Come, Follow Me
Bogi Lem Ninga i par ko Tafiney Roem: Fapi Babiyor ni Chepin e Bin Kakrom e Mʼag

“Bogi Lem Ninga i par ko Tafiney Roem: Fapi Babiyor ni Chepin e Bin Kakrom e Mʼag,” Moey, Ngam Lakeg—Fan ko Tabinaew nge Galasia: Bin Kakrom e Mʼag 2026 (2026)

“Fapi Babiyor ni Chepin e Bin Kakrom e Mʼag,” Moey, Ngam Lakeg: Bin Kakrom e Mʼag 2026

ikon ko lem

Bogilem ninga i par ko Tafiney Roem

Fare Babiyor ni Chepin e Bin Kakrom e Mʼag

Fare babiyor ku Joshua i yan nge mada’ ku Ester e yimnang ni “fapi babiyor ni chepin” e Bin Kakrom e Mʼag. Biney e gathi be yipfan nitin kabay e babiyor u langgin e Bin Kakrom e Mʼag e dariy chepin. Ere, fare babiyor ko chepin e kanoeg ni aram rogon nibcahn e piʼen ra yoeloeyed e yadbe guy rogon ningar daged paʼ Got ko chepin fapi girdiiʼ nu Israel. Refan nem e gathi ngan sobteg fare motochiyal ku Moses, niboed nirin’ fapi Levitikus nge Deuteronomy. Gathi ngan ufanthin ngay, ni woed nima rinʼ fapi Psalms nge Lamentations. Ma gathi ngan yoeloey ngabutʼ fapi thin ko fapi profet, ni woed nibay ko fare babiyor ku Isaiah nge Ezekiel. Ya, fare babiyor ko chepin ema yoeg fapi yat.

Ba Rogon Niybe Sap Ngay

Susune, pi yat ney e yibe yoeg nibe yipfan banʼen. Niwoed nib moʼmawʼ ningan sap ngab flores, malang, fa bake gakiy ko angle riy niboiʼor tʼabyay, ke mudugil niba chepin ebe mʼug riy rarogon beʼ fa ba ulung ni yoeloey. Re rarogon ney e mmuʼun ragon e nam nge yalen ngay ko chaʼen ni yoeloey. Renʼey nikan nang ebe aywegdad i nangfan ni piʼen ni yoeloey nge piʼen ni tʼabiyang nag epi babiyoren e chepin eke lʼaganʼrad ngaboech makar paged boech. Kar susun niged bugi banʼen niboech e girdiiʼ e dabi rinʼ. Makar dugliyed u daken e pi susun ney. Gadad beguy epi rarogon ney ko gubin e babiyor ko Bible (ma boech i ngiyal e bay u langgin tʼabke babiyor). Ra yiʼoryay nigadad ranang epi rarogon ney, ma arame rigdad ranangfan fare babiyor ko chepin.

Rebe rarogon niyinang ko gubin e babiyoy ko chepin e Bin Kakrom e Mʼag e fare rarogon pifak yu Israel, ni girgiiʼen Got. Mich Rorad ngak Samoel e aywegrad ngar guyed Paʼ u lane yifos rorad ngu fithik e ngongol ko nam rorad. Bay boech e babiyor ko chepin nidar guy ni aray rogon, pi rarogon ney nib thothup e bang komang ema ngongliy fare babiyor ko chepin kobin Kakrom e Mʼag nirib gaʼfan ko piʼen niyadbe muruwliy i monʼog nag e mich rorad ngak Got.

Marngeʼgen e Tin Kabay ko fare Bin Kakrom e Mʼag

Fare babiyor ne chepin e tabob kogin ni mus e babiyor ku Deuteronomy riy, ni fare milekag kopi Israelites e bayi mʼay. Fare babiyor ku Joshua e dag ngak pifak yu Israel niʼer ma ngaranoed nga Kanaan, banaw nikan micheg ngirad, me weliy rogon nir feked. Ku boech e babiyor niyib ngatomuren, Judges nge madaʼ ku 2 Kronicles, e bedag rogon e par rok yu Israel ko ragi binaw nem nikan micheg ngorad, ko ngiyalʼ nirapired ngay nge madaʼ ko ngiyalʼ niyib piyu Assyria nge Babylon ngan koel rad. Fare babiyor ku Ezra nge Nehemiah e weliy marngeʼgen e sul rok ini Israelites kogin loeloegen tafarad, Jerusalem, ni tomren boech e duw. Mechiney, fare babiyor ku Ester ebe yoeg bayat ko Israelites niyadbe par u tanpaʼ piyu Persia.

