“Ngo-Ephreli 13–19. “Ningesabi, Qinani Nibone Ukukhululwa uSimakade Azonenzela Khona: I-Eksodusi 14–18” Wozani, Ngilandeleni—Incwadi Yezifundo ZaseKhaya naseBandleni: ITestamente eliDala 2026 (2026)

“Ngo-Ephreli 13–19. “Ningesabi, Qinani Nibone Ukukhululwa uSimakade Azonenzela Khona,’” Wozani, Ngilandeleni: ITestamente eliDala 2026

I-Eksodusi 13–19: “Ningesabi, Qinani Nibone Ukukhululwa uSimakade Azonenzela Khona”

I-Eksodusi 14–18

Abakwa-Israyeli babevalelekile. ULwandle Olubomvu lwalungakolunye uhlangothi, futhi namabutho kaFaro ayesondela ngakolunye uhlangothi. Ukubaleka kwabo eGibithe kwakubonakala sengathi kwakuzoba ngokwesikhashana. Kodwa uNkulunkulu wayenomyalezo wabakwa-Israyeli ayefuna bona bawukhumbule izizukulwane ngezizukulwane: “Ningesabi. … UJehova uzakunilwela” (I-Eksodusi 14:13–14).

Kusukela ngaleso sikhathi, lapho abantu bakaNkulunkulu bedinga ukholo nesibindi, baye bayixoxe le ndaba. Lapho uNefi ayefuna ukugqugquzela abafowabo, wathi, “Masiqineni njengoMose; ngokuba ngempela wakhuluma emanzini oLwandle oluBomvu futhi ahlukana ngapha nangapha, futhi obaba bethu badlula, baphuma ekuthunjweni, baphumela emhlabathini owomileyo.” (1 Nefi 4:2). Lapho iNkosi uLimihi ifuna abantu bayo ababethunjiwe ukuba “baphakamise amakhanda [abo], futhi bajabule,” yabakhumbuza yona lendaba efanayo (uMosiya 7:19). No-Alima wenzenjalo, lapho ayefuna ukufakaza kwindodana yakhe ngamandla kaNkulunkulu (bheka u-Alima 36:28). Futhi nathi uma sivalelekile—lapho sidinga ukholo kakhudlwana ukuba “sibone ukukhululwa uSimakade azosenzela khona”—singakhumbula ukuthi “uJehova wasindisa u-Israyeli” (I-Eksodusi 14:13, 30).

Amasu okuFunda eKhaya naseBandleni

I-Eksodusi 14; I-Eksodusi 15:1–21

INkosi ingenza “umsebenzi omkhulu” empilweni yami.

Njengoba ufunda I-Eksodusi 14:1–10, cabanga indlela okungenzeka ukuthi abakwa-Israyeli bazizwa ngayo lapho bebona ibutho likaFaro lisondela. Mhlawumbe unomuzwa wokuthi udinga isimangaliso ukuze usinde enseleleni enzima obhekene nayo. Yini oyithola ku Eksodusi 14:13–31 ekugqugquzela ukuba ufune amandla kaNkulunkulu empilweni yakho? Zindla ngokuthi uwabone kanjani amandla Akhe ngokwedlule. Ufundeni Ngaye kosudlule kukho?

I-Eksodusi 15:1–19 yihubo lokudumisa abakwa-Israyeli abalihuba emva kokuba iNkosi yahlukanisa uLwandle oluBomvu. Yimiphi imishwana kuleli hubo oyithola ikakhulukazi inenjongo kuwe? Mhlawumbe kunehubo ozizwa ufisa ukulihuba uma iNkosi ikwenzele into emangalisayo, njenge “Redeemer of Israel” (Amaculo, no. 6). Cabanga ngokulicula noma ukulilalela njengengxenye yokukhonza kwakho namhlanje.

Bheka futhi IMfundiso neziVumelwano 8:2–3.

I-Eksodusi 15:22–27; 16:1–15; 17:1–7

INkosi ingakwazi ukwenza izinto ezibabayo zibe mtoti.

