2 Bakalenga 2–7

Bishima bidi bituleja bukola bua Nzambi. Bidi mua kutuambuluisha bua kutshimuna ntatu ya tshifuaka—bu buloba buatuka budi bujinga bufuka (tangila 2 Bakalenga 2:19–22) anyi kasuyi kajimina kadi kajinga kupetshibua (tangila 2 Bakalenga 6:4–7). Kadi tshia mushinga wa bungi, bishima bidi mua kututangija kudi Mukalenga. Pawudi ubala 2 Bakalenga 2–6, ela meji bua kuenza mulongu wa bishima biwudi upeta, ne nana meji pa malongesha a nyuma awudi ulonga ku tshimua tshionsu.

Udi kabidi mua kuelekeja bishima bia Elisha bienza ne bishima bivua Yezu Kilisto muenza (tangila 2 Bakalenga 4:8–37 ne Luka 7:11–16; 2 Bakalenga 4:42–44 ne Yone 6:1–13; 2 Bakalenga 5:1–15 ne Luka 17:11–19). Tshinyi tshidi bishima ebi bikulongesha pa Mupandishi ne baprofete benda?

Tangila kabidi 2 Nefi 26:12–13; 27:23; Moloni 7:35–37; tshitupa “Seek and expect miracles” mu Russell M. Nelson, “The Power of Spiritual Momentum,” Liahona, Ngondu Muitanu 2022, 99–100.

Mukalenga wakapesha Elisha meji a nyuma ku buambi bua bintu bilualua—misangu ya bungi, bintu bidi bimueneka kabiyi mua kuenzeka. Pawudi ubala 2 Bakalenga 4:8–17; 7:1–16, ela meji pa mushindu uwudi wandamuna ku dîyi dia Mukalenga kupitshila ku baprofete benda lelu. Malongesha, mambi, anyi milayi kayi iwudi mumvua ku baprofete badi ne moyo? Tshinyi tshiwudi wenza bua kuenza malu mu ditabuja pa mêyi abu?

Tangila kabidi 3 Nefi 29:6; Dilongesha ne Bipungidi 1:37–38; “Teachings of Presidents” collection, Tshisangi tshia Mikanda ya Lumu Luimpa.

Pawudi ubala 2 Bakalenga 5, ela meji bua dielekeja pa disama dia nsudi dia Namana ne lutatu lua nyuma luwudi uluangana nalu.

Kudiku muntu kampanda bu “muana wa bakaji mukesa” mu moyo weba, ukukolesha bua kukeba buludiki pa lutatu lueba ku baprofete ba Mukalenga anyi? (tangila tunungu 2–3, 13).

Tshinyi tshidi Mukalenga ukubikila bua kuenza tshidi mua kumueneka tshipepela bikola—bu mudi “kowa mayi, ne kuikala mutoka”? (kanungu 13). Tshinyi tshidi mua kukupumbisha ku ditaba mabikila mapepela enda?

Mushindu kayi uwudi mua kuleja didipuekesha bu mua kenza Namana?

Funda mushindu uvua dimanya dia Namana dilenga ditabuja dienda mu Nzambi wa Isalele (tangila kanungu 15). Tshinyi tshiwudi mua kulonga ku etshi?

Tangila kabidi Luka 4:27; 1 Petelo 5:5–7; Alama 37:3–7; Etele 12:27; L. Whitney Clayton, “Whatsoever He Saith unto You, Do It,” Liahona, Ngondu Muitanu 2017, 97–99; “Naaman and Elisha” (video), Tshisangi tshia Mikanda ya Lumu Luimpa.

14:30

Pawudi uteta bua kulonda Kilisto, ukatu mumvua bu nsonga musadidi wa Elisha—mushadila ne wa bowa anyi? Fuanyikija ne uvua mu muaba wenda pawudi ubala 2 Bakalenga 6:8–23. Mushindu kayi udi muyuki ewu ushintulula mushindu weba wa kuela meji ne kumvua pa ntatu yeba, midimu yeba, anyi madienzeja eba bua kutumikila lumu luimpa.

Pawudi unana meji, ela meji pa mêyi a Mulombodi Mukulu Henry B. Eyring: “Bu musadidi wa Elisha awu, kudi ba bungi badi neba kupita bawudi mua kumona bakuluangisha. Bamua badi neba nebikala kabayi bamueneka ku mesu eba a tshifuaka. Mukalenga neakutua nyama ku mikolu ne mu bikondu bikuabu mu dibikila bakuabu bua kuimana neba” (“O Ye That Embark,” Liahona, Ngondu wa Dikumi ne Umua 2008, 58).

Ela meji bua dienza mulongu wa “badi [neba]” (kanungu 16)—bantu badi Nzambi muteka mu moyo weba bua kukuambuluisha. Udi mua kumulomba bua kukuambuluisha bua ubajandula mu dikangula mesu eba a nyuma. Udi pamuapa kabidi mukuteka mu mioyo ya bakuabu bua ubambuluisha. Mushindu kayi uwudi mua kupeta dikankamika ne diambuluisha kudi umua ne mukuabu?