Ma ireram e ginimus yaran e Bin Kakrom e Mʼag riy. Boech e piʼen ni kafin rabeʼegged e Bible e yadbe pateg niyadbe muʼ i beʼeg fapi yat ko Bin Kakrom e Mʼag umʼon ningar beʼegged nga mada nga lukngun farke babiyor. Tomuren Ester, dakuriy boech niyimnang u marngeʼgen chepin fapi Israelites. Machene, fapi babiyor niyib nga tomuren—ni fapi babiyor ko fapi profet—ebe mʼug u langgin ko ngiyalʼ nnipiʼ fare babiyoren e chepin. Fare machib nitay fare profet Jeremiah, ni aray rogon, e buch u napʼon nibuch banʼen maken yoeloey ngalane 2 Kings 22–25 (ma kubay ko 2 Kronicles 34–36). Biney nikan nang e rayog ninge piʼfan rogon ningam beʼeg fapi chepin e fayleng fa babiyoren e profet.

Napʼon Rabay Banʼen Nidar Ayal

Napʼon niybe beʼeg e Bin Kakrok e Mʼag, taʼreb rogon nga bugi babiyoren e chepin, baymu beʼeg marngeʼgen e girdiiʼ niyadbe rinʼ fa roegned bugi banʼen nu, owchey e chiney, e bemʼug nib kirkireb. Ngad lemniged e biney—piʼen ni yoeloey e Bin Kakrom e Mʼag er guyed e fayleng u rarogon, ni boech rogon, nibthil ngodad. Chamcham, tha’ ko nam, nge murwel ko bpin e boech e magawon ni piʼen tamyoel i kakrom er guyed nibthil ngarogon nigdad beguy e daboʼ.

Ere mange ngad rinʼed u napʼon nibay diguyed yuyang u lane chep nib thothup nidar tomilang? Kommʼon, sana felʼ ningan sapgad kopi yuyang ney u marngeʼgen nigaʼmun. Urogon nibe puluw ngalanggin e tanam ko yifos rok Got? Urogon nibe puluw kopi nʼen nini marngeʼgen rarogon e Chitamngiy nu Tharmiy nge Yesus Kristus? Urogon nibe puluw kotin riyulʼ banʼen u boech e scriptures fa fapi machib ko fapi profet niyad bafos? Ma urogon nibe puluw ko fapi kathkath ko fare Kan Thothup nga gumʼirchaʼem nge tafney rom?

U boech yuyang, fare bugithin e sana dabi puluw ko tiney. Boech e ngiyalʼ fare bugithin e sana woed biyang i puzzle nibe mʼug nidariy tagilʼ u fithik e tinem nikam yarmiy. Nigay rogon ningan tawasriy e rigi puzzlenem ninge ayal e defelʼ kanowʼen. Machene dabir pagew e gi puzzle nem. Ya, ngamu tay e ginem ngabutʼ nga fani taʼboech. Baymu fil boech magbe ayliy fare puzzle, meyog ningam guy rogon nibe ayal ngataʼbang.

Kura aywegney ningan nang nibchane ba smoʼmawʼ rarogon, chep nib thothup ko kakrom e rayog ninge mʼug kkirben e girdiiʼ riy. Aray rogon, ene raʼay nike yan, “boʼor nib mangil marib gaʼfan [nikan] chuweg ko fare [Bible],” nim muʼun e tin nib riyulʼ ni marngeʼgen e machib, gamʼing, nge thaʼ ngay (1 Nephi 13:28; muguy ko verses 26, 29, 40). Maku re ngiyalʼ nem, ngadan ninged nipi rarogdad e kub samoʼmawʼ: gubin ngiyalʼ mabay banʼen nidab dannged fan nibfelʼ rogon nge pi duwer nidabyoeg ningad piʼed e fulweg riy e chiney.

beʼ nibe ayliy e puzzle nga taʼbang

Yuyang ko chep nib thothup e taʼreb rogon nga yuyang e puzzle nidaʼan daninged rogon i ayliy ko fargi puzzle.

