2 سموئیل 11–12؛ 1 سلاطِین 3؛ 6–9؛ 11

بعض اوقات ہم ایسے لوگوں پر نظر کرتے ہیں جو اپنے ایمان میں مضبُوط نظر آتے ہیں، اور ہم یہ فرض کرتے ہیں کہ وہ آزمایش سے غیر مُتاثر ہیں۔ داؤد کے 2 سموئیل 11 میں بیان کردہ المناک انتخابات واضح طور پر ظاہر کرتے ہیں کہ ایسی بات نہیں ہے۔ غور کریں کہ آپ اُس کے تجربات سے کون سے اسباق سیکھ سکتے ہیں۔ اِس طرح کے سوالات آپ کو 2 سموئیل 11–12 کا مُطالعہ کرنے میں مدد دے سکتے ہیں۔

• داؤد نے کون سے ایسے انتخابات کیے جو اُسے تیزی سے گُناہ گار راہ کی طرف لے گئے؟ وہ اِن کی نسبت کون سے راست انتخابات کر سکتا تھا؟ (ویڈیو دیکھیں ”نظر کرنا،“ گاسپل لائبریری۔

  

  4:15

  ویڈیوز کا استعمال کرنا۔ ویڈیوز آپ کو صحائف میں سے واقعات کا تصور کرنے اور غور کرنے میں مدد دے سکتی ہیں کہ آپ پر اُن کا اطلاق کیسے ہوتا ہے۔ غور کریں کہ آپ اُنھیں آموزش و تدریس کو بڑھانے کے لیے کیسے استعمال کر سکتے ہیں۔ مثال کے طور پر، ”نظر کرنا“ (گاسپل لائبریری) کو دیکھتے ہُوئے، اِس سرگرمی میں تجویز کردہ چند سوالات پر غور یا گُفت گُو کرنے کے لیے مُختلف مقامات پر ویڈیو کو روکنے پر غور کریں۔

• دُشمن کیسے آپ کو گُناہ گار راہوں پر لے جانے کی کوشش کر رہا ہے؟ آپ رُوحانی طور پر محفُوظ رہنے کے لیے اب کون سے انتخابات کر سکتے ہیں؟

• 2 سموئیل 12:‏1–6 میں ناتن کی کہانی پر داؤد کے ردِ عمل پر غور کریں۔ اُس کا ردِ عمل اِس بارے کیا تجویز کرتا ہے کہ داؤد خُود کے بارے میں کیا رائے رکھتا تھا؟ خُداوند نے آپ کو خُود پر ٹھیک ٹھیک نطر کرنے میں مدد دینے کے لیے کیا کِیا ہے؟

• آپ 2 سموئیل 11–12 کے واقعات کا خلاصہ یک سطری انتباہ میں کیسے کریں گے؟

داؤد کے بُرے انتخابات کے بارے میں پڑھنا آپ کو فحش مواد کے استعمال اور جنسی گُناہ کے خطرات کے بارے جاننے میں راہ نُمائی دے سکتا ہے۔ اِس کے لیے برائے مضبُوطیِ نوجوانان:فیصلہ سازی کے لیے ہدایت نامہ اچھا مواد ہے، خصوصاً حِصّے بعنوان ”اُس لمحے کیا کرنا ہے“ اور ”آپ کا جسم مُقدّس ہے“ (صفحات 21–28)۔ شاید آپ اِس مواد میں ایسی مشورت دیکھ سکتے ہیں جو داؤد کو بہتر انتخابات کرنے میں مدد دے سکتی تھی۔ یا آپ ”یِسُوع مسِیح آپ کی مدد کرے گا“ (صفحات 6–9)، میں سے ایسی بات تلاش کرتے ہُوئے پڑھ سکتے ہیں جس نے داؤد کو خُداوند کے پاس واپس آنے میں مدد دی ہوتی۔

گیت گانے پر غور کریں مثلاً ”ہر گھڑی چاہوں تجھے“ (گیت، نمبر 98) اور غور کریں کہ مُنّجی نے آپ کو کیسے تقویت بخشی ہے جب آپ نے آزمایش کا سامنا کِیا ہے۔

مزید دیکھیں 2 نِیفی 28:‏20–24؛ اولیسس سوارز، ”ہر خیال میں مسیح کے طالب ہوں،“ لیحونا، نومبر 2020، 82–85؛ ”ٹیکنالوجی کی ذمہ داری لینا،“ گاسپل لائبریری؛ ”اپنے قدم دیکھو“ (ویڈیو)، گاسپل لائبریری۔

2:36

اگر خُداوند نے آپ سے کہا ہو، ”مانگ مَیں تُجھے کیا دُوں“ (1 سلاطین 3:‏5)، تو آپ کیا مانگیں گے؟ سُلیمان کی التجا کے مُتعلق کیا بات آپ کو مُتاثر کرتی ہے؟ غور کریں کہ ”بُرے اور بھلے میں اِمتیاز کرنے “کے واسطے ”سمجھنے والا دِل“ (آیت 9) گراں قدر نعمت ہے۔ آپ اِس نعمت کے خواہاں ہونے کے لیے کیا کر سکتے ہیں؟

مزید دیکھیں مرونی 7:‏12–19۔

1 سلاطِین 6–7 میں آپ اُس مُقدّس گھر کا تفصیلی بیان پائیں گے جو سُلیمان نے خُداوند کے لیے تعمیر کِیا تھا۔ تفصیلات شاید آپ کو اِتنی اہم نہ لگیں جتنی وہ قدیم اسرائیلیوں کے لیے تھیں۔ لیکن اِن ابواب کو پڑھنا آپ کو یہ احساس دِلا سکتا ہے کہ خُداوند کا گھر پانا اُن کے لیے کتنا اہم تھا۔ یہ آپ کے لیے اہم کیوں ہے؟

