2. Mósebók 35–40; 3. Mósebók 1; 4; 16; 19

Í 2. Mósebók 35–40 eru fyrirmæli Drottins til Ísraelsmanna um hvernig skuli byggja tjaldbúð, þar sem helgisiðir myndu hjálpa þeim að verða heilagt fólk. Þegar þið lesið þessa kafla, gætið þá að þeim hlutum sem Drottinn bauð fólki sínu að hafa í tjaldbúðinni. Hvað gætu þessir hlutir táknað? Hvað segja þeir ykkur um aukinn heilagleika? Íhugið einkum hvernig þessir hlutir beina hugsunum ykkar að frelsaranum. Tafla líkt og þessi gæti hjálpað:

Það gerir okkur auðvitað ekki heilög einfaldlega að vera á heilögum stöðum. Í 3. Mósebók 19 er sagt frá lögmálum og boðorðum sem Drottinn setti til að hjálpa Ísraelsmönnum að verða heilagri. Hvað finnið þið í þessum boðorðum sem gæti hjálpað ykkur að sækjast eftir meiri heilagleika frá Drottni? Hvað finnst ykkur þið hvött til að gera til að fylgja þessum reglum betur?

Sjá einnig Henry B. Eyring, „Heilagleiki og sæluáætlunin,“ aðalráðstefna, október 2019; „The Tabernacle“ (myndband), Gospel Library.

7:19

Á árinu eftir að Ísraelsmenn fóru frá Egyptalandi mætti segja að samband þeirra við Jehóva hafi verið hvikult. Gætið þó að því hvernig Ísraelsmenn brugðust við boðinu um að reisa tjaldbúð við lestur 2. Mósebókar 35:4–35 og 36:1–7. Hvað lærið þið af Ísraelsmönnum, sem gæti hjálpað ykkur að þjóna Drottni betur?

Hann biður ykkur kannski ekki um dýra málma, baðmull eða við fyrir tjaldbúð. Hvað hefur Drottinn gefið ykkur og hverju býður hann ykkur að fórna? Hvenær hafið þið „af fúsum hug og af frjálsum vilja [fært] framlag vegna vinnunnar“?

Sjá einnig Topics and Questions, „Sacrifice,“ Gospel Library.

Í 2. Mósebók 40:12–14 er vísað í fornar helgiathafnir sem einnig eru framkvæmdar á okkar tímum í húsi Drottins. Hér eru nokkur fleiri vers sem geta hjálpað ykkur að læra hvernig þessar helgiathafnir vitna um Jesú Krist:

• Laugun: Sálmarnir 51:4; Esekíel 36:25–27

• Klæðnaður í helg klæði: Jesaja 61:10; Matteus 22:11–14; Opinberunarbókin 19:7–8

• Smurning: Lúkas 4:18–19; Postulasagan 10:38

Margt í 3. Mósebók gæti komið okkur undarlega fyrir sjónir – dýrafórnir, helgisiðir með blóði og vatni og lögmál sem stjórna hverju smáatriði í lífi okkar. Þessum helgisiðum og lögum var þó ætlað að kenna kunnugar reglur – iðrun, heilagleika og friðþægingu frelsarans. Hugleiðið eftirfarandi spurningar við lestur 3. Mósebókar 1:1–9; 4; 16 til að finna þessar reglur:

• Hvaða orð eða orðtök finn ég sem minna mig á Jesú Krist og friðþægingarfórn hans?

• Hvað lærum við af þessum fórnum um fórn frelsarans?

• Hvernig er ég eins og fólkið sem færði þessar fórnir?

Drottinn krefst ekki lengur dýrafórna. Fórn er samt mikilvæg regla fagnaðarerindisins. Lesið 3. Nefí 9:19–20; Kenningu og sáttmála 64:34 til að læra hvers konar fórn það er sem Drottinn krefst. Hvernig eruð þið að færa slíkar fórnir? Hvað kennir HDP Móse 5:7 um hvernig þið ættuð að líta á fórnir ykkar?

Sjá einnig „Ábendingar til að hafa hugfastar: Tjaldbúðin og fórn“.

• Aftast í þessum lexíudrögum er mynd af tjaldbúð Ísraelsmanna í eyðimörkinni. Þið gætuð viljað skoða hana með börnum ykkar og spyrja þau að því hvaða efni hefði þurft til að reisa tjaldbúðina. Þið gætuð síðan lesið saman 2. Mósebók 35:20–29 til að kynna ykkur hvernig efnisins var aflað. Hvernig hefur Drottinn boðið að við leggjum okkar af mörkum við uppbyggingu ríkis hans?

• Íhugið að lesa 2. Mósebók 36:1 með þeim til að komast að því sem Drottinn gaf Besalel og Oholíab til að hjálpa við að reisa tjaldbúðina. Þið gætuð síðan rætt við börn ykkar um hvað ykkur finnst Drottinn hafa gefið þeim til að byggja upp ríki hans. Hvernig getum við notað þetta öðrum til blessunar?

• Í 2. Mósebók 40:17–34 er tilgreint það sem heyrði til tjaldbúðar Ísraelsmanna. Þið og börn ykkar gætuð ef til vill fundið það í þessum versum og á myndinni af tjaldbúðinni aftast í þessum lexíudrögum. Ræðið hvernig hver hluti tjaldbúðarinnar gæti kennt um frelsarann eða himneskan föður. Dæmi: Sáttmálsörkin gæti minnt okkur á boðorð Guðs, altarið minnt okkur á fórn Jesú Krists, o.s.frv.

• Hvaða heilögu staði höfum við í dag sem hjálpa okkur að komast nær Jesú Kristi? Hluti af þessari umræðu gæti falist í því að horfa saman á myndbandið „Temples“ (Gospel Library). Þið gætuð líka sungið söng eins og „Holy Places“ (Gospel Library). Miðlið hvert öðru hvað ykkur finnst um heilaga staði eins og musterið.

5:41

• Dýrafórnunum sem lýst er í Gamla testamentinu var ætlað að kenna Ísraelsmönnum um fyrirgefningu fyrir milligöngu Jesú Krists. Íhugið hvernig lestur um þessar fórnir gæti gert það sama fyrir börn ykkar. Þið gætuð sýnt myndir af Jesú Kristi í Getsemane og á krossinum (sjá Trúarmyndabók, nr. 56, 57) er þið lesið 3. Mósebók 1:1–4 með börnunum. Hjálpið þeim að finna orð eða orðtök sem minna þau á fórn Jesú Krists.

• Þið gætuð líka lesið saman 3. Nefí 9:19–20 til að komast að því hverju okkur er boðið að fórna í stað dýra. Hver er merking þess að bjóða Drottni sundurkramið hjarta og sáriðrandi anda? Sjá Leiðarvísi að ritningunum, „Sundurkramið hjarta“ (Gospel Library) til að fá hjálp við að svara þessari spurningu.