« ថ្ងៃទី១–៧ ខែមិថុនា ‹ ចិត្តខ្ញុំម្ចាស់រីករាយសាទរចំពោះព្រះអង្គ › ៖ នាងរស់ ១; សាំយូអែល ទី១ ១–៧ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរសញ្ញាចាស់ ឆ្នាំ២០២៦ ( ឆ្នាំ២០២៦ )
« ថ្ងៃទី១–៧ ខែមិថុនា ‹ ចិត្តខ្ញុំម្ចាស់រីករាយសាទរចំពោះព្រះអង្គ› » ចូរមកតាមខ្ញុំ ៖ ព្រះគម្ពីរសញ្ញាចាស់ ឆ្នាំ២០២៦
Whither Thou Goest [ កន្លែងណាដែលអ្នកម្ដាយអញ្ជើញទៅ ] ដោយ សានឌី ហ្វ្រេកខ្លេតុន ហ្គាហ្គិន
ថ្ងៃទី១–៧ ខែមិថុនា ៖ « ចិត្តខ្ញុំម្ចាស់រីករាយសាទរចំពោះព្រះអង្គ »
នាងរស់; សាំយូអែល ទី១ ១–៧
នៅពេលខ្លះ យើងស្រមៃថាជីវិតរបស់យើងគួរតែធ្វើតាមមាគ៌ាដែលច្បាស់លាស់មួយចាប់តាំងពីចាប់ផ្តើមដល់ចុងបញ្ចប់ ។ បន្ទាប់ពីអ្វីៗទាំងអស់ ចម្ងាយជិតជាងគេបំផុតរវាងចំណុចពីរគឺជាបន្ទាត់ត្រង់ ។ ប៉ុន្តែជីវិតនេះជាញឹកញាប់គឺពោរពេញដោយការពន្យារពេល និងផ្លូវវាងដែលនាំយើងទៅកាន់ទិសដៅដែលមិនបានរំពឹងទុក ។
នាងរស់ និងហាណាពិតជាយល់ពីបញ្ហានេះយ៉ាងប្រាកដ ។ នាងរស់ ពុំមែនជាពួកសាសន៍អ៊ីស្រាអែលនោះទេ ប៉ុន្តែនាងបានរៀបការជាមួយសាសន៍អ៊ីស្រាអែល ហើយនៅពេលដែលស្វាមីរបស់នាងបានស្លាប់ នោះនាងមានជម្រើសមួយដើម្បីជ្រើសរើស ។ តើនាងនឹងត្រឡប់ទៅគ្រួសារ និងជីវិតអតីតកាលដែលនាងធ្លាប់រស់នៅ ឬនាងនឹងចាប់យកជំនឿសាសន៍អ៊ីស្រាអែល និងផ្ទះថ្មីជាមួយម្ដាយក្មេករបស់នាង ? ( សូមមើល នាងរស់ ១:៤–១៨ ) ។ ផែនការរបស់ហាណា សម្រាប់ជីវិតរបស់នាងគឺបង្កើតកូន ប៉ុន្តែនាងមិនអាចធ្វើបានទេ ហើយដែលធ្វើឲ្យនាងមាន « សេចក្តីជូរល្វីងក្នុងចិត្តណាស់ » ( សូមមើល សាំយូអែល ទី១ ១:១–១០ ) ។ នៅពេលបងប្អូនអានអំពីនាងរស់ និងហាណា សូមពិចារណាពីសេចក្តីជំនឿដែលពួកគេត្រូវតែមានដើម្បីធ្វើដំណើរនៅលើផ្លូវដែលពុំបានរំពឹងទុក ។ បន្ទាប់មកសូមគិតអំពីដំណើររបស់បងប្អូនផ្ទាល់ ។ វាខុសគ្នាពីដំណើររបស់នាងរស់ និងហាណា—និងមនុស្សផ្សេងទៀត ។ ប៉ុន្តែឆ្លងកាត់ឧបសគ្គ និងការភ្ញាក់ផ្អើលរវាងទីនេះ និងជោគវាសនាដ៏នៅអស់កល្បជានិច្ចរបស់បងប្អូន នោះបងប្អូនអាចរៀននិយាយជាមួយហាណា ថា « ចិត្តខ្ញុំម្ចាស់រីករាយសាទរចំពោះព្រះអង្គ » ( សាំយូអែល ទី១ ២:១ ) ។
