“ஏப்ரல் 27–மே 3. ‘கர்த்தருக்குப் பரிசுத்தம்: யாத்திராகமம் 35– 40; லேவியராகமம் 1; 4; 16; 19,” என்னைப் பின்பற்றி வாருங்கள்—வீடு மற்றும் சபைக்காக: பழைய ஏற்பாடு 2026 (2026)
“ஏப்ரல் 27–மே 3. ‘கர்த்தருக்குப் பரிசுத்தம்,’”என்னைப் பின்பற்றி வாருங்கள்: பழைய ஏற்பாடு 2026
ரியோ டி ஜெனிரோ பிரேசில் ஆலயம்
ஏப்ரல் 27– மே 3: “கர்த்தருக்குப் பரிசுத்தம்”
யாத்திராகமம் 35–40; லேவியராகமம் 1; 4; 16; 19
எகிப்தை விட்டு வெளியேறுவது, அது எவ்வளவு முக்கியமானதாயினும் , இஸ்ரவேல் புத்திரர்களுக்கான தேவனின் நோக்கங்களை முழுமையாக நிறைவேற்றவில்லை. வாக்குத்தத்தத்தின் தேசத்தில் சொகுசான வாழ்க்கைகூட அவர்களுக்கு தேவனின் இறுதி நோக்கம் அல்ல. தேவன் தம்முடைய ஜனங்களுக்கென உண்மையிலேயே விரும்பியதை நோக்கிய படிகள் மட்டுமே இவை: “உங்கள் தேவனும் கர்த்தருமாகிய நான் பரிசுத்தர், ஆகையால் நீங்களும் பரிசுத்தராயிருங்கள்” (லேவியராகமம் 19: 2). தலைமுறை தலைமுறையாக சிறைபிடிப்பில் வாழ்ந்த தம்முடைய மக்களைப் பரிசுத்தமாக்க தேவன் எப்படி திட்டமிட்டார்? கர்த்தருக்கு பரிசுத்த ஸ்தலத்தை உருவாக்கும்படி அவர் அவர்களுக்குக் கட்டளையிட்டார்—வனாந்தரத்தில் ஒரு வாசஸ்தலம். அவர்களுடைய செயல்களை வழிநடத்தவும், இறுதியில் அவர்களின் இருதயங்களை மாற்றவும் அவர் உடன்படிக்கைகளையும் நியாயப்பிரமாணங்களையும் கொடுத்தார். மேலும், அவர்களுடைய பாவங்களுக்கான பரிகாரத்தைப் பற்றி அவர்களுக்குக் கற்பிக்க மிருக பலிகளைச் செய்யும்படி கட்டளையிட்டார். இவை அனைத்தும் இரட்சகரை நோக்கி அவர்களின் மனதையும், இருதயங்களையும், வாழ்க்கையையும் சுட்டிக்காட்டுவதாக இருந்தது. அவர்தான் இஸ்ரவேலர்களுக்கும் நமக்கும், பரிசுத்தத்திற்கான உண்மையான பாதை. நாம் அனைவரும் பாவத்தின் சிறையில்தான் சிறிது நேரம் செலவிட்டிருக்கிறோம், நாம் அனைவரும் மனந்திரும்பும்படி அழைக்கப்படுகிறோம், பாவத்தை விட்டுவிட்டு, “நான் உன்னை பரிசுத்தமாக்க முடியும்” என்ற இயேசு கிறிஸ்துவைப் பின்பற்றவும் வாக்குறுதியளித்துள்ளோம் (கோட்பாடும் உடன்படிக்கைகளும் 60:7).
லேவியராகமம் புத்தகத்தைப்பற்றிய மேலோட்டமான பார்வைக்கு, “Leviticus” in the Bible Dictionary பார்க்கவும்.
வீட்டிலும் சபையிலும் கற்றுக்கொள்வதற்கான ஆலோசனைகள்
யாத்திராகமம் 35–40; லேவியராகமம் 19
நான் பரிசுத்தமாக வேண்டுமென கர்த்தர் விரும்புகிறார்.
