1 Samuel 17–18; 24–26; 2 Samuel 5–7

Fare yaten David nge Goliath e irebe yat niri yimanang mornga’agen ulan fapi chep nib thothup. Machane, baga’ ni David eyima weliy mornga’agen riy. Machane, yaney ni baymu fil e 1 Samuel 17, ma ngam sap ko n’en niyoeg fapi gidii’ nibay ulane biney e guruy (muguy ko pi list ni ba’aray ubut’). Mange kamfil kotin ni mornga’agrad nge pin’en niyad ba’adag ningar rin’ed? Mange kamfil ni mornga’agen David? Ba uw rogon nibthil ko boche gidii’?

• Goliath: verses 8–10, 43–44

• Eliab: verse 28

• Saul: verse 33

• David: verses 26, 32, 34–37, 39, 45–47

Yat rom, ni gathi ri yimanang mornga’agen niwod David, machane bay bogi ban’en nib momaw’ riy ni gowa wod ga’angin Goliath ni ireram kanawo’en ni ngamu gel nge kanawo’en ni ngam gelnag e mich rom riy ngak Somoel. Mang e ran’en nibe fil ngom ko n’en nike rin’ David ko napon nibayi mo’oniyan’ ngabi lemel nigem? Sana krayog ni ngamu be’eg e mulwol ku President Camille N. Johnson “Invite Christ to Author Your Story” (Liahona, Nov. 2021, 80–82) nibay etin nibe momaw’ ngom ko tafney rom. Musap nag e fulweg niwod etin ni ba’aray: Ba uw rogon ni ba’adag Somoel ni ngguy rogon etin nib momaw’ ngog? Uw rogon nike pi e ayuweg ngog kotin nike thumur ban’en? Uw rogon marayog ninge pagaen’ug ngak ni’ir e nge yoloey e yat ni mornga’agen?

Ma sana kagamanang nibay boch ban’en nibuch ko yaten David nib kireb (muguy, ni wod ko, 2 Samuel 11). Fa’ara bay rebe thin nrayog ni ngamog ngak David ko tomuren fare mael nike gelngak Goliath, ma mange ran’en ni gara yoeg? Uw rogon nibay rogone biney ko yafos rom?

Ngkum guy ko (video) “The Lord Will Deliver Me,” Gospel Library.

3:24

Tin nib momaw’ ngodad, nge tin nikab ga’, e kuma gafgow nag e fayleng ni ga’ang. Napan nra yib gelngin e kireb ko “mukun nga tabang … ko mael” ko gelngin etin nib mangil (1 Samuel 17:1), ma bayni bay da lemniged ko ba uw rogon ma rayog ni ngad thilyeged rogon. Mange ran’en nikam pir’eg ko yaten David nibe pi’ e athap ngom?

Ngkum guy ko “Let Us All Press On,” Hymns, no. 243.

Napan e baymu be’eg e 1 Samuel 18, mu tafneynag ya’an Saul nge fare pagan nifak ni kanog Jonathan ngak (ni fa’anra de mo’ ku David, ma ir e susun ni’ir e en ni migid nra mang pulung). Mang e rin’ Saul nga Janathan napon nra guyew nike gel David? Mang e kamfil ko biney nike buch?

Mang e kam pir’eg nike rin’ Jonathan ni pugoran ngom Yesus Kristus?

Ulan e 1 Samuel 24–26, musapnag e machib ni mornga’agen e ufanthin, min’agfan, nge talyegnag be’. Ma krayog ni gara adag ni ngamu be’eg e mulwol ku Elder Mark A. Bragg “Christlike Poise” ni kabang ko b’en ni ngamu fil ko (Liahona, May 2023, 60–63). Ba uw rogon nike dag David, Abigail, nge ku boche gidii’—fa rogon ndaniyag ni ngar daged—kopi guruy ney ni bod rogon ni rin’ Kristus? Mang e bay rom nrayog ni ngamu dag ni bod rogon Kristus?

Mulwol ku Sister Kristen Yee “Beauty for Ashes: The Healing Path of Forgiveness” (Liahona, Nov. 2022, 36–39) can help you study 1 Samuel 25. Ba uw rogon ni Abigail e bod Yesus Kristus?

Aram rogon nigel David ngak Goliath, machane kireb uthilin nge fapi Filistines e dawrimus rogon. Napan e baymu be’eg e 2 Samuel 5:17–25, mulemnag en’en nibuch ku David nge rogon nrayog ninge ayuwegnem kotin nibe momaw’ ngom (ngkum guy ko 1 Samuel 23:2, 10–11; 30:8; 2 Samuel 2:1). Uw rogon ni yibe tawa’ath nigem nibochane gabe rin’ etin ni yibe thogthog nag ngom?

