2 Samuel 11–12; 1 King 3; 6–9; 11

Sampela taim yumi save lukim ol lain i gat strongpela bilip, na yumi save ting olsem ol traim i no inap daunim ol. Wanem samting Devit i mekim, long 2 Samuel 11 i soim ples klia dispela em i no olsem. Skelim ol samting yu ken lainim long wanem i kamap long Devit. Ol dispela kain askim bai helpim yu taim yu ritim 2 Samuel 11–12:

• Wanem ol samting Devit i mekim i bringim em go long rot i pulap long sin? Wanem ol stretpela samting em inap long mekim? (Lukim tu dispela vidio “To Look Upon,” Gospel Library.)

  

  4:15

  Yusim ol vidio. Ol vidio i ken helpim yu luksave long ol stori insait long tok bilong God, na skelim ol bai helpim yu olsem wanem. Skelim wanem rot yu ken yusim ol long helpim yu moa taim yu skulim ol narapela, o helpim ol narapela long lainim samting. Kain olsem, taim yupela i lukim “To Look Upon” (Gospel Library), yu ken stopim vidio long wan wan hap long namel bilong em long skelim o toktok long sampela ol askim i stap insait long hia.

• Man nogut i laik kisim yu go long rot bilong mekim sin olsem wanem? Wanem ol samting yu ken mekim nau bilong sol bilong yu ken stap gut?

• Lukim wanem Devit i tok bihain long stori bilong Natan, long 2 Samuel 12:1–6. Wanem samting em mekim i soim Devit i lukim em yet olsem wanem? Bikpela i mekim wanem bilong helpim yu glasim pasin bilong yu yet gut?

• Ol samting long 2 Samuel 11–12 i givim wanem tok lukaut?

Taim yumi ritim pasin nogut Devit i mekim, em i ken lainim yu nogut bilong lukim ol piksa nogut na ol pasin doti. Gutpela ol stia bilong dispela i stap long For the Strength of Youth: A Guide for Making Choices, insait long ol dispela hap “What to do in the moment” na “Your body is sacred” (pes 21–28). Ating yu ken lukim ol sampela tok stia insait long dispela buk we bai helpim Devit mekim ol gutpela pasin. O yu ken ritim “Jesus Christ will help you” (pes 6–9), na painim ol stia we bai helpim Devit go bek gen long Bikpela.

Yu ken singim wanpela song olsem “I Need Thee Every Hour” (Hymns, no. 98) na skelim wanem rot Jisas Krais i strongim yu long taim bilong traim.

Lukim tu 2 Nifai 28:20–24; Ulisses Soares “Seek Christ in Every Thought,” Liahona, Nov. 2020, 82–85; “Taking Charge of Technology,” Gospela Library; “Watch Your Step” (vidio), Gospel Library.

2:36

Sapos Bikpela i tokim yu, “Yu ken askim mi long wanem samting yu laikim, na bai mi givim yu” (1 King 3:5), bai yu askim Em long wanem samting? Wanem samting, long askim bilong Solomon, i mekim yu bel kirap? Skelim long wanem as na “gutpela tingting na save” bilong skelim “wanem pasin i gutpela na wanem pasin i nogut” (ves 9) em wanpela gutpela presen tru. Yu ken mekim wanem long kisim dispela presen?

Lukim tu Moronai 7:12–19.

Long 1 King 6–7 yu bai painim toktok bilong dispela haus tambu Solomon i sanapim bilong Bikpela i luk olsem wanem. Ol dispela samting i no bikpela tumas long yumi, tasol em i bikpela tumas long ol Israel long bipo. Tasol taim yu ritim ol dispela sapta, em bai givim yu tingting long olsem wanem na em bikpela samting long ol long gat haus bilong Bikpela. Bilong wanem na em bikpela samting long yu?

Yu ken skelim wan wan ol hap bilong tempel bilong Solomon i makim wanem samting. Kain olsem, skelim, ensel, ol diwai, na plaua long 1 King 6:35 i makim wanem. (Lukim tu Stat 3:24.)

Sapta 8 i toktok long beten bilong Solomon taim ol sanapim pinis tempel (lukim ves 22–61). Yu ken mekim wanpela lista bilong ol blesing Solomon i askim long en. Wanem samting, long ol dispela blesing, i mekim yu bel kirap? (Lukim tu ol promis bilong Bikpela long 2 King 6:11–13; 9:1–9.) Sapos yu go pinis long haus bilong Bikpela, tingim wanem i bin kamap long yu taim yu bin go lotu long insait. Yu kisim ol blesing bilong Bikpela olsem wanem, taim yu bihainim ol kontrak yu mekim insait long tempel?

Lukim tu Doktrin na ol Kavanen 109; Henry B. Eyring, “I Love to See the Temple,” Liahona, Mei 2021, 28–31.

Wanem as bilong “tingting long God … na stap aninit long Em wanpela tasol”? (1 King 8:61). Dispela em narakain long ol pasin bilong yumi mas stap stret, o nogat? Olsem wanem na? Ritim 1 King 11:1–11, na lukim wanem Bikpela i tok long bel bilong Solomon. Ating yu ken skelim sapos i gat ol samting long laip bilong yu we i ken pulim bel na tingting bilong yu go longwe long Bikpela, i go long ol “giaman god.”

• “King David” insait long Old Testament Stories, 117–20, ken helpim yu stori long ol pikinini bilong yu long 2 Samuel 11. Yu ken askim ol pikinini bilong yu long lukim wanem pasin nogut Devit i mekim na toktok long wanem gutpela pasin em inap long mekim long en. Wanem sampela samting yumi ken mekim long taim bilong traim we i bai helpim yumi mekim ol stretpela samting?

  

  2:11

• Taim yupela ritim pasin nogut Devit i mekim, yupela i ken toktok long ol nogut bilong lukim ol piksa nogut. Dispela vidio “What Should I Do When I See Pornography?” (Gospel Library) i gat ol gutpela stia toktok. Helpim ol pikinini bilong yu i mekim plen bilong ol bai mekim wanem taim sampela piksa nogut i kamap na ol i lukim.

  

  5:46

• Taim yu na ol pikinini bilong yu ritim stori bilong ol i blesim tempel long 1 King 8, yupela ken lukim ol piksa bilong ol tempel insait long hia. Larim ol pikinini bilong yu toktok long wanem ol lukim insait long ol dispela piksa. Yu ken toktok long ves 57–58. Wanem as bilong “wokabaut long ol gutpela rot Em i bin makim bilong yumi”? (1 King 8:58). Ating ol pikinini bilong yu ken wokabaut wan wan step long wan wan ansa ol givim.

• Tokim ol pikinini bilong yu wanem rot, taim yu bihainim ol kontrak yu mekim long tempel, bai helpim yu wokabaut long rot bilong Bikpela. Yu ken tokim ol long ol dispela kontrak (lukim General Handbook, 27.2, Gospel Library). Yupela ken singim wanpela song olsem “I Love to See the Temple” (Children’s Songbook, 95).

• Taim yu ritim stori bilong rot ol meri bilong Solomon i senisim tingting bilong em ken mekim yupela toktok long ol “giaman god”—o ol samting ol manmeri i save lotuim o laikim tru moa long Bikpela. Yumi bai soim olsem yumi laikim Em moa long ol narapela samting long laip bilong yumi olsem wanem?