آپ غور کر سکتے ہیں کہ سُلیمان کی ہیکل کے مُختلف حِصّے کس کی علامت ہو سکتے ہیں۔ مثلاً، غور کریں 1 سلاطِین 6:‏35 میں کروبی، درخت، اور پھول کس چیز کی نمائندگی کرتے ہیں۔ (مزید دیکھیں پیدایش 3:‏24۔)

باب 8 ہَیکَل کی تکمیل پر سُلیمان کی دُعا کو بیان کرتا ہے (دیکھیں آیات 22–61)۔ سُلیمان کی مانگی گئی برکات کی فہرست بنانے پر غور کریں۔ اِن نعمتوں کے حوالے سے آپ کو کِس بات نے مُتاثر کِیا ہے؟ (2 سلاطِین 6:‏11–13؛ 9:‏1–9 میں خُداوند کے وعدوں پر بھی غور کریں۔) اگر آپ خُداوند کے گھر گئے ہیں، تو وہاں عبادت کرنے کے اپنے تجربات کے بارے میں سوچیں۔ ہَیکَل کے عہُود پر قائم رہنے سے آپ کو خُداوند کی برکات تک رسائی پانے میں کس طرح مدد حاصل ہُوئی ہے؟

مزید دیکھیں عقائد اور عہُود 109؛ ہنری بی آئرنگ، ”مُجھے ہَیکَل دیکھنا پسند ہے،“ لیحونا، مئی 2021، 28–31۔

اِس کا کیا مطلب ہے ”تُمھارا دِل … خُداوند کے ساتھ کامِل رہے“؟ (1 سلاطین 8:‏61)۔ کیا یہ ہمارے اعمال کامِل ہونے سے مُختلف ہے؟ ایسا کیسے؟ 1 سلاطِین 11:‏1–11 پڑھیں، اور غور کریں کہ خُداوند نے سُلیمان کے دِل کے بارے کیا کہا۔ آپ غور کر سکتے ہیں کہ آیا آپ کی زندگی میں ایسے اثرات ہیں جو آپ کے دِل کو خُداوند سے پھیر کر ”غیر معُبودوں“ کی طرف مائل کر سکتے ہیں۔

• ”داؤد بادشاہ“ کی کہانی پُرانے عہد نامہ کی کہانیاں، 117–20، آپ کی اپنے بچّوں کو 2 سموئیل 11 میں کہانی بتانے میں مدد کر سکتا ہے۔ آپ اپنے بچّوں سے کہہ سکتے ہیں کہ وہ داؤد کے غلط انتخابات کی نشاندہی کریں اور اِس کی بجائے اُنھیں اچھے انتخابات کرنے کا مشورہ دیں۔ وہ کون سے کام ہیں جو ہم کر سکتے ہیں جب ہم آزمایش میں پڑتے ہیں جو ہمیں درست انتخاب کرنے میں مدد دے سکتے ہیں؟

  

  2:11

• داؤد کے الم ناک گناہوں کے بارے میں پڑھنا فحش مواد کے خطرات پر تبادلہ خیال کرنے کا اچھا موقع ہو سکتا ہے۔ ویڈیو ”جب مَیں فحش نگاری دیکھوں تو مُجھے کیا کرنا چاہیے؟“ (گاسپل لائبریری) مددگار رہنمائی کرتی ہے۔ اپنے بچّوں کی اِس بارے میں منصُوبہ بنانے میں مدد کریں کہ جب وہ فحش مواد کے استعمال کا سامنا کریں گے تو وہ کیا کریں گے۔

  

  5:46

• جب آپ اور آپ کے بچّے 1 سلاطِین 8 میں ہَیکَل کی تقدیس کے بارے میں سیکھتے ہیں، تو آپ اِس ہفتے کے خاکہ میں ہَیکَل کی تصاویر کو دیکھ سکتے ہیں۔ اپنے بچّوں کو اُن تفاصیل کے مُتعلق بات کرنے دیں جو وہ تصاویر میں دیکھتے ہیں۔ آپ آیات 57–58 پر زور دے سکتے ہیں۔ ”[خُداوند کی] ساری راہوں پر چلنے“ سے کیا مُراد ہے؟ (1 سلاطین 8:‏58)۔ شاید آپ کے بچّے ہر دیے جانے والے جواب کے لیے ایک قدم اُٹھا سکتے ہیں۔

• اپنے بچّوں کو بتائیں کہ ہَیکَل میں باندھے گئے عہُود پر قائم رہنے سے آپ کو خُداوند کی راہوں پر چلنے میں کیسے مدد مل سکتی ہے۔ آپ اُنھیں بتا سکتے ہیں کہ یہ عہُود کیا ہیں (دیکھیں عمُومی راہ نُمائے کِتاب، 27.2، گاسپل لائبریری)۔ آپ ”مُجھے ہَیکَل دیکھنا پسند ہے“ (بچّوں کے گیتوں کی کِتاب، 95) جیسا گیت اکٹھے گا سکتے ہیں۔

• اِس بارے میں پڑھنا کہ سُلیمان کی بیویوں نے اُس پر کیسے اثر ڈالا ”غیر معبُودوں“—یا اُن چیزوں کی مثالوں کے بارے میں گُفت گُو کی راہ نُمائی کر سکتا ہے جن کی لوگ خُداوند کی بجائے پرستش کرتے یا جن سے لوگ محبّت کرتے ہیں۔ ہم کیسے ظاہر کرتے ہیں کہ ہم اپنی زندگیوں میں کسی بھی چیز سے زیادہ اُس سے محبّت رکھتے ہیں؟