2 Samuele 11–12; 1 Bakalenga 3; 6–9; 11

Misangu mikuabu tudi tutangila bantu badi bamueneka bikala ne makanda mu ditabuja diabu, ne tudi tuitaba ne kabena balengibua kudi ditêta. Masungula a dikenga a Davidi muimvuija mu 2 Samuele 11 adi aleja patoka ne kabiena nanku to. Ela meji pa malongesha awudi mua kulonga ku mamanya â. Nkoku bu eyi idi mua kuambuluisha dilonga dieba 2 Samuele 11–12:

• Masungula kayi avua Davidi muenza akamutuala ku dienza mu divula masungula a bubi? Masungula kayi mimpa avuayi mua kuikala muenza pa mutu pa awu? (Tangila kabidi video “To Look Upon,” Tshisangi tshia Mikanda ya Lumu Luimpa.)

  

  4:15

  Dienzela videos. Videos idi mua kukuambuluisha bua kufuanyikija tshivua tshipitakana mu mifundu ne kuela meji mushindu udiyi yenzeka kuwudi. Ela meji mushindu uwudi mua kuyenzela bua kutokesha dilongesha ne dilonga. Tshilejilu, mu ditangila “To Look Upon” (Tshisangi tshia Mikanda ya Lumu Luimpa), ela meji bua kuimanyika video pa tutoba tushilangana bua kunana meji anyi kuyukilangana pa nkonku kampanda mifila mu tshibilu.

• Mushindu kayi udi muluishi utêta bua kukulombolo panshi ku njila ya bubi? Masungula kayi awudi mua kuenza mpindiewu bua kushala mu bukubi bua nyuma?

• Funda diandamuna mu tshienzedi dia Davidi ku muyuki wa Natana mu 2 Samuele 12:1–6. Diandamuna edi didi difila tshinyi pa mushindu uvua Davidi udimuna nkayenda? Tshinyi tshidi Mukalenga muenza bua kukuambuluisha bua udimona nkayeba bimpa?

• Mushindu kayi uwudi mua kukepesha bikuma bia 2 Samuele 11–12 mu tshiambilu tshimua tshia didimuisha?

Dibala pa masungula mabi a Davidi didi mua kukutuala ku dilonga pa njiwu ya video ya masandi ne bubi bua masandi. Tshiambuluishi tshimpa tshia etshi tshidi For the Strength of Youth: A Guide for Making Choices, nangananga bitupa bidi ne tshienabualu “What to do in the moment” ne “Your body is sacred” (mabeji 21–28). Pamuapa udi mua kukeba tshiambuluishi bua mubelu tshidi mua kuambuluisha Davidi bua kuenza masungula mimpa. Anyi udi mua kubala “Jesus Christ will help you” (mabeji 6–9), mu dikeba tshintu kampanda tshivua mua kuikala tshiambuluisha Davidi bua kupingana kudi Mukalenga.

Ela meji bua dimba musambu bu mudi “Oh j ai besoin de toi” (Cantiques, no. 53) ne kunana meji pa mushindu udi Mupandishi mukukankamika pawuvua uluangana ne ditêta.

Tangila 2 Nephi 28:20–24; Ulisses Soares, “Seek Christ in Every Thought,” Liahona, Ngondu wa Dikumi ne Umua 2020, 82–85; “Taking Charge of Technology,” Tshisangi tshia Mikanda ya Lumu Luimpa; “Watch Your Step” (video), Tshisangi tshia Mikanda ya Lumu Luimpa.

2:36

Pikala Mukalenga muamba kuwudi, “Ulomba tshindi mua kukupa” (1 Bakalenga 3:5), tshinyi tshiwudi mua kulomba? Tshinyi tshidi tshikukemesha pa dilomba dia Solomo? Nana meji buatshinyi “mutshima wa lungenyi” bua “kutapulula pankatshi pa buimpa ne bubi” (kanungu 9) udi dipa dia mushinga. Tshinyi tshiwudi mua kuenza bua kukeba dipa edi?

Tangila kabidi Moloni 7:12–19.

Mu 1 Bakalenga 6–7 neupeta diumvuija mu ndondu dia nzubu wa tshijila uvua Solomo muibaka bua Mukalenga. Mumvuija kaêna mua kumueneka ne mushinga kuwudi bu muvuawu mu Bena Isalele ba kala. kadi dibala shapita eyi didi mua kukupesha muenenu bua mushindu uvuabi ne mushinga kudibu bua kuikala ne nzubu wa Mukalenga. Buatshinyi tshidi ne mushinga kuwudi?

