1 Bakalenga 12–13; 17–22

Mushindu kayi uwudi mua kumvuija tshilema tshidi mfumu Lehabama, muana wa baluma wa Solomo, muenza mu 1 Bakalenga 12:1–14? Ngikadilu kayi ya buena Kilisto ivua mua kuambuluisha Lehabama bua kupandisha bukalenga buenda? (tangila kanungu 7; Matayo 20:25–28; Mosiya 2:10–21). Mushindu kayi uwudi mua kuenzela ngikadilu eyi bu mulombodi—nansha mu dibikila dieba mu Ekelezia anyi mu bulombodi bua mu nsombelu weba?

Muprofete Eliya wakalomba mukaji wa mu lufuila bua amupesha tshia kudia ne tshia kunua kumpala kua yeya ne muanenda bavua ne nzala. Buatshinyi uvua muenza nunku? Dilomba dia Eliya divua mua kumueka bu dibenesha bua dîku dikesa edi. Bavua dijinga ne mabenesha a Mukalenga, ne mulambu udi utuala mabenesha—biangata ne dia ditabuja dikola.

Pawudi ubala 1 Bakalenga 17:8–16, fuanyikija ne wewa uvua mukaji wa mu lufuila ewu. Tshinyi tshidi tshikukemesha pa yeya? Udi mua kuenza kabidi mulongu wa masungula adi alomba ditabuja mu Yezu Kilisto (tshilejilu, tangila For the Strength of Youth: A Guide to Making Choices [2022]). Tshinyi tshiudi ulonga ku mukaji wa mu lufuila ewu pa diteka ditabuja mu tshienzedi?

Mushindu kayi udi bienzedi bia Elisha mu 1 Bakalenga 19:19–21 bifuanangana ne bienzedi bia mukaji wa mu lufuila?

Ela meji ku milambu iwudi muenza bua kulonda Mupandishi. Ntshinyi tshidi 1 Bakalenga 17:8–16; 19:19–21 ukulongesha pa milambu eyi? Mushindu kayi udi dimanya dieba dia Mupandishi dikuambuluisha padiyi ukulomba bua kuenza milambu? Mushindu kâyi udiye mukubenesha?

Tangila kabidi Matayo 4:18–22; 6:25–33; Luka 4:24–26; “Elijah and the Widow of Zarephath” (video), Tshisangi tshia Mikanda ya Lumu Luimpa; “Maitre, la tempette lance,” Cantiques, no. 56.

10:13

Bena Isalele bavua bumvua ne bavua ne tubingila tuimpa bua kutendelela Baala, uvua muikala mumanyika bu nzambi wa lupepela ne wa mvula. Panyima pa bidimu bisatu bia mushipu, bavua ne dijinga dinena dia mvula. Ne kutendelela Baala kuvua kuitabibua ne kunemesha mu nsombelu kudi bamfumu baluma ne bakaji. Pawudi ubala 1 Bakalenga 18, ela meji ku tubingila tudi tuenza muntu mukuabu lelu ikala kayi ne dipangadika pa kulonda Mukalenga. Mu shapita ewu, tshinyi tshiwudi wela meji ne Mukalenga uvua uteta bua kulongesha pa Yeya? Mamanya kayi avua makuambuluisha bua upangadika bua kulonda Mupandishi?

Tangila kabidi D. Todd Christofferson, “Choice and Commitment” (dituilangana bua bansonga bakulumpa, Ngondu wa Kumpala 12, 2020), Tshisangi tshia Mikanda ya Lumu Luimpa.

Diakabi, tshishima tshia ku Mukuna wa Kâmele katshiakapepejila Eliya bukenji buenda to. Kadi, moyo wenda uvua mu njiwu, ne wakasokoma mu mukela mu tshipela. Momu emu, nkaya ne mutekeshibua, wakapeta dimanya pa Mukalenga dishilangana ne diakapetaye ku Mukuna wa Kâmele. Tshinyi tshidi dimanya dia Eliya mu 1 Bakalenga 19:1–18 dikulongesha pa mushindu udi Mukalenga uyukilangana neba mu meba eba awudi nenda dijinga?

