Jij 2–4; 6–8; 13–16

Liv Jij yo kapab alafwa yon avètisman ak yon ankourajman. Chèche avètisman ak ankourajman sa a pandan w ap li Jij 2:1–19; 3:5–12. Kijan w santi avètisman ak ankourajman an aplike pou ou?

Pa egzanp, si Jij 2:19 te osijè oumenm ak tantasyon w yo olye l te osijè ansyen Izrayelit yo, kisa li ta ka di? Si Jij 3:9 te osijè sa Senyè a te fè pou delivre ou, kisa l ta ka di?

Konsidere li kesyon ak repons lan nan paj 9 nan Pou Fòs Jèn yo: Yon gid pou Fè Chwa. Kijan w santi sa aplike a eksperyans Izrayelit yo nan liv Jij yo? Kisa sa anseye ou konsènan Jezikri?

Pafwa lafwa yon moun ka enspire lafwa nan anpil lòt moun. Nan Jij 4, moun sa a sete Debora. Li konsènan li nan Jij 4:1–15, epi note enfliyans li te genyen sou pèp ki te bò kote l la. Men kèk kesyon pou ede w egzamine kijan eksperyans li a ka aplike nan lavi ou:

• Kijan w t ap dekri kondisyon Izrayelit yo te ye nan epòk sa a? (gade vèsè 1–3). Ki resanblans ou wè nan kondisyon ki egziste jodi a—nan moun yo ak sosyete a?

• Ki pawòl oswa aksyon Debora ki montre w ke li te gen lafwa nan Senyè a? Kijan lafwa l te enfliyanse lòt moun? Kisa lòt bagay ki enpresyone w nan li?

• Kisa w panse Debora te vledi nan kesyon li te poze nan vèsè 14la: “Eske Senyè a p ap mache devan w?” Kijan Senyè a ap “mache devan” nou? (gade tou Doktrin ak Alyans 84:87–88).

Medite konsènan fason lafwa w nan Jezikri te kapab beni lòt moun nan fason lafwa Debora te beni Barak ak lòt Izrayelit yo. Pou ede w reflechi konsènan sa a, ou ka etidye mesaj Èldè Neil L. Andersen nan ”Nou Pale de Kris” la (Liahona, Nov. 2020, 88–91). Chèche jwenn nan mesaj la (1) rezon pou w pale pi ouvètman sou Sovè a ak (2) fason pou w fè sa.

Apresa, ou ka fè yon lis bagay ou konnen konsènan Jezikri—nan ekriti yo, nan pawòl pwofèt vivan yo, ak nan eksperyans pèsonèl ou. Kimoun ki bezwen konnen sa a? Kijan w ap pataje l?

Gade tou Matye 5:14–16; 1 Pyè 3:15; “Each Life That Touches Ours for Good,” Hymns, no. 293.

Pandan w ap li Jij 6–8, pran nòt sou ka kote Senyè a te mande Gideyon pou l te kwè yon bagay ki ta ka sanble l pa t fasil. Èske L janm mande w yon bagay menm jan an?

Kisa w santi Senyè a ap eseye anseye w nan istwa sa a? Kijan w wè Senyè a fè travay Li nan fason ki sanble yo pa fasil?

Samson te pèdi ni fòs fizik li ni fòs espirityèl li paske li te vyole alyans ke l te fè avèk Bondye yo, enkli alyans ki te aplike espesifikman a Nazarit yo (pou enfòmasyon konsènan Nazarit yo, gade nan Resansman 6:1–6; Jij 13:7). Pandan w ap li osijè Samson nan Jij 13–16la, nòt vèsè ki montre ke Senyè a te avèk Samson, osi byen ke vèsè ki montre Ke Samson pa t konplètman angaje nan Senyè a.

Ou ka reflechi sou alyans ou fè avèk Senyè a tou. Kijan alyans sa yo te mennen pouvwa Li nan lavi ou? Kisa w aprann nan eksperyans Samson yo ki enspire w pou w rete fidèl a alyans ou fè avèk Bondye yo?

