“April 6–12. ‘Ngam ted u wun’med e rofen ney — irera’ e rofen nim chuwgad u lan yu Egypt’: Exodus 7–13,” Moey, Ngam Un Ngog—Fan ko Tabinaew nge Galasia: Bin Kakrom e M’ag 2026 (2026)
“April 6–12. ‘Ngam ted u wun’med e rofen ney — irera’ e rofen nim chuwgad u lan yu Egypt,’” Moey, Ngam Un Ngog: Bin Kakrom e M’ag 2026
Sasing morunga’agen Moses nge Aaron ulan e tafen rok’ Pharaoh, yib rok’ Robert T. Barrett
April 6–12: “Ngam ted u wun’med e rofen ney — irera’ e rofen nim chuwgad u lan yu Egypt”
Exodus 7–13
Gechig ngo reb e gechig nike yib ngak Egypt, ma ke dabun Pharaoh ni nge pag e gidii’ nu Israel. Ma Got nike ul’ul’ ni nge dag e gelngin nge pii’ ngak reb e rogon ni nge t’uf rok ni “bay mu nang ni dariy be’ ni bod gag u lan e re fayleng ney ni ga’ngin” (Exodus 7:5; 9:14). Me, Moses nge gidii’ nu Israel nikar sap gad me gin owchraed ko tin nib ma’ang’ang me dag e gelngin Got nifan ngodad. Riyul’ fapi pow ney me gaa’ nag e mich rorad ngak Got nge gelnag e ba’adag roraed ni ngar folgad e profet rok’ Got. Me, tomur mereb e gechig dawori puf matwoy ngay e gidii’ nu Israel, ireray bin ragag e gechig—fare yim’ ko bin somm’on e bitir, ni ba tay bu’un e fak Pharaoh—nike puf matwoy ngay. Me lemnag binem ir e pow bachane urngin e yay ni bay e ya’el ma kalbus nag, kemus ta’areb e rogon ni nga chuw fare kalbus. Kemus udakaen e maligach ku Yesus Kristus, fare Bin ba Ilal i Fak—racha’ rok’ fare Saf ni dariy’ e denen—ni ra thapeg ngodad.
Fapi Lemnag nifan ko Fil u Tabinaew nge Galasia
Exodus 7–11
Rayog ni nggu mel’eg ni nggu munguy nag gum’ircha’eg.
Ni bay athap, e tin ni gama ba’adag dabi cham ngak e tin Got ni ba’adag woed e Pharaoh. Machane, gadad gubin bay e ngiyal’ rodad bay e gum’ircha’dad nib el’el’. Mang gaba adag morunga’agen e fulweg rok’ Pharaoh nifan ko fapi gechig ulan Exodus 7:14–25; 8:5–32; 9:1–26; 10:12–29; 12:29–33? Ngam guy e weliy ulan fare pilyeg rok Joseph Smith nifan ko Exodus 7:3, 13; 9:12.
Mang fan “gelnag” ir e thin nib fel’ me weliy morunga’agen e gum’ircha’en Pharaoh? Mu lemnag e pi’nen ni ngam fil ko fapi vers ney nifan e gum’ircha’ nib munguy: 1 Nephi 2:16; Mosiah 3:19; Alma 24:7–8; 62:41; Ether 12:27. Napan ni ngam bi’eg morunga’agen e wengan rok’ Pharaoh bachane e gum’ircha’en nib el’el’, mu lemnag morunga’agen e gum’ircha’em. Mang ea gaba’adag ni ngam thilyeg?
Exodus 12:1–42
Yesus Kristus e krayag ni nge thap nigeg bachane e Bayul Rok’.
