Ọdún-Àjínde

Ọ̀pọ̀lọpọ̀ àwọn ẹsẹ ọ̀rọ̀ nínú Májẹ̀mú Láéláé nawọ́ sí iṣẹ́́ ìrànṣẹ́ àti ètùtù ìrúbọ ètùtù. Tábìlì ìsàlẹ̀ ṣe ìtòsílẹ̀ àwọn ẹsẹ wọ̀nyí. Bí ẹ ti nka àwọn ẹsẹ wọ̀nyí, kínni ìwọnilọ́kàn tí ó nwá síi yín nípa Olùgbàlà?

Àní àwọn àsọtẹ́lẹ̀ tí ó kọ́ni nípa Olùgbàlà tilẹ̀ jẹ́ púpọ̀ àti kedere nínú Ìwé ti Mọ́mọ́nì. Ẹ gbèrò bí ìgbàgbọ́ yín ṣe ngba ìfúnlókun nípa àwọn ẹsẹ ọ̀rọ̀ bí ìwọ̀nyí : 1 Néfì 11:31–33; 2 Néfì 25:13; Mòsíàh 3:2–11; Álmà 7:10–13.

Àwọn wòlíì ọjọ́-ìkẹhìn tẹ̀síwájú láti jẹ́ ẹlẹ́rìí pàtàkì ti Jésù Krístì àti iṣẹ́ ìránṣẹ ètùtù Rẹ̀. Bí ẹ ṣe nfetísílẹ̀ sí ìpàdé àpapọ̀ gbogbogbò ní opin ọ̀sẹ̀ Ọdún Àjínde yí, ẹ ṣe àkọsílẹ̀ ránpẹ́ ti àwọn ẹ̀rí ti Jésù Krístì tí ẹ gbọ́. Kínni wọ́n kọ́ yín nípa Rẹ?

Ọdún Àjínde jẹ́ àkókò aláyọ̀, nítorí ó jẹ́ àkókò láti ṣe ayẹyẹ Ètùtù àti Àjínde Olùgbàlà. Àti síbẹ̀, àní ní àkokò Ọdún Àjínde, àwọn ọ̀pọ̀lọpọ̀ ènìyàn wà tí wọn nímọ̀lára ayọ̀ fún àwọn èrèdí oríṣiríṣi. Kínni ẹ lè ṣe láti tan àlàáfíà àti ayọ̀ Olùgbàlà ní Ọdún Àjínde yí?

Èrò kan ni láti wá àwọn ẹsẹ ọ̀rọ̀ nínú àwọn ìwé mímọ́ nípa àlàáfíà àti ayọ̀ tí Jésù Krístì fúnni, bíiti ìwọ̀nyí: Orin Dáfídì 16:8–11; 30:2–5; Ísáíàh 12; 25:8–9; 40:28–31; Jòhánnù 14:27; 16:33; Álmà 26:11–22. Ẹ gbèrò bí ẹ ṣe lè pín àwọn ẹsẹ ọ̀rọ̀ wọ̀nyí pẹ̀lú àwọn ẹlòmíràn. Fún àpẹrẹ, bóyá ẹ lè dá káàdì Ọdún Àjínde sílẹ̀ láti pín, tí ó dálé àwọn ẹsẹ ọ̀rọ̀ wọ̀nyí. Ẹ máa gbàdúrà nípa ẹni tí ó nílò láti gba ìkínni Ọdún Àjínde yín. Bákannáà ẹ lè pinnu láti pín ẹsẹ ọ̀rọ̀ yín lórí ìbákẹ́gbẹ́ àwújọ, níbití ọ̀pọ̀lọpọ̀ ènìyàn ti lè rí wọn.

Àwọn orin ìsìn nípa Krístì àti Àjínde náà, bí irú “Ó Ti Jínde!” (Àwọn Orin Ìsìn, nọ́mbà.199), bákannáà lè ràn wá lọ́wọ́ láti ní ìmọ̀lára àlàáfíà àti ayọ̀ ní Ọdún Àjínde. Ẹ wá àwọn gbólóhùn ọ̀rọ̀ nínú orin isìn tí ó fi ayọ̀ Ọdún Àjínde hàn, nínú èrò yín.

