Resansman 11–14; 20–24; 27

Nan Resansman 11:11–17, 24–29, remake pwoblèm Moyiz te konfwonte a ak solisyon Bondye te pwopoze l la. Kisa w panse Moyiz te vle di lè le l te swete ke “tout pèp Senyè a se te pwofèt”? (vèsè 29). Pandan w ap medite sou kesyon sa a, chèche repons posib nan mesaj Prezidan Russell M. Nelson a “Revelasyon pou Legliz la, Revelasyon pou lavi nou” (Lyawona, Me 2018, 93–96).

Lè nou di nou tout ka resevwa revelasyon, sepandan, sa pa vle di nou tout ka dirije pèp Bondye a jan Moyiz te fè a. Ensidan ki nan Resansman 12 la rann sa klè. Ki avètisman ou jwenn nan chapit sa a? Kisa w santi Senyè a vle w konprann konsènan revelasyon pèsonèl ak suiv pwofèt la?

Gade tou nan 1 Nefi 10:17; Doktrin ak Alyans 28:1–7; Dallin H. Oaks, “De Liy Kominikasyon,” Liahona,, Nov. 2010, 83–86.

Gen kèk moun ki etone aprann ke Moyiz, lidè pisan ki te kanpe devan Farawon an ak fè mirak sansasyonèl avèk pouvwa Senyè a, “pa t grandizè” li te gen anpil imilite (Nimewo 12:3). Kisa sa vle di pou yon moun gen imilite? Konsidere etidye eksplikasyon Èldè David A. Bednar te bay nan “Dou ak ak Enb nan Kè” (Lyawona, Me 2018, 30–33) oubyen nan “Enb, imilite” nan Gid Ekriti yo (Libreri Levanjil)

Kisa ou aprann nan egzanp imilite Moyiz ki nan Egzòd 18:13–25; Resansman 11:26–29; Chif 12; Ebre 11:24–27; ak Moyiz 1:10–11? Ou te gendwa medite sou kijan Sovè a te montre nou imilite (gade Matye 11:29; 27:11–14; Lik 22:41–42; Jan 13:4–5). Kisa egzanp sa yo aprann nou?

Pandan w ap li Resansman 13–14la, eseye mete tèt ou nan plas Izrayelit yo. Poukisa w panse yo te vle “retounen an Ejip”? (Resansman 14:3). Kijan w t ap dekri lòt “espri” Kalèb te genyen an? (Resansman 14:24). Kisa ki enpresyone w nan lafwa Kalèb ak Jozye, epi kijan ou ta kapab aplike egzanp yo a sitiyasyon w ap konfwonte yo?

Pwofèt Liv Mòmon yo te konnen istwa ki nan Resansman 21:4–9 la epi yo te konprann siyifikasyon espirityèl li. Li ansèyman yo sou istwa sa a nan 1 Nefi 17:40–41; Alma 33:18–22; epi Elaman 8:13–15. Men kèk kesyon pou reflechi sou yo lè w ap etidye:

• Kisa sèpan kuiv la te ka reprezante?

• Kisa jan sèpan yo mòde a gendwa reprezante?

• Izrayelit yo te gen pou yo te “[gade] sèpan kuiv la” (Resansman 21:9) pou yo te ka geri. Poukisa ou panse gen kèk moun ki te refize gade? Èske gen yon bagay konsa ki te janm rive w?

• Kisa w santi w enspire pou w fè pou w kapab pi konplètman “gade Pitit Gason Bondye a ak lafwa epi jwenn gerizon” (Elaman 8:15).

Li pasaj sa yo gendwa fè w sonje lòt moman nan ekriti yo kote moun yo te bezwen kenbe konsantrasyon yo sou Kris la. Pa egzanp, konpare mesaj ki nan Resansman 21:4–9 avèk Matye 14:25–31 ak 1 Nefi 8:24–28 (gade foto yo nan fen chema semèn sa a). Ki sa ki gen tandans rale nou lwen Kris la? Ki jan Li beni moun ki rete konsantre sou Li?

Gade tou nan “O Jésus, quand je pense à toi” (Cantiques,no. 76).

Lè Balak, wa Moab la, te aprann ke Izrayelit yo t ap apwoche, li te rele Balaram, yon nonm yo te konnen poutèt li te konn pwononse benediksyon ak madichon. Balak te vle l modi Izrayelit yo. Remake kijan Balak te eseye pèsyade Balaram (gade nan Resansman 22:5–7, 15–17), epi reflechi sou tantasyon ou gendwa rankontre pou w aji kont volonte Bondye. Kisa ki enpresyone w nan repons Balaram yo ki nan Resansman 22:18, 38; 23:8, 12, 26; 24:13yo? Malerezman, alafen Balaram te sede anba presyon epi li te trayi Izrayèl (gade nan Resansman 31:16; Jid 1:11). Reflechi sou kijan ou kapab rete fidèl a Senyè a malgre presyon lòt moun.

• Mande timoun ou yo si yo sonje kèk nan mirak Senyè a te akonpli pou ede Izrayelit yo (gade “Plè Ejip yo” ak “Pak” nan Istwa Ansyen Testaman yo, 67–74). Lè sa a, ou ta ka rezime pou yo Resansman 11:4–10, mete aksan sou kijan Izrayelit yo te bliye benediksyon yo epi yo t ap plenyen. Ki benediksyon nou bliye pafwa?

• Pandan w ap chante oswa koute yon chan sou rekonesans, tankou “Compte les bienfaits” (Cantiques, no. 156), timoun ou yo te kapab desine foto benediksyon Senyè a ba yo.

• Pou entwodui Nimewo 12, ou te gendwa di pitit ou Senyè a pa t kontan ak Arawon ak Miryam, frè Moyiz la. Envite yo pou yo li Resansman 12:1–8 pou yo ka wè poukisa. Konsidere itilize Liv Ilistrasyon Levanjil la pou ede pitit ou jwenn egzanp moun nan ekriti yo ki te respekte pwofèt Senyè a e yo te jwenn benediksyon. Kijan nou beni lè nou suiv pwofèt la?

• Ou ta ka itilize “Moyiz ak Sèpan Kwiv/Eren an” nan Istwa Ansyen Testaman yo, 83–84, pou ede pitit ou aprann sa k te pase nan Resansman 21:6–9. Ki jan sèpan an kwiv la tankou Jezikri? (gade Jan 3:14–15). Pitit ou gendwa jwi fè yon sèpan an papye ak ekri sou li kèk bagay senp yo ka fè pou “vire gade pitit Gason Bondye a avèk lafwa” (Elaman 8:15).

  

  1:2

• Timoun ki pi gran yo gendwa chwazi youn nan ekriti ki pi ba la yo epi pataje sa li ajoute nan konpreyansyon yo sou istwa a: 1 Nefi 17:41; Alma 33:18–20; Elaman 8:13–15; Doktrin ak Alyans 6:36.

• Fè yon rezime Resansman 22:1–18 pou timoun yo, pandan w ap mete aksan sou jan Balaram te refize modi pèp Bondye a, malgre Balak, wa Mowab la, te ofri l onè ak richès. Konsa ou kapab mande timoun yo chèche fraz nan vèsè pi ba la yo ke yo santi yo montre detèminasyon Balaram pou l te suiv Bondye: Resansman 22:18; 23:26; 24:13. Petèt timoun ou yo te kachwazi yon fraz yo renmen epi ekri li sou yon kat pou ede yo sonje pou yo obeyi Senyè a.