Exodus 19–20; 24; 31–34

Preseten Russell M. Nelson a aitikich: “Non ewe Testamen Noom, ewe kapas non Hebrew seni minne peculiar a chiaku seni ina segullah, minne wewen ‘an emon mettoch mi auchea,’ ika ‘pisek auchea,’ … Ren ach sipwe sinneno meren chon angangen ewe Samon pwe noun sokkonon aramas a eu kapasen mwar seni ewe tekian tetten” (“Children of the Covenant,” Ensign, May 1995, 34). Ifa usun an Preseten Nelson kapas ra siwini napanapen om weweiti Exodus 19:3–6? Ifa usun ewe Samon a pwar ngonuk pwe I a aucheanuk?

Ewe Samon a ureni Moses pwe a namot ngeni ekkewe semiriten Israel ar repwe amonnata me mwen repwe tongeni “churi Kot” (Exodus 19:10–11, 17) me apwonueta eu pwon mi pin ren I (nengeni Exodus 19:5). Ifa usun ka amonnata ngeni mettoch mi fis ngonuk non pekin ngun, mi pachenong ewe sakrament me angangepinin tempel? Ifa usun kopwe anisir ne amonnata? Met a kaeo usun amonnata seni Luke 6:12–13; Enos 1:2–6; Alma 17:2–3?

Nupwen ekkewe chon Israel ra chufengen ren nemonun Chukun Sinai, ra rong ewe mongungun Kot a wau ekkewe Engon Annuk (nengeni Deuteronomy 4:12–13). Ekkei, ennetin, esap ir kewe chok an Kot annuk—mi chommong pwan ekkoch non ekkewe pukefel. Iwe usun ka anneani Exodus 20:1–17, eisinuk pwisin pwata Kot a apochokuna ekkei engon mi afatafat. Iei eu minen awewen tetten ka tongeni aea nupwen ka ekipwichi auchean ekkewe Engon Annuk non manauom:

• Ifa usun apwonueta ekkei engon annuk a anisuk ne apwonueta ekkewe ru annuk mi nap Jises a awora non Matthew 22:34–40?

• Met mettoch meni kopwe sossot ne akkomwer me mwen Kot? Met feioch ka fen kuna seni om annomu Kot akkom?

• Ifa usun kopwe ponuweni emon ewe a apasa ekkewe Engon Annuk ra kawor me nom me rese chiwen namot ikenai? Met awewe seni non manauom kopwe aporousa pwe pekin om ponueni? Ifa usun ewe koon mi fen “How Gentle God’s Commands” (Kon mi fen, no. 125) epwe siwini ewe napanapen om awewei an Kot kewe annuk ngeni ekkoch?

• Ifa usun ewe Samon a apwonueta ewe pwon non Exodus 20:6 non manauom?

Nengeni pwan “The Great Commandment—Love the Lord,” non Teachings of Presidents of the Church: Ezra Taft Benson (2014), 37–45; Dallin H. Oaks, “No Other Gods,” Liahona, Nov. 2013, 72–75; Topics and Questions, “Commandments,” Gospel Library.

Nupwen ka anneani Exodus 24:3–8, ekieki ekkewe pwon mi pin ka fen fori ren Kot. Nupwen an Israel pwon mi pin mi pachenong fenin namanam mi sokkono seni met Kot a mochen ikenai, kopwe apareni ekkoch mi nonno fengen. Ren awewe, uwokisin 4, 5, me 8 ra kapas usun antare, asoren man, me cha. Met ekkei repwe tongeni wewe ngeni, me ifa usun ra wewe ngeni om pwon mi in?

Sossot ne annomuk pwisin non nenien ekkewe chon Israel—ka nom non we fonu pon, Moses ese nom non ukukun 40 ran, me eu anini fengen me ekkewe chon Canaan ren ewe fonu pon epwe fis mwom (nengeni Exodus 32:1–8). Pwata ka ekieki ekkewe chon Israel ra mochen eu niosun anu muan mi for seni gold? Met a peseok usun an Moses sio ngeni ewe Samon non Exodus 33:11–17?

Nupwen an ekkewe chon Israel tipis a fokkun watte, ei porous mi pwan pachenong eu porousen an Kot chen me umoumoch. Met Exodus 34:1–10 a aituk usun ewe Chon Amanau? (nengeni Exodus 32:30–32; Mosaia 14:4–8; 15:9; Doctrine and Covenants 45:3–5).

