1 Samweli 8–10; 13; 15–16

1 Samweli 8 inasimulia tukio ambalo litabadilisha milele hatima ya Waisraeli. Kwani ulinzi dhidi ya maadui zao, Waisraeli walitaka kile majirani zao walichokuwa nacho—mfalme wa kuwatawala. Unaposoma kuhusu ombi lao na majibu ya Bwana, fikiria kuhusu nani unamtafuta kwa ajili ya usalama na mwongozo. Fikiria inamaanisha nini kumwacha Bwana “atawale juu [yako]” (1 Samweli 8:7).

Katika wiki zijazo, utasoma kuhusu idadi ya wafalme walioitwa kuongoza Israeli. Unapojifunza kuwahusu, fikiria maswali yafuatayo:

• Ni kwa jinsi gani maonyo ya Bwana yalitimizwa katika 1 Samweli 8:10–18?

• Ni kwa jinsi gani wana wa Israeli waliathiriwa na uchaguzi wao wa kuwa na mfalme wa kidunia?

• Ni kwa jinsi gani Yesu Kristo ni tofauti na wafalme wa duniani? Fikiria ni ushawishi gani wa kidunia unaoweza kuhitaji kuondoa kwenye maisha yako ili kumruhusu Kristo kuwa Mfalme wako.

Ona pia “Bwana Ni Mwokozi” Nyimbo za Dini, na. 27.

Soma kuhusu jinsi Mungu alivyowachagua wafalme wa Israeli katika 1 Samweli 9–10 na 16 (ona hasa 9:15–17; 10:1–12; 16:1–13). Tafuta vifungu ambavyo vinakusaidia kuelewa inamaanisha nini “kuitwa na Mungu, kwa unabii” katika Kanisa la Bwana leo (Makala ya Imani 1:5). Unaweza kufikiria kujiweka katika nafasi ya kiongozi akitoa wito (Samweli), mtu anayeitwa (Sauli na Daudi), na watu walioitwa kuwatumikia (Waisraeli). Je, unajifunza nini kutokana na maneno yao na matendo katika sura hizi?

Ukifikiria jinsi Sauli alivyoonekana mwoga katika 1 Samweli 10, inashangaza kusoma kuhusu “uasi” wake na “ukaidi” baada ya kuwa mfalme (1 Samweli 15:23). Kwa nini unadhani hili lilitokea? Katika 1 Samweli 13:5–14, ni mitazamo na tabia gani unazoziona ambazo zilisababisha kuanguka kwake?

Katika 1 Samweli 15, utasoma kuhusu amri kutoka kwa Bwana ambayo Sauli hakutii kwa sababu yeye alidhani alikuwa na sababu nzuri. Kujifunza kutokana na chaguzi mbaya za Sauli, angalia mstari wa 22 na ubadilishe maneno “dhabihu” na “mafuta ya kondoo” na vitu vinavyoonekana vizuri lakini si muhimu kama kumsikia na kumtii Bwana. Umebarikiwa vipi ulipoweka mapenzi ya Bwana kwanza katika maisha yako?

Je, umewahi kufanya uamuzi kulingana na “mwonekano wa nje” wa kitu au mtu fulani, na kuja kujua tu kwamba ulikuwa umekosea? Pengine ulikula kitu ambacho hakikuwa kizuri kama kilivyoonekana. Au labda ulimhukumu mtu pasipo haki.

Wakati Samweli alipokuwa akimtafuta mfalme mpya wa Israeli, Bwana alimfundisha njia bora zaidi. Soma kuhusu hili katika 1 Samweli 16:6–7, na ufikirie kutengeneza orodha ya njia ambazo watu huwahukumu wengine “katika mwonekano wa nje.” Unaweza kupata mifano katika ujumbe wa Mzee Christophe G. Giraud-Carrier “Sisi Ni Watoto Wake” (Liahona, Nov. 2023, 114–16). Inamaanisha nini kutazama “kwenye moyo,” kama Bwana afanyavyo (1 Samweli 16:7). Unaweza kupata mifano ya hili, pia, katika ujumbe wa Mzee Giraud-Carrier. Pengine unaweza kufikiria juu ya nyakati zingine ambapo Mwokozi alitazama zaidi ya mwonekano wa nje wa mtu. (Ona, kwa mfano, Marko 12:41–44; Luka 5:1–11; 19:1–9; Yohana 4:5–30; Musa 6:31–36.) Je, unajifunza nini kutokana na mifano hii?

