Exodus 7–13

Anean pwe, om mochen esap tongeni ungeni an Kot mochen usun an Pharaoh we. Nge, kich meinisin mi wor ach fansoun nupwen netipach rese pwetete usun ururun repwe pwetete. Met a pwaochuno ngonuk usun an Pharaoh ponuweni ekkewe riaffou non Exodus 7:14–25; 8:5–32; 9:1–26; 10:12–29; 12:29–33? Attonaochu ewe affatochun non an Joseph Smith Chiakun Exodus 7:3, 13; 9:12.

Pwata “weires” eu ochun awewen netipen Pharaoh? Ekieki mt ka kaeo seni ekkei uwokisin usun an epwe wor rech eu pweteten netip: 1 Nifai 2:16; Mosaia 3:19; Alma 24:7–8; 62:41; Ether 12:27. Nupwen ka anneani usun ekkewe mwirimwirin pochokunen netipen Pharaoh, ekipwichi nonnomun netipom. Met ekesiwin ka mefi pwe kopwe fori?

Ewe chok aan ren an ekkewe chon Israel repwe ngas seni ewe aengonun riaffou, mi awewetiw non Exodus 11:4–5, ar repwe wesewesen tapweochu ekkewe ourour ewe Samon a ngeni Moses non Exodus 12, eu fenin namanam a iteni ewe Passover. Ewe Passover a aiti kich non esisin pwe usun chok ewe Samon a angasa ekkewe chon Israel seni fotek non Egypt, I a pwan tongeni angasa kich seni ewe fotekin tipis. Om kopwe sineiochu ei esisin non Exodus 12:1–42, ka tongeni nounou eu chart usun ei eu:

Met ka pwan kuna non ekkewe ourur me esisinen ewe Passover mi achema ngonuk usun Jises Kraist me An Achasefan? Met ekkei esisin ra pesei ngonuk an epwe ifa usun kopwe angei ekkewe feiochun An Achasefan?

Ewe Chon Amanau a annuku ngeni ekkewe chon Israel repwe apwonueta ewe Passover iteiten ier ne anisir repwe chechemeni I a fen angaser, pwan mwo mwirin ar fotek towaweno ekiekin. Nupwen ka anneani An ourour non Exodus 12:14–17, 24–27; 13:1–16, ekieki usun met ka fori ne chechemeni an Kot feioch fan itom. Ifa usun kopwe tumunu ena achechem “non unusen mwirimwirum kewe”? (nengeni Exodus 12:14, 26–27).

Met nonno pok ka kuna nefinen ewe kametip me ewe Passover me ewe sakrament? Met ka tongeni fori ne “chechemeni fansoun meinisin” Jises Kraist? (Moronai 4:3; 5:2).

Ka pwan tongeni ekipwichi ekkoch mettoch ewe Samon a mochen kopwe chechemeni; nengeni, ren awewe, Ilaman 5:6–12; Moronai 10:3; Doctrine and Covenants 3:3–5, 10; 18:10; 52:40.

Nengeni pwan Kevin W. Pearson, “Are You Still Willing?,” Liahona, Nov. 2022, 67–69; “Always Remember Him” (video), Gospel Library; “In Memory of the Crucified,” Kon mi fen, no. 190.

5:27

• Ekkewe riaffou mi awewetiw non Exodus 7–11 ra pwar ngeni ekkewe chon Egypt me ekkewe chon Israel pwe we Samon a wor an manaman mi nap. Ewe Samon epwe anisi noum kewe semirit non unusen manauer nupwen a wor ar nuku non An manaman. An epwe anisir repwe kaeo seni ei porous, ka tongeni ngeni emon me emon semirit echo toropwe mi kinikinitiw non 10 kinikin, me etiwer repwe chungani ekkoch sasingin ekkewe riaffou mi awewetiw non ekkei uwokisin: Exodus 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (nengeni pwan “The Plagues of Egypt” non Porousen Testamen Noom, 67–69). Annea fengeni Exodus 7:5 me 9:14 awewei pwata ewe Samon a tinato ekkewe riaffou.

  

  2:3

• Aporousa ngeni noum kewe semirit ifa usun ewe Samon a fen pwar ngonuk “pwe ese wor emon a usun [I] non unusen ewe fonufan” (Exodus 9:14). Mut ngenir repwe aporousa ifa usun ra sinei pwe ewe Samon i mi unusen manaman.

• An epwe anisi noum kewe semirit repwe anchangei met wewen an epwe wor eu netip pwetete, menin epwe apwapwa ne pwar ngenir eu mettoch mi pochokun, usun ren efou fau, me pwan eu mi pwetete me epwe morei mettoch, usun ren eu sponch. Ka tongeni pwan ninatiw konik won ekkei mettoch ne pwomeni ifa usun mecheresin eu netip pwetete a angei ewe kapasen ewe Samon. Mwirin ka tongeni annea fengeni ekkoch uwokisin mi awewei ifa usun Pharaoh a ponuweni ekkewe riaffou mi titito me ren ewe Samon (nengeni Exodus 8:28–32; 9:7). Menni nein ekkewe mettoch a pwarochuono netipen Pharaoh ika napanapan? Met wewen an epwe wor eu netip pwetete? (nengeni Mosaia 3:19).

• En me noum kewe semirit oua tongeni fori eu tettenin ekkeoch foffor minne ir mi tongeni pwano nupwen a wor eu netipach mi pochokun (ren awewe, nounou kapas mi ngaw ika rese mochen aea fengen mettoch). Ifa usun sia tongeni pwar ngeni ewe Samon pwe sia mochen epwe wor netipach mi pwetete?

• Ewe Passover a aiti ekkewe chon Israel ar repwe nenneno mwan ngeni ewe Chon Amanau me An asor fan itach. Nupwen ka attonaochu Exodus 12:1–13 fengen, anisi noum kewe semirit repwe kuna chufengenin nefinen ekkewe tichikin ewe Passover me an Jises Kraist Achasefant (nengeni pwan “The Passover” non Porousen Testamen Noom, 70–74). Ren awewe, ifa usun Jises a usun ewe Nam mi awewetiw non uwokisin 5?

  

  2:54

• Ikenai, sia angei ewe sakrament ach sipwe chechemeni an Jises asor. Ka tongeni pwar ngeni noum kewe semirit echo sasingin ewe sakrament me kapas usun ifan ei angangepin a anisi kich ne chechemeni Jises Kraist. Ka tongeni anisi noum kewe semirit repwe kutta ewe kapas “chechemeni” no ekkewe iotekin sakrament (nengeni Moronai 4–5). Ika konu fengeni eu kon mi fen oua sani usun ewe sakrament, me anisi noum kewe semirit repwe apareni ewe kinamwein memef ra mefi nupwen ra ekieki usun ewe Chon Amanau. Ifa usun sia tongeni kutta ena memef nupwen sia angei ewe sakrament?