Tshikondu kayi tshiwuvua mumvua diambuluisha didi Mukalenga umvuija mu Dilongesha ne Bipungidi 84:88?

Udi kabidi mua kulonga mukenji wa Muanetu Mukaji Michelle D. Craig “Eyes to See” (Liahona, Ngondu wa Dikumi ne Umua 2020, 15–17). Diebeja nkayeba, “Tshinyi tshidi Nzambi musua bua mema kumona?”

Mu dielela meji ku 2 Bakalenga 6:8–23, Mukulu Ronald A. Rasband wakamba: “Tudi anyi katuena mua kuikala ne matempu a mudilu matuma bua kumusha bowa buetu ne kutshimuna bubi buetu, kadi dilongesha didi ditoka. Mukalenga udi netu, udi utuelela meji, ne utubenesha mu mushindu udiyi mua kuenza. Disambila didi mua kubikila dikankamika ne dibuluila ditudi nadi dijinga bua kuteka meji munkatshi mua Yezu Kilisto ne mulambu Wenda wa bupikudi. Mukalenga uvua mumanya ne mu bikondu kampanda tuvua mua kumvua bowa. Mvua popu ne nuenu bienu. … Mu Ekelezia ewu tudi mua kuikala bakese mu mushindu udi buloba ne bukoki, kadi patudi tukangula mesu a nyuma ‘badi netu badi bapita badi nabu bungi’ [2 Bakalenga 6:16]” (“Be Not Troubled,” Liahona, Ngondu wa Dikumi ne Umua 2018, 18, 19). Mushindu kayi uwudi wenzela mêyi â bua kuambuluisha muntu kampanda udi umvua luzakalu anyi bowa?

Tangila kabidi “Chers Enfats, sur vous Dieu veille,” Hymns, no. 96.

• Panyima pa diambuluisha bana beba bua bumvua tshidi tshishima tshikala, babikila bua benza mulongu bu bilejilu bia bungi bia bishima bu mushindu udibu mua kuenza. Bimfuanyi mu Gospel Art Book anyi Luaku, Undonde bidi mua kuambuluisha. Pashisha badi mua kukeba bishima mu 2 Bakalenga 4:1–7, 14–17, 32–35, 38–44. Tshinyi tshidi bishima ebi bikulongesha pa Tatu wa mu Diûlu?

• Wewa ne bana beba nudi mua kuakula pa mushindu udi Nzambi muleja dinanga dienda kupitshila ku bishima. Nudi kabidi mua kuimba musambu pamua bu mudi “God’s Gracious Love” (Tshisangi tshia Mikanda ya Lumu Luimpa).

• Ambuluisha bana beba balonga muyuki mu 2 Bakalenga 5:1–3, 9–14. Ela meji bua dienzela “Elisha Heals Naaman” (mu Old Testament Stories, 134–37) anyi tshimfuanyi tshia Namana mu tshifundu tshia lumingu elu. Buatshinyi Namana kavua musua bua kowa mâyi mu Musulu wa Yadene, nansha muvua Elisha muamba ne etshi tshivua mua kumondopa ku disama dienda? Mushindu kayi uvua Namana mubeneshibua pakalondaye maludiki a Elisha? Nudi mua kuambilangana mamanya panudi nutumikila Mukalenga, nansha pawuvua kuyi mutuishibua ne uvua musua kuenza.

  

  1:52

• Udi kabidi mua kushindamena pa 2 Bakalenga 5:13, muvua basadidi ba Namana bamuambuluisha bua kupangadika bua kutumikila muprofete Elisha. Bana beba badi pashisha mua kuakula pa mishindu idibu mua kuambuluisha balunda babu anyi bidimba bia dîku diabu bua bumvua anyi batumikila muprofete.

• Wewa ne bana beba nudi mua kufuanyikija ne nudi banyungulukibua kudi tshiluilu ne mafuma, tubalu, ne matempu. Mushindu kayi unudi mua kumvua? Tshinyi tshinudi mua kuenza? Bana beba badi pashisha mua kubuikila mesu abu pawudi ubala 2 Bakalenga 6:16–17 kudibu. (Tangila kabidi “Elisha and the Lord’s Army,” mu Old Testament Stories, 138–39, anyi tshimfuanyi ku ndekelu kua tshifundu etshi.) Pawudi upeta miaku “utabesha mesu andi” (kanungu 17), lomba bana beba bua bakangula mesu abu. Akula pa tshiakamona musadidi. Lejangana ne bana beba mishindu inudi bumvua ne Mukalenga uvua nenu diba dia ntatu yenu, nansha pavuabi bimueneka bu nuvua nkayenu.

  

  1:9