Tabernacle nge Miligach

Napan niyog Got ngak Moses ninge toey rebe tabernacle ko gin nibe camp fapi Isrealites riy, meyog fan e biney ngak: “ya nge yag ni ug par u fithik’rad” (Exodus 25:8). Ulan e tabernacle, mabay ya’an e gin bay Got riy nibay kogin nibay fare ark riy—ba kahol ko m’ag, nikan upnguy ko gold, nibay fapi chep riy ko mornga’agen fapi m’ag rok Got ngak e gidii’ rok. Fare ark e bayko gin th’abi thothup, ni’ir e bayu lukngun fare singgil, nibdar ko gin nibay e veil ko tabernacle riy. Biney e veil ebeyipfan fare dar nikeyib nga thilindad Got nibochan fare Mul, nikuwod rogon ni iraray wo’endad ko sul ngak—u dakean fare Tathapeg.

Karimus ni Moses, e gadad manang nikemus e cha’en nrayog ningeyan ngalan fare “n’en nth’abi thothup” (Exodus 26:34)—fare prist nib tolang. Kuwod e tinbaram e prist, bat’uf ningan lukuyrad min gapgep nag um’on min chuweg ko maad nib thothup nibedag e pow ko birok e liiw. Ulan rebe duw, koreb e rran ni kanoeg fare Rran ko Bayul ngay, ma fare prist nib tolang era pi’reb e miligach nifan fapi gidii’ um’on ninge yan ngalan fare tabernacle ni yigo’ir rok. Ko gin nibay fare veil riy, e gin nira urfiy riy. Ma fare qaath nibe yan ngalane tharmiy ebeyipfan fapi meybil ko gidii’ nibe yean ngak Got. Ma fare prist nib tolang, e bayi fek fare racha’ ko gamanman nikan miligach nag, e bayib nga barba’ fare veil ko gin nibay tigi’ Got riy, nibe yipfan fare ark ko m’ag.

Bochane tin ni gamanang ni mornga’agen Yesus Kristus nge muruwel rok’ ko rogon e wo’en e Chitamangiy nu Tharmiy, rayog ningam guy rogon ni fare tabernacle ebe sapegdad ngak fare Tathapeg? Kuwod rogon fare tabernacle, nibay fare ark ulanggin, ebe yipfan nibay Got u fithik e gidii’ rok, Yesus Kristus e ki’i moey Git u fithik e gidii’ rok. Kuwod rogon fare prist nib tolang, e kuwod rogon Yesus Kristus ni’ir e Ta’ayuw uthildad nge Got ni Chitamangiy. Keyib u thilin fare veil ninge wenig nag dad u dakean e racha’ rok’ nib thothup ninge pi’ ni miligach.

Boch ban’an ko tabernacle rok piyu Israel e bay ni gamamang mornga’gen, ni fa’anra kam un ngalan e tempel makam mu’i thapeg nag e tirom e gam’ing. Fare tempel e ir e na’un rok Somoel—gin nima par riy u fithik e gidii’ rok. Kuwod fare tabernacle nibay bang ni’ir e th’abi thothup riy, e kutabrogon ko fare singgil ko celestial ko tempel nibe yipfan egin nibay Got riy. Um’on ningan yan ngalan, ma bat’uf ningan lukuydad min gapgep nagdad. Chuwgad ko maad nib thothup. Ma gadaed ngongliy fapi m’ag. Ma gadad meybil ko fare altar nigin nima yane meybil riy ngak Got. Nge mu’ ma fin aram e gadadra thap nga barba’ fare veil ko gin nibay Got riy.

Sana ran’en th’abi ga’fan ni tabrogon ko tempel nibay e chiney nge fapi tabernacle ko kakrom e yow l’agruw ni, fa’anra yibe nangfan ebiney nib puluwrogon, ma magelnag e mich rodad ngak Yesus Kristus ma kuma suguydad ko t’ufeg nibochan fare bayul ko miligach rok. Ba’adag Got ni gubin pifak meyib ko gin nibay riy; ba’adag ni ngar “pigpig ngog ni kam manged prist” nge pristesses (Exodus 19:6). Machane bochan e pi denen rodad e ire be talagdad ko thapeg e biney e tawa’ath, ya “dariy banʼen nib alit ni ra yog ni paer rokʼ Got” (1 Nephi 10:21). Ere pi’ Got Yesus Kristus ni ngeyib, ni nge mang “Prist ni Th’abi Ga’ ko fa pin’en ni bfel’” (Hebrews 9:11). Me bing fare veil nifan ngodad me pi’ gelingin gubin e gidii’ ku Got ningar “bad nga tagil’ Got, ko gin ni bay e ayuw riy, nge ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad” (Hebrews 4:16).

