“May 25–31. ‘Pi’ SOMOL be’ ni nge chuwegrad u tan pa’ fare Pilung’: Judges 2–4; 6–8; 13–16,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)
“May 25–31. ‘Pi’ SOMOL be’ ni nge chuwegrad u tan pa’ fare Pilung,’” Moey, Ngam Lakeg: Bin Kakrom e M’ag 2026
“Kefel’, bay gu un ngom”—Deborah ni fare Profetess, ke yib rok Des Leavitt
May 25– 31: “Pi’ SOMOL be’ ni nge chuwegrad u tan pa’ fare Pilung”
Judges 2–4; 6–8; 13–16
Gadad gubin ma gadad manang rogon e thamiy nima yib denen, kirbaen’uy ngay, nge kalngan’ min thilyeg rogon e pi kanawo’ ni gadadbe yean riy. Machane bo’or yay ni gadadma pagtalin e’en nikad rin’ed ko som’on, ma, napan ebay kiyib biyay e lumel, ma kagadadsul biyay udakean fare denen. Biney ni giybe sulu dakean erib bo’or yay nibuch ulan fare babyor ko Judges. Niyib ko rogone yalen nge mich ko fapi Kanaanites—nsusun ni ngar chuwgad u dakean farengi binaew—fapi Isrealites nra gathayed fapi michmicheg rorad ngak Somoel miyad pi’ keru’rad ko liyoer ngak. Bachane biney, ma aram miyad mul utan pa’ fare ayuw nima yib rok min kalbus nagrad. Machane gubin yay nra buch ebiney, ma sul Somoel ngabi ayuweg biyay e gidii’ rok ni ngar kalngan’gad me pi’ be’ ni nge chuwegrad u tan pa’ e pilung, nibe’ nib ga’ ko salthaw ni kanog e “tagagiyeg ngak.” Gathi gubin e tagagiyeg nibay ulan fare babyor ko Judges e ba yul’yul’, machane bay boch nnri gay rogon ufithik e mich ninge ayuweg pifak yu Isreal ni ngar sulod ko fapi michmich rorad ngak Somoel. Tineye yat e gadadbe fil riy ni demuturug ko mange ran’en nibe wawoliydad nga orel rok Yesus Kristus, I Ir e Tabayul rok piyu Israel ma gubin ngiyal’ ma ba’dag ninge chuwegdad ufithik e magawon me fulwegdad ngak.
Fan ko overview ko fare babyor ko Judges, muguy ko “Judges, book of” ulan fare Bible Dictionary.
Boech Rogon Nrayog ningan Mo’nognag e Machib u Tabinaew nge Galasia
Judges 2:1–19; 3:5–12
Somoel e ma n’agfan napan e baygu kalngan’.
Fare babyor ko Judges e bay ni mornga’agen e riyaq nge pi’ e athamgil. Musap nag mornga’agen e riyaq nge athamgil riy ko napon ni baymu be’eg e Judges 2:1–19; 3:5–12. Uw rogon nibay rogon e pi riyaq nge athamgil ney ngom?
Woed e, fa’anra Judges 2:19 e wod ni mornga’agen nge rogone pi lumel ni iyib ngom ma gathi mornga’agen fapi Isrealites, ma mange ran’en ni gara yog riy? Fa’anra Judges 3: 9 e wod ni mornga’agen en’en nike rin’ Somoel ninge chuwegenem ko kireb, ma mange sana yira yoeg riy?
Mu tafneynag ni ngamu be’eg fare duwer nge fare fulweg riy ko page 9 ko Fan ko Gelngin e Pi’in ni Fal’yangren: Babyoren e Powi’iy ko Rogon ni ngan Me’eleg. Uw rogon nibay rogone biney ngak etin nibuch ko fapi Isrealites ulan fare babyor ko Judges? Mange be machib nag e biney ni morngaʼagen Yesus Kristus?
Judges 4:1–15
Rayag ni nggu pi’ e athamgil ngak boche gidii’ ngar thapaged e mich ngak Somoel.
Bochingiyal’ ma mich ko ta’ be’ erayog ninge gelnag e mich ko gidii’ nib yo’or. Ulane Judges 4, chan’ey ni doro’ e kanog i Deborah ngak. Mu be’eg mornga’agen ulane Judges 4:1–15, muguy rogon en’en nirin’ e gidii’ nibayu charen. Ba’aray boche duwer nra ayuwegnem ngam tafneynag e pin’en nibuch rok nge rogon nibay rogon ko yafos rom:
-
Ba uw rogon ni gara weliy rogon fapi Isrealites ko ngiyal’ nem? (muguy ko verses 1–3). Mange gabe guy riy nib ta’abrogon kotin nibe buch e doba’—ko girdii’ nge rogone par?