សូមមើលផងដែរ សេចក្តីណែនាំដល់បទគម្ពីរទាំងឡាយ សម្រាប់ទិដ្ឋភាពទូទៅនៃគម្ពីរ នាងរស់ និង សាំយូអែល ទី១ ។
គំនិតសម្រាប់ការរៀនសូត្រនៅឯគេហដ្ឋាន និងនៅឯសាសនាចក្រ
នាងរស់
ព្រះយេស៊ូវគ្រីស្ទអាចបង្វែរសោកនាដកម្មទៅជាជ័យជំនះបាន ។
ជីវិតគឺពិបាកសម្រាប់ស្ត្រីមេម៉ាយនៅគ្រប់យុគសម័យ ។ ប៉ុន្តែពេលស្វាមីរបស់នាងរស់ស្លាប់ ស្ថានភាពរបស់នាងពិបាកយ៉ាងខ្លាំង ។ នៅក្នុងវប្បធម៌របស់សាសន៍អ៊ីស្រាអែលនៅសម័យនោះ ស្រ្តីដែលគ្មានស្វាមី ឬកូនប្រុស គ្មានសិទ្ធិកាន់កាប់ទ្រព្យសម្បត្តិ ហើយមានតែមធ្យោបាយតិចតួចប៉ុណ្ណោះដើម្បីរកប្រាក់ចំណូល ។ នៅពេលបងប្អូនអានដំណើររឿងរបស់នាងរស់ សូមកត់សម្គាល់ពីរបៀបដែលព្រះអម្ចាស់បង្វែរសោកនាដកម្មទៅជាពរជ័យដ៏មហិមាបាន ។ តើបងប្អូនសម្គាល់ឃើញអ្វីខ្លះអំពី នាងរស់ ដែលអាចជួយនាងបាន ? តើបូអូសបានរំដោះនាងរស់ពីស្ថានភាពអស់សង្ឃឹមរបស់នាងដោយរបៀបណា ? ( សូមមើល នាងរស់ ៤:៤–១០ ) ។ តើនាងរស់ និងបូអូសមានលក្ខណៈដូចជាព្រះយេស៊ូវគ្រីស្ទដោយរបៀបណា ?
សូមមើលផងដែរ « សូមទុកចិត្តទ្រង់ » ទំនុកតម្កើង ល.រ. ៦៧ ។
នាងរស់; សំាំយូអែល ទី១ ១
ខ្ញុំអាចទុកចិត្តថាព្រះនឹងដឹកនាំ ហើយជួយខ្ញុំមិនថាស្ថានភាពខ្ញុំជាយ៉ាងណានោះទេ ។
ប្រហែលជាបងប្អូនរងនូវការបាត់បង់ដ៏ធំ ដូចជានាងរស់ និងន៉ាអូមី បានមានដែរ ( សូមមើល នាងរស់ ១:១–៥ ) ។ ឬប្រហែលដូចជាហាណា បងប្អូនប្រាថ្នាចង់បានពរជ័យដែលបងប្អូនពុំទាន់ទទួលបាន ( សូមមើល សាំយូអែល ទី១ ១:១–១០ ) ។ តើស្រ្តីទាំងនេះបង្ហាញសេចក្តីជំនឿរបស់ពួកគេលើព្រះដោយរបៀបណា ? តើបងប្អូនរៀនអ្វីខ្លះមកពីគំរូរបស់ពួកគាត់ ?