Fapi tempel, e doba’ e gathikemus ni ngan thapeg e n’uf ngalang nifadad. Ya tomuren nikad thapeged e tirodad e gam’ing makad mu’gad i ngongliy fapi m’ag ngak Got, ma krayog ni ngad rin’ed e pin’ey nifan ko gidii’ rodad ni kakrom. Prist—ebe binge kanawo’ ko gidii’ ngak Got.

Fare yalen e bayul nge thaaq riy e kan miligach nag nu rogon ni un mo’orufnag e gamanman ni kakrom, nibuch um’on niyib fapi motochiyel ku Moses. Adam nge Eva e ur pi’ew e miligach ni mo’oruf. Yow manang ni biney e miligach ebe yipfan fare Tathapeg. Kar filew ngak pifakrow mornga’agen e biney.

Pow ko gamanman ni miligach ewod ni gowa ba poignant ya’an ko napon e ngiyal’ ni i moey e gidii’ nu Israel ni kakrom ko fare Rran ko Miligach (“Yom Kippur” u Hebrew). Biney ni yima madnom nag ni gubin e duw e bay mornga’agen ulan e Levitikus 16:30: “Rofen nem e ngan bangbengnag rogon ni ngar machalboggad ko urngin e denen rorad, ya ngar pired ni kar be’echgad.” Biney ebing wo’en ni ngayog ni par Got u fithik fapi gidii’. Biney e bayul e un rin’ ni bo’or mit e madnom ni yima tay riy. Rebe pi madnom ney, ma yima li’ ba kaming ningan pi’ ni miligach nifan e pi denen ko gidii’, ma fare prist ni th’abi tolang e bayi fek e racha’ ko fare kaming ngalan e gin th’abi thothup. Ma tabochriy, me tay fare prist nib tolang pa’ nga dakean reb e kaming nib fos me pogofaynag fapi denen ko fapi bitir nu Israel—bugi fanethin ni bayni pi’ fapi denen ngak fare kaming. Ma fare kaming e bayni tuluf ninge chuw ko faregi n’en nibe camp piyu Israel riy.

Ko bineye tabuguleg, fare kaming e be yipfan Yesus Kristus, nibe fek loen fapi gidii’ nibta denen. Ridabiyog ningan pag e denen ngeyan ko gin nibay Got riy. Machane susun ningan li’ fa ni tuluf fapi ta denen, ke pi’ Got reb kanawo’en ningan rin’—ran li’reb e kaming fa ni tuluf nge chuw. “Re kaming nem e bayi fek urngin e denen rorad nge yan nga bang nder par e girdi’ riy” (Leviticus 16:22).

Tiney e tabuguleg ema sapegdad ko kanawo’ nike pi’ Got nra fulwegdad ko gin nibay riy—Yesus Kristus nge fare Bayul rok. Fare Tathapeg e “i gafgow i thamiy amthun e kirbaenʼ rodaed, ge malngin i chibiy e pi gafgowaenʼ rodaed,” maka i “gafgow ko amith” (Isaiah 53:4, 6). Keyib kabi par ngalan e liw rodad, ma pi’ e yafos rok’ ninge dang pilwon e denen, megel ko yam u dakean e Foskoyam’ nitay. Fare miligach nitay Yesus Kristus e “ba maligach nib gaaʼ ma bin tomur; arragon, gathi maligach ni gidiiʼ, ara gamanman,” ya “ba maligach ni dariy tungun mab manechubog.” (Alma 34:10). Gubin e miligach ni untay ni kub kakrom iyib ebe yipfan ngak ko gubin nrayib ngabi rin’.

Bochane biney, tomuren nimu’ nag fare miligach, me ga’ar, “Ma dab kum maligach gaed ngog ngalang ni puʼoeg rachaʼ; arragon, pi maligach romed … e ke tal. … Ma ngam pii’ed ngog ni maligach ni m’ingaen’ nge kalngaen’” (3 Nephi 9:19–20).

Ere napon e baymu pir’eg mornga’gen e miligach ulan fare bin Kakrom e M’ag nge tabernacle (fa, tabochriy, fare tempel)—yagara pir’eg ni bo’or mornga’agen—mutay uwun’um nifan e biney e nge ayuwegdad ni gubin nge gelnag e mich rodad ngak fare Messiah, ni Yesus Kristus. Mu tabeag etin nikam be’eg nge tin nikam fil ko liyoer rom ulan e nu’un rok. Mu sapeg gum’ircha’em nge tafney rom ngak. Mu tafneynag e pin’en nike rin’ ni ngayog ninge fulwegem ko gin nibay Got riy—nge n’en ni gara rin’ ningam laek.