Bákannáà wo Jeffrey R. Holland, “Kíì ṣe bí Ayé tií Fúnni,” Làìhónà, Oṣù Karun 2021, 35–38; Mark S. Palmer, “Ìkorò Wa Yíò Yípadà sí Ayọ̀,” Làìhónà, Oṣù Karun 2021, 88–90.

Ní ìhín ni iṣẹ́ ṣíṣe kan tí ó lè ràn yín lọ́wọ́ láti rí ọ̀pọ̀lọpọ̀ àwọn ìbùkún tí ó nwá nípasẹ̀ Jésù Krístì àti Ètùtù Rẹ̀. Ẹ ka àwọn ìwé mímọ́ ìsàlẹ̀ nípa ohun tí Jésù Krístì ṣe láti ràn wá lọ́wọ́ láti borí. Ẹ gbìyànjú láti toàwọn ẹsẹ ọ̀rọ̀ sínú ẹ̀ka ìwọ̀nyí: ẹ̀ṣẹ̀, ikú, àwọn àdánwò àti àìlera (àwọn ẹsẹ ọ̀rọ̀ tí ó lè ní ìbámu síi ju ẹ̀ka kan lọ). Bí ẹ ti nkàá, kínni ìwọnilọ́kàn tí ẹ ní nípa agbára Olùgbàlà?

• Ìsàíàh 61:1–3

• Èsèkíẹ́lì 36:26–28

• Máttéù 11:28–30

• Lúkù 1:46-55

• Rómù 8:35–39

• Álmà 7:10–13

• Álmà 11:42–45

• Álmà 58:11

• Mórónì 10:32–33

• Ẹ̀kọ́ àti Àwọn Májẹ̀mú 19:15–19

• Mósè 5:9–12

Báwo ni ẹ yíò ti ṣe àlàyé sí ọ̀rẹ́ kan tí kìí ṣe Krìsténì ìdí tí Jésù Krístì fi jẹ́ pàtàkì sí yín? Ọ̀rọ̀ Alàgbà Ahmad S. Corbitt “Ṣé Ẹ Mọ Ìdí Tí Èmi Bíi Krìstẹ́nì Ṣe Gbàgbọ́ Nínú Krístì?” (Làìhónà, Oṣù Karun 2023, 119–21) lè ṣèrànwọ́.

Bákannáà wo Reyna I. Aburto, “Isà-òkú Kò Ní Ìṣẹ́gun Mọ́,” Làìhónà, Oṣù Karun 2021, 85–87; Àwọn Àkọlé àti Ìbèèrè, “Ètùtù,” “Àjínde,” Ibi-ìkàwé Ìhìnrere.

Kínni ẹ kọ́ láti inú àwọn ẹsẹ ìwọ̀nyí nípa iye tí Jésù Krístì san fún ìgbàlà yín: Ìsàíàh 53:3–5; Mòsíàh 3:7; Ẹ̀kọ́ ati awọn Májẹ̀mú 19:16–19? Kínni iye tí Baba Ọ̀run sàn? (wo Jòhánnù 3:16).

• Ọ̀sẹ̀ Àjínde ni àkokò rere láti kọ́ àwọn ọmọ nípa ohun ti Olùgbàlà ṣe fún wa ní Gẹ́tsémánè àti lórí àgbélèbú. Ẹ lè bẹ̀rẹ̀ nípa fífi àwọn àwòrán ìsàlẹ̀ hàn wọ́n kí ẹ sì jẹ́ kí wọ́n sọ̀rọ̀ nípa ohun tí ó nṣẹlẹ̀ nínú àwọn àwòrán nàà. Nígbàtí àwọn ọmọ yín bá nwo àwọn àwòràn náà, ẹ lè ka àwọn ẹsẹ tí ó ṣe àpèjúwe àwọn ìṣẹ̀lẹ̀ wọ̀nyí (wo Máttéù 26:36–46; 27:35