Ruth; 1 Samuel 1–7

Yafos e be mo’omaw’ nifan e bpin dariy figirngiraed udemtrug e ngiyal’. Machane napan ke yim’ e figirniy Ruth, yafos rok’ nike mang ni rib mo’omaw’. Yalen ko gidii’en nu Israel ungiyal’ ney, fapi bpin dariy figirngiraed fa bitir nib pumo’on dabi thapeg e pi’nen roroad nge kemus buchuw e muruwel’ roraed ni ngar thapeged e salpiy. Napan ni ngam bi’eg e yaat’ rok’ Ruth, mu sap urogon fare Somoel nike thilyeg e tin nib mo’omaw nga fapi tawa’ath nib ga’. Mang e kam sapgad morunga’agen e Ruth ni ke ayuwegen? Urogon e Boaz ni ke ayuweg Ruth ko pi’nen nib kireb ni ke buch ngak? (Muguy ko Ruth 4:4–10). Urogon Ruth nge Boaz ni boedew rogon e Yesus Kristus?

Kamu guy ko “Be Still, My Soul,” Hymns, no. 124.

Sana ni kam malog e pi’nen nib thabi ga’, woed ni Ruth nge Naomi (muguy ko Ruth 1:1–5). Fa, woed Hannah, gabe adag e pi tawa’ath me dawori thapeg (muguy ko 1 Samuel 1:1–10). Urogon gali bpin ni kar dagew e mich rorow ngak’ Got? Mang e pi’nen gara filgad bachane e leak wo’en row?

Riyul’, gathi gubin e bea’ nibe meybil nifan e bitir rayog ni ngar thapeged binem, nge gathi gubin e bea’ ni ra mabgol bayay tomur me yim’ e figirngiy fa le’engiy. Machane urngin e bea’ nima yib nga Tathapeg nima thapeged e ayuw nge fonow Rok’. Mu lemnag urogon ni kam “naf nga tan pa’” fare Somoel (Ruth 2:12) napan bay e ngiyal’ nib mo’omaw’.

Kamu guy ko Amy A. Wright, “Abide the Day in Christ,” Liahona, Nov. 2023, 9–11.

Napan e to’ogor ni kar og gad ngak, fapi gidii nu Israel kar lemnag ni kemus thingari thapeged e ark ko m’ag me ir ra matangiy ngoraed. Napan ni ngam bi’eg 1 Samuel 4–6, mu lemnag mangfan binem dag ngongoliy. (Ma gabe pug uran e ngongol nib kireb ni kar rrin’ed fapi fak nib mo’on ni Eli, ni kar muruwel ko priest ulan fare tabernacle, ulan 1 Samuel 2:12–25.) Mang gabe lemnag fare Somoel ni ba fil ngak e gidii’en? Mang gaba fil nifan e pi’nen nike buch ngak e gidii’ nu Philistine tomur ni kar feked fare ark? (Muguy ko chapters 5–6). Mang gaba fil nifan e ngongol rok’ e gidii’ nu Israel ni ngar guyed rogon nge thapeged e matangiy rok’ Somoel u 1 Samuel 7?

Sana rangam thapeg athamgil napan ni ngam bi’eg e poem rok’ Hannah u 1 Samuel 2:1–10. Mang e pi’nen niba guy ulan e thin rok’ e rayog ni nge ayuweg e pi fak nib mo’on Eli nge gubin e gidii’ nu Israel?

Boch e ngiyal’, gara thameyed woed ni Samuel, napan nike rung’an lam Somoel machane de nang e lam nem. Woed gadad gubin, Samuel t’uf ni nge fil urogon ni nge nang e lam Somoel. Napan ni ngam fil 1 Samuel 3, mang e pi’nen ni ngam fil morunga’agen e mo’on nib fal’ yangren nifan e motoyil’ nge fol e lam Somoel? Rayog ni ngam bi’eg reb e pi scripture nge yoloey e pi’nen nima ayuweg e bea’ e rayog ni ngar nanged e lam Somoel: 1 Kings 19:11–12; Luke 24:15–32; 3 Nephi 11:3–7; Doctrine and Covenants 6:22–23; 8:2–3; 9:7–9.

