I-Eksodusi 19–20; 24; 31–34

UMongameli uRussell M. Nelson wafundisa: “ETestamenteni eliDala, igama lesiHebheru okwahunyushwa kulo igama elithi ingcebo lithi segullah, elisho ‘impahla ebalulekile,’ noma ‘ingcebo.’ … Ukuba sibizwe yizinceku zeNkosi njengabantu Bayo abayingcebo kuyisincomo esihle kakhulu” (“Children of the Covenant,” Ensign,, ngoMeyi 1995, 34). Ngabe amazwi kaMongameli uNelson ayithinta kanjani indlela oqonda ngayo I-Eksodusi 19:3–6? Ngabe iNkosi ikutshengise kanjani ukuthi uyigugu Kuyo na?

INkosi yatshela uMose ukuthi abantwana bakwa-Israyeli babedinga ukuthi bazilungiselele ngaphambi kokuba “bahlangane noNkulunkulu” (I-Eksodusi 19:10–11, 17) futhi bagcine isivumelwano Nayo (bheka I-Eksodusi 19:5). Uzilungiselela kanjani izehlakalo zangokomoya, okuhlanganisa nesidlo esingcwele nezimiso zethempeli? Singabasiza kanjani abanye bazilungiselele? Yini oyifundayo ngokuzilungiselela ku NgokukaLuka 6:12–13; Enoshe 1:2–6; Alima 17:2–3?

Ngesikhathi ama-Israyeli ehlangene phansi kweNtaba iSinayi, ezwa izwi likaNkulunkulu linikeza iMithetho Eyishumi (bheka IDuteronomi 4:12–13). Lena, vele, akusiyo yodwa imiyalelo kaNkulunkulu—kuneminye eminingi emibhalweni engcwele. Ngesikhathi ufunda I-Eksodusi 20:1–17, zibuze ukuthi kungani uNkulunkulu egcizelela le eyishumi ikakhulukazi. Nali isampula lethebula ongalisebenzisa njengoba ucabanga ngokubaluleka kweMithetho EyiShumi empilweni yakho:

• Ukugcina lemithetho eyishumi kukusiza kanjani ukuthi ugcine imiyalelo emibili emikhulu uJesu ayinikeza ku NgokukaMathewu 22:34–40?

• Yiziphi izinto ongase ulingeke ukuba uzibeke phambili kunoNkulunkulu? Yiziphi izibusiso ozibonile ngokubeka uNkulunkulu kuqala?

• Ungamphendula uthini umuntu othi iMithetho EyiShumi yanikezwa kudala futhi ayisasebenzi namuhla? Yiziphi izibonelo ezivela empilweni yakho ongazaba njengengxenye yempendulo yakho? Iculo elithi “How Gentle God’s Commands” (Amaculo, no. 125) lingayithinta kanjani indlela ochaza ngayo imiyalo kaNkulunkulu kwabanye?

• INkosi isigcwalise kanjani isithembiso esiku-Eksodusi 20:6 empilweni yakho na?

Bheka futhi “The Great Commandment—Love the Lord,kwi Teachings of Presidents of the Church: Ezra Taft Benson (2014), 37–45; uDallin H. Oaks, “No Other Gods,” iLiyahona, Nov. 2013, 72–75; Izihloko nemiBuzo , “Commandments,” Umtapo woLwazi lweVangeli.

Ngesikhathi ufunda I-Eksodusi 24:3–8, cabanga ngezivumelwano ozenzile noNkulunkulu. Nakuba isivumelwano sika-Israyeli sasihlanganisa amasiko ahlukile kunalokho uNkulunkulu akufunayo namuhla, ungase ubone okufanayo. Isibonelo, amavesi 4, 5, nelesi-8 akhuluma nge-altare, iminikelo yezilwane, kanye negazi. Ngabe lezi zinto zimeleni, futhi zihlangana kanjani nezivumelwano zakho na?

Zama ukuzibeka endaweni ka-Israyeli—usehlane, uMose usehambe izinsuku ezingama-40, futhi ikusasa lakho lisakuphathele ukubhekana namaKhanani mayelana nomhlaba wesethembiso (bheka futhi I-Eksodusi 32:1–8). Ucabanga ukuthi kungani abakwa-Israyeli babefuna isithixo segolide na? Yikuphi okukuhlaba umxhwele ngesicelo sikaMose eNkosini ku-Eksodusi 33:11–17?

Noma isono sabakwa-Israyeli sasinzima, lendaba ibandakanya umyalezo womusa noxolo lukaNkulunkulu. Ngabe I-Eksodusi 34:1–10 ikufundisani ngoMsindisi? (bheka I-Eksodusi 32:30–32; uMosiya 14:4–8; 15:9; IMfundiso neziVumelwano 45:3–5).

