Rutarbók; 1. Samúelsbók 1–7

Lífið er erfitt fyrir ekkju á hvaða æviskeiði sem er. Þegar eiginmaður Rutar lést voru aðstæður hennar einkar erfiðar. Í menningu Ísraelsmanna á þessum tíma gat eiginkona ekkert tilkall gert til eigna án eiginmanns og erfitt var að afla sér viðurværis. Þegar þið lesið frásögnina um Rut, gætið þá að því hvernig Drottinn breytti harmi í miklar blessanir. Hverju takið þið eftir í fari Rutar sem gæti hafa hjálpað henni? Hvernig leysti Bóas Rut úr örvæntingarástandi hennar? (sjá Rutarbók 4:4–10). Hvernig voru bæði Rut og Bóas lík Jesú Kristi?

Sjá einnig „Ver hljóð, mín sál,“ Sálmar, nr. 41.

Ef til vill hefur missir ykkar verið mikill, líkt og Rutar og Naomí (sjá Rutarbók 1:1–5). Þið gætuð kannski þráð blessanir sem þið hafið enn ekki hlotið, líkt og Hanna gerði (sjá 1. Samúelsbók 1:1–10). Hvernig sýndu þessar konur trú sína á Guð? Hvað lærið þið af fordæmi þeirra?

Auðvitað eignast ekki allir barn sem um það biðja og ekki giftast allir aftur sem missa maka sinn. Allir sem snúa sér til frelsarans hljóta hins vegar hjálp hans og leiðsögn. Íhugið hvernig þið hafið „[leitað] verndar undir vængjum“ Drottins (Rutarbók 2:12) á erfiðum stundum lífsins.

Sjá einnig Amy A. Wright, „Standast daginn í Kristi,“ aðalráðstefna, október 2023.

Þegar óvinir Ísraelsmanna gerðu árás virtust þeir greinilega halda að það eitt að eiga sáttmálsörkina myndi vernda þá. Þegar þið lesið 1. Samúelsbók 4–6, íhugið þá ástæðu þess að það var ekki svo. (Gætið einnig að ranglátri breytni sona Elí í þjónustu sinni sem prestar í tjaldbúðinni í 1. Samúelsbók 2:12–25.) Hvað finnst ykkur Drottinn hafa verið að reyna að kenna lýð sínum? Hvað lærið þið af því sem gerðist með Filisteana eftir að þeir höfðu tekið örkina? (sjá kafla 5–6). Hvað lærið þið af tilraunum Ísraelsmanna til að endurheimta vernd Drottins í 1. Samúelsbók 7?

Þið gætuð hlotið innblástur af því að lesa lofgjörðarljóð Hönnu í 1. Samúelsbók 2:1–10. Hvað finnið þið í orðum hennar sem gæti hafa hjálpað sonum Elí og hinum Ísraelítunum?

Stundum gæti ykkur liðið eins og Samúel sem heyrði rödd Drottins en þekkti hana ekki. Samúel þurfti, eins og við öll, að læra að þekkja rödd Drottins. Hvað lærið þið af þessum unga dreng er þið lærið 1. Samúelsbók 3 um að heyra og hlíta rödd Drottins? Þið gætuð líka kannað þessi viðbótarvers og skráð leiðbeiningar sem geta hjálpað einstaklingi að þekkja rödd Drottins: 1. Konungabók 19:11–12; Lúkas 24:15–32; 3. Nefí 11:3–7; Kenning og sáttmálar 6:22–23; 8:2–3; 9:7–9.

Á öðrum stundum gæti ykkur fundist himnarnir lokaðir og Guð vilji ekki eiga samskipti við ykkur. Russell M. Nelson forseti sagði: „Vill Guð í raun tala til ykkar? Já!“ („Opinberun fyrir kirkjuna, opinberun fyrir eigið líf,“ aðalráðstefna, apríl 2018). Hvað finnið þið sem innblæs ykkur til að heyra og hlýða rödd Drottins, er þið lærið boðskap Nelsons forseta? Hvað býður Nelson forseti ykkur að gera og hvaða blessunum lofar hann? Þið getið líka fundið boð og fyrirheitnar blessanir varðandi opinberun í „Verið í ljósi Guðs“ (Til styrktar ungmennum: Leiðarvísir að ákvarðanatökum, 16–20). Íhugið að velja eitthvað eitt sem þið gætuð gert til að „auka andlega hæfni ykkar til að hljóta opinberun“.

• Þegar þið miðlið börnum ykkar sögunni um Rut (þið gætuð notað „Rut og Naomí“ í Sögur úr Gamla testamentinu, 100–103), biðjið þau þá að rétta upp hönd í hvert sinn sem þau heyra góðverk í frásögninni. Þau gætu líka sagt frá því hvernig þeim líður þegar aðrir eru góðir við þau eða þegar þau eru góð við aðra. Hvernig hefur frelsarinn verið góður við okkur? Hvernig getum við fylgt fordæmi hans? (sjá „Góðvildin hefst hjá mér,“ Barnasöngbókin, 83).

  

  2:0

• Sögurnar um Rut og Hönnu geta hvatt börn ykkar til að vera trúföst á erfiðum tímum. Íhugið að hjálpa þeim að búa til einfalda töflu með fyrirsögnunum Erfiðleikar, Verk, Blessanir. Þið gætuð síðan lesið saman Rutarbók 1:3–5, 8, 16; 2:1–3, 8–12; 4:13–17; 1. Samúelsbók 1:1–18 og skrifað undir fyrirsagnirnar það sem þau finna í þessum versum. Hvernig sýndu Rut og Hanna trú á Drottin? Þið eða börn ykkar gætuð síðan miðlað dæmum um það hvernig Drottinn hefur blessað ykkur á erfiðum tímum.

• Til að læra um Hönnu, gætu börn ykkar lesið 1. Samúelsbók 1:1–18 eða „Hanna“ í Sögur úr Gamla testamentinu (104–5) eða horft á „Hannah‘s Faith“ (myndband, Gospel Library). Það gæti verið gaman að kasta bolta til barns og bjóða því að segja hluta sögunnar áður en það sendir boltann til einhvers annars. Hvað lærum við um bæn af fordæmi Hönnu?

  

  1:15

  

  3:9

• Ef til vill gæti einfaldur hlutverkaleikur hjálpað börnum ykkar að læra af reynslu Samúels af opinberun. Eitt barn gæti látist vera Samúel og annað gæti látist vera Elí við lestur 1. Samúelsbókar 3:1–10 (sjá einnig „Spámaðurinn Samúel“ í Sögur úr Gamla testamentinu, 106–9, eða myndbandið „Samuel og Eli,“ Gospel Library). Hvað lærum við af Samúel um hvernig heyra á rödd Drottins? Hvernig sýnum við að við erum fús til að hlusta þegar Drottinn talar til okkar?

  

  2:10

  

  1:58

• Spyrjið börn ykkar að því hvernig þau myndu útskýra fyrir einhverjum hvernig Drottinn talar til þeirra. Þið gætuð hjálpað þeim að leita svara í Kenningu og sáttmálum 6:22–23; 8:2–3; 9:7–9.