Ukufunda ngohambo lwabakwa-Israyeli kungakuholela ekutheni ucabange ngezinto empilweni yakho ebezibonakala sengathi “ziyababa” njengamanzi aseMara (bheka I-Eksodusi 15:23–27). Izenze kanjani iNkosi izinto ezibabayo empilweni yakho zaba mtoti ? Ngabe zibe nokubaluleka kangakanani lezi zinto empilweni yakho

Uzoqaphela ezinye izibonelo zezinto ezibabayo kulokho abakwa-Israyeli abadlula kukho ku I-Eksodusi 16 naku 17. Singalingeka ukugxeka ukuvungama nokukhononda kwabo, kodwa njengoba ufunda, cabanga ukuthi ngabe awukaze yini ukwenze okufanayo. Yini oyifundayo ngokwenzeka kwabakwa-Israyeli engakusiza ukuthi ukhononde kancane futhi umethembe kakhudlwana uNkulunkulu? Akufundisani lamavesi ngoNkulunkulu?

Bheka futhi ku 1 Nefi 2:11–12.

Abakwa-Israyeli beqoqa imana — The Israelites Gathering Manna [Abakwa-Israyeli beQoqa iMana] Uhlobo lokudweba lwe Neo-gothic, eTrnava (imininingwane)

I-Eksodusi 16

INkosi ingipha ukondleka ngokomoya kwansuku zonke.

Njengoba sonke sidinga ukudla, iNkosi ivamise ukuqhathanisa izinto zikamoya nokudla. Funa izifundo Zakhe zangokomoya kulokho okwenzeka kwabakwa-Israyeli ngemana ku I-Eksodusi 16. Isibonelo, utholani kwimiyalelo yeNkosi ku I-Eksodusi 16:16, 19, 22–26 okusebenza ekondlekeni kwakho ngokomoya?

Ukuze ufumanise ezinye izifundo iNkosi engathanda ukuba uzifunde kulesi simangaliso, zindla ngemibuzo efana nalena:

Yikuphi engikunikwa yiNkosi okufana nemana yansuku-zonke Eyayinika abakwa-Israyeli?
Yini engingayenza efana nokuqoqa imana?

Ungathola imininingwane eyengeziwe kweyodwa noma ngaphezulu kulamavidiyo: “Daily Bread: Pattern,” “Daily Bread: Experience,” naku“Daily Bread: Change” (UMtapo woLwazi weVangeli).

Cabanga ngezinye izinto ozenza nsukuzonke, ngaphandle kokudla. Kungani ezinye izinto kufanele zenziwe nsukuzonke ukuze ziphumelele? Yini ogqugquzeleka ukuba uyenze ukuze ufune okwangokomoya kwansuku-zonke ?

Bheka futhi u Dieter F. Uchtdorf, “Daily Restoration,” iLiyahona, ngoNovemba Nov. 2021, 77–79; “Daily Restoration” (ividiyo), UMtapo woLwazi weVangeli.

I-Eksodusi 17:1–7

UJesu Kristu ulidwala lami langokomoya namanzi aphilayo.

Cabanga ngoMsindisi njengoba ufunda I-Eksodusi 17:1–7. Ufana kanjani nedwala kuwena uJesu Kristu? (bheka AMahubo 62:6–7; Helamani 5:12). Ufana kanjani namanzi? (bheka uNgokukaJohane 4:10–14; 1 KwabaseKorinte 10:1–4; 1 Nefi 11:25).

Bheka izinto ezibonakalayo ezifakaza ngoJesu Kristu. Njalo uma imibhalo engcwele ichaza izinto ezingaba yizimpawu zikaJesu Kristu, njengoba kwenzeka ku-Eksodusi 17:1–7 kungaba yithuba lokufunda ngezinto ezibonakalayo. Ukubuka noma ukuthinta idwala noma amanzi kungenza kube lula ukuqonda ukuthi lezi zinto zifana kanjani noJesu Kristu. Uma ungabandakanya imizwa eminingi ngenkathi kufundwa, lokho kungakhumbuleka futhi kusebenze.

I-Eksodusi 17:8–16; 18:13–26

Abafundi bayasizana “ukuthwala umthwalo” wokwenza umsebenzi weNkosi.

Kungenzeka kube khona izikhathi empilweni yakho lapho ungazwelana khona noMose—lapho abanye bethembele kuwe, kodwa ezakho “izandla ziba-nzima” (I-Eksodusi 17:12). Ngezinye izikhathi, ungahle ube njengo Aroni, uHure, noJetiro ababemeseka uMose. Zifake ezicathulweni zalaba bantu ngamunye njengoba ufunda ku-Eksodusi 17:8–16; 18:13–26, bese ubona ukuthi iNkosi ikufundisani ngomsebenzi Wayo.

Bheka futhi ku Mosiya 4:27; 18:8–9.