Patege tin Nirib Gaʼfan

Maku re ngiyalʼ nem, pi duwer nidaworni fek e fulweg riy e dabi taleg dad i gay etin nibgaʼfan kotin nib manemus niyra pirʼeg ko Bin Kakarom e Mʼag—ni pinʼey nib gaʼfan e boechi ngiyalʼ ebmith u fithik fapi ngongol nge melʼeg nibe tay e girdiiʼ nib moʼwar. Tin nirib felʼ banʼen nib gaʼfan e fapi yat nge yuyang nibe micheg fare adag rok Got—nirtin nima powʼiy lanyanʼdad kofare miligach kuYesus Kristus. Nisap ngay nib thilthil rarogon, pinʼey nib gaʼfan ebe mat ramʼen nibgel e daboʼ niwoed ni buch kafram. Ma bachan e pinʼey ebe weliy marngeʼgen girdiiʼen Got—pummoʼon nge bpin nib moʼwar mayadba adag mayad me pigpig ngak Samoel—tin nib gaʼfan nib riyulʼ ko babiyoren e chepin kobin Kakrom e Mʼag.

tin nib gaʼfan

Babyoren e Ayuw

  1. Fare babiyoren e chepin ko Bible nibay rodad e daboʼ e murwel rok e piʼen ni yoeloey me kunuy ngataʼbang, ni boech e niyalʼ e yadma murwel ni bukun e duw, nge raʼay, ngatomuren e ngiyalʼ nikan weliy. Yadme tomleg ngadaken boech bugi babiyor ko chepin miyad turguy ko mange ngan uneg fa dabin uneg ngay.

  2. Aray rogon, yan nu fithik 1–2 Kronicles e boedke tʼabingyalʼ ko 1 Samuel 31 nge madaʼ nga tungun e 2 Kings, fare babiyor u lane 1–2 Chronicles e weliy bugi mareʼgen nib thilthil medag rarogon nib tbilthil, nib gaʼfan nga Southern Kingdom of Judah nipiʼ e yat ni marngeʼgen David nge Solomon (mu taʼreb nag, aray rogon, 2 Samuel 10–12 ko 1 Chronicles 19–20 nge 1 Kings 10–11 ko 2 Chronicles 9). Moey, Ngam Lakeg mufil u langgin e 1 and 2 Kings,rayog ningan taʼreb nag ko 1 and 2 Kronicles Sana felʼ ningan nang ni murwel ko 1 Samuel–2 Kings e sana tabab u mʼon nikoel fapi Babylonian yu Judah me mʼay u napʼon nir chuwgad u Babylon. Re babiyor niʼir e yib 1–2 Kronicles riy, e ni, kunuy u tomuren nike sul fapi Jews nga Jerusalem Baymu biʼeg, masana ngam nangfan ni urngin gubin banʼeb nib thilthil e sana keʼaw nga rarogon nikan kunuy ngataʼbang epi babiyor ney nib thilthil.

  3. Nga tabolngin e rake babiyor ney e garam pirʼeg fare “Bin Kakrom e Mʼag,” ba ngiyalʼ nibe dag rogon e machib rok reb nge reb epi profet nibe puluw ngalan babiyoren chepin yu Israel (nga rogon nikan dugliy). Bay muguy ni boʼor boech fapi babiyor ko profet ko Bin Kakron e Mʼag e yani aw nga tungun e ngiyalʼnem—u mʼonriy nge tomren nikan koel pifak yu Israel, tuluf rad, me garfay rad e piʼen dubrad dakarad.

  4. Muguy ko Kenggin Lik’ngin e Mich 1:8.