Napan niyog David nra toey ba nu’un, ba nu’un ko tempel, nifan Somoel (muguy ko 2 Samuel 7:1–3), ma Somoel e yog ngak David ni fare pagel nni fak e bayi toey (muguy ko verses 12–15; ngkum guy ko 1 Kronicles 17:1–15). Ma kiyog Somoel ni bayi toey reb e “nu’un” nifan David, nibe yipfan pifak, ma fare gul’il’ungun erani par nib manechubog ni dariy ni’id (muguy ko 2 Samuel 7:11, 16, 25–29; Psalm 89:3–4, 35–37). Biney nikan michmicheg e buch ko napon niyib Yesus Kristus, ni’ir e Pilung rodad ni Gubinfen, ni’ir eyib ko gidii’ rok David (muguy ko Matthew 1:1; Luke 1:32–33; John 18:33–37).

• Rayog ningam use nag “David nge Goliath” ko Fapi Yaat ko Bin Kakrom e M’ag, 112–16, ninge ayweg pifakam ngar filed ko mange buch u lane 1 Samuel 17:20–54. Nge mu’ marayog ni ngar weliyed fare yat ko rogon nrayog rorad niyadbe use nag e pi sassing ney fa ra yoloyed ya’an nibay ko biney e outline. Mfith ngorad ko mange ran’en niba’adag Somoel ningar filed kore yat ney.

  

  2:36

• I Gur nge pifakam erayog ni ngamu fal’aged rebe list ko boche magagawon ni sana rayib ngalane yafos rorad. Nge mu’ mag ayuwegrad ngar gayed epin’en ni yoeg David nra pi’ e ayuw ko pi magagawon ney (muguy ko 1 Samuel 17:26, 32, 34–37, 45–47). Moeg rogon nike pi’ Yesus Kristus e ayuw ngom ko napon e pi magagawon ney.

• Pifakam erayog ni ngar march gad ni bod ya’an David nibe yaen ngak Goliath ningar cham gow ma yibe yoen’ e tang ni mornga’agen e dabin rus, ni wod e “I Will Be Valiant” (Children’s Songbook, 162).

• Uw rogon nrayog ni ngamu ayuweg pifakam ngar filed ban’en ko mornga’agen fare tha’ ku Jonathan nge David? Rebe kanawo’en ningan rin’ e biney e ngam pi’ l’agruw yange babyor ni ya’an e hart ngak fakam, nireb e be yipfan David mareb ebe yipfan Jonathan. Nge mu’ magmed be’eg ine thin ko 1 Samuel 18:1–4 ko rogon e t’ufeg ko gali tafagar ney ngorow. Pifakam erayog ni ngar yoloyed ngalan fare babyor ko hart rogon nrayog ningar daged e t’ufeg ngak rebe fagar.

• Ulane tiney e guruy, i David e bay nike mang pilung nu Isreal. Sana ba adag e bitir rom ning raned u ya’an e pilung fa queen. Miti mang motochiyel e yadra ngongliy? Ngan e yadra yan ngay ni fa’anra ke t’uf e ayuw rorod? Mu ayuweg pifakam ngar pir’eged ni napon ni t’uf e ayuw ku David, me yan ngani “fith e ayuw,” fa meybil, ningan powi’iy. Wod ni, napan ni baymu be’eg e 2 Samuel 5:19, 23, mag pining pifakam ningar motoyilgad ko fare bugithin ni “fith e ayuw” miyad ning pa’rad napon ni bayra rung’aged. Mangfan nib t’uf ku David ninge ning e ayuw ngak Somoel ko rogon e muruwel rok nib be’ech?

• Moged ngomed bangiyal’ nimu ninged e ayuw ngak e Chitamangiy nu Tharmiy. Mang e bathil riy nibe yib ngabi pi’ e ayuw ngom?

• Gubin fapi pilung nikad be’eg mornga’gen ulan fare bin Kakrom e M’ag era bagyad mabay thibngin, ma gubin fapi gul’il’ungunrad e ni museg. Machane Yesus Kristus e ir fare Piling nib polo’ ni’ir era gagiyegnag gubin ban’en ndariy bi’id manemus. Rayog ni ngamu ayuweg pifakam ngar pir’eged mornga’agen e biney ni gamedra be’eg utabaang ko mange ran’en ni yoeg fare profet Nathan ngak David ni Pilung ulane 2 Samuel 7:16–17. Mangfan nni museg fare gul’il’ungun David? Mu ayuweg pifakam ngar be’eged fapi chep nib thothup nima fil mornga’agen Yesus Kristus, ni’r rebe gidii’ niyib ku David, ni’ir e Pilung rodad, nibay ko Luke 1:32–33; John 18:33–37; nge Revelation 19:16. Uw rogon nib thil Yesus Kristus ko pi pilung nu fayleng? Ba uw rogon ni ngad ted fan Yesus Kristus ni’ir e Pilung rodad ni Gubinfen?