1 Samuel 8–10; 13; 15–16

1 Samuel 8 e weliy ban’en nibuch ni thilyeg rogon e yafos ko fapi Isrealites. Bochan e ket’uf e ayuw ni ngan yororiyrad ko pi toqogor rorad, me athapeg fapi Isrealites ni wod rogon e tin nibay ko buguliyoror rorad—ni ngar thapeged reb e pilung ninge gagiyeg nagrad. Napon e baymu be’eg e tin nikan fithed nge n’en nike yoeg Somoel ngorad, mutafney nag ko mini’ e gama sap ngak ni nge ayuwegem me powi’iyem. Mutafuney nag ko mange be yipfan ni ngan pag Somoel ninge “gagiyog ni [gem]” (1 Samuel 8:7).

Tin baraay e wik nibayi yib nga m’on, e gara be’eg mornga’agen bogi pilung nin piningrad ni ngar gagiyog niged yu Isreal. Napon e baymu fil mornga’rad, mag tafney nag e pi duwer ni baraay:

• Fpai thin ko ayuw ni pi’ Somoel e ba urrogon nibuch ni bay u lan e 1 Samuel 8:10–18?

• Mang e be buch ko pifak piyu Israel nibochan e cha’ennra mel’eged ni nge mang pilung rorad?

• Yesus Kristus e ba urrogon nib thil ko pi pilung nu fayleng? Mu lem nag e tinnu fayleng ban’an nrayog ni ngamu chuweg u lan e yafos rom ni ngeyog ni yib Kristus nge mang e Pilung rom.

Nkgum guy ko “Rejoice, the Lord Is King!,” Hymns, no. 66.

Mbe’eg rogon ni mel’eg Got e pilung nu Israel u lan e 1 Samuel 9–10 nge 16 (ngari kum guy ko 9:15–17; 10:1–12; 16:1–13). Musap ko gin nrayog ni nge ayuwegem ngam nangfan ko mang e be yipfan “be piningem Got, u dakean e prophecy u lan e Galasia rok e doba’ (Kenggin Lik’ngin e Mich 1:5). Mu tafuney nigen ni gowod gur e tiyugang’ ni ngam pi’ e biney e muruwel ngak (Samuel), nge be’ ningan pining niwod (Saul nge David), nge gidii’ ni susun ningar pigpigga ngak (fapi gidii’ ko Isrealites). Mange kamfil ni mornag’agen e thin nge ngonglenrad u lan e pi guruy ney?

Mu lemnag rogon ni rus Saul u lan e 1 Samuel 10, mornag’agen e “togopluw” rok nge “ufanthin” napon nimang pilung (1 Samuel 15:23). Mange gabe tafney nag ngay nifan ni buch e biney? U lan e 1 Samuel 13:5–14, mitimang e ngongol nge pingiy ni karang ni mul riy?

U lan e 1 Samuel 15, e gara be’eg mornga’agen fapi motochiyel ni pi’ Somoel ngak Saul ma dani fol riy nibochan e tirok e tafuney. Ra ngam fil mornga’agen e tin ni mel’eg Saul ndanifel’, ma rayog ni ngam guy ko fare verse 22 muthilyeg e thin niwod e “miligach” nge “ram nib fat” ko thin ni wod bogi banan nib mangil machane gathi tabrogon ko rogon e motoyil nge fol ngak Somoel. Urogon ni kan tawa’ath nigem nibochan e kam tay Somoel ni’ir e som’on u lan e yafos rom?

Bay bangiyal’ nikam duugliy banaan nibochan “rogon ya’an nibe m’ug u wuru’” nifan ngak be’, machane tomur riy mag guy ni bakireb erom? Sana wod banaan nikam k’ay ni gowa ribfel’ ya’an machane danifel’ limean. Fa sana kam pufthin nagbe’ ni dani mat’aw rogon.

