Rut; 1 Samuel 1–7

Laip bilong wanpela meri man bilong em i dai pinis, i hat tru. Tasol taim man bilong Rut i dai, hevi em gat i bikpela. Long kastom bilong ol Israel long dispela taim, wanpela meri i nogat man o ol pikinini man i nogat namba na i nogat planti rot bilong ol lukautim ol yet. Taim yu ritim stori bilong Rut, lukim wanem rot Bikpela i tanim dispela hevi kamap ol bikpela blesing tru. Yu lukim wanem samting long Rut, we i ken helpim em? Boas i kisim bek Rut long hevi bilong em olsem wanem? (lukim Rut 4:4–10). Rut na Boas i olsem Jisas Krais olsem wanem?

Lukim tu “Be Still, My Soul,” Hymns, no. 124.

Ating yu stap insait long hevi, olsem Rut na Naomi (lukim Rut 1:1–5). O ating, olsem Hana, yu laikim tru ol blesing yu no kisim yet (lukim 1 Samuel 1:1–10). Ol dispela meri i soim bilip bilong ol long God olsem wanem? Yu lainim wanem samting long pasin ol soim?

Em i tru, olsem sampela husat i save beten long God givim ol pikinini i no save kisim pikinini, na sampela husat man o meri bilong ol i dai i no save marit gen. Tasol olgeta husat i save lukluk long Jisas Krais i save kisim helpim na stia bilong Em. Tingim yu “kam” long Bikpela (Ruth 2:12) long taim bilong hevi olsem wanem.

Lukim tu Amy A. Wright, “Abide the Day in Christ,” Liahona, Nov. 2023, 9–11.

Taim ol birua bilong ol kam pait long ol, ol Israel i ting olsem taim Bokis Kontrak stap wantaim ol, ol bai stap gut. Taim yu ritim 1 Samuel 4–6, tingim bilong wanem dispela i no wok. (Lukim tu pasin nogut bilong ol pikinini man bilong Eli, em ol pris insait long haus sel bilong lotu, long 1 Samuel 2:12–25.) Yu ting Bikpela i laik skulim ol manmeri bilong Em wanem samting? Yu lainim wanem long samting i kamap long ol Filistia taim ol kisim Bokis Kontrak (lukim sapta 5–6). Yu lainim wanem samting long ol samting ol Israel i mekim bilong God bai stap gen olsem banis bilong ol, long 1 Samuel 7?

Ating bel bilong yu bai kirap taim yu ritim beten bilong Hana long 1 Samuel 2:1–10. Yu painim wanem samting insait insait long toktok bilong em we i ken helpim ol pikinini man bilong Eli na ol Israel?

Sampela taim, yu bai pilim wankain olsem Samuel, husat i harim nek bilong Bikpela tasol em i no luksave long nek bilong Bikpela. Olsem yumi olgeta, Samuel i bin lainim rot bilong luksave long nek bilong Bikpela. Taim yu ritim 1 Samuel 3, yu lainim wanem samting long dispela yangpela mangi, long harim na bihainim nek bilong Bikpela? Yu ken ritim ol dispela ves tu na mekim lista bilong ol tok stia bilong helpim wanpela luksave long nek bilong Bikpela: 1 King 19:11–12; Luk 24:15–32; 3 Nifai 11:3–7; Doktrin na ol Kavanen 6:22–23; 8:2–3; 9:7–9.

Sampela taim, yu bai pilim olsem dua bilong heven i pas na God i no laik toktok wantaim yu. Presiden Russell M. Nelson i tok, “Trutru God i laik long toktok long yu, o nogat? Yes!” (“Revelation for the Church, Revelation for Our Lives,” Liahona, Mei 2018, 93–96). Taim yu ritim toktok bilong Presiden Nelson, wanem ol samting yu painim i mekim yu bel kirap long harim na bihainim nek bilong Bikpela? Presiden Nelson i askim yu long mekim wanem, na em promis wanem blesing bai yu kisim taim yu mekim dispela? Yu ken painim ol samting bilong mekim, na ol blesing.Bikpela i promis long givim sapos yu mekim ol dispela samting, long “Walk in God’s light” (For the Strength of Youth: A Guide for Making Choices, 16–20). Yu ken makim wanpela samting bilong mekim, long “strongim spirit bilong yu moa na God bai toktok moa long yu.”

• Taim yu stori long ol pikinini bilong yu stori bilong Rut (yu ken yusim “Ruth and Naomi” in Old Testament Stories, 100–103), askim ol long apim han bilong ol olgeta taim ol harim wanpela gutpela pasin insait long dispela stori. Ol i ken toktok long ol i save pilim olsem wanem taim ol narapela mekim gut long ol o taim ol mekim gut long ol narapela. Jisas Krais mekim gut long yumi olsem wanem? Bai yumi bihainim pasin Em soim long yumi olsem wanem? (lukim “Kindness Begins with Me,” Children’s Songbook, 145).

  

  2:0

• Stori bilong Rut na Hana i ken mekim ol pikinini bilong yu bel kirap long bilip strong long ol taim nogut. Yu ken helpim ol mekim wanpela lista wantaim ol dispela het tok Ol traim, Em i mekim wanem?, Blesing em i kisim. Bihain yupela ken ritim wantaim Rut 1:3–5, 8, 16; 2:1–3, 8–12; 4:13–17; 1 Samuel 1:1–18 na raitim wanem ol painim aninit long ol dispela het tok. Rut na Hana i soim bilip bilong tupela long Bikpela olsem wanem? Yu o ol pikinini bilong yu ken toktok long Bikpela i blesim yupela long taim bilong hevi olsem wanem.

• Long save husat em Hana, ol pikinini bilong yu ken ritim 1 Samuel 1:1–18 o “Hannah” insait long Old Testament Stories (104–5) o lukim “Hannah’s Faith” (vidio, Gospel Library). Yupela ken mekim wanpela pilai olsem: tromoi wanpela bal go long wanpela pikinini na askim ol long stori long hap bilong dispela stori bipo long ol tromoi bal i go long narapela. Long pasin Hana i soim, yu lainim wanem samting long beten?

  

  1:15

  

  3:9

• Ating yupela ken mekim wanpela isipela drama long helpim ol pikinini bilong yu lainim wanem samting kamap long Samuel taim God toktok long em. Wanpela pikinini i ken pilai olsem em Samuel, na narapela olsem Eli taim yupela ritim 1 Samuel 3:1–10 (lukim tu “Samuel the Prophet” insait long Old Testament Stories, 106–9, o dispela vidio “Samuel and Eli,” Gospel Library). Yumi lainim wanem samting long Samuel, long yumi bai harim nek bilong Bikpela olsem wanem? Bai yumi soim Bikpela olsem yumi laik long harim Em taim Em toktok long yumi olsem wanem?

  

  2:10

  

  1:58

• Askim ol pikinini bilong yu long wanem rot ol bai tok klia long narapela Bikpela i save toktok long ol olsem wanem. Yu ken helpim ol painim ol ansa long Doktrin na ol Kavanen 6:22–23; 8:22–23; 9:7–9.