Ukuze uthole amanye amasu, bheka amaphephabhuku eLiyahona kanye ne For the Strength of Youth (Okwakha iNtsha) alenyanga.

Amasu okuFundisa Abantwana

I-Eksodusi 14:5–22

INkosi ingenza “umsebenzi omkhulu” empilweni yami.

Ngesikhathi iNkosi ihlukanisa uLwandle oluBomvu, uMose kanye nabakwa-Israyeli babona ukuthi Inamandla kangakanani. Bavumele abantwana bakho bakusize ucabange indlela ejabulisayo yokulingisa lendaba eku-Eksodusi 14:5–22 (bheka futhi “IPhasika” encwadini Izindaba zeTestamente eliDala, 70–74). Mhlawumbe ningahlela izihlalo noma izingubo zokwembatha bese “niyazihlukanisa” njengo Lwandle oluBomvu. Ningabe senabelana futhi omunye nomunye ngokuthi niwabone kanjani amandla kaNkulunkulu ezimpilweni zenu.

2:54
The Passover
Yengezani IMfundiso neziVumelwano 8:2–3 ekuqondeni kwethu indaba eku Eksodusi 14? Cabanga ngokuxoxela abantwana bakho ngosudlule kukho lapho uMoya oNgcwele wakutshela khona okuthile emqondweni noma enhliziyweni yakho, bese uyabamema nabo ukuba bakhulume ngokwenzeka kubo. Ningacula futhi iculo ngoMoya oNgcwele njengo “Let the Holy Spirit Guide” (Amaculo, inombolo 143).

I-Eksodusi 15:22–25

INkosi ingakwazi ukwenza izinto ezibabayo zibe mtoti.

Mhlawumbe wena nabantwana bakho ningaphuza okuthile okumtoti nokunye okubabayo ngesikhathi nifunda I-Eksodusi 15:22–25 ndawonye. Ngabe iNkosi izenze kanjani izinto ezibabayo ezimpilweni zethu zaba mtoti na?

I-Eksodusi 15:23–25; 16:14–15; 17:1–6

UJesu ungaManzi ami aPhilayo, iSinkwa sami sokuPhila, neDwala lami.

Njengoba wena nabantwana bakho nifunda ku-Eksodusi 15:23–25; 16:14–15; 17:1–6, bavumele bakusize uthole izinto ezingasiza ukuxoxa indaba ngayinye—njengegatsha (ukwelapha amanzi aseMara), ujeke noma ibhodwe (ukugcwalisa ngemana), kanye nedwala (lamanzi aseHorebe). Zisikhumbuzani lezindaba ngalokho uJesu Kristu asenzela kona ? Njengengxenye yengxoxo yenu, ningase nifunde uNgokukaMathewu 7:24–27; NgokukaJohane 4:10–14; 6:29–35, 48–51; Helamani 5:12; IMfundiso neziVumelwano 20:77, 79.

umfanekiso okhombisa uMose, u-Aroni, kanye Hure — One Before God [Lowo oPhambi kukaNkulunkulu], ngu Joseph Brickley (imininingwane)

I-Eksodusi 17:8–16; 18:13–26

Ngingasiza “ukuthwala umthwalo” wokwenza umsebenzi weNkosi.

Njengoba ufunda ku-Eksodusi 17:8–16, ungamema umntwana ukuba aphakamisele phezulu izandla zakhe. Lapho umntwana ekhathala, abanye abantwana bangasiza, ngendlela u-Aroni noHure abasiza ngayo uMose. Isifundisani lendaba mayelana nokuthi singawulekelela kanjani umbuso kaNkulunkulu uphumelele? Ungase futhi ufunde ku-Eksodusi 18:13–26 bese nikhuluma ngezibopho ezisindayo zabantu abasebenza esigcemenisenu sebandla. Yini esingayenza namuhla ukulekelela abaholi bethu beBandla, njengoba kwenza u-Aroni kanye noHure belekelelauMose?

Ukuze uthole amanye amasu, bheka iphephabhuku le Friend (Umngani) lalenyanga.

uMose ehlukanisa uLwandle oluBomvu — Crossing the Red Sea [ukuWela uLwandle oluBomvu], ngu-Otto Semier

Ikhasi lomsebenzi leNhlangano yabaNtwana: iNkosi ingenza “umsebenzi omkhulu” empilweni yami — Crossing the Red Sea [ukuWela uLwandle oluBomvu], ngu-Otto Semier