Deuteronomy 6–8; 15; 18; 29–30; 34

Fare motochiyl ko Moses ni ba tay e bu’un bo’or e pi madnam nge yalen. Gara sap ulan e fonow rok’ Moses u Deuteronomy, Somoel de magaf ni yigo nifan e dowen e gidii’en—ma bay magaf nifan e tin nib thothup ko gum’ircha’raed.

Ulan e pi scripture u taan biney, muguy ko fare thin ni gum’ircha, nge lamnag e pow riy. Sana gara lemnag gali scripture ney ir boed e sikeng nifan e gum’ircha’em. Mang e sikeng gara pii’ ngom? Mang gara rrin’ ere ni ngam gelnag e pi’nen nib thothup nifan e gum’ircha’em. Yoloey pi lemnag rom.

• Deuteronomy 6:4–7:

• Deuteronomy 8:2–5:

• Deuteronomy 8:11–17:

• Deuteronomy 29:18–20:

• Deuteronomy 30:6–10:

• Deuteronomy 30:14–20:

Ta’areb e rogon rangam yarmiy e tafney rom ni ngam yoloey e gum’ircha’ nge yol nga dakaen binem e pi’nen ni ke yoeg Somoel e tin thingari bay ulan e gum’ircha’em. Me rayog ni ngam yol e pi’nen u wuru’ e gum’ircha’ e pi’nen thingari chuw ko gum’ircha’.

Urogon ga ba dag e t‘uf rom ngak Yesus u polo’ gum’ircha’em? Fan ko lemnag, muguy ko “Tu’ufeg Got, me tu’ufeg buguliyiror rom” ulan Fan ko Gelngin e Pi’in ni Fal’yangren: Babyoren e Powi’iy ko Rogon ni Ngan Me’eleg, 10–12.

Ka muguy ko M. Russell Ballard, “Lovest Thou Me More Than These?,” Liahona, Nov. 2021, 51–53.

Bo’or e gidii’ nu Israel nira yib nga binaw nni michmicheg dabi sapgad e yub e gafgow U Egypt fa th’aebed fare Red Sea. Moses nike nang ni yaed—nge mfen nga m’on—bat’uf ni ngar pug uran gad e ma’ang’ang rok’ Got nge motochiyl rok’ Got e rayog ni ngar manged e gidii’en Got.

Mang ni fonow gara pir’eg ulan Deuteronomy 6:4–12, 20–25 nira ayuwegem e rayog ni ngam pug uran e pi’nen nib ga’ got nike rrin’ ngom? Mang gaba’adag ni ngam rrin’ ere fare thin rok’ Somoel “ni kug pi’ ngomed e daba’” gubin e rran”? (verse 6).

Sana rayog ni ngam fil e milwol rok Brother Jan E. Newman “Preserving the Voice of the Covenant People in the Rising Generation” (Liahona, Nov. 2023, 36–38) nge mu lemnag urogon ni ngam pii’ e mich rom u Kristus ngak bin magid e mfen.

Ka muguy ko Deuteronomy 11:18–21; Dale G. Renlund, “Consider the Goodness and Greatness of God,” Liahona, May 2020, 41–44; Bible Dictionary, “Frontlets or phylacteries.”

Dabi yib e rran ni “dariy ta’abe’ u fithik’ e pi girdi’ romed nra gafgow” (Deuteronomy 15:4), ere e kenggin morunga’agen e gidii’ niba gafgow ulan Deuteronomy 15 ir mangil, ni dariy’ fan e tilyeg ko pi’ yalen niar thilyeg. Musap u verses 1–15 nibe fil morunga’agen e fan rodad ni ngad ayuweged e gidii’ niba gafgow nge urogon gadad ma thamey morunga’agen.

Mang e ba yip’fan “ya ngu’um golgad ngak mi gimed pi’ ngak”? (verses 8, 11). Mang gaba fil nifan e rogon rok’ Somoel nima ayuweg e gidii’ niba gafgow? (muguy ko vers 15).

Ka muguy ko “Have I Done Any Good?,” Hymns, no. 223.

