2 Samuel 11–12; 1 Ahemfo 3; 6–9; 11

Ɔtɔfabi a yehwɛ nkorɔfo a ɔyɛ dɛ ma hɔn gyedzi yɛ dzen, na yesusu dɛ nsɔhwɛ nnya nsunsuando wɔ hɔn do. David n’esian nsanmuyi horow no a wɔkãa ho asɛm wɔ 2 Samuel 11 mu no da edzi pefee dɛ ɔnntse dɛm. Hwɛ adzesũadze a ibotum esũa efi no sũahu horow no mu. Nsɛmbisa tse dɛ iyinom botum aboa wo ma esũa 2 Samuel 11:12:

• Ebɛn nsanmuyi horow na David yɛɛ a ɔmaa osiansian ntsɛmara wɔ bɔn anamɔnkwan no do? Ebɛn tsenenee nsanmuyi horow na nkyɛ mbom obotum ayɛ? (Hwɛ video no so “To Look Upon,’’ Asɛmpa Nwoma Korabea.)

  

  4:15

  Edze video horow ridzi dwuma. Video horow no botum aboa wo ma esusu nsɛm no ho efi kyerɛwsɛm no mu na ahwɛ mbrɛ wosi fa wo ho. Hwɛ mbrɛ ibesi botum dze edzi dwuma ma nkyerɛkyerɛ na adzesũa etu mpon. Mfatoho, ber a wɔrohwɛ “To Look Upon” no (Asɛmpa Nwoma Korabea), hwɛ dɛ ibegyina video no kakra wɔ mbea ahorow bi ma wɔadwendwen anaa wɔapɛnsampɛnsa nsɛmbisa bi a woesusu no wɔ dwumadzi yi mu mu.

• Ɔsɛɛfo no risi dɛn abɔ mbɔdzen egya wo ma esiansian bɔn anamɔnkwan no? Ebɛn nsanmuyi horow na ibotum ayɛ sesei dze atsena sunsum mu ahotɔ mu?

• Hyɛ David ne nyɛɛ fa Nathan n’asɛm ho wɔ 2 Samuel 12:1–6 mu no nsew. Ebɛnadze na ne nyɛɛ no susu fa mbrɛ David sii hwɛɛ noho? Ebɛnadze na Ewuradze ayɛ dze aboa wo ama ehu wo ho yie pɛpɛɛpɛr?

• Ibesi dɛn bɔbɔ dza osisii wɔ 2 Samuel 11–12 mu no tɔw wɔ kɔkɔbɔ asɛntɔw kor mu?

Erekenkan David ne nsanmuyi bɔn ho asɛm no botum egya wo ma esũa esian a ɔwɔ ehuhuw mfonyin na awardze ho bɔn mu ho asɛm. Adzesũa mboa papa ma iyi nye For the Strength of Youth: A Guide for Making Choices, nkanka afã a ne dzin dze “What to do in the moment” na “Your body is sacred” (nkrataafa 21–28). Bia ibotum ahwɛ dɛm adzesũa mboa no mu enya afotu a nkyɛ ɔbɔboa David ma ɔayɛ nsanmuyi horow a oye. Anaa ibotum akenkan “Jesus Christ will help you” (nkrataafa 6-9), ahwehwɛ biribi a nkyɛ ɔbɔboa David ma ɔasan akɔ Ewuradze hɔ.

Hwɛ dɛ ebɔtow asɔr ndwom tse dɛ “I Need Thee Every Hour” (Asɔr Ndwom, nkanee 98) na dwendwen mbrɛ Agyenkwa no esi ahyɛ wo dzen mber a ehyia nsɔhwɛ.

Hwɛ 2 Nephi 28:20–24; Ulisses Soares, “Seek Christ in Every Thought,” Liahona, Ɔberɛfɛw 2020, 82–85; “Taking Charge of Technology,” Asɛmpa Nwoma Korabea; “Watch Your Step” (video), Asɛmpa Nwoma Korabea so.

2:36

Sɛ Nyankopɔn kã kyerɛ wo dɛ, “Bisa dza memfa memma wo’’ a (1 Ahemfo 3:5), ebɛnadze na ibebisa? Ebɛnadze na okenyan wo fa Solomon n’ebisadze ho? Dwendwen siantsir a “ntseasee akoma’’ dze “ehu papa na bɔn mu’’ (nyiyimu 9) yɛ akyɛdze a ɔsom bo. Ebɛnadze na ibotum ayɛ dze ahwehwɛ akyɛdze yi?

Hwɛ Moroni 7:12–19 so.

1 Ahemfo 6–7 mu no ibohu fie krɔnkrɔn a Solomon sii maa Ewuradze no ho nkasaho nkyerɛkyerɛmu ara yie. Bia nkyerɛkyerɛmu no rinnhia wo dɛ mbrɛ nna ohia ma tsetse Israelfo no. Mbom erekenkan etsir yinom no botum ama wo ntseasee fa mbrɛ nna osi hia ma hɔn dɛ wobenya Ewuradze fie no. Ebɛnadze ntsi na ohia ma wo?