Nana meji pawuvua mumvua Mukalenga muakula kuudi. Mushindu kayi uwudi mua kumvuija mushindu udi Mukalenga muyukilangana neba? Buatshinyi miaku “diteketa” ne “dikesa” bikala mushindu muimpa wa kumvuija dîyi dia Nyuma? Miaku kayi mikuabu iwudi upeta mu Helamana 5:30; Dilongesha ne Bipungidi 6:22–23; 11:12–14? Ntshinyi tshitudi mua kuenza bua kupeta buludiki bua Mukalenga misangu yonsu?

Tangila kabidi Misambu 46:10.

• Bua kuambuluisha bana beba bua kulonga miyuki ya ditabuja mu 1 Bakalenga 17, udi mua kubaleja bimfuanyi anyi bintu bua kuleja miyuki, bu mudi nyunyi, diampa, anyi nsongaluma. Pawudi ulondela bana beba miyuki eyi, babikila bua kupeta tshimfuanyi anyi tshintu tshidi tshifuanangana ne muyuki onsu. “Elijah the Prophet” (mu Old Testament Stories, 121–24) udi mua kukuambuluisha bua kuakula miyuki eyi. Ntshiyi tshidi muyuki onsu utulongesha pa dileja ditabuja dietu mu Yezu Kilisto?

  

  1:58

• Ambuluisha bana beba bua kuela meji a mishindu idibu mua kuleja ditabuja diabu mu Yezu Kilisto. Imba nabu musambu pa ditabuja, bu mudi “I Have Faith in the Lord, Jesus Christ” (Tshisangi tshia Mikanda ya Lumu Luimpa), ne abanyanganayi tshinudi balonga pa dtabuja mu musambu.

• Pamuapa bana beba badi mua kuzola tshimfuanyi tshia tshivua Mukalenga mulomba mukaji wa mu lufuila bua kupeshaye Eliya (tangila 1 Bakalenga 17:12–13) ne tshia tshiuvua mukaji wa mu lufuila mupeta pashisha (tangila 1 Bakalenga 17:15–16). (Tangila kabidi dibeji dia tshibilu tshia lumingu elu.) Badi mua kukeba kabidi bimfuanyi bia bantu bakuabu bavua balekela tshintu kampanda tshivuabu basua bua tshintu kampanda tshimpa. Bikila bana beba bua kupeta bimfuanyi mu Gospel Art Book anyi Luaku, Undonde. Ntshinyi tshidi Mukalenga utulomba bua kulambula? Mushindu kayi udiye utubenesha?

• Panudi nubala 1 Bakalenga 18:17–39 pamua, bana beba badi mua kusungula kanungu ne kuzola tshimfuanyi tshia tshiditshi tshiumvuija. Badi mua kuenzela bimfuanyi biabu bua kuamba muyuki mu yabu miaku. (Tangila kabidi “Elijah and the Priests of Baal,” mu Old Testament Stories, 125–28.)

  

  2:17

• Ambuluisha bana beba bua kuela meji a malu padibu ne dijinga dia kupangidika dia kubenga anyi kulonda Yezu Kilisto. Pamuapa badi mua kuzola bimfuanyi bia bobu benza disungula dimpa. Abanyanganayi kabingila kadi kenza bua nusungula bua kulonda Yezu.

• Pawudi wenza tshikosu tshia 1 Bakalenga 19:9–12, bikila bana beba bua kuenza bienzedi bidi bileja lupepela lukola, dinyungana dia buloba, ne mudilu. Pashisha babikila bua basomba biteketa panudi nuamba pamua, mu dîyi dia ditatala, “panyima pa mudilu dîyi diteketa dikesa” (kanungu 12). (Tangila kabidi “The Lord Speaks to Elijah,” mu Old Testament Stories, 129–31.) Londela bana beba pa meba awuvua mumanya dîyi diteketa dikesa dia Nyuma wa Tshijila.

  

  1:48

• Imbayi bitulu musambu pa Nyuma, bu mudi “Chers enfants sur Vous Dieu veuille” (Cantiques, no. 56). Ntshinyi tshidi mua kututanaja ku dimanya Nyuma? Ntshinyi tshidi mua kutuambuluisha bua kumuteja?