Rebo ngiyal’, gara thamey nike ning tharmiy nge Got dabun ni nge non ngom. President Russell M. Nelson nike yoeg, “Got e ba’adag ni nge non ngom? Arragon! (“Revelation for the Church, Revelation for Our Lives,” Liahona, May 2018, 93–96). Napan ni ngam fil e milwol rok’ President Nelson, mang gabe pir’eg ni me pii’ athamgil ngom ni ngam rung’an nge fol e lam Somoel? Mang e President Nelson ni be pinning ngom ni ngam rrin’, nge mang e pi tawa’ath nibe micheg ngom. Rayog ni ngam pir’eg e pinning nge tawa’ath ni ke micheg ngom morunga’agen e yi’iy ulan “Walk in God’s light” (Fan ko Gelngin e Pi’in ni Fal’yangren: Babyoren e Powi’iy ko Rogon ni Ngan Me’eleg, 16–20). Mu lemnag ta’areb e pi’nen e rayog ni ngam “gaa’ nag ea toom’ ko tin nib thothup ni fan ea ngam thapeged ea yi’iy.”

• Napan ni ngam weliy e yaat’ rok’ Ruth ngak e fakam (rayog ni ngam bi’eg “Ruth nge Naomi” ulan fare Old Testament Stories, 100–103), mu pinning raed ni ngar tay pa’raed ngalang napan ni ngar rung’an’ e ngongol nib sumunguy ulan e yaat’ ney. Rayog ni ngar weliy e thamey roraed napan reb e bea’ be pii wurengaen’ roraed ngoraed, fa napan yad be pii’ e wurengaen’ roraed ngak’ reb e gidii’. Urogon e Tathapeg ke pii e wurengaen’ rok’ ngodad? Urogon ni ngad leaked e susun rok’? (Muguy ko “Kindness Begins with Me,” Children’s Songbook, 145).

  

  2:0

• Fapi yaat rorow Ruth nge Hannah rayog ni nge pi athamgil ngak e fakam e thapeged e mich rorad ufithik’ ni ngiyal’ nib mo’omaw’. Mu ayuwegraed ni ngar mel’eg babyor nibay e pi thin ney ni Sikeng, Ngongol, Tawa’ath. Me bi’eged u ta’abang ni Ruth 1:3–5, 8, 16; 2:1–3, 8–12; 4:13–17; 1 Samuel 1:1–18 nge yoloey utan e gali thin nem mang ni kar pir’eged ulan e pi vers ney. Urogon Ruth nge Hannah ni kar dagew e mich rorow ngak’ Somoel. Gur fa fakam rayog ni ngam pii’ e rogon romed fare Somoel ni ke tawa’ath nagem ufithik’ e ngiyal’ nib mo’omaw’

• Fa’an gabe adag ni ngam fil’ed morunga’agen Hannah, fakam rayog ni ngar bi’eged 1 Samuel 1:1–18 fa “Hannah” ulan Old Testament Stories (104–5) fa sapgad ko “Hannah’s Faith” (video, Gospel Library). Sana e gosgos nib falfalaen’ ni e bee nira muun e baat’ ngak e bitir nge pinning en ni nge weliy e yang ko yaat umon nike muun e baat’ ngak reb e bee’. Mang gamed ba filed morunga’agen e meybil bachane e susun rok’ Hannah?

  

  1:15

  

  3:9

• Sana bat’uf e gosgos nib moem ni ra ayuweg e fakam ni ngam fil’ed e tin nike buch Samuel nifan e yi’iy. Ta’areb e bitir me dakebe mang Samuel, nge reb raoyg ni ngar dake be mang Eli napan ni ngam bi’eged 1 Samuel 3:1–10 (ka muguy ko “Samuel the Prophet” ulan Old Testament Stories, 106–9, fa kaechiidoo ni “Samuel and Eli,” Gospel Library). Mang e pi’nen niba fil nifan e Samuel morunga’agen e rogon ni ngad rung’an’ e lam Somoel? Urogon ni ngad daged e ba’adag rodad ni ngad motoyil gad ngak fare Somoel nape nira non ngodad?

  

  2:10

  

  1:58

• Mu fith ngak e fakam ni urogon ni ngar weliyed ngak e bea’ urogon me non Somoel ngoraed. Rayog ni ngam ayuwegraed ni ngar pir’eged e pi fulweg ulan Doctrine and Covenants 6:22–23; 8:2–3; 9:7–9.