-
Mange yoeg fa rin’ Deborah nidag ngom nibaye mich rok ngak Somoel? Mich rok e ba uw rogon ni ayuweg e gidii’? Mange ran’en nike gin owchem riy nibochan?
-
Mange gabe tafney nag ko n’en nibe yipfan e duwer ku Deborah ulane verse 14: “gathi SOMOL e be pow’iyem?” Uw rogon nima yaen Somoel “nibe powi’iyem”? (muguy ko Doctrine and Covenants 84:87–88).
Mu tafney nag rogon e mich rom ngak Yesus Kristus nira ayuweg boche gidii’ ni bod rogon e mich ku Deborah ni tawa’ath nag Barak nge boche Isrealites. Ra ngan ayuywegnem ngam lemnag e biney, ma sana bt’uf ningam fil e mulwol ku Elder Neil L. Andersen “We Talk of Christ” (Liahona, Nov. 2020, 88–91). Musapnag ko bineye mulwol fare (1) fan nibt’uf ni dabin mitheg mornga’agen fare Tathapeg nge (2) rogon nrayog ningan rin’.
Nge mu’ mrayog ningamu list nag boch ban’en ni gamanang ni mornga’agen Yesus Kristus—nike yib ko chep nib thothup, ke yib ko fapi profet nib fos, nge tin nike buch rom. Mini’ ebay nibt’uf ngak ninge rung’ag e biney? Uw rogon ningam weliy ngak?
Ngkum guy ko Matthew 5:14–16; 1 Peter 3:15; “Each Life That Touches Ours for Good,” Hymns, no. 293.
Pining nge gol ngak. Fa’anra gurebe sensey—u tabinaew fa u galasia—“mpag e pi’in niyadbe fil ningar weliyed etin niyadbe fil ni mornga’agen fare Tathapeg nge fare gospel rok. Biney ni yadra rin’ era ayuwegrad ngar nang faned epin’en niyadbe machib nag nge tin niyad be weliy mornga’agen” (Teaching in the Savior’s Way, 26). Woed e, napon ni yira fil e Judges 4 u tabang, marayog ni ngamu pi’ ban’en ngak be’ ni’ir e nge gay mornga’agen ma ir e kubayi weliy ko mange ke pateg ni mornga’agen.
Judges 6–8
Somoel erayog ninge ngongliy e ma’ang’ang ni fa’anra pagaen’ug ko kanawo’ rok.
Napan e baymu be’eg e Judges 6–8, mu yoloey mornga’agen etin nibuch ko napon ni fith Somoel ngak Gideon ni nge rin’ bogi ban’en ni gathi rima buch. Bay bangiyal’ nike fith ban’en ngom nib chugur rogon ko biney?
Mange gabe tafney nag ko n’en nibe gay rogon ninge fil ngom ko mornga’gen e biney? Uw rogon nikam guy Somoel nibe rin’ e muruwel rok ni wod ni gathi yima rin’ ni aram rogon?
Judges 13–16
Got era gel nigeg ni fa’anra gub yul’yul’ ko michmicheg rog.
Samson ni chuw gelngin nge thothup rok nibochane gathaynag fapi michmicheg rok ngak Got, nib mu’un fatin nibay fan ngak Nazarites (mornga’agen e Nararites, muguy ko Numbers 6:1–6; Judges 13:7). Napan e baymu be’eg mornga’agen Samson ulane Judges 13–16, mu tayu wun’um etin ba’aray e verse nibay Somoel ku Samson, kuwod rogon etin ni ba’aray e verse nibe dag ni dani tiyan’ Samson ko fapi michmich rok ngak Somoel.
Sana bay ni kagra lem nag fapi michmicheg rom nikam ngongliy ngak Somoel. Pi michmicheg ney e ba uw rogon nike fek ngelngin ngalane yafos rom? Mange kam fil ko n’en nike buch ku Samson nibe pi’ e athamgil ngom ningam par ni gab yul’yul’ kotin nikam michmicheg nag ngak Got?
Sister Ann M. Dibb e machib nag: “Nni gargeleg Samson nnri bo’or fal’ngin. Nni michmicheg nag ngak e chitiningin, ‘Ya bayi tabab i muruwliy ni nge chuweg piyu Israel u tan pa’ e piyu Filistia’ [Judges 13:5]. Machane napon nibe il’al’ i Samson, ma isap ko lumel nu fayleng kotin ni ba’aray ban’en nibe powi’iynag Got. Ma irin’ bogi ban’en nibochane ‘I ir e [ke] leamnag’ [Judges 14:3] ma gathi bochane tinem e bogi ban’en nib mat’aw ninge rin’. Gathi tabiyay nisul e thin nib thothup u dakean fare bugthin ni ‘me yan’ [Judges 14:7] naponra weliy mornga’agen e milekag rok Samson, pin’en ni rin’, nge tin ni mel’eg. Susun ninge mang be’ nib gel mabgel buguwon, ma deyog ya fayleng e nnameg Samson, me mul gelngin Got rok, me yibi yim’, ni yim’ kotin nu fayleng ban’en” (“Arise and Shine Forth,” Liahona, May 2012, 118).