யாத்திராகமம் 35–40 ஒரு வாசஸ்தலத்தைக் கட்டுவதற்கு இஸ்ரவேலர்களின் முயற்சிகளை விவரிக்கிறது, அங்கு பரிசுத்த கட்டளைகள் அவர்கள் ஒரு பரிசுத்த ஜனங்களாக ஆவதற்கு உதவும். இந்த அதிகாரங்களை நீங்கள் வாசிக்கும்போது, வாசஸ்தலத்தில் வைக்கும்படி கர்த்தர் தம்முடைய ஜனங்களிடம் கேட்ட பொருட்களைத் தேடுங்கள். இந்த பொருட்கள் எதைக் குறிக்கும்? பரிசுத்தத்தை அதிகரிப்பது பற்றி அவைகள் உங்களுக்கு என்ன ஆலோசனை கூறுகின்றன? இந்த பொருட்கள் உங்கள் எண்ணங்களை இரட்சகரை நோக்கி எவ்வாறு திருப்புகின்றன என்பதை குறிப்பாக கவனியுங்கள். இது போன்ற அட்டவணை உங்களுக்கு உதவக்கூடும்:
|
நீங்கள் எந்த பொருளைக் கண்டுபிடித்தீர்கள்? |
இது எதைக் குறிக்கும்? |
|---|---|
நீங்கள் எந்த பொருளைக் கண்டுபிடித்தீர்கள்? உடன்படிக்கைப் பெட்டி (யாத்திராகமம் 37:1–9; 40:20–21) | இது எதைக் குறிக்கும்? (யாத்திராகமம் 25:20–22; Guide to the Scriptures, “Ark of the Covenant”) |
நீங்கள் எந்த பொருளைக் கண்டுபிடித்தீர்கள்? தூப பீடம் (யாத்திராகமம் 40:26–27; மேலும் யாத்திராகமம் 30:1, 6–8)ஐயும் பார்க்கவும். | இது எதைக் குறிக்கும்? வெளிப்படுத்தல் 8:3–4 பார்க்கவும். |
நீங்கள் எந்த பொருளைக் கண்டுபிடித்தீர்கள்? குத்துவிளக்கு அல்லது விளக்குத் தண்டு (யாத்திராகமம் 37:17–24) | இது எதைக் குறிக்கும்? மத்தேயு 5:14–16; யோவான் 8:12 பார்க்கவும். |
நீங்கள் எந்த பொருளைக் கண்டுபிடித்தீர்கள்? பலி பீடம் (யாத்திராகமம் 38:1–7; யாத்திராகமம் 27:1; 29:10–14)ஐயும் பார்க்கவும். | இது எதைக் குறிக்கும்? (See Guide to the Scriptures, “Sacrifice”)பார்க்கவும். |
நீங்கள் எந்த பொருளைக் கண்டுபிடித்தீர்கள்? தண்ணீர் தொட்டி (யாத்திராகமம் 30:17–21) | இது எதைக் குறிக்கும்? (2 நாளாகமம் 4:6; ஏசாயா 1:16; எரேமியா 33:8) |
நிச்சயமாக, பரிசுத்த ஸ்தலங்களில் இருப்பது மட்டுமே நம்மை பரிசுத்தமாக்காது. லேவியராகமம் 19 இஸ்ரவேலர்களுக்கு பரிசுத்தத்தை அதிகரிக்க கர்த்தர் கொடுத்த நியாயப்பிரமாணங்களையும் கட்டளைகளையும் விவரிக்கிறது. இந்த கட்டளைகளில் நீங்கள் பரிசுத்தத்தை தேடுவதற்கு உதவக்கூடிய எதைக் கர்த்தரிடமிருந்து காண்கிறீர்கள்? இந்த கொள்கைகளின்படி முழுமையாக வாழ நீங்கள் என்ன செய்ய உணர்த்தப்படுகிறீர்கள்?
See also Henry B. Eyring, “Holiness and the Plan of Happiness,” Liahona, Nov. 2019, 100–103; “The Tabernacle” (video), Gospel Library.
