Rúùtù; 1 Sámúẹ́lì 1–7

Ìgbésí ayé le fún opó ní eyikeyi àkokò. Ṣùgbọ́n nígbàtí ọkọ Rúùtù kú, ipò rẹ̀ le nípàtàkì. Nínú àṣà ará Ísráẹ́lì ní àkokò náà, obìnrin kàn láìsí ọkọ tàbí ọmọ kò ní ẹ̀tọ́ sí ohun-ìní ó sì ní àwọn ọ̀nà díẹ̀ láti ríṣẹ́ ṣe. Bí ẹ ti nka ìtàn Rúùtù, ẹ kíyèsi bí Olúwa ti yí àjálù padà sínú ìbùkún nlá. Kínni ẹ kíyèsí nípa Rúùtù tí ó lè ti ràn án lọ́wọ́? Báwo ni Bóásì ṣe ra Rúùtù padà kúro nínú ipò àìnírètí rẹ̀? (wo Rúùtù 4:4–10). Báwo ni méjèèjì Rúùtù àti Bóásì ṣe dàbí Jésù Krístì?

Bákannáà wo “Dúró Jẹ́ẹ́, Ọkàn Mi,” Àwọn Orin Ìsìn, nọ́mbà 124.

Bóyá ẹ ti jìyà àdánù nlá, bí Rúùtù àti Nàómì ti ṣe (wo Rúùtù 1:1–5). Tàbí bóyá, bíiti Hánnà, ẹ̀ nfẹ́ àwọn ìbùkún tí ẹ kò tíì rí gbà síbẹ̀ (wo 1 Samuẹlì 1:1–10). Báwo ni àwọn obìnrin wọ̀nyí ṣe fi ìgbàgbọ́ wọn nínú Ọlọ́run hàn? Kínni ẹ kọ́ láti inú àwọn ìrírí wọn?

Bẹ́ẹ̀ni, kìí ṣe gbogbo ènìyàn tí wọ́n ngbàdúrà fún ọmọ ní wọ́n nrí gbà, kìí sì iṣe gbogbo àwọn tí lọ́kọláya wọn kú ni wọ́n ntú ìgbèyàwó ṣe. Ṣùgbọ́n gbogbo ẹni tí ó bá yípadà sí Olùgbàlà ngba ìrànlọ́wọ́ àti ìtọ́sọ́nà Rẹ̀. Ẹ yẹ bí ẹ ti “wá láti gbẹ́kẹ̀lé” Olúwa (Rúùtù 2:12) ní àwọn àkokò ìṣòro.

Bákannáà wo Amy A. Wright, “Gbé Ọjọ́ náà nínú Krístì,” Làìhónà, Oṣù Kọkànlá. 2023, 9–11.

Nígbàtí àwọn ọ̀tá wọn kọ̀lú wọ́n, àwọn ará Ísráẹ́lì ní híhàn kedere rò pé níní àpótí ti májẹ̀mú lásán yíò dá ààbò bò wọ́n. Bí ẹ ti nka 1 Sámúẹ́lì 4–6, ẹ ronú nípa ìdí tí ìyẹn kò fi ṣiṣẹ́. (Bákannáà ẹ kíyèsí àwọn ìṣe àìṣòdodo ti àwọn ọmọ Élì, nínú 1 Sámúẹ́lì 2:12–25.) Kínni ẹ rò pé Olúwa ngbìyàjú láti kọ́ àwọn ènìyàn Rẹ̀? Kínni ẹ kọ́ láti inú ohun tí ó ṣẹlẹ̀ sí àwọn Filístínì lẹ́hìn gbígba àpótí náà? (wo àwọn orí 5–6). Kínni ẹ kọ́ láti inú ìtiraka Ísráẹ́lì láti tún ààbò Olúwa gbà padà nínú 1 Sámúẹ́lì 7?

Ẹ lè ní ìmísí nípa kíka ewì Hánnà nípa ìyìn nínú 1 Sámúẹ́lì 2:1–10. Kínni ẹ rí nínú àwọn ọ̀rọ̀ rẹ̀ tí ó lè ran àwọn ọmọ Élì àti ìyókù ará Ísráẹ́lì lọ́wọ́?

Ní ìgbàmíràn, ẹ lè ní ìmọ̀lára bíiti Sámúẹ́lì, ẹnití ó gbọ́ ohùn Olúwa ṣùgbọ́n tí kò dá a mọ̀. Bíiti gbogbo wa, Sámúẹ́lì níláti kọ́ bí òun ó ti dá ohùn Olúwa mọ̀. Bí ẹ ti nka 1 Sámúẹ́lì 3, kínni ẹ kọ́ ní ọ̀dọ̀ ọmọdékùnrin yí nípa gbígbọ́ àti gbígbọ́ran sí ohùn Olúwa? Bákannáà ẹ lè ṣe ìwákiri àfikún àwọn ìwé mímọ́ kí ẹ sì ṣe ìtòsílẹ̀ àwọn ìtọ́sọ́nà tí ó lè ran ẹnìkan lọ́wọ́ láti dá ohùn Olúwa mọ̀: 1 Àwọn Ọba 19:11–12; Lúkù 24:15–32; 3 Néfì 11:3–7; Ẹ̀kọ́ ati awọn Májẹ̀mú 6:22–23; 8:2–3; 9:7–9.

