“22–26 Jun. ‘Nating we Yu Yu Stap long Heven, Be Plis Yu Harem Prea blong [Olgeta]’: 2 Samuel 11–12; 1 King 3; 6–9; 11,” Kam Folem Mi—Blong Hom mo Jos: OlTesteman 2026 (2026)
“22–26 Jun. ‘Nating we Yu Yu Stap long Heven, Be Plis Yu Harem Prea blong [Olgeta],’” Kam Folem Mi: OlTesteman 2026
Solomon I Dediketem Tempol long Jerusalem, i kam long James Tissot mo ol narawan
22–28 Jun: “Nating we Yu Yu Stap long Heven, Be Plis Yu Harem Prea blong [Olgeta]”
2 Samuel 11–12; 1 King 3; 6–9; 11
Sol, Deved mo Solomon, ol fas trifala king blong Isrel, olgeta evriwan oli stat wetem plante promes. Tingting i stap daon, strong paoa long tingting mo waes, God i mekem i gud tumas long olgeta wanwan—long stat nomo. Sore tumas, wanwan king ia tu, oli foldaon long ol samting we oli no strong long hem mo temtesen. Oli putum ol tingting blong hat blong olgetawan i kam faswan long Lod. Mo olsem we yumi luk plante mo plante insaed long ol skripja—mo long laef blong yumiwan—we i lid i go long bigfala harem nogud.
Be wan impoten samting i hapen long taem blong rul blong Solomon we i givim sam hop blong gat paoa long laef blong ol kavenan pipol. Solomon i bildim wan tempol. Hem i blong stap wan haos blong Lod we bae i stap blong oltaem bitim wan tabenakol. Mo hemia bae i ripresentem Lod we bae i stap oltaem long medel blong ol pipol blong Hem. Solomon i bin save se ol pipol bae oli gohed blong fesem ol wiknes mo ol tes blong laef blong ol defdefren samting. Taem hem i stap dediketem niu tabu haos ia, Solomon i askem strong long Lod, “Sipos [oli] … tanem tingting blong [olgeta] i [kam long Yu], … plis yu harem ol prea blong [olgeta]” (1 King 8:47–48). Hemia i pat blong wanem ol kavenan blong tempol oli mekem blong yumi—oli krietem wan koneksen i go long God. Oli sevem i stap blong yumi promes ia se tru long fasin blong sakem sin mo sore blong Hem, Hem i save “oltaem stap long medel blong [yumi]” mo neva lego yumi (1 King 6:13).
Blong gat wan bigfala lukluk long buk blong 1 King, luk long“Kings, books of” long Bible Dictionary.
Ol aedia blong Stap Lanem Samting long Hom mo long Jos
2 Samuel 11; 12:1–14
Lod i save helpem mi blong mekem ol gudfala joes taem mi kasem temtesen blong mekem sin.
Samtaem yumi lukluk long ol pipol we i olsem se oli strong long fet blong olgeta, mo yumi stap tingting se temtesen i no kasem olgeta. Ol nogud joes blong Deved we oli tokbaot insaed long 2 Samuel 11 i soem klia se hemia i no tru. Tingting long ol lesen we yu save lanem long eksperiens blong hem. Ol kwestin olsem ia, oli save helpem yu stadi long 2 Samuel 11–12:
-
?Wanem ol joes nao Deved i bin mekem we i lidim hem blong folem rod blong sin? ?Wanem ol raet joes we hem i sud mekem? (Luk tu long vidio “To Look Upon,” Gospel Laebri.)
4:15To Look Upon
Stap yusum ol vidio. Ol vidio oli save helpem yu blong pikjarem ol stori insaed long ol skripja mo tingting long olsem wanem oli aplae long yu. Tingting long olsem wanem yu save yusum olgeta blong mekem tijing mo fasin blong lan i kam moa gud. Eksampol, taem yufala stap wajem “To Look Upon” (Gospel Laebri), tingting blong stap stopem vidio long defdefren taem blong tingting hevi o toktok raon long sam long ol kwestin we oli putum insaed long aktiviti ia.