The Tabernacle
பரிசுத்த இசையைப் பயன்படுத்தவும். ஆவியின் செல்வாக்கை அழைக்கவும், இயேசு கிறிஸ்துவில் நம்பிக்கையை வளர்க்கவும் இசைக்கு பெரும் வல்லமை உண்டு. பாடல்களில் உள்ள செய்திகள் பெரும்பாலும் வேதத்தில் உள்ள கோட்பாட்டை வலுப்படுத்துகின்றன. உதாரணமாக, “More Holiness Give Me” (Hymns, no. 131) போன்ற பாடலைப் பாடுவது, லேவியராகமம் 19 கற்பிக்கப்பட்ட சில செய்திகளை வலுப்படுத்த முடியும். இரட்சகரைப் போல அதிகப் பரிசுத்தமாக இருப்பதன் அர்த்தம் என்ன என்பதைப் பற்றி சிந்திக்கவும், பரிசுத்தத்தை அதிகரிக்க அவர் உங்களுக்கு எப்படி உதவுகிறார் என்பதை சிந்திக்கவும் இது உங்களுக்கு உதவும்.
யாத்திராகமம் 35:4–35 ; 36:1–7
என் காணிக்கைகளை விருப்பமுள்ள இருதயத்தோடு கொடுக்கும்படி கர்த்தர் என்னிடம் கேட்கிறார்.
எகிப்திலிருந்து வெளியேறிய ஒரு வருடத்தில், இஸ்ரவேல் புத்திரர்களின் யேகோவாவுடனான உறவு சீரற்றதாக விவரிக்கப்படலாம். இருப்பினும், நீங்கள் யாத்திராகமம் 35: 4–35 மற்றும் 36:1–7 வாசிக்கும்போது, வாசஸ்தலத்தைக் கட்டுவதற்கான கட்டளைக்கு இஸ்ரவேலர் எவ்வாறு பதிலளித்தார்கள் என்பதைக் கவனியுங்கள். கர்த்தரை சிறப்பாகச் சேவிக்க உங்களுக்கு உதவக்கூடிய எதை இஸ்ரவேலரிடமிருந்து நீங்கள் கற்றுக்கொள்கிறீர்கள்?
வாசஸ்தலத்திற்காக விலையுயர்ந்த உலோகங்கள், துணிகள் அல்லது மரங்களை அவர் உங்களிடம் கேட்காமலிருக்கலாம். கர்த்தர் உங்களுக்கு என்ன கொடுத்திருக்கிறார், அவர் உங்களிடம் என்ன கேட்கிறார்? எப்பொழுது உங்கள் “இருதயம் [உங்களை] பணிக்கு வர தூண்டியது”?
See also Topics and Questions, “Sacrifice,” Gospel Library.
இஸ்ரவேல் புத்திரர் “மனமுள்ளவராக” வாசஸ்தலத்திற்கு காணிக்கைகளைக் கொடுத்தார்கள் (யாத்திராகமம் 35: 5 ). படவிளக்கம்–Corbert Gauthier, © Lifeway Collection/licensed from goodsalt.com
யாத்திராகமம் 40:12–14
ஆலய நியமங்கள் பழங்காலத்திலேயே வழங்கப்பட்டன.
யாத்திராகமம் 40:12–14, கர்த்தருடைய வீட்டில் நம் நாளில் நிர்வகிக்கப்படும் பண்டைய நியமங்களைக் குறிக்கிறது. இந்த நியமங்கள் இயேசு கிறிஸ்துவைப் பற்றி எவ்வாறு சாட்சியளிக்கின்றன என்பதைப் பற்றி அறிய உதவும் சில கூடுதல் வசனங்கள் இங்கே உள்ளன:
-
கழுவுதல்: சங்கீதம் 51:2; எசேக்கியேல் 36:25–27
-
பரிசுத்த வஸ்திரங்களில் உடுத்துதல்: ஏசாயா 61:10; மத்தேயு 22:11–14; வெளிப்படுத்தல் 19:7–8
-
அபிஷேகித்தல்: லூக்கா 4:18–19; அப்போஸ்தலர் 10:38
லேவியராகமம் 1:1–9; 4; 16
இயேசு கிறிஸ்துவின் பலியினிமித்தம் நான் மன்னிக்கப்படலாம்.