Peter, Nephi, Moroni, nge fare Tathapeg ni kar weliyed morunga’agen e prophecy ney ulan Deuteronomy 18:15–19 (muguy ko Acts 3:20–23; 1 Nephi 22:20–21; Joseph Smith—History 1:40; 3 Nephi 20:23). Mang e ni kam fil morunga’agen e Tathapeg ulan e pi vers ney? Mu lemnag morunga’agen e pi’nen ni kam bi’eg morunga’agen e Moses u fithik’ gali wiik ni kafram. Urogon Moses er “woed rogon” Yesus Kristus?

Rib mangil fa’an ni ngam ta’areb nag e thin rok’ Moses ulan Deuteronomy 29:9; 30:15–20 ko fapi machib rok’ Lehi ngak e tabinaw rok’ ulan 2 Nephi 2:26–29; 4:4. Urogon Lehi nike ga’ nag e machib rok’ Moses? Mang e pi’nen niba guy ulan tiney ni ra pii’ ngom e athamgil ni ngam “mel’eg e yafos”? (Deuteronomy 30:19).

• Rayog ni ngam ayuweg e fakam ni ngar nanged fan Deuteronomy 6:5, me rangam yoloey e gum’ircha, dowef, nge nib gel’ e am. Fakam e rayog ni ngam yip’ nga fapi sasing napan ni ngam bi’eg fapi thin ni “gum’ircha’,” “ya’el,” nge “gelngin” ulan e vers nem. Urogon gadad ba dag fare Somoel ni ma ba’adag dad Ngak u polo’ gum’ircha’dad, ya’el rodad, nge gelngindad?

• Mu bi’eg ngak e bitir rom e fonow rok’ Somoel nike pii’ ngak e gidii’ nu Israel me thingari tay e scripture ulan e tafen e rayog ni ngar guyed gubin e rran (muguy ko Deuteronomy 6:6–9). Sana ni ra pii’ athamgil ngom nge fakam ni ngam lemnag e rogon ni dabi “paged talin fare Somoel” (vers 12) nge ni ngad pug uran e tin nike rrin’ nifan ngoom.

• Rangam dag ni Deuteronomy 6:13, 16 nge 8:3 nima ayuwegen fare Tathapeg napan e ngiyal’ nib ga’fan ulan e Yafos rok’. Rangam guy e rogon, napan ni ngam bi’eg u ta’abang Matthew 4:1–10. Me rayog ni ngam weliyed ngomed e pi scripture ni ma ayuwegmed ulan e ngiyal’ romed nib t’uf e ayuw.

• Napan ni ngam bi’eg Deuteronomy 18:18 u ta’abong, mu ayuweg e fakam ni ngam nanged fan e fapi profet woed ni Moses ulan e vers ney ni Yesus Kristus. Sana rayog ni ngam guyed e pi sasing me dag e pi’nen Moses nike rrin’ nge pi’nen nike rrin’ Yesus Kristus, nge pi e rogon ngak fakam ni ngam pir’eged e tin nib ta’ab rogon (muguy ko Gospel Art Book, nos. 15, 16, 38, 39). Mang e nibe fil fare profet rodad daba’ morunga’agen fare Tathapeg?

• Me non morunga’agen Deuteronomy 29:12–13 me pii’ e rogon ngom nge fakam ni ngam sabathingad morunga’agen e m’ag ni ra fal’eg fa kar fal’eg ngak Chitamangiy ni bay u Tharmiy. Mange ba yip fan ni ngam un e gidii’en Got? Urogon e pi michmicheg rodad be thilyeg dad ni ngam manged e gidii’en got? (muguy ko verse 13; ka muguy ko Mosiah 18:8–10).

• Fa’an e fakam bat’uf e ayuw ni ngar nanged mang ir e m’ag, rayog ni ngam pir’eg e fil ulan “Covenant” ulan fare Guide to the Scriptures (Gospel Library). Mang e pi michmicheg nikar fal’eged Got nge fapi gidii’ nu Israel ngoraed ulan Deuteronomy 30:8–10? Mang e pi michmicheg nikad fal’eged ngak Got? (muguy ko Doctrine and Covenants 20:37, 77). Urogon e pi michmicheg nima mathyach ngodad Ngak? Mu lemnag ni ngam yon’ed e tang morunga’agen e m’ag, woed ni “Standing on the Promises” (Gospel Library).