-
?Olsem wanem nao enemi i stap traem blong lidim yu i go long ol rod blong sin? ?Wanem o joes nao we yu save mekem naoia blong stap sef long saed blong spirit?
-
Tekem not long, aksen blong Deved long stori blong Netan long 2 Samuel 12:1–6. ?Wanem nao aksen blong hem i talem abaot olsem wanem Deved i lukluk long hemwan? ?Wanem nao Lod i bin mekem blong helpem yu blong yu lukluk long yuwan moa long stret fasin?
-
?Olsem wanem nao bae yu talem i sot stori blong ol samting we i hapen long 2 Samuel 11–12 long wan woning sentens nomo?
Stap rid abaot ol no gud joes blong Deved we i save lidim yu blong lanem abaot ol denja blong ponografi mo sin long saed blong seks. Wan gudfala risos blong hemia, hem i Blong Ol Yut Oli Kam Strong: Wan Gaed Buk blong Stap Mekem Ol Joes, speseli ol seksen we taetol i “What to do in the moment” mo “Bodi blong yu i tabu” (ol pej 21–28). Maet yu save luk insaed long risos ia blong kasem kaonsel we bae i save bin helpem Deved blong mekem ol moa gud joes. O yu save ridim “Jisas Kraes bae i helpem yu” (ol pej 6–9),stap lukaotem wan samting we i save helpem Deved i gobak long Lod.
Tingting blong singsing long wan hym olsem “Mi nidim Yu oltaem” (STSP, pej 12) mo stap tingting hevi long olsem wanem Sevya i bin mekem yu kam strong moa taem yu fesem temtesen.
Luk tu long 2 Nifae 28:20–24; Ulisses Soares, “Lukaotem Kraes long Evri Tingting,” Liahona, Novemba 2020, 82–85; “Taking Charge of Technology,” Gospel Laebri; “Watch Your Step” (vidio), Gospel Laebri.
Watch Your Step
1 King 3:1–15
Presen blong fasin blong luksave samting i helpem mi save samting we i raet mo i rong.
Sapos Lod i askem yu, “Yu askem wanem yu wantem blong Mi givim long yu” (1 King 3:5), ?bae yu askem wanem? ?Wanem nao i tajem yu abaot rikwes blong Solomon? Tingting hevi from wanem “wan hat we i save andastanem” blong “luksave wanem i gud mo nogud” (ves 9) hem i wan presen we i gat valiu. ?Wanem nao yu save mekem blong lukaotem presen ia?
Luk tu long Moronae7:12–19.
1 King 6–8; 9:1–9
Tru long ol kavenan we mi bin mekem insaed long haos blong Lod, Lod i stap wetem mi.
Long 1 King 6–7 bae yu faenem wan tabu haos we oli tokbaot gud evri smol infomesen we Solomon i bildim blong Lod. Ol infomesen bae oli luk olsem se oli no impoten long yu olsem we oli bin stap blong Ol Man Isrel blong bifo. Be blong stap ridim japta ia, maet i givim long yu wan filing mo tingting blong hamas hemia i impoten long olgeta blong gat wan haos blong Lod. ?From wanem hemia i impoten long yu?
Maet bae yu tingting hevi long wanem ol defdefren pat blong tempol blong Solomon i ripresentem. Eksampol, tingting long wanem jerubim, ol tri, mo ol flaoa long 1 King 6:35 i save ripresentem. (Luk tu long Jenesis 3:24.)
