Հռութ, Ա Թագավորների 1–7

Այրի կնոջ համար կյանքը դժվար է ցանկացած ժամանակաշրջանում: Բայց երբ Հռութի ամուսինը մահացավ, նրա վիճակը հատկապես ծանրացավ։ Այդ ժամանակ իսրայելական մշակույթում կինն առանց ամուսնու և որդիների սեփականության իրավունք չուներ և ապրուստ վաստակելու շատ սուղ հնարավորություններ ուներ: Կարդալով Հռութի պատմությունը՝ ուշադրություն դարձրեք, թե ինչպես է Տերը ողբերգությունը վերածում մեծ օրհնությունների: Ի՞նչ նկատեցիք Հռութի մեջ, որը կարող էր նրան օգնել: Ինչպե՞ս Բոոսը փրկեց Հռութին իր հուսահատ վիճակից (տես Հռութ 4․4–10)։ Ինչո՞վ էին Հռութն ու Բոոսը նման Հիսուս Քրիստոսին:

Տես նաև «Be Still, My Soul» օրհներգը, Հիմներ, հմր. 124։

Գուցե դուք մեծ կորուստ եք ունեցել՝ ինչպես Հռութն ու Նոեմին (տես Հռութ 1․1–5)։ Կամ գուցե, Աննայի նման փափագում եք օրհնություններ, որոնք դեռ չեք ստացել (տես Ա Թագավորների 1․1–10)։ Այդ կանայք ինչպե՞ս ցուցադրեցին իրենց հավատքն առ Աստված: Ի՞նչ սովորեցիք նրանց օրինակից:

Իհարկե, ոչ բոլորը, որոնք աղոթում են երեխայի համար, երեխա են ունենում, և ոչ բոլորը, ում կողակիցը մահանում է, նորից են ամուսնանում: Բայց յուրաքանչյուր մարդ, որը դիմում է Փրկչին, ստանում է Նրա օգնությունն ու առաջնորդությունը: Մտածեք, թե ինչպես եք «ապաստարան գտել» Տիրոջ մոտ (Հռութ 2․12) նույնիսկ ձեր դժվար ժամանակներում։

Տես նաև Էմի Ա. Ռայթի «Մնացեք այդ օրը Քրիստոսում» ուղերձը, Լիահոնա, նոյ. 2023, 9–11։

Երբ թշնամիները հարձակվեցին իսրայելացիների վրա, նրանք, ըստ երևույթին, կարծում էին, որ պարզապես ունենալով ուխտի տապանակ՝ իրենք պաշտպանված կլինեն։ Ա Թագավորների 4–6 հատվածները կարդալիս մտածեք, թե ինչու դա չօգնեց իրենց: (Ա Թագավորների 2․12–25 հատվածներում ուշադրություն դարձրեք Հեղիի որդիների անարդար գործողություններին, որոնք խորանում ծառայում էին որպես քահանաներ։) Ըստ ձեզ, Տերը ի՞նչ էր փորձում ուսուցանել Իր ժողովրդին: Ի՞նչ սովորեցիք այն ամենից, ինչ տեղի ունեցավ փղշտացիների հետ տապանակը գրավելուց հետո (տեսբաժիններ 5–6)։ Ա Թագավորների 7 գլխից ի՞նչ սովորեցիք Տիրոջ պաշտպանությունը վերականգնելու Իսրայելի ջանքերից։

Ձեզ կարող է ոգեշնչել Ա Թագավորների 2․1–10 հատվածներում Հաննայի գովաբանության բանաստեղծությունը կարդալը։ Ի՞նչ գտաք նրա խոսքերում, որոնք կարող են օգնել Հեղիի որդիներին և մյուս իսրայելացիներին։

Երբեմն կարող եք ձեզ Սամուելի նման զգալ, որը լսել է Տիրոջ ձայնը, բայց չի ճանաչել այն: Ինչպես բոլորս, Սամուելը նույնպես պետք է սովորեր, թե ինչպես ճանաչել Տիրոջ ձայնը: Ուսումնասիրելով Ա Թագավորների 3 գլուխը, ի՞նչ սովորեցիք այդ փոքր տղայից՝ Տիրոջ ձայնը լսելու և դրան հնազանդվելու մասին: Կարող եք նաև փնտրել հետևյալ լրացուցիչ սուրբ գրությունները և գրել այն ուղեցույցները, որոնք կարող են օգնել մարդուն ճանաչել Տիրոջ ձայնը. Ա Թագավորներ 19.11–12, Ղուկաս 24․15–32, 3 Նեփի 11․3–7, Վարդապետություն և Ուխտեր 6.22–23, 8․2–3, 9․7–9։