லேவியராகம புத்தகத்தின் பெரும்பகுதி நமக்கு விசித்திரமாகத் தோன்றலாம்—மிருக ஜீவன்களின் பலி, இரத்தம் மற்றும் தண்ணீர் சம்பந்தப்பட்ட சடங்குகள் மற்றும் வாழ்க்கையின் நுண்ணிய விவரங்களை நிர்வகிக்கும் நியாயப்பிரமாணங்கள். ஆனால் இந்த சடங்குகளும் நியாயப்பிரமாணங்களும் பரிச்சயமான கொள்கைகளை கற்பிப்பதற்காகவே இருந்தன, மனந்திரும்புதல், பரிசுத்தம் மற்றும் இரட்சகரின் பாவநிவர்த்தி. லேவியராகமம் 1:1–9; 4; 16 நீங்கள் வாசிக்கும்போது, இந்தக் கொள்கைகளைக் காண, இதுபோன்ற கேள்விகளைக் கருத்தில் கொள்ளவும்.
-
என்ன வார்த்தைகள் அல்லது சொற்றொடர்கள் எனக்கு இயேசு கிறிஸ்துவையும் அவருடைய பாவநிவாரண பலியையும் நினைவூட்டுகின்றன?
-
இரட்சகரின் தியாகத்தைப் பற்றி இந்த பலிகளிலிருந்து நான் என்ன கற்றுக்கொள்கிறேன்?
-
நான் எப்படி இந்த பலிகளைச் செய்த ஜனங்களைப்போல் இருக்கிறேன்?
கர்த்தருக்கு இனி மிருக பலி தேவையில்லை. ஆனால் பலி இன்னும் சுவிசேஷத்தின் ஒரு முக்கியமான கொள்கையாக உள்ளது. கர்த்தருக்கு எந்த வகையான பலி தேவை என்பதை அறிய, 3 நேபி 9:19–20; கோட்பாடும் உடன்படிக்கைகளும் 64:34 படிக்கவும். இப்படிப்பட்ட பலிகளை நீங்கள் எப்படிச் செய்கிறீர்கள்? உங்கள் பலிகளை நீங்கள் எப்படிக் கருத வேண்டும் என்பதைப் பற்றி மோசே 5:7 உங்களுக்கு என்ன கற்பிக்கிறது?
See also “Thoughts to Keep in Mind: The Tabernacle and Sacrifice.”
பிள்ளைகளுக்கு போதிப்பதற்கான ஆலோசனைகள்
யாத்திராகமம் 35:20–29; 36:1
அவருடைய பணிக்கு உதவ தேவன் எனக்கு வரங்களை அளித்துள்ளார்.
-
இந்த குறிப்பின் முடிவில் இஸ்ரவேலர்களின் வனாந்தர வாசஸ்தலத்தின் படம் உள்ளது. நீங்கள் உங்கள் பிள்ளைகளுடன் அதைப் பார்த்து, கூடாரத்தைக் கட்டுவதற்கு என்னென்ன பொருட்கள் தேவைப்படும் என்று அவர்களிடம் கேட்கலாம். இந்த பொருட்கள் எவ்வாறு வழங்கப்பட்டன என்பதை அறிய யாத்திராகமம் 35:20–29ஐ ஒன்றாகப் வாசிக்கலாம். தம்முடைய ராஜ்யத்தைக் கட்டியெழுப்புவதற்கு பங்களிக்க கர்த்தர் நம்மை எவ்வாறு அழைத்தார்?
-
வாசஸ்தலத்தைக் கட்டுவதற்கு கர்த்தர் பெசலயேலுக்கும் அகோலியாபுக்கும் என்ன கொடுத்தார் என்பதை அறிய, யாத்திராகமம் 36:1ஐ அவர்களுடன் படித்துப் பாருங்கள். அவருடைய ராஜ்யத்தைக் கட்டியெழுப்ப உதவுவதற்காக, கர்த்தர் அவர்களுக்கு என்ன கொடுத்திருக்கிறார் என்று நீங்கள் நினைக்கிறீர்கள் என்பதைப் பற்றி உங்கள் பிள்ளைகளுடன் நீங்கள் பேசலாம். மற்றவர்களை ஆசீர்வதிப்பதற்காக இவைகளை நாம் எப்படி உபயோகப்படுத்தலாம்?