ពិតប្រាកដណាស់ មិនមែនមនុស្សគ្រប់គ្នាដែលអធិស្ឋានសូមកូនទទួលបានកូននោះទេ ហើយមិនមែនមនុស្សគ្រប់គ្នាដែលមានស្វាមី ឬភរិយាស្លាប់ទៅហើយរៀបការថ្មីនោះដែរ ។ ប៉ុន្តែមនុស្សគ្រប់គ្នាគ្នាដែលងាកទៅរកព្រះអង្គសង្គ្រោះទទួលបានជំនួយ និងការណែនាំរបស់ទ្រង់ ។ សូមពិចារណាពីរបៀបដែលបងប្អូនបាន « មកជ្រកក្រោម » ព្រះអម្ចាស់ ( នាងរស់ ២:១២ ) អំឡុងគ្រាដ៏លំបាករបស់បងប្អូន ។
សូមមើលផងដែរ អេមមី អេ រ៉ាយ « ចូរធន់នៅថ្ងៃនោះនៅក្នុងព្រះគ្រីស្ទ » លីអាហូណា ខែវិច្ឆិកា ឆ្នាំ២០២៣ ទំព័រ ៩–១១ ។
For This Child I Prayed [ ខ្ញុំបានអធិស្ឋានសូមឲ្យបានកូននេះ ] ដោយ អែលស្ពែស យ៉ាំង
សាំយូអែល ទី១ ២; ៤–៧
ដើម្បីទទួលបានជំនួយពីព្រះអម្ចាស់ ខ្ញុំត្រូវទុកចិត្តទ្រង់ ហើយគោរពតាមបទបញ្ញត្តិរបស់ទ្រង់ ។
ពេលសត្រូវរបស់ពួកគេវាយប្រហារ ពួកសាសន៍អ៊ីស្រាអែលទំនងជាគិតថា ការកាន់ហឹបនៃសេចក្តីសញ្ញានឹងការពារពួកគេ ។ នៅពេលបងប្អូន សាំយូអែល ទី១ ៤–៦ សូមគិតអំពីមូលហេតុដែលការហឹបនោះមិនបានជួយដល់ពួកគេ ។ ( សូមកត់ចំណាំផងដែរនូវទង្វើដ៏ទុច្ចរិតរបស់កូនប្រុសរបស់អេលី ដែលបានបម្រើជាសង្ឃនៅក្នុងរៀងឧបោសថ នៅក្នុង សាំយូអែល ទី២:១២–២៥ ) ។ តើបងប្អូនគិតថាព្រះអម្ចាស់បានព្យាយាមបង្រៀនរាស្ដ្ររបស់ទ្រង់អ្វីខ្លះ ? តើបងប្អូនរៀនអ្វីខ្លះពីអ្វីដែលបានកើតឡើងចំពោះសាសន៍ភីលីស្ទីន បន្ទាប់ពីបានហឹបនោះ ? ( សូមមើល ជំពូកទី ៥–៦ ) ។ តើបងប្អូនរៀនអ្វីខ្លះពីការខិតខំរបស់អ៊ីស្រាអែលដើម្បីទទួលបានការការពារពីព្រះអម្ចាស់ឡើងវិញ សាំយូអែល ទី១ ៧ ?
បងប្អូនអាចនឹងត្រូវបានបំផុសគំនិតដោយការអានកំណាព្យនៃបទសរសើររបស់ហាណា នៅក្នុង សាំយូអែល ទី១ ២:១–១០ ។ តើបងប្អូនរកឃើញអ្វីនៅក្នុងពាក្យរបស់នាង ដែលអាចជួយកូនប្រុសរបស់អេលី និងពួកសាសន៍អ៊ីស្រាអែលឯទៀតៗ ?