Japta 8 i raetemdaon prea blong Solomon taem oli stap komplitim tempol (luk long ol ves 22–61). Tingting blong stap mekem wan lis blong ol blesing we Solomon i bin askem. ?Wanem nao i tajem hat blong yu abaot ol blesing ia? (Tekem not tu se, ol promes blong Lod i stap long 2 King 6:11–13; 9:1–9.) Sapos yu bin go finis long haos blong Lod, tingbaot ol eksperiens blong yu taem yu stap wosip long ples ia. ?Olsem wanem nao, taem yu stap kipim ol tempol kavenan i bin helpem yu blong kasem ol blesing blong Lod?
Luk tu long Doktrin mo Ol Kavenan 109; Henry B. Eyring, “Mi Lavem blong Luk Tempol,” Liahona, Mei 2021, 28–31.
Barankuila Kolombia Tempol
1 King 8:61; 11:1–11
Tingting blong hem i no stap strong wetem Lod.
?Hem i minim wanem blong letem tingting blong yumi i stap strong wetem Lod? (1 King 8:61). ?Hemia i defren se ol aksen blong yumi i mas stret gud? ?Long wanem wei? Ridim 1 King 11:1–11, mo luksave wanem we Lod i talem abaot hat blong Solomon. Maet bae yu tingting hevi se i gat ol samting long laef blong yu we i save tanem hat blong yu i go longwe long Lod mo i go long “ol narafala god.”
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
2 Samuel 11
Lod i save helpem mi taem mi kasem temtesen.
-
“King Deved” long Ol Stori long OlTesteman, 117–20, i save helpem yu blong talem stori ia long ol pikinini blong yu long 2 Samuel 11. Maet yu save askem long ol pikinini blong yu blong poenemaot ol rong joes we Deved i bin mekem mo talemaot ol gudfala joes we hem i bin save mekem be i no olgeta ia. ?Wanem sam samting we yumi save mekem taem yumi kasem temtesen we i save mekem yumi jusum raet?
2:11King David
-
Blong stap ridim abaot ol sin blong Deved, maet bae i wan gudfala janis blong toktok raon long ol denja blong ponografi. Vidio ia, “What Should I Do When I See Pornography?” (Gospel Laebri) i gat ol daereksen we oli save help. Helpem ol pikinini blong yu blong mekem wan plan abaot wanem bae oli mekem taem oli fesem ponografi.
5:46What should I do when I see pornography?
1 King 8:22–61
Blong stap mekem kavenan insaed long haos blong Lod—mo stap kipim olgeta—helpem mi blong wokbaot long ol wei blong Hem.
-
Taem yu mo ol pikinini blong yu i lanem abaot dedikesen blong tempol long 1 King 8, yu save lukluk long ol pikja blong ol tempol long aotlaen blong wik ia. Letem ol pikinini blong yu oli tokbaot ol infomesen we oli luk long pikja ia. Yu save tokbaot plante ol ves 57–58. ?Wanem nao i minim blong “wokbaot long evri wei blong [Lod]”? (1 King 8:58). Maet ol pikinini blong yu oli save tekem wan step blong evri ansa we oli givim.
-
Talem long ol pikinini blong yu olsem wanem blong stap kipim ol kavenan blong yu we yu mekem insaed long tempol i helpem yu blong wokbaot long ol wei blong Lod. Maet yu talem long olgeta wanem hem i ol kavenan ia (luk long Jeneral Hanbuk, 27.2, Gospel Laebri). Tugeta, yufala save singsing wan singsing olsem “I Love to See the Temple” (Children’s Songbook, 95).
Pikja droing blong Tempol blong Solomon, i kam long Sam Lawlor
1 King 11:1–11
Mi save putum Lod faswan long laef blong mi.
-
Blong stap ridim abaot olsem wanem ol waef blong Solomon oli bin afektem hem, i save lid i go long wan storian abaot ol eksampol blong “narafala god”—o ol samting we ol pipol oli wosipim o lavem, be i no God. ?Olsem wanem nao yumi soem se yumi lavem Hem moa bitim eni samting long laef blong yumi?
Blong kasem moa aedia, luk long magasin blong Fren blong manis ia.