Udi mua kunana meji pa tshivua bitupa bishilangana bia ntempelo wa Solomo mua kumanyisha? Tshilejilu, ela meji tshidi bakeluba, mitshi, ne bilongu mu 1 Bakalenga 6:35 mua kuleja. (Tangila kabidi Genese 3:24.)

Shapita 8 udi wamba disambila dia Solomo pa dijikija ntempelo (tangila tunungu 22–61). Ela meji bua kuenza mulongu wa mabenesha avua Solomo mulomba. Tshinyi tshidi tshikukemesha pa mabenesha â? (Funda kabidi milayi ya Mukalenga mu 2 Bakalenga 6:11–13; 9:1–9.) Piwikala ukatu mubuela mu nzubu wa Mukalenga, ela meji pa mamanya eba a dikukuila momu. Mushindu kayi uvua dilama bipungidi bia ntempelo dikuambuluisha bua kupeta mabenesha a Mukalenga?

Tangila kabidi Dilongesha ne Bipungidi 109; Henry B. Eyring, “I Love to See the Temple,” Liahona, Ngondu Muitanu 2021, 28–31.

Tshinyi tshidi tshimvuija kuwudi “kuikala ne mutshima weba … muikala muakanangana ne Mukalenga”? (1 Bakalenga 8:61). Atshi tshidi tshishilangana ku bienzedi bietu bikala biakana anyi? Mushindu kayi? Bala 1 Bakalenga 11:1–11, ne funda tshivua Mukalenga muamba pa Mutshima wa Solomo. Udi mua kunana meji pikalaku kudi menzeji mu moyo weba adi mua kusesuisha mutshima weba ku Mukalenga ne awutuma ku “nzambi mikuabu.”

• “Mukalenga Davidi” mu Old Testament Stories, 117–20, udi mua kukuambuluisha bua kulondela bana beba muyuki mu 2 Samuele 11. Udi mua kulomba bana beba bua bajandula masungula mabi avua Davidi muenza ne kubaleja masungula mimpa avuaye mua kuenza pamutu pa mabi. Bintu kayi kampanda bitudi mua kuenza patudi bikala batêtshibua ne bidi mua kutuambuluisha bua kuenza disungula dimpa?

  

  2:11

• Dibala pa mabi a dikenga a Davidi didi mua kuikala diesa dimpa bua kuyukilangana pa njiwu ya ditangila video ya masandi. Video wa “What Should I Do When I See Pornography?” (Tshisangi tshia Mikanda ya Lumu Luimpa) udi ne buludiki budi buambuluisha. Ambuluisha bana beba bua kuenza bulongolodi pa bienzabu padibu badipeta kumpala kua videos ya masandi.

  

  5:46

• Pawudi wewa ne bana beba nulonga pa dijidila dia ntempelo mu 1 Bakalenga 8, nudi mua kutangila bimfuanyi bia ntempelo mu tshifundu tshia lumingu elu. Lekela bana beba bakula pa mumvuija adibu bamona mu bimfuanyi. Udi mua kushindamena pa tunungu 57–58. Tshinyi tshidi tshiumvuija “kuendela mu njila yonsu ya [Mukalenga] ”? (1 Bakalenga 8:58). Pamuapa bana beba badi mua kuela dikasa bua diandamuna dionsu didibu bafila.

• Ambila bana beba mushindu udi dilama bipungidi binudi nuenza mu ntempelo binuambuluisha bua kuendela mu njila ya Mukalenga. Udi mua kubambila tshidi bipungidi ebi bikala (tangila General Handbook, 27.2, Tshisangi tshia Mikanda ya Lumu Luimpa). Nudi mua kuimba kabidi musambu pamua bu mudi “I Love to See the Temple” (Children’s Songbook, 95).

• Dibala pa mushindu uvua bakaji ba Solomo bamuenzeja didi mua kutuala ku diyukilangana pa bilejilu bia “nzambi mikuabu”—anyi bintu bidi bantu bakukuila anyi bananga pa mutu pa Mukalenga. Mushindu kayi utudi tuleja ne tudi bamunanga bia bungi kupita bintu bikuabu mu mioyo yetu?