សាំយូអែល ទី១ ៣
ខ្ញុំអាចឮ និងគោរពតាមសំឡេងរបស់ព្រះអម្ចាស់ ។
ពេលខ្លះ បងប្អូនប្រហែលជាមានអារម្មណ៍ដូចសាំយូអែល ដែលបានឮព្រះសូរសៀងរបស់ព្រះអម្ចាស់ ប៉ុន្តែមិនស្គាល់ព្រះសូរសៀងនោះទេ ។ សាំយូអែល ក៏ដូចជាយើងទាំងអស់គ្នាដែរ ត្រូវរៀនពីរបៀបស្គាល់ព្រះសូរសៀងរបស់ព្រះអម្ចាស់ ។ នៅពេលបងប្អូនសិក្សា សាំយូអែល ទី១ ៣តើបងប្អូនបានរៀនអ្វីខ្លះអំពីក្មេងប្រុសម្នាក់នេះអំពីការស្តាប់ និងការគោរពតាមសំឡេងរបស់ព្រះអម្ចាស់ ? បងប្អូនក៏អាចស្វែងរកបទគម្ពីរបន្ថែមទាំងនេះ ហើយធ្វើបញ្ជីនៃគោលការណ៍ណែនាំដែលអាចជួយមនុស្សម្នាក់ស្គាល់ព្រះសូរសៀងរបស់ព្រះអម្ចាស់ ៖ សាំយូអែល ទី១៩:១១–១២; លូកា ២៤:១៥–៣២; នីហ្វៃទី៣ ១១:៣–៧; គោលលទ្ធិ និងសេចក្តីសញ្ញា ៦:២២–២៣; ៨:២–៣; ៩:៧–៩ ។
ពេលផ្សេងទៀត បងប្អូនអាចមានអារម្មណ៍ថាស្ថានសួគ៌បានបិទ ហើយថាព្រះមិនចង់ប្រាស្រ័យទាក់ទងជាមួយបងប្អូនទេ ។ ប្រធាន រ័សុល អិម ណិលសុន បានមានប្រសាសន៍ថា « តើព្រះពិតជា សព្វព្រះទ័យ មានបន្ទូលមកកាន់បងប្អូនមែនទេ ? បាទ ! » ( « Revelation for the Church, Revelation for Our Lives » Liahona ខែឧសភា ឆ្នាំ២០១៨ ទំព័រ ៩៣–៩៦ ) ។ នៅពេលបងប្អូនសិក្សាសារលិខិតរបស់ប្រធាន ណិលសុន តើបងប្អូនរកឃើញអ្វីខ្លះដែលបំផុសគំនិតបងប្អូនឲ្យឮ ហើយគោរពតាមព្រះសូរសៀងរបស់ព្រះអម្ចាស់ ? តើប្រធាន ណិលសុន អញ្ជើញបងប្អូនឲ្យធ្វើអ្វីខ្លះ ហើយតើលោកសន្យានូវពរជ័យអ្វីខ្លះ ? បងប្អូនក៏អាចស្វែងរកការអញ្ជើញ និងពរជ័យដែលបានសន្យាអំពីវិវរណៈនៅក្នុង « ដើរក្នុងពន្លឺរបស់ព្រះ » ( ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ទំព័រ ១៦–២០ ) ។ សូមពិចារណាជ្រើសរើសកិច្ចការមួយដែលបងប្អូនអាចធ្វើដើម្បី « បង្កើនសមត្ថភាពខាងវិញ្ញាណរបស់បងប្អូនដើម្បីទទួលបានវិវរណៈ » ។
សម្រាប់គំនិតបន្ថែម សូមមើលការចុះផ្សាយទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
នាងរស់
ខ្ញុំអាចបង្ហាញសេចក្តីស្រឡាញ់ និងចិត្តសប្បុរសចំពោះមនុស្សដែលនៅជុំវិញខ្ញុំ ។
