Exodus 14–18

Napan ni ngam bi’eg Exodus 14:1–10, mu lemnag urogon ni kar thamyed fapi gidii’en nu Israel napan ni kar guyed e salthaw rok’ Farao ni kar yib ngorad. Sana gabe thamey ni bat’uf e ma’ang’ang ere rayog ni ngam fas ko magawon nibe yib ngom. Mang ni ngam sapgad ulan Exodus 14:13–31 me pii’ athamgil ngom ni ngam piryeg e gelengin Got ulan e yafos romed? Mu lemnag e ngiyal’ ni kam sap e gelngin Rok’ u kafram. Mang e ni kam fil bachane pi’ney ni ke buch?

Exodus 15:1–19 niʼir e tang ko og e magar fapi gidiiʼen nu Israel ni kar yon’ed tomur fare Somoel ni ke say fare Red Sea. Bay boech e thin ulan e tang ney ni gaba’adag? Bay e hymn gaba’adag ni ngam yon’ napan fare Somoel nima rrin’ e pi’nen nib mangil ngom, woed ni “Redeemer of Israel” (Hymns, no. 6). Mu lemnag ni ngam yon’ fa motoyil binem daba’ nifan e liyor rom daba’.

Mukum guy ko Doctrine and Covenants 8:2–3.

Napan ni ngam bi’eg morunga’agen e milekag roraed e gidii’en nu Israel me powi’iy e lemnag e pi’nen ulan e yafos rom nib “mo’oy woed e raen rok Marah (muguy ko Exodus 15:23–27). Urogon fare Somoel ni ke thilyeg e tin nib mo’oy nga tin nib athibthib ulan e yafos rodad? Mang ea pi ganop ni kam thapeg napan in ke buch pi’nen ko yofas rom?

Rangam guyed boech reb e pi’nen nib mo’oy nike buch ngorad e gidii’en nu Israel ulan Exodus 16 nge 17. Rib moem ni ngam yoeg e tin nib kireb ngorad bachaen e nonnon roraed, machane napan ni ngam bi’eg, mu lemnag fa’an ni kam rrin’ ta’ab rogon e pi’nen. Mang gabe fil nifan e pi’nen ni ke buch ngak fapi gidii’ nu Israel nima ayuwegem me tal’eg e nonnon rom nge mu tay e pagaen’ rom ngak’ Got? Mang e be yupfan e pi vers ney nibe machib nag mornga’agen Got?

Muguy ko 1 Nephi 2:11–12.

Bachane gadad gubin thingarda k’ay, Somoel me ta’ab rogon e tin nib thothup ko gaan. Musap ko machib rok ulan e pi’nen ni ke buch ngak fapi gidii’ nu Israel nifan ko gaan ulan Exodus 16. Bay e wok ni, mang rayog ni ngam pireg ulan e fonow rok’ Somoel u Exodus 16:16, 19, 22–26 nima ayuwegem nifan e fogloliy ko ya’el.

Rangam sap reb e pi machib rok’ Somoel ni ba’adag ni ngam fil ko ma’ang’ang ney, wenig mu fith ngak e pi duwer woed biney:

• Mang fare Somoel ni be pii’ ngog ni’ir woed rogon e manna ni ke pii’ ngak e gidii’ nu Israel?

• Mang e rayog ni nggu rrin nib boed rogon e kunuy ko manna?

Rayog ni ngam piryeg reb e luwan ulan gali video ney: “Daily Bread: Pattern,” “Daily Bread: Experience,” nge “Daily Bread: Change” (Gospel Library).

2:52

3:12

3:0

Mu lemnag ko reb e pi’nen, ni gathi k’ay e gaan, ni ma rrin gubin e rran. Mangfan thingarda rrin’ed boech e pi’nen gubin e rran fa’an ir ra mang nib fel rogon? Mang gabe piryeg ngak gubin e rran ere ngam thapeg e pi’nen nib thothup?

Mukum guy ko Dieter F. Uchtdorf, “Daily Restoration,” Liahona, Nov. 2021, 77–79; “Daily Restoration” (video), Gospel Library.

5:27

Gabe lemnag morunga’agen e Tathapeg napan ni ngam bi’eg Exodus 17:1–7. Urogon Yesus Kristus Ir woed rogon e malang nifan ngom? (muguy ko Psalm 62:6–7; Helaman 5:12). Urogon ir woed e raen? (musap ko John 4:10–14; 1 Corinthians 10:1–4; 1 Nephi 11:25).

Sana bay e ngiyal’ ulan e yafos rom ni boed rogon Moses—napan reb e bee’ ni bat’uf e ayuw rom, machane ni “magaf pa’[am]” (Exodus 17:12). Reb e rran, gara thamey ni woed Aaron, Hur, nge Jethro, nikar gagyeg Moses. Mu tay ngom ulan e rogon roraed napan ni ngam bi’eg Exodus 17:8–16; 18:13–26, me guy e pi’nen fare Somoel nira fil ngom morunga’agen e muruwel’ Rok’.

Mukum guy ko Mosiah 4:27; 18:8–9.

• Napan fare Somoel ni ke saey farengi day ni Red Sea nge gidii’ nu Israel kar sapgad e gelngin rok’. Pii’ e rogon ngak fapi bitir ni ra weliy e cheppen ney udakaen e rogon nib falfalaen’ ko Exodus 14:5–22 (mukum guy ko “Fare Paluk’af” ulan Fapi Yaat ko Bin Kakrom e M’ag, 70–74). Sana rayog ni ngam tay e pi chiya fa blanket nge “say” e pi’nem ni woed e Red Sea. Me rayog ni ngam weliyed urogon ni ngam sapgad e gelengin Got ulan e yafos romed.

  

  2:54

• Urogon e Doctrine and Covenants 8:2–3 me pii’ e ganop rodad nifan e cheppen ulan Exodus 14? Mu lemnag fa’an ni ngam non ngak e bitir rom morunga’agen e ngiyal’ fare Kan ni Thothup ni ke non ngom ulan e tafney fa gum’ircha’en, nge pinning ngoraed ni ngar weliyed morunga’agen e pi’nen ni kke buch ngoraed. Rayog ni ngam yon’ed e tang morunga’agen fare Kan ni Thothup, woed ni “Let the Holy Spirit Guide” (Hymns, no. 143).

• Sana gur nge bitir rom rayog ni gam fal’eg e ba’nen nib athibthib ni ngam unum nge ba’nen nib mo’oy napan ni ngam fil ko Exodus 15:22–25 utabaang. Urogon fare Tathapeg ni ke thilyeg e tin nib “mo’oy” nga tin nib “athibthib” ulan e yafos rodad?

• Napan gur nge bitir rom ra bi’eged Exodus 15:23–25; 16:14–15; 17:1–6, pii’ noraed e rogon ni ngar piryeg e pi’nen ni ra ayuwegem weliy morunga’agen e cheppen—woed e pa’ngin (nira golnag ulan e raen rok Marah), e kahol fa pot (ni ngam sugnag ko Manna), nge malong (nifan ko rran u Horeb). Urogon ea pi chepin ney nima pug uran ngodad morunga’agen e pi’nen ni ke rrin’ Yesus Kristus ngodad. Napan ni ngam weliey ko milwol rom, rayog ni ngam bi’eg Matthew 7:24–27; John 4:10–14; 6:29–35, 48–51; Helaman 5:12; Doctrine and Covenants 20:77, 79.

• Napan ni ngam bi’eg Exodus 17:8–16, rayog ni ngam pinning e bitir ni nge tay pa’ ngalang. Napan ra yib e magof ngak, reb e bitir rayog ni ngar ayuwegen, woed Aaron nge Hur ni kar ayuwegen Moses. Mang e be fil e ya’at ney morunga’agen e rogon rayog ni ngad ayuweg e gil’ilungun ni nge mang nib mangil? Rayog ni ngam bi’eg Exodus 18:13–26 nga sabathin boech morunga’agen e muruwel’ nib ga’ rorad boech e gidii’ nima pigpig ulan e ward rom. Urogon ni ngad ayuweged e tiyugang ko Galasia rodad, wed ni Aaron nge Hur ni kar ayuwegen fare profet ni Moses.