Այլ դեպքերում ձեզ կարող է թվալ, որ երկինքը փակ է, և որ Աստված չի ցանկանում շփվել ձեզ հետ: Նախագահ Ռասսել Մ. Նելսոնն ասել է. «Արդյո՞ք Աստված ցանկանում է խոսել ձեզ հետ: Այո»։ («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 93–96)։ Նախագահ Նելսոնի ուղերձն ուսումնասիրելիս ի՞նչ գտաք, որը կարող է ոգեշնչել ձեզ լսել և հնազանդվել Տիրոջ ձայնին: Ի՞նչ է ձեզ առաջարկում անել նախագահ Նելսոնը և ինչ օրհնություններ է նա խոստանում: Հայտնության վերաբերյալ առաջարկներ և խոստացված օրհնություններ կարող եք գտնել նաև «Քայլեք Աստծո լույսով» նյութում (Երիտասարդներին զորացնելու համար. ուղեցույց ընտրություն կատարելու համար, 16–20)։ Ընտրեք մի բան, որը կարող եք անել, որպեսզի «մեծացնեք հայտնություն ստանալու ձեր հոգևոր կարողությունը»:

• Ձեր երեխաների հետ Հռութի պատմությունով կիսվելիս (կարող եք օգտագործել «Հռութը և Նոեմին» պատմությունը Հին Կտակարանի պատմություններ գրքից, 100–103) առաջարկեք նրանց բարձրացնել իրենց ձեռքերն ամեն անգամ, երբ այս պատմության մեջ կլսեն բարության դրսևորման մասին: Նրանք կարող են նաև կիսվել իրենց զգացմունքներով, երբ ուրիշները բարի են իրենց նկատմամբ կամ, երբ իրենք են բարի ուրիշների հանդեպ: Ինչպե՞ս է Փրկիչը բարություն ցուցաբերել մեր հանդեպ: Ինչպե՞ս կարող ենք հետևել Նրա օրինակին (տես «Բարին ինձնից պիտ գա» երգը Children’s Songbook, 145)։

  

  2:0

• Հռութի և Աննայի պատմությունները կարող են ոգեշնչել ձեր երեխաներին հավատարիմ մնալ դժվար ժամանակներում: Օգնեք նրանց ստեղծել Փորձություններ, Գործողություններ, Օրհնություններ վերնագրերով մի պարզ աղյուսակ։ Ապա կարող եք միասին կարդալ Հռութ 1.3–5, 8, 16, 2.1–3, 8–12, 4.13–17, Ա Թագավորների 1․1–18 հատվածները և համապատասխան վերնագրերի տակ գրել այն, ինչ գտել եք այս հատվածներում։ Ինչպե՞ս Հռութն ու Աննան ցույց տվեցին իրենց հավատքն առ Տերը։ Այնուհետև դուք կամ ձեր երեխաները կարող եք կիսվել օրինակներով, թե ինչպես է Տերը օրհնել ձեզ դժվար ժամանակներում:

• Աննայի մասին իմանալու համար ձեր երեխաները կարող են կարդալ Ա Թագավորների 1․1–18 հատվածները կամ «Աննան» պատմությունը Հին Կտակարանի պատմություններ գրքից (104–5) կամ դիտել «Hannah’s Faith» տեսանյութը (տեսանյութ, Gospel Library հավելված): Երեխային մի գնդակ նետեք և առաջարկեք նրան պատմել պատմության մի մասը՝ գնդակը մեկ ուրիշին փոխանցելուց առաջ: Մենք ի՞նչ սովորեցինք Աննայի օրինակից աղոթքի մասին:

  

  1:15

  

  3:9

• Պարզ դերախաղի միջոցով ձեր երեխաները կարող են դասեր քաղել հայտնության վերաբերյալ Սամուելի փորձառությունից: Ա Թագավորների 3․1–10 հատվածները կարդալիս երեխաներից մեկը կարող է խաղալ Սամուելի, իսկ մյուսը՝ Հեղիի դերը (տես նաև «Samuel the Prophet» պատմությունը Հին Կտակարանի պատմություններ գրքից, 106–9 կամ «Samuel and Eli» տեսանյութը, Gospel Library հավելված): Ի՞նչ սովորեցինք Սամուելից այն մասին, թե ինչպես լսել Տիրոջ ձայնը: Ինչպե՞ս ենք ցույց տալիս, որ պատրաստ ենք լսել, երբ Տերը խոսում է մեզ հետ:

  

  2:10

  

  1:58

• Հարցրեք ձեր երեխաներին, թե իրենք ինչպես կբացատրեն որևէ մեկին, թե Տերը ինչպես է խոսում իրենց հետ: Կարող եք օգնել նրանց պատասխաններ փնտրել Վարդապետություն և Ուխտեր 6.22–23, 8․2–3, 9․7–9 հատվածներում։