-
នៅពេលបងប្អូនចែកចាយជាមួយកូនៗបងប្អូននូវដំណើររឿងរបស់នាងរស់ ( បងប្អូនអាចប្រើ « នាងរស់ និងន៉ាអូមី » នៅក្នុង ដំណើររឿងព្រះគម្ពីរសញ្ញាចាស់ ទំព័រ ១០០–១០៣ ) សូមអញ្ជើញពួកគេឲ្យលើកដៃឡើងរាល់ពេលដែលពួកគេបានឮនូវទង្វើនៃសេចក្តីសប្បុរសនៅក្នុងដំណើររឿងនេះ ។ ពួកគេក៏អាចចែកចាយពីរបៀបដែលពួកគេមានអារម្មណ៍នៅពេលដែលអ្នកដទៃមានចិត្តសប្បុរសចំពោះពួកគេ ឬនៅពេលដែលពួកគេមានចិត្តសប្បុរសចំពោះអ្នកដទៃ ។ តើព្រះអង្គសង្គ្រោះមានចិត្តសប្បុរសចំពោះយើងដោយរបៀបណា ? តើយើងអាចធ្វើតាមគំរូរបស់ទ្រង់ដោយរបៀបណា ? ( សូមមើល « ចិត្តល្អចាប់ផ្ដើមនឹងខ្ញុំ » សៀវភៅចម្រៀងកុមារ ទំព័រ ៨៣ ) ។
2:0Ruth and Naomi
នាងរស់; សំាំយូអែល ទី១ ១
ខ្ញុំអាចមានជំនឿលើព្រះអម្ចាស់ ។
-
ដំណើររឿងនាងរស់ និងហាណាអាចបំផុសគំនិតកូនៗបងប្អូនឲ្យរក្សាភាពស្មោះត្រង់ក្នុងគ្រាលំបាក ។ សូមពិចារណាជួយពួកគេបង្កើតតារាងសាមញ្ញដែលមានចំណងជើង ការសាកល្បង, សកម្មភាព, ពរជ័យ ។ បន្ទាប់មក បងប្អូនអាចអានជាមួយគ្នានៅ នាងរស់ ១:៣–៥, ៨, ១៦; ២:១–៣, ៨–១២; ៤:១៣–១៧; សាំយូអែល ទី១ ១:១–១៨ ហើយសរសេរនៅក្រោមចំណងជើងនូវអ្វីដែលពួកគេរកឃើញនៅក្នុងខគម្ពីរទាំងនេះ ។ តើនាងរស់ និងហាណាបង្ហាញសេចក្តីជំនឿរបស់ពួកគេនៅលើព្រះអម្ចាស់ដោយរបៀបណា ? នៅពេលនោះ បងប្អូន ឬកូនៗបងប្អូនអាចចែកចាយឧទាហរណ៍អំពីរបៀបដែលព្រះអម្ចាស់បានប្រទានពរដល់បងប្អូនក្នុងគ្រាលំបាក ។
សាំយូអែល ទី១ ១:១–១៨
ព្រះវរបិតាសួគ៌ព្រះសណ្ដាប់ ហើយឆ្លើយតបការអធិស្ឋានរបស់ខ្ញុំ ។
-
ដើម្បីរៀនអំពីហាណា នោះកូនៗបងប្អូនអាចអាននៅ សាំយូអែល ទី១ ១:១–១៨ ឬ « ហាណា » នៅក្នុង ដំណើររឿងព្រះគម្ពីរសញ្ញាចាស់ ( ទំព័រ ១០៤–១០៥ ) ឬមើល « Hannah’s Faith » ( វីដេអូ នៅលើបណ្ណាល័យដំណឹងល្អ ) ។ វាប្រហែលជាសប្បាយរីករាយក្នុងការបោះបាល់ទៅកូន ហើយអញ្ជើញពួកគេឲ្យប្រាប់ផ្នែកនៃដំណើររឿង មុននឹងបញ្ជូនបាល់ទៅឲ្យអ្នកផ្សេង ។ តើយើងអាចរៀនអ្វីខ្លះ អំពីការអធិស្ឋានដែលមកពីគំរូរបស់ហាណា ?