Ngkum guy ko Dallin H. Oaks, “Covenants and Responsibilities,” Liahona, May 2024, 93–96; Ulisses Soares, “Covenant Confidence through Jesus Christ,” Liahona, May 2024, 17–21.
Boech Rogon ningan Fil ko Bitir
Bachane biney ir bin som’on e Madnam ko pul, fapi tamachib ko Primary thingari use nag fapi gosgos ko machib ulan “Appendix B: Falaag Rogon e Bitir ko fare Wo’en e M’ag rok Got nib Machalbog.”
Judges 3:7–9, 12–15
Yesus Kristus e irema Ayuwegeg.
-
Judges 3 ebe weliy mornga’agen kanawo’en gelngin fare Tathapeg nima chuwegdad ko denen. Ra ngam ayuweg pifakam ningar guyed rogone biney e kanawo’, ma rayog ningamu yoloey ngabut’ e pi thin ni ba’aray: “fapi kireb,” “yor gad ngalang ngak SOMOL ,” nge “ninge chuwegrad u tan pa Eglon.” Nge mu’ mrayog ninge sapgnag pifakam e pi thin ney ulane Judges 3:7–9 nge lane Judges 3:12–15. Mange kad filed ni mornga’agen Somoel ko biney e kanawo’?
-
Ra ngarin weliy ni Yesus Kristus e ire ra Chuwegadad, ma rayog ni ngamu fek in e sassing ni ya’an e gidii’, nib mu’un ya’an Yesus Kristus ngay, mag papliy ngabut’. Mpag pifakam nra bigyed me sapeg fare sassing ngalang. Napan e bayra pir’eged e sassing ni ya’an Yesus, min yin’etang ni mornga’agen, ni wod e“He Sent His Son” (Children’s Songbook, 34–35), mag weliy ngak pifakam rogon nike chuwegnem u fithik’ e riyaq.
Judges 4:1–15
Rayag ni nggu pi’ e athamgil ngak boche gidii’ ngar thapaged e mich ngak Somoel.
-
Ryaog ni ngamu use nag “Deborah ni fare Profetess” ulan Fapi Yaat ko Bin Kakrom e M’ag, 92–95, ngam weliy ngak pifakam fare yat nibay ulane Judges 4. Mu weliyed ngomed ko mange gamed ba’adag ni mornga’agen Deborah. Uw rogon ni tawa’ath nag e gidii’ nibochan fare mich rok Somoel? Mange rayog ningad rin’ed nra gelnag e mich ko gidii’ ngak Yesus Kristus?
2:9Deborah the Prophetess
Judges 7:1–21
Somoel erayog ninge fanay etin nib achichig ban’en nge rin’ bogi muruwel ko ma’ang’ang.
-
Use nag e Judges 7:4–7, activity payg ko biney e wik, fa “The Army of Gideon” ulan Fapi Yaat ko Bin Kakrom e M’ag, 96–99, ngam fil ngak pifakam rogon ni achignag Somoel fare ulungi salthaw nu Isreal. Mangfan ni ba’adag Somoel ninge achig nag fare ulungi salthaw ku Gideon? (muguy ko Judges 7:2).
2:37The Army of Gideon
-
Rayog ninge yoloey pifakam ya’an e sayden, sheild, trumpet, magal nge pitcher miyad weliy ko bing ngan ko pi n’ey eyadra adag ningar feked ngalane cham. Nge mu’ mrayog ningar be’eged e Judges 7:16 miyad fil ko mange yoeg Somoel ngak e salthaw ku Gideon ningar fanayed ko cham. Napan e baymu be’eg mornga’agen fare cham ko Judges 7:19–21, magmed weliy ko mange kam filed ni morga’agen Somoel ulane biney eyat.
Samson nni buthug fagli rumog, ke yib rok James Tissot and others
Judges 13:5
Fol kotin ni kug michmicheg era pi’ gelngig.
-
Michmich rok Samson ngak Somoel e pi’ gelngin nni rib gel, ni ku wod rogon nima pi’ etin nikad michmicheged gelngindad nib thothup. Sana ra adaag pifakam ningar raned u ya’an boche exercise min weliy rogon nra ayuwegdad e pi exercise ney nge gel nag e dowef rodad. Pi michmicheg rodad, fa’an yira ayuweg ma ba uw rogon mra pi’ gelngingdad nib thothup? (muguy ko Mosiah 18:8–10; Doctrine and Covenants 20:77, 79).
Maku boech, musap ko babiyor ko biney e pul ko fare Pi Tafager magazine.