ரோம் இத்தாலி ஆலயம்
யாத்திராகமம் 40:17–34
பரிசுத்த ஸ்தலங்களில் கர்த்தர் இருப்பதை என்னால் உணர முடிகிறது.
-
யாத்திராகமம் 40:17–34 இஸ்ரவேலர்களின் வாசஸ்தலத்தின் ஒரு பகுதியாக இருந்த விஷயங்களை பட்டியலிடுகிறது. ஒருவேளை நீங்களும் உங்கள் பிள்ளைகளும் இந்த வசனங்களிலும், இந்த குறிப்பின் முடிவில் உள்ள வாசஸ்தலத்தின் படத்திலும் அவற்றைக் காணலாம். வாசஸ்தலத்தின் ஒவ்வொரு பகுதியும் இரட்சகர் அல்லது பரலோக பிதாவைப்பற்றி எவ்வாறு கற்பிக்க முடியும் என்பதைப் பற்றி பேசுங்கள். உதாரணமாக, சாட்சிப் பெட்டி தேவனின் கட்டளைகளை நமக்கு நினைவூட்டலாம், பலிபீடம் இயேசு கிறிஸ்துவின் பலியை நமக்கு நினைவூட்டலாம், மற்றும் பல.
-
இயேசு கிறிஸ்துவுடன் நெருங்கி பழக உதவும் எந்த பரிசுத்த ஸ்தலங்கள் இன்று நம்மிடம் உள்ளன? இந்த உரையாடலின் ஒரு பகுதியாக, நீங்கள் “Temples” (Gospel Library) காணொளியை ஒன்றாக பார்க்கலாம். “Holy Places” (Gospel Library) போன்ற பாடலையும் பாடலாம். ஆலயம் போன்ற பரிசுத்த ஸ்தலங்களைப் பற்றி நீங்கள் எப்படி உணர்கிறீர்கள் என்பதை ஒருவருக்கொருவர் பகிர்ந்து கொள்ளுங்கள்.
What Is a Temple?
லேவியராகமம் 1:1–4
இயேசு கிறிஸ்துவின் பலியினிமித்தம் நான் மன்னிக்கப்படலாம்.
-
பழைய ஏற்பாட்டில் விவரிக்கப்பட்டுள்ள மிருக பலிகள் இயேசு கிறிஸ்து மூலம் மன்னிப்பைப் பற்றி இஸ்ரவேல் புத்திரருக்கு கற்பிப்பதற்காக இருந்தன. இந்த பலிகளைப் பற்றி வாசிப்பது உங்கள் பிள்ளைகளும் எப்படி அதைச் செய்ய முடியும் என்பதைக் கவனியுங்கள். லேவியராகமம் 1:1–4 நீங்கள் பிள்ளைகளுடன் படிக்கும்போது, கெத்செமனே மற்றும் சிலுவையில் இயேசு கிறிஸ்துவின் படங்களை நீங்கள் காட்டலாம் (Gospel Art Book, nos. 56, 57 பார்க்கலாம்). இயேசு கிறிஸ்துவின் பலியை நினைவுபடுத்தும் வார்த்தைகள் அல்லது சொற்றொடர்களைக் கண்டறிய அவர்களுக்கு உதவுங்கள்.
-
விலங்குகளுக்குப் பதிலாக எதைப் பலியிட வேண்டும் என்று நமக்குக் கட்டளையிடப்பட்டுள்ளது என்பதை அறிய நீங்கள் 3 நேபி 9:19–20ஐயும் ஒன்றாக வாசிக்கலாம். நொறுங்குண்ட இருதயத்தையும், நருங்குண்ட ஆவியையும் கர்த்தருக்கு வழங்குவதன் அர்த்தம் என்ன? இந்த கேள்விக்கு பதிலளிக்க உதவும், Guide to the Scriptures, “Broken Heart” (Gospel Library) பார்க்கவும்.
கூடுதலாக, நண்பன் பத்திரிக்கையின் இந்த மாத இதழைப் பார்க்கவும்.