Ibotum adwendwen dza Solomon ne temple no mu mbeambea no ne sɛnkyerɛdze no botum ayɛ ho. Mfatoho, hwɛ dza cherubim, ndua, na nhyiren a ɔwɔ 1 Ahemfo 6:35 no gyina hɔ ma. (Hwɛ Genesis 3:24 so.)

Tsir 8 kyerɛw Solomon ne mpaabɔ ber a owiee temple no (hwɛ nyiyimu 22–61). Hwɛ dɛ ebɛkyerɛw nhyira a Solomon bisae no nkorkor. Ebɛnadze na okenyan wo fa nhyira yinom ho? (Hyɛ Ewuradze n’anohoba horow no so nsew wɔ 1 Ahemfo 6:11–13; 9:1–9 mu.) Sɛ akɔ Ewuradze ne fie a, dwen wo sũahu horow ho wɔ erosɔr wɔ hɔ no. Irisie temple ahyɛmudzi horow no esi dɛn aboa wo ma enya Ewuradze ne nhyira?

Hwɛ Nkyerɛkyerɛ na Ahyɛmudzi 109; Henry B. Erying, “I Love to See the Temple,” Liahona, Esusow Aketseaba 2021, 28–31 so.

“Hom mma hom akoma … ndzi mu wɔ Ewuradze ho’’ n’asekyerɛ nye dɛn? (1 Ahemfo 8:61). Ana ɔyɛ soronko fi hɛn ndzeyɛɛ bedzi mu ho? Osi dɛn yɛ? Kenkan 1 Ahemfo 11:1–11 na hwɛ dza Ewuradze kãe faa Solomon n’akoma ho. Ibotum adwendwen sɛ nhyɛdo horow bi wɔ w’abrabɔ mu a obtum adan w’akoma efi Ewuradze hɔ dze akɔ “enyame bi’’ hɔ a.

• “King David” wɔ Old Testament Stories, 117–20, mu no botum aboa wo ma akã asɛm a ɔwɔ 2 Samuel 11 mu no akyerɛ wo mbofra. Ibotum ebisa wo mbofra no ma wɔahwehwɛ nsanmuyi bɔn a David yɛe na wonsusu nsanmuyi apapa a nkyɛ mbom obotum ayɛ. Ebɛn ndzɛmba na obotum aboa hɛn ma yɛayɛ nsanmuyi apapa a obotum aboa hɛn sɛ wɔsɔ hɛn hwɛ a.

  

  2:11

• Erekenkan David n’esian bɔn ho asɛm no botum ayɛ kwan papa a edze bɛpɛnsampɛnsa ehuhu mfonyin no ho esian mu. Video no “What Should I Do When I See Pornography?” (Asɛmpa Nwoma Korabea) wɔ akwankyerɛ a ɔyɛ mfaso. Boa wo mbofra no ma wɔnyɛ nhyehyɛɛ bi mfa dza wɔbɛyɛ ho sɛ wohyia ehuhu mfonyin a.

  

  5:46

• Ber a ɔwo na wo mbofra no sũa temple a wotui hyɛɛ Nyame nsa ho asɛm no wɔ 1 Ahemfo 8 mu no, wobotum ahwɛ temple horow ho mfonyin no a ɔwɔ dapɛn yi n’apɔwdo mu no. Ma wo mbofra no nkã ndzɛmba a wohu no wɔ mfonyin mu no ho asɛm. Ibotum etsĩ nyiyimu 57–58 mu. “Yɛbɛnantsew [Ewuradze] n’akwan nyinara mu” n’asekyerɛ nye dɛn? (1 Ahemfo 8:58). Bia wo mbofra no botum etu anamɔn kor ama nyiano biara a wɔdze ma no.

• Kã mbrɛ irisie ahyɛmudzi horow a edzi no wɔ temple no si boa wo ma enantsew Ewuradze n’akwan mu ho asɛm kyerɛ wo mbofra no. Ibotum akã dza ahyɛmudzi horow yinom yɛ akyerɛ hɔn (hwɛ General Handbook, 27.2, Asɛmpa Nwoma Korabea). Hom botum so abɔ mu atow ndwom bi tse dɛ “I Love to See the Temple” (Children’s Songbook, 95).

• Erekenkan mbrɛ Solomon ne nyernom sii nyaa nhyɛdo wɔ no do no ho asɛm botum dze nkɔmbɔdzi fa “enyame bi so” ho mfatoho—anaa ndzɛmba a nkorɔfo sɔr anaa wɔdɔ kyɛn Ewuradze no aba. Yesi dɛn kyerɛ dɛ yɛdɔ No kyɛn adze biara so a ɔwɔ hɛn abrabɔ mu no?