Ni kwa jinsi gani unaweza kufuata mfano wa Mwokozi katika jinsi unavyowaona wengine—na wewe mwenyewe? Ni kwa jinsi gani kufanya hivyo kunaweza kuathiri mwingiliano wako na wengine? Fikiria kumwambia mtu fulani kuhusu wema unaouona katika mioyo yao.

Ona pia Ulisses Soares, “Akina Kaka na Akina Dada katika Kristo,” Liahona, Nov. 2023, 70–73.

• Unaposoma 1 Samweli 8 pamoja na watoto wako, wasaidie watafute sababu ambazo Samweli aliwaambia Waisraeli kwamba kuwa na mfalme ilikuwa ni wazo baya. Kwa nini ni vyema zaidi kuwa na Yesu Kristo kama Mfalme? Pengine mngeweza kutengeneza taji la karatasi pamoja na kufanya zamu kulivaa na kushiriki kitu tunachoweza kufanya kuonyesha kwamba tunataka Yesu awe Mfalme wetu. (Ona pia Jeremia 23:5; Mafundisho na Maagano 45:59..)

• Matukio ya Mungu akiwachagua Sauli na Daudi kuwa wafalme yanaweza kuwasaidia watoto wako kuelewa jinsi watu wanavyoitwa kutumikia katika Kanisa leo.kwa ufunuo Kuwafundisha hadithi hizi, ungeweza kuandika matukio kutoka kwenye hadithi kwenye vipande vya karatasi, na watoto wako wangeweza kuziweka katika mpangilio sahihi mnaposoma vifungu vya maandiko pamoja (ona pia “Kijana Daudi” katika Hadithi za Agano la Kale, 110–11). Kisha ungeweza kuzungumza kuhusu nyakati ambazo Mungu alikubariki kwa nguvu za kiroho ili kutimiza kazi au wito (ona 1 Samweli 10:9–10).

  

  1:16

• Huu pia unaweza kuwa wakati mzuri wa kuwafundisha watoto wako makala ya tano ya imani. Waambie jinsi ulivyopokea wito wako Kanisani. Ni kwa jinsi gani unajua kwamba wewe ulikuwa umeitwa na Mungu?

• Somo la vitendo lingeweza kuwasaidia watoto wako waelewe kanuni iliyopo katika 1 Samweli 16:7. Kwa mfano, ungeweza kuwaonyesha baadhi ya chakula au kitabu chenye jalada ambalo haliendani na maudhui yake ya kweli. Ni nini 1 Samweli 16:7 na somo hili la vitendo hupendekeza kuhusu jinsi tunavyopaswa kujitazama na kuwatazama watu wengine? Imbeni wimbo ambao unasisitiza kanuni hii, kama vile “Love One Another” (Kitabu cha Nyimbo za Watoto,136).

  Tumia masomo ya vitendo. Wakati watoto wako wanapokuwa na kitu cha kuona na kugusa kinachohusiana na kanuni ya injili, wana uwezekano mkubwa wa kuikumbuka. Kwa mfano, unaposoma 1 Samweli 16:7 pamoja nao, ungeweza kuwaacha wakusaidie kupata mifano ya udanganyifu wa macho kuelezea jambo ambalo tunapaswa kujaribu kuona kama Bwana anavyofanya—kwa kuangalia “moyoni”—badala ya hukumu kulingana na “muonekano wa nje.”

• Wewe na watoto wako mnapaswa kushiriki uzoefu ambapo ulijifunza kwa nini unapaswa “kutazama moyo,” sio tu “mwonekano wa nje” (mstari wa 7). Mnaweza pia kufanya zamu kuaambiana kuhusu hali nzuri unazoziona katika kila mioyo wa kila mmoja.