Preseten Russell M. Nelson a awewei: “Non ierin ai chok onuon, ua kaeo ussun ewe angang an ekkoch re kan ochufengeni tettenin kewe mettoch repwe fori me ekkewe mettoch resap fori won ewe Sabbath. Ese fis tori mwirinon och fansoun ai ua sinei seni ekkewe pukefen pwe napanapei me mokutukuti won ewe Sabbath a forata ew esisin nefinen ngang me semei Kot won Nang [nengeni Exodus 31:13; Ezekiel 20:12, 20]. Fiti ena wewe, use chiwen aea ekkewe tetenin upwe fori me usap fori. Nupwen ai uwa finata ew ekiek ika epwe ika esap ew mettoch epwe fis a tufich ngeni ewe Sabbath, uwa pusin eisiniei, ‘Met esisin ua mochen ai upwe ngeni Kot?’ Ewe kapaseis a fori ai finata ussun ewe ranin Sabbath epwe fateoch” (“The Sabbath Is a Delight,” LiahonaMay 2015, 130). Ekipwichi met esisin ka mochen kopwe ngeni Kot ren om apwonueta ewe Sabbath.

Nupwen Moses a feitiw seni won ewe chuk, a nukei ewe annuk a mak won seneich fau. Mwirin an kuna pwe ekkewe chon Israel ra atai ar pwon mi pin, Moses a amoku ekkewe seneich (nengeni Exodus 31:18; 32:19). Mwirinon, Kot a annuku ngeni Moses an epwe fori pwan ruepek seneich fau me uweir sefan ngeni ewe chuk (nengeni Exodus 34:1–4). Ewe An Joseph Smith Chiakun Exodus 34:1–2 (non ewe Bible appendix) a affataochu pwe ewe aewin pean seneich fau mi pachenong ekkewe angangepinen an Kot “tetten mi fel,” ika ewe Melkisetek Pristut. Ewe oruwen pea mi pachenong “ewe anukunukun eu annukun mochenin inis.” Ei a eu annuk mi kis a mwokut me ren ewe “pristut mi kis” (nengeni Doctrine and Covenants 84:17–27), minne a fis pwe epwe amonnata ekkewe chon Israel ngeni ewe annuk mi tekia me pristut mi tekia pwe repwe tongeni tonong me mwen Kot.

• Ifa usun om kopwe tongeni fori kaeo usun ekkewe Engon Annuk repwe apwapwa ngeni noum kewe semirit? Nupwen oua annea Exodus 20:3–17 fengen, mut ngeni noum kewe semirit repwe anisuk ne kutta ika chungani echo sasing epwe porous ussun ew me ew ekkewe Engon Annuk. Mwirin noum kewe semirit ra tongeni nikesiwin ne fini echo sasing me kapas usun ifan ussun ar repwe tongeni manaueni ena annuk. Aporousa fengeni ifa usun manaueni ena annuk a ngonuk pwapwa.

• Oua pwan tongeni konu echo kon usun “Keep the Commandments” (Noun Semirit Puken Kon, 146–47). Anisi noum kewe semirit repwe kutta foun kapas non ewe kon minne mi aitir pwata Kot a mochen kich sipwe apwonueta An annuk.

• Anisi noum kewe semirit repwe kaeo ewe kapas “Oupwe afona sememi me inemi” (Exodus 20:12). Meni kopwe mochen awewei pwe om kopwe “afona” emon a tongeni wewen pwarano sufon ngenir ika wato rer pwapwa. Met Jises a fori ne afona inan won fonufan me Saman non Nang? (nengeni Luke 2:48–51; John 19:26–27). Meni noum kewe semirit ra tongeni nikesiwin ne pwomeni kewe mettoch ra tongeni fori ne afona semer me iner, nupwen ekkewe ekkoch semirit repwe ekiekieta met ra fori.

• Noum kewe semirit meni repwe sani ar repwe nennengeni ekkoch awewen esisin—usun ren esisinen won aan ika esisin won imw. Met kewe popun esisin? Mwirin noum kewe semirit ra tongeni kuna ewe kapas “esisin” non Exodus 31:13, 16–17. Met ewe Samon a apasa pwe eu esisinen nefinach me I? Aporousa fengeni ekkoch aan en me om famini oua tongeni sotuni ne pwarano ami tong fan iten ewe Samon won ewe Sabbath.

• Ekieki ne aea “Moses on Mount Sinai” (non Porousen Testamen Noom, 77–82) ne anisi noum kewe semirt repwe kaeo ewe porous non Exodus 32:1–8, 19–24. Pwata a muan an ekkewe chon Israel repwe fen ngeni eu nios me nukun Kot?

  

  2:55

• Meni epwe apwapwa ne fori eu aan won ewe simen (ika kutta eu unukun imwom we) ne anapanapa ekkei kapas seni Exodus 32:8: “Ra fen mwitir kunnuno seni ewe aan.” Nupwen ra fetan won ewe aan, noum kewe semirit ra tongeni kapas usun sossot sia mesengeni ne kunnuno seni Kot. Met a anisi kich ne nomwetiw won an Kot we aan—me niwin ngeni ika sia rikino? (nengeni Exodus 34:6–7).