Napon nibe sap nag Samuel be’ ni nge mang pilung u Israel, me machibnag Samuel ngak kanawo’en nib mangil. Mbe’eg mornga’agen u lan e 1 Samuel 16:6–7, mag tafney nagrogon nima pufthin nag e gidii’ “wuru’ i downgin.” Krayog ni ngamu guy boch e pin’ey ko mulwol nike yib rok Elder Christophe G. Giraud-Carrier “We Are His Children” (Liahona, Nov. 2023, 114–16). Mange be yipfan ni ngan sap ko “lan gum’ircha’en,” ni wod rogon nima sap Somoel ngay? (1 Samuel 16:7). Rayog ni ngamu gay mornga’agen e biney u lan e mulwol rok Elder Giraud-Carrier. Sana krayog ni ngamu tafneynag bangiyal’ ni changar fare Tathapeg ngalan gum’ircha’en be’. Ngkum guy, ni wod e, Mark 12:41–44; Luke 5:1–11; 19:1–9; John 4:5–30; Moses 6:31–36.) Mange kamfil ko tiney e kanawo’ nikan dagriy?

Uragon rayog ni ngamu fol ko wok rok fare Tathapeg ko rogon ni ngan sap ko gidii’—nge rogon ningamu sapngom? Biney ni gara rin’ e ba urogon nra fal’ag e tha’rom ngak e gidii’? Mu tafuneynag ni ngamoeg ngak be’ e thin nib fel’ ko tin ni gabe guy ni rarogonrad.

Ngkum guy ko Ulisses Soares, “Brothers and Sisters in Christ,” Liahona, Nov. 2023, 70–73.

• Napon e baymu be’eg e 1 Samuel 8 nib mu’un pifakam ngom, muguyfan ni yoeg Samuel ngak fapi Isrealites ni danifel’ ni ngar mel’eged be’ ni nge mang pilung rorad. Mongfan nib mangil ni Yesus Kristus e nge mang pilung rodad? Sana rayog ni ngamu fal’ag reb e t’alyaaw ni ngamu ted nga dakean loelugenmed ni ngamu daged ni gamed ba’adag ni Yesus e ngemang Pilung rodad. (Ngkum guy ko Jeremiah 23:5; Doctrine and Covenants 45:59.)

• Fare mornga’angen Got ni mel’eg Saul nge David ningar mangew pilung erayog ninge ayuweg pifakam ko rogon niyma pining e gidii’ nikan thogthog nag ninge pigpig u lan e Galasia e doba’. Ra nganfil ngorad e pi yat ney, rayog ni ngamu yoloey e tin nike buch ko pi yat ney ngalan e babiyor, ma pifakam e ngar gayed rogon ni ngar yarmiyed rogon nibuch nibay u lan fapi chep nib thothup (ngkum guy ko “Young David” u lan Fapi Yaat ko Bin Kakrom e M’ag, 110–11). Ma krayog ni ngamu weliy bongiyal’ ni tawa’ath nigem Got ko gelngin e thothup nibochan e pigpig rom (muguy ko 1 Samuel 10:9–10).

  

  1:16

• Ka ireray e ngiyal’ nrib mangil ni ngamu fil ngak pifakam fare bin laal e kenggin lik’ngin e mich. Moeg ngorad rogon nikam thapeg e pigpig nikan pi’ ngom u lan e Galasia. Urrogon nikam nang ni biney e pigpig e keyib rok Got?

• Reb e object lesson e rayog ni ngam ayuweg pifakam ngar nangfaned fapi yalen ni bay u lan e 1 Samuel 16:7. Woed ni, rayog ni ngamu dag ngorad ya’an e ggan ni dani puluw wuru’ ko ggan riy fa n’en nibay u langgin. Mang e bay ko 1 Samuel 16:7 nge object lesson riy ko rogon nsusun ni ngad guyed gadad nge gidii’? Yin’e tang nibe weliy rogn e biney e yalen, ni wod fare tang ni “Love One Another” (Children’s Songbook, 136).

  Mu fanay fapi object lesson ni ngan weliy. Moem ko bitir ni nge fil bogiban’en ni yalen e gospel ni faanra yadra guy fa ramad gadngay, biney e rayog ninge ayuwegrad nge mitu wun’rad. Ni wod, napon ni baymu be’eg e 1 Samuel 16:7 ni gabe un ngorad, ma rayog ningamu dag ngorad rogon nima sap Somoel ngay—nima changar “ko gum’ircha’”—ma darma puffthin nag be ko “wuru’ i downgin.”

• I Gur nge pifakam e rayog ni ngamu weliyed e tin nikam filed ko rogon ni ngan “changar ko gum’ircha’,” ma gathi “wuru’ i downgin” (verse 7). Ma krayog ni ngamu thilthilgadi weliy morna’agmed nibfel’.