Ní ìgbàmíràn, ẹ lè ní ìmọ̀lára pé ọ̀run ti tì àti pé Ọlọ́run kò fẹ́ láti bá yín sọ̀rọ̀. Ààrẹ Russell M. Nelson wípé, “Njẹ́ Ọlọ́run fẹ́ láti bá yín sọ̀rọ̀ lódodo? Bẹ́ẹ̀ni!” (“Ìfihàn fún Ìjọ, Ìfihàn fún Ìgbé Ayé Wa,” Làìhónà, Oṣù Karun 2018, 93–96. Bí ẹ ti nṣe àṣàrò ọ̀rọ̀ Ààrẹ Nelson, Kínni ohun tí ẹ rí tí ó mísí yín láti gbọ́ kí ẹ sì gbọ́ran sí ohùn Olúwa? Kínni Ààrẹ Nelson pè yín láti ṣe, kí sì ni àwọn ìbùkún tí ó ṣèlérí? Bákannáà ẹ lè rí ìfipè àti ìlérí àwọn ìbùkún nípa ìfihàn nínú “Ẹ Rìn nínú Ìmọ́lẹ̀ Ọlọ́run” (Fún Okun àwọn Ọ̀dọ́: Atọ́nà kan fún Ṣíṣe Àṣàyàn, 16–20). Ẹ yẹ yíyan ohunkan tí ẹ lè ṣe láti “mú agbára ti ẹ̀mí yín láti gba ìfihàn pọ̀si.”

• Bí ẹ ti npín ìtàn Rúùtù pẹ̀lú àwọn ọmọ yín (ẹ lè lo “Rúùtù àti Nàómì” nínú Àwọn Ìtàn Májẹ̀mú Láéláé, 100–103), ẹ pè wọ́n láti gbé ọwọ́ wọn sókè ní gbogbo ìgbà tí wọ́n bá gbọ́ ìṣe inúrere kan nínú ìtàn náà. Bákannáà wọ́n lè pín bí wọ́n ṣe ní ìmọ̀lára sí nígbàtí àwọn ẹlòmíràn bá ṣerere sí wọn, tàbí nígbàtí wọ́n bá ṣerere sí àwọn ẹlòmíràn. Báwo ni Olùgbàlà ṣe ní inúrere sí wa? Báwo ni a ṣe lè tẹ̀lé àpẹrẹ Rẹ̀? (wo “Inúrere Bẹ̀rẹ̀ pẹ̀lú Mi,” Ìwé-orin àwọn Ọmọdé, 145).

  

  2:0

• Àwọn ìtàn Rúùtù àti Hánnà lè mísí àwọn ọmọ yín láti dúró ní òtítọ́ ní ìgbà líle. Ẹ yẹ ríràn wọ́n lọ́wọ́ láti dá fífa-ìlà ìrọ̀rùn kan sílẹ̀ pẹ̀lú àkọlé Àwọn Àdánwò, Àwọn Ìṣe, Àwọn Ìbùkún. Nígbànáà Rúùtù 1:3–5, 8, 16; 2:1–3, 8–12; 4:13–17; 1 Sámúẹ́lì 1:1–18 kí ẹ sì kọ̀wé sí abẹ́ àwọn àkọlé náà ohun tí ẹ rí nínú àwọn ẹsẹ wọ̀nyí. Báwo ni Rúùtù àti Hánnà ṣe fi ìgbàgbọ́ wọn nínú Olúwa hàn? Ẹ̀yin tàbí àwọn ọmọ yín nígbànáà lè pín àwọn àpẹrẹ nípa bí Olúwa ṣe bùkún yín ní àkokò líle.

• Láti kọ́ nípa Hánnà, àwọn ọmọ yín lè ka 1 Sámúẹ́lì 1:1–18 tàbí “Hánnà” nínú Àwọn Ìtàn Májẹ̀mú Láéláé (104–5) tàbí wo “Ìgbàgbọ́” (fídíò, Ibi-ìkàwé). Ó lè jẹ́ ìgbádùn láti ju bọ́ọ̀lù sí ọmọ kàn kí a sì pè wọ́n láti sọ ara ìtàn náà ṣíwájú jíju bọ́ọ̀lù náà sí ẹlọ̀míràn. Kínni ẹ kọ́ nípa àdúrà láti inú àpẹrẹ Hánnà?

  

  1:15

  

  3:9

• Bóyá ṣíṣe eré ìrọ̀rùn kan jáde lè ran àwọn ọmọ yín lọ́wọ́ láti kọ́ ẹ̀kọ́ láti inú ìrírí pẹ̀lú ìfihàn ti Sámúẹ́lì. Ọmọ kan lè díbọ́n láti jẹ́ Sámúẹ́lì, kí òmíràn sì díbọ́n láti jẹ́ Élì bí ẹ ti nka 1 Sámúẹ́lì 3:1–10 (bákannáà wo “Wòlíì Sámúẹ́lì” nínú Àwọn Ìtàn Májẹ̀mú Láéláé, 106–9, tàbí fídíò “Sámúẹ́lì àti Élì,” Ibi-ìkàwé Ìhìnrere). Kínni a kọ́ láti ọ̀dọ̀ Sámúẹ́lì nípa bí a ṣe lè gbọ́ ohùn Olúwa? Báwo ni a ṣe lè fihàn pé a ní ìfẹ́ láti gbọ́ nígbàtí Olúwa bá nṣọ̀rọ̀ sí wa?

  

  2:10

  

  1:58

• Ẹ bèèrè lọ́wọ́ àwọn ọmọ bí wọ́n ṣe lè ṣe àlàyé fún ẹnìkan bí Olúwa ṣe nbá wọn sọ̀rọ̀. Ẹ lè ràn wọ́n lọ́wọ́ láti wá àwọn ìdáhùn nínú Ẹ̀kọ́ ati awọn Májẹ̀mú 6:22–23; 8:2–3; 9:7–9.