rangirua koe mehemea i te hiahia kia pērā.

  

  1:52

• Māu hoki e aro ki 2 Kīngi 5:13, ki ngā kōrero mō ngā pononga a Nāmana e āwhina ana i a ia kia whakarongo ki te poropiti Eriha. Kātahi ka kōrero ō tamariki e pā ana ki ngā huarahi e taea ai e rātou te āwhina i ō rātou hoa, ngā mema rānei o te whānau kia whakarongo ki te poropiti.

• Me huri ō koutou whakaaro me te mea nei kua karapotia e tētahi tauā mau hoari, hoiho me ngā hāriata. Ka pēhea ō whakaaro? Ka aha koe? Kātahi pea rātou ka kapia ō rātou karu i a koe e pānui ana i 2 Kīngi 6:16–17 ki a rātou. (Tirohia anōtia “Elisha Heals Naaman,” i Old Testament Stories, 138–39, te pikitia rānei kei te pito whakamutunga o tēnei whakatakotoranga mahi.) Ina tae atu ki te wāhi “huakina ōna karu” (whiti 17), tonoa ngā tamariki kia huakina ō rātou karu. Kōrero mō tā te pononga i kite ai. Kōrero atu ki ō tamariki ngā wā i te piri mai te Ariki ki a koe i roto i ngā whakapātaritari, ahakoa ko te āhua nei ko koe anake.

  

  1:9