1:15Hannah
3:9Hannah's Faith
Samuel Tells Eli the Truth [ សាំយូអែល ប្រាប់អេលីនូវសេចក្តីពិត ] ដោយ រ៉ូប៊ឺត ធី បារ៉ែត
សាំយូអែល ទី១ ៣:១–១០
ខ្ញុំអាចស្តាប់ឮ និងគោរពតាមព្រះសូរសៀងរបស់ព្រះអម្ចាស់ ។
-
ប្រហែលជាការសម្តែងសាមញ្ញៗអាចជួយកូនៗបងប្អូនរៀនពីបទពិសោធន៍របស់សាំយូអែលទាក់ទងនឹងវិវរណៈ ។ កូនម្នាក់អាចសម្តែងជាសាំយូអែល ហើយម្នាក់ទៀតអាចសម្តែងជាអេលី ដូចដែលបងប្អូនបានអាន សាំយូអែល ទី១ ៣:១–១០ ( សូមមើលផងដែរ « សាំយូអែលជាព្យាការី » នៅក្នុង ដំណើររឿងព្រះគម្ពីរសញ្ញាចាស់ ទំព័រ ១០៦–១០៩ ឬវីដេអូ « Samuel and Eli » នៅលើបណ្ណាល័យដំណឹងល្អ ) ។ តើយើងអាចរៀនអ្វីខ្លះពីសាំយូអែល អំពីរបៀបស្តាប់ព្រះសូរសៀងរបស់ព្រះអម្ចាស់ ? តើយើងបង្ហាញថា យើងមានឆន្ទៈស្តាប់ នៅពេលព្រះអម្ចាស់មានបន្ទូលមកកាន់យើងដោយរបៀបណា ?
2:10Samuel the Prophet
1:58Samuel and Eli
-
សូមសួរកូនៗរបស់បងប្អូនពីរបៀបដែលពួកគេនឹងពន្យល់ទៅកាន់នរណាម្នាក់អំពីរបៀបដែលព្រះអម្ចាស់មានបន្ទូលទៅកាន់ពួកគេ ។ បងប្អូនអាចជួយពួកគេរកមើលចម្លើយនៅក្នុង គោលលទ្ធិ និងសេចក្តីសញ្ញា ៦:២២–២៣; ៨:២–៣; ៩:៧–៩ ។
សូមជួយកូនៗបងប្អូនរៀនស្គាល់ព្រះវិញ្ញាណ ។ វាមិនងាយស្រួលទេក្នុងការយល់រវាងអារម្មណ៍របស់យើងផ្ទាល់ និងព្រះវិញ្ញាណបរិសុទ្ធនោះ ។ មនុស្សគ្រប់គ្នាពុះពារនឹងការណ៍នេះនៅពេលខ្លះ ។ សូមចាប់យកគ្រប់ឱកាសដែលបងប្អូនអាចធ្វើបាន ដើម្បីជួយកូនៗបងប្អូនស្គាល់ នៅពេលពួកគេកំពុងទទួលឥទ្ធិពលនៃព្រះវិញ្ញាណ ។ ឧទាហរណ៍ នៅពេលបងប្អូនអាន សាំយូអែល ទី១ ៣:១–១០ និងខគម្ពីរដែលបានណែនាំនៅក្នុងគោលលទ្ធិ និងសេចក្តីសញ្ញា នោះបងប្អូនអាចចែកចាយបទពិសោធន៍ដែលព្រះអម្ចាស់បានបង្រៀនបងប្អូននៅក្នុងគំនិត និងចិត្តរបស់បងប្អូន ។
សម្រាប់គំនិតបន្ថែម សូមមើលការចុះផ្សាយទស្សនាវដ្តី ប្រិយមិត្ត នៅខែនេះ ។