Sè Ann M. Dibb te anseye: “Samson te fèt avèk gran potansyèl. Yo te pwomèt manman li, ‘Se li menm ki pral kòmanse travay pou delivre pèp Izrayèl la anba men Filisten yo’ [Jij 13:5]. Men pandan Samson t ap grandi, Li te gade nan tantasyon mond lan plis pase nan direksyon Bondye. Li te fè chwa ki ‘te fè [li] plezi‘ [Jij 14:3] olyede chwa ki te byen. Plizyè fwa ekriti yo itilize fraz ’epi li te chite’ [Jij 14:7] a lè y ap rakonte vwayaj Samson, aksyon li, ak chwa l yo. Olye pou l te leve epi briye pou l te ka akonpli gran potansyèl li a, mond lan te venk Samson, li te pèdi pouvwa Bondye te ba li a, epi li te mouri yon mò trajik byen bonè” (“Leve epi Briye,” Liahona, Me 2012, 118).

Gade tou Dallin H. Oaks, ”Alyans ak Responsablite,” Lyawona, Me 2024, 93–96; Ulisses Soares, ”Konfyans alyans atravè Jezikri,” Lyawona, Me 2024, 17–21.

• Jij 3 dekri yon modèl ki anseye konsènan pouvwa Sovè a pou delivre nou anba peche. Pou ede pitit ou yo idantifye modèl sa a, ou ka ekri fraz sa yo: ”te fè sa ki mal,” ”te kriye devan Senyè a,” epi ”voye yon liberatè.” Apresa, pitit ou yo te kapab chèche fraz sa yo nan Jij 3:7–9 ak Jij 3:12–15. Kisa nou aprann osijè Senyè a nan chema sa a?

• Pou w mete aksan ke Jezikri se Liberatè nou, ou ta ka rasanble plizyè foto moun, ki gen ladan yon foto Jezi, epi mete yo fas anba. Kite timoun ou yo youn apre lòt vire foto yo. Lè yo jwenn foto Jezi, chante yon chan konsènan Li, tankou ”Li voye Pitit li” a (Chants pour les enfants, 34–35), epi pale pitit ou yo de fason Li delivre ou.

• Ou kapab itilize ”Debora Pwofetès la” nan Istwa Ansyen Testaman yo, 92–95, pou rakonte pitit ou istwa a nan Jij 4. Pataje youn ak lòt sa ou admire osijè Debora. Kijan lafwa li nan Senyè a te beni moun ki te bò kote li? Kisa nou ka fè pou ede lòt moun gen plis lafwa nan Jezikri?

  

  2:9

• Itilize Jij 7:4–7, paj aktivite semèn sa a, oswa ”Lame Jedeyon” an nan Istwa Ansyen Testaman yo, 96–99, pou anseye timoun ou yo konsènan fason Senyè a te fè lame Izrayèl la vin pi piti. Poukisa Senyè a te vle pou lame Jedeyon an te vin piti konsa? (gade Jij 7:2

  

  2:37

• Timoun ou yo ka desine foto yon epe, boukliye, twonpèt, lanp, ak po epi pale konsènan kiyès nan objè sa yo ke yo ta vle nan yon batay. Apresa, yo ta ka li Jij 7:16 pou aprann sa Senyè a te di lame Gideyon an pou yo te itilize. Pandan w ap li konsènan batay la nan Jij 7:19–21, pataje youn ak lòt sa ou aprann konsènan Senyè a nan istwa sa a.

• Alyans Samson avèk Senyè a te ba l fòs fizik, menm jan alyans nou yo ba nou fòs spirityèl la. Timoun ou yo ta kapab kontan fè kèk egzèsis fizik epi diskite sou kijan egzèsis sa yo kapab fè kò nou solid. Kijan kenbe alyans nou yo, sa fè lespri nou solid? (gade Mozya 18:8–10; Doktrin ak Alyans 20:77, 79).