Exodus 19–20; 24; 31–34

President Russell M. Nelson nike fil: “Ulan Bin Kakrom e M’ag, fare thin nu Hebrew ko be thil nike pilyeg ko segullah, ni ba yip’fan ‘chugum nib fla’ab,’ or ‘fla’ab rok’.’ … Napan e gidii’ be lemnag e tapigpig rok’ Somoel ir e gidii’ nib thil ni’ir e compliment nib th’abi ga’” (“Children of the Covenant,” Ensign, May 1995, 34). Urogon e thin rok’ President Nelson me thilyeg e rogon ni ngam nanged e Exodus 19:3–6? Urogon e Somoel niky dag ngom ni’ir ba’adagem?

Somoel nike non ngak Moses e gidii’ nu Israel thingari t’aer midlendad umon rayog ni ngar ”mada’ ngak Got” (Exodus 19:10–11, 17) nge thapeged e m’ag Ngak’ (muguy ko Exodus 19:5). Urogon ni ngam t’aer midlen nifan e tin nib thothup, ni bay tay bu’un fare sacrament nge fapi gam’ing ko temple? Uw rogon ni rayag ni ngam ayuweged reb e bea’ nifan e t’aer midlen rok’? Mang gaba fil nifan e t’aer midlen ko Luke 6:12–13; Enos 1:2–6; Alma 17:2–3?

Napan ni kar kunuy gad nga enggin ko Mount Sinai, kar rung’an lam Got ni ke pii’ fare Ragag i Motochiyel (muguy ko Deuteronomy 4:12–13). Binem, ir gathi kemus e motochiyel rok’ Got—bay bo’or reb ulan e pi scripture. Ere napan ni ngam bi’eg Exodus 20:1–17, mu fith ngom mangfan Got nike gaa’ nag biney e ragag e motochiyel. Ireray e rogon rangam yarmiy e lem rom morunga’agen e tin nib ga’fan ko ragag i Motochiyel ulan e yafos rom:

• Urogon e fol ko ragag i motochiyel me ayuwegem ni ngam fol ko gali motochiyel ni bin th’abi ga’fan nike pii’ Yesus ulan Matthew 22:34–40?

• Mang e bochi pi’nen ni gaba’adag ni ngam gaa’nag ko Got? Mang bochi e tawa’ath ni kam thapeg napan ngam tay Got ni bin somm’on?

• Urogon ni ngam weliy ngak e bea napan yad ra yoeg fare Ragag i Motochiyel nike buch u kakarom nge dabi ayuwegdad daba’? Mang bochi pi’nen nike buch ngom e rayog ni ngam weliy nima ayuwegem me fulweg e duwer nem. Urogon e hymn ney “How Gentle God’s Commands” (Hymns, no. 125) e rayog ni nge thilyeg e weliy rom morunga’agen e motochiyel rok’ Got ngak’ reb e bea’?

• Urogon e Somoel ni ke fulweg e micheg ni bay u Exodus 20:6 ulan e yafos rom?

Ka muguy ko “The Great Commandment—Love the Lord,” in Teachings of Presidents of the Church: Ezra Taft Benson (2014), 37–45; Dallin H. Oaks, “No Other Gods,” Liahona, Nov. 2013, 72–75; Topics and Questions, “Commandments,” Gospel Library.

Napan ni ngam bi’eg Exodus 24:3–8, mu lemnag morunga’agen fapi micheg ni kam fal’eg ngak Got. Fapi m’ag rok’ e gidii’ nu Israel ni tay e bu’un fapi yalen nib thil ko pi’nen Got be fith ngodad ni ngad rrin’ed daba’, nge bochi e boed rogon. Susun ney, pi vers 4, 5, nge 8 be weliy morunga’agen e alter, maligach ko gamanman, nge racha’. Mang e fapi pow ko pi’nem, nge urogon yad be weliy ngom ko pi m’ag rom?

Mu guyed rogon ni ngam lemnag ni woed e gidii’ nu Israel—kam paered fithik’ e binaw, Moses nike yaen ko 40 e duw, nge kar chamgad ngak e gidii’ nu Canaan nifan e nam nikan michmicheg (muguy ko Exodus 32:1–8). Mang fan gaba lemnag fare gidii’ nu Israel e kar ba’adag e liyos nib gol? Mang ni gaba’adag morung’agen e wenig rok’ Moses ngak fare Somoel ulan Exodus 33:11–17?

Fare denen rok’ e gidii’ nu Israel e ba gaa’, bay e milwol ko murunguy nge n’agfan rok’ Got ulan e yaat ney. Mang gabe fil ngodad Exodus 34:1–10 morunga’agen e Tathapeg? (Muguy ko Exodus 32:30–32; Mosiah 14:4–8; 15:9; Doctrine and Covenants 45:3–5).

President Russell M. Nelson nike weliy: “Napan ni ku gub bitir, kug fil rok e gidii’ ko mang e tin ni ngan rrin’ nge tin ndabin rrin’ ko fare rran ko Madnom. De n’uw napan ngay mug fil ko fapi thin nib thothup ni ngongol rog nge pingig ko fare rran ko Madnom e ke par ni pow u thilig nge Chitamangig ni bay u Tharmiy [muguy ko Exodus 31:13; Ezekiel 20:12, 20]. Napan nigu nangfan e biney, ma dan ki tu’uf ni nggu fil rok e gidii’ ko mang e rayag nge dabiyag ni nggu rrin’. Napan ni gura dugliy e tafney rog ko fel’ e n’en ni nggu rrin’ ko fare rran ko Madnom, kemus ni nggu fitheg, ‘Manag pow ab tu’uf ni nggu pii’ ngak Got. Binem e duwer e ayuwegneg nggu me’eleg e tin nib mangil nifan e rofen nib Madnom” (“The Sabbath Is a Delight,” Liahona, May 2015, 130). Mu lemnag e pow gaba’adag ni ngam pii’ ngak Got nifan e fol ko Madnom.

Napan nike yib nga but u burey, nike fek fare motochiyel me yoloey nga dakaen e yang i malang. Napan nike guy fare gidii’ nu Israel ni kar kirebnag e micheg roraed, Moses ni ke gathay nag yang i malang (muguy ko Exodus 31:18; 32:19). Tomuren, Got nike pii’ e motochiyl ngak Moses ni nge fal’eg reb e yang i malang nge fek nga burey bayay (muguy ko Exodus 34:1–4). Fare Joseph Smith Translation of Exodus 34:1–2 (ulan fare Bible appendix) me fil fare bin somm’on e yang i malang ni tay e bu’un e gam’ing nifan e “mat’awon Got nib thothup,” fa fare Melchizedek Priesthood. Bin la’agruw e yang i malang ni tay e bu’un ko “yalen ko motochiyel ko girdi’.” Ireray e motochiyl nima buch udakaen e “mat’awon nib achigchig” (muguy ko Doctrine and Covenants 84:17–27), nima t’aer midlen e gidii’ nu Israel nifan e motochiyl nib ga’ nge mat’awon nib ga’ e rayog ni ngar yaen nga gin bay Got riy.

• Urogon ni ngam fal’eg e rogon nib falfalaen’ napan ni ngam fil ngak e fakam morunga’agen ragag i Motochiyel? Napan ni ngam bi’eg Exodus 20:3–17 u ta’abong, pii’ e rogon e fakam rayog ni ngar ayuwegem me pir’eg fa yolowy e pow nifang urngin e 10 motochiyel. Fakam rayog ni ngar fek e turn nira mel’eg e sasing nge weliy urogon rayog ni ngad fol e motochiyel nem. Mu non ngomed urogon ni ma fasgad e fapi motochiyl me pii’ ngom e falfalaen’.

• Rayog ni ngam yon’ed e tang woed ni “Keep the Commandments” (Children’s Songbook, 146–47). Mu pii e rogon fakam pir’eged fapi thin ulan e tang ney ngg fil ngoraed mangfan Got ba’adag dad ni ngad folgad e motochiyel Rok’.

• Mu ayuweg e fakam ni ngar fil’ed e thin ni “Mu liyoer ko chitamam nge chitinam” (Exodus 20:12). Sana gaba’adag ni ngam weily napan ni ngam “liyoer” ngak e bea’ ba yip’ fan ni ngam pii’ e liyor ngak’ fa pii’ ngoraed e falfalaen’. Urogon Yesus ni ke liyoer ko chitamam nge chitinam ni bay u feylang? (muguy ko Luke 2:48–51; John 19:26–27). Sana fakam rayog ni ngar gosgos ni ngar daged e pi’nen yad ba rrin’ed me liyoer ko galibthir roraed, nge reb e fakam me lemnag e pi’nen ni ngar rrin’ed.

• Fakam ni yad ba’adag ni ngar sapgad bochi pi pow—woed e pow ko kanawo’ fa pow udakaen e na’un. Mang ir e fan ko pi pow ney? Fakam a rayog ni ngar pir’eged fare thin ni “pow” ulan Exodus 31: 13, 31–17. Mang ke yoeg Somoel ni’ir e pow uthilin gadad nge Ir? Mu non ngomed boech e rogon gur nge tabinaw rom me guyed rogon ni ngam dag e t’uf ngak’ Somoel ulan e Madnom.

• Mu lemnag ni ngam bi’eg “Moses on Mount Sinai” (ulan fare Old Testament Stories, 77–82) ni nge ayuweg e fakam ni ngam fil e yaat ulan Exodus 32:1–8, 19–24. Mangfan ir kireb napan e gidii’ nu Israel ni kar liyor ngak’ e liyos nge gathi Got?

  

  2:55

• Sana be falfalaen’ fa’an ni ngam sunmiy e wo’ udakaen e but’ (fa pir’eg e wo’ chuchugur ngak e na’un rom) ni ngam dag fapi thin ko Exodus 32:8: “Kar paged e n’en ni kugog ni ngar folgad riy.” Napan ni ngam dared nga but’ u kanawo’, fakam e rayog ni ngar weliy morunga’agen e lumel gadad be feked ni ngad chefeged ngodad nga orel Got. Mang e ba ayuwegdad ni ngad pared ulan e wo’en rok’ Got—nge suloed ngak fa’an kan wuru’ e wo’? (muguy ko Exodus 34:6–7).