UMongameli uRussell M. Nelson wachaza: “Eminyakeni yami emncane kakhulu, ngafunda umsebenzi wabanye ababehlanganise uhlu lwezinto okufanele zenziwe kanye nezinto okungamele zenziwe ngeSabatha. Kwaze kwaba kamuva lapho ngafunda khona emibhalweni engcwele ukuthi ukuziphatha kwami nesimo sami sengqondo ngeSabatha kwakha uphawu phakathi kwami noBaba wami oseZulwini [bheka I-Eksodusi; UHezekeli 20:12, 20]. Ngalokho kuqonda, ngangingasadingi uhlu lwezinto okumele zenziwe nokungamele zenziwe. Lapho kudingeka ngenze isinqumo sokuthi umsebenzi othile wawufaneleka yini iSabatha noma cha, ngangimane ngizibuze, ‘Yiluphi uphawu engifuna ukulinikeza uNkulunkulu?’ Lowo mbuzo wenza ukukhetha kwami mayelana nosuku lweSabatha kwacaca ” (“The Sabbath Is a Delight,” iLiyahona, ngoMeyi 2015, 130). Cabanga ngokuthi yiluphi uphawu ofuna ukulinika uNkulunkulu ngokugcina kwakho iSabatha.

Ngesikhathi uMose ebuya entabeni, waphatha umthetho obhalwe kwizibhebhe zetshe. Emuva kokuthola ukuthi abakwa-Israyeli babephule isivumlwano sabo, uMose waziphula izibhebhe (bheka I-Eksodusi 31:18; 32:19). Emva kwesikhathi, uNkulunkulu wayala uMose ukuba enze ezinye izibhebhe zetshe azibuyisele entabeni (bheka I-Eksodusi 34:1–4). UkuHunyushwa okwenziwa nguJoseph Smith kwa Eksodusi 34:1–2 (esithasiselweni seBhayibheli) kucacisa ukuthi izibhebhe zetshe zokuqala zaziqukethe izimiso zikaNkulunkulu “zohlelo olungcwele,” noma ubuPhristi bukaMelkisedeki. Ezesibili zaziqukethe “umthetho wesiyalo senyama.” Lomthetho wawungaphansi futhi uphathwa “ngobuphristi obuncane” (bheka IMfundiso neziVumelwano 84:17–27), okwakumele ukuthi ulungiselele abakwa-Israyeli ukuba bathole umthetho ongaphezulu nobuphristu obukhulu ukuze bezokwazi ukungena ebukhoneni bukaNkulunkulu.

• Ungakwenza kanjani kubemnandi kubantwana bakho ukufunda ngeMiyalelo eyiShumi na? Ngesikhathi nifunda ku-Eksodusi 20:3–17 ndawonye, vumela abantwana bakho bakusize uthole noba badwebe isithombe esizomela iMiyalelo EyiShumi ngayinye. Khona-ke abantwana bakho bangashintshana ngokukhetha isithombe futhi bakhulume ngokuthi bangawuphila kanjani lowomyalo. Yabelanani ndawonye ngokuthi ukuphila lowomyalelo kuyiletha kanjani injabulo.

• Ungase futhi ucule iculo efana nelithi “Keep the Commandments” (Amaculo Abantwana, 146–47). Siza abantwana bakho bathole amagama eculweni abafundisa ukuthi kungani uNkulunkulu efuna sigcine imiyalo yakhe.

• Siza abantwana bakho bafunde umusho “Yazisa uyihlo nonyoko” (I-Eksodusi 20:12). Ungase ufune ukuchaza ukuthi “ukwazisa” othile kungase kusho ukumhlonipha noma ukumlethela injabulo. UJesu wenzani ukuhlonipha umama Wakhe wasemhlabeni noBaba Wakhe oseZulwini? (Bheka ku NgokukaLuka 2:48–51; NgokukaJohane 19:26–27). Mhlawumbe abantwana bakho bangashintshana ukulingisa izinto abangazenza ukuze bahloniphe abazali babo, ngesikhathi abanye abantwana beqagela ukuthi benzani.

• Abantwana bakho bangase bakujabulele ukubuka izibonelo zezimpawu—njengezimpawu zomgwaqo noma izimpawu ezakhiweni. Yiziphi izinhloso zezimpawu? Abantwana bakho bangase-ke bathole igama “uphawu” ku- Eksodusi 31:13, 16–17. INkosi ithi luyini uphawu phakathi kwethu Nayo? Yabelanani omunye nomunye ngezinye zezindlela wena nomndeni wakho enizama ngazo ukukhombisa uthando lwenu eNkosini ngeSabatha.

• Cabanga ukusebenzisa “uMose eNtabeni iSinayi” (IziNdaba zeTestamente eliDala, 77–82) ukusiza abantwana bakho bafunde indaba ku-Eksodusi 32:1–8, 19–24. Kungani kwakungalungile ukuthi ama-Israyeli akhonze isithixo esikhundleni sikaNkulunkulu?

  

  2:55

• Kungase kubemnandi ukwakha indlela phansi (noma ukuyithola eduze kwasekhaya) ukuze ufanekise lamazwi avela ku-Eksodusi 32:8: “Basheshe baphambuka endleleni.” Ngesikhathi nihamba endleleni, abantwana bakho bangakhuluma ngezilingo esibhekana nazo ukuphendukela uNkulunkulu. Yini esisiza ukuba sihlale endleleni kaNkulunkulu—futhi sibuyele kuyo uma siye saphambuka? (Bheka ku-Eksodusi 34:6–7).