Kemus a rogon fare gidii’ nu Israel me dabi feked bin ragag e gechig, me weliy ulan Exodus 11:4–5, ma thingari folgad e fonow rok’ Somoel nike pii’ ngak Moses ulan Exodus 12, e yalen me kanoeg ni fare Paluk’af. Fare Paluk’af me fil ngodad udakaen fapi pow ni woed rogon fare Somoel kan chuweged roraed gidii’ nu Israel u kalbus u Egypt, rayog ni Nge chuweged gadad u kalbus ko denen. Napan ni ngam lemnag morunga’agen fapi pow ney ulan Exodus 12:1–42, rangam yoloey e chart ni woed biney:
|
Yip Fan |
Fan |
Milwol rok’ Got ngog |
|---|---|---|
Yip Fan Tabab ko pi pul (verse 2; Somoel nike motochiyl nag e gidii’ nu Israel ni ngar tabab a calendar roraed ko rran ni ke buch e tiney. | Fan Ireray e tabab nib bi’ech e yafos rorad nifan e gidii’ nu Israel. Thingari “gargeleg raed bayay.” | |
Yip Fan Fare Saf (verses 3–5). | Fan Muguy ko John 1:29; 6:54; 1 Peter 1:19. | |
Yip Fan Racha’ ko saf nga dakaen e mab (verses 7, 13, 23). | Fan Muguy ko Mosiah 4:2; Revelation 12:11. | |
Yip Fan Flowa ni kan lith (verses 8, 15, 19–20). | Fan Leaven, fa yeast, ba mang e pow ko kireb bachane ir ba tagaan nib papay. Muguy ko Matthew 16:6–12; John 6:35. | |
Yip Fan Herb nib mo’oy (verse 8). | Fan Be pug uran e kirbaen’ nifan e denen nge kalbus nag. Muguy ko Exodus 1:14; Moses 6:55. | |
Yip Fan Kay nib papay, mad ni ngar chuw gaed ko miil (verse 11). | Fan Bay e pow riy ni ngar miil e kalbus ko denen. Muguy ko Genesis 39:12; 2 Timothy 2:22. | |
Yip Fan Engel ko Yam’ (verses 13, 23). | Fan Muguy ko Doctrine and Covenants 89:18–21 | |
Yip Fan Gidii’ nu Israel ni kar chuw ko kalbus (verses 29–32). | Fan Muguy ko 2 Nephi 2:26; Doctrine and Covenants 138:15–19, 31. | |
Mang reb e pi’nen rangam pir’eg ulan e motochiyl nge pow nifan e Paluk’af nima pug uran ngom ko Yesus Kristus nge Bayul Rok? Mang e fapi pow ney ni ma weliy ngom morunga’agen e rogon rangam thapeg e tawa’ath nifan ko Bayul Rok’?
Ngam baed ngak’ Kristus napan ni ngam pir’eg e fapi pow nima pii’ e mich morunga’agen. “Gubin pi’nen,” keyog Somoel, “ni kar sunmiy nge faleg ni nge micheg gag” (Moses 6:63; ka muguy ko 2 Nephi 11:4). Ulan Exodus 12, fapi pow ni woed e saf, ircha’, flowa ni kan lith, ma’ang’ang, nge thap ko kalbus me yip’ ngak Kristus. “Napan ni ngad nanged e fan urogon e pi’ney me yip’ ngaTathapeg, yad ra fil ngodad morunga’agen e gelngin nge rogon rok’” (Teaching in the Savior’s Way, 7).
I Pugurag Ngomed, yib rok’ Walter Rane
Exodus 12:14–17, 24–27; 13:1–16
Fare sacrament me ayuwegeg ni nggu pug uran e thap rog udakaen ni Yesus Kristus.
Fare Tathapeg ke chiyliy e gidii’ nu Israel ni ngar folgad fare Paluk’af gubin e duw me ayuwegraed me tayed u wun’raed ni kan chuweged roraed, ni aram rogon ni ke bukun e mfen ni kar chuw gaed. Napan ni ngam bi’eg e fonow Rok’ ulan Exodus 12:14–17, 24–27; 13:1–16, mu lemnag fapi rogon ni ngam rrin’ e rayog ni ngam tay u wun’em fapi tawa’ath Go ma pii’ ngom. Urogon e rayog ni ngam thapeg e lemnag ney “gubin e mfen”? (Muguy ko Exodus 12:14, 26–27).
Mang e pi’nen ni boed rogon e rayog ni ngam pir’eg uthilin e madnom ko Paluk’af nge fare sacrament? Mang e rayog ni ngam rrin’ in ngam “gubin e ngiyal’ me yib uran” ni Yesus Kristus? (Moroni 4:3; 5:2).
Sana rayog ni ngam lemnag boch reb e pi’nen fare Somoel ba’adag ni ngam tayed u wun’med; musap ko, nifan e susun, Helaman 5:6–12; Moroni 10:3; Doctrine and Covenants 3:3–5, 10; 18:10; 52:40.
Kam muguy ko Kevin W. Pearson, “Are You Still Willing?,” Liahona, Nov. 2022, 67–69; “Always Remember Him” (video), Gospel Library; “In Memory of the Crucified,” Hymns, no. 190.
Always Remember Him
Ko boech reb, mu guy fare Liahona ko biney e pul nge Fan ko Gelngin e Pi’in ni Fal’yangren, pi magazine.
Rogom ko Machibnag e Bitir
Exodus 7–11
Fare Somoel me gel lungun u dakean ga’angin pi’nen.
-
Fapi gechig nike weliy ulan Exodus 7–11 me dag ngak e gidii’ nu Egypt nge gidii’ nu Israel ni bay rib ga’ e gelngin Somoel. Fare Somoel ni ra ayuwegen e fakam ulan e yafos roraed napan ni bay e mich roraed ko gelngin. Rogon ni ngam ayuwegraed ni ngar fil e pi’nen ko yaat’, rayog ni ngam pii’ gubin e bitir e babyor ni bay ragag e guruy, nge pinning raed ni ngar yoloey gubin e pi gechig ulan biney e vers ney: Exodus 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (see also “The Plagues of Egypt” ulan Old Testament Stories, 67–69). Mu bi’eg u ta’abang Exodus 7:5 nge 9:14 ere ngam weliy mangfan Somoel me pii’ e gechig.
2:3The Plagues of Egypt
-
Mu weliy ngak e fakam urogon fare Somoel nike dag ngom ni “dariy be’ ni bod [Ir] u lan e re fayleng ney ni ga’ngin” (Exodus 9:14). Pi’ ngoraed e rogon ni ngar nanged ni rib gel’ fare Somoel.
Exodus 8:28–32; 9:7
Fare Somoel me ayuweg nigeg ni nggu thapeg e gum’ircha’eg nib munguy.
-
Ere rayog ni ngam ayuw e fakam ni ngam nanged mang e ba yip’fan e gum’ircha’ nib munguy, sana irba falfalaen’ ni ngam dag ngoraed e banen nib el’el’, ni woed e malang, nge reb e banen nib munguy, woed e sponge. Rayog ni ngam pu’oeg e raen nga dakaen tiney nge dag nib moem e gum’ircha’ nib munguy e rayog me thapeg e thin rok’ Somoel. Me tomuren rayog ni ngam bi’eged boech e pi vers u ta’abang nibe weliy morunga’agen e pi’nen nike rrin’ fare Pharaoh bachane e gechig nike pii’ Somoel (muguy ko Exodus 8:28–32; 9:7). Mang e pi’ney ir woed rogon e gum’ircha’en fa thamey rok’ Pharaoh? Mang ea be yip’ fan ni bay e gum’ircha’ nib munguy? (muguy ko Mosiah 3:19).
-
Gur nge fakam rayog ni ngam fal’eged e babyor ni ngam yoloey ulan bochi ngongoliy gadad ba rrin’ed napan bay e gum’ircha’ nib el’el’ (woed rogon, napan ni ngam moeg e tin nib kireb fa dabum ni ngam share nag). Urogon ni ngad daged ngak’ Somoel ni gadad ba’adag ni ngad thapeged e gum’ircha’dad nib munguy?
Exodus 20:1–17
Fare sacrament me ayuweg nigeg ni nggu pug uran Yesus.
-
Fare Paluk’af nike fil ngak e gidii’ nu Israel thingari sap nga Tathapeg nge maligach Rok’ nifan dad. Napan ni ngam bi’eg Exodus 12:1–13 nga ta’abong, gara ayuweg ngak e fakam ni nga pir’eged e tin ni woed rogon ko Paluk’af nge Bayul rok’ Yesus Kristus (Mukum guy ko “Fare Paluk’af” ulan Old Testament Stories, 70–74). Woed e susun, urogon Yesus ir woed rogon e saf ulan verse 5?
2:54The Passover
-
Daba’, gadad ma thapeged fare sacrament ere gadad ma pug uran dad e maligach rok’ Yesus. Me rayog ni ngam dag e fakam e sasing ko sacrament nge non ngak’ urogon e gam’ing ney ma ayuwegdad ningad pug urandad e Tathapegdad. Sana gara ayuweg e fakam pir’eged e thin ni “pug uran” ulan gali meybil ko sacrament (see Moroni 4–5). Fa yon’ed u ta’abang e tang ni gamed ba’adag morunga’agen fare sacrament, nge ngam ayuweg e fakam be sapgad e thamey nib gapas napan nira lemniged morunga’agen fare Tathapeg. Urogon ni ngad pir’eged e thamey nem napan ni ngad thapeged fare sacrament?
Ko boech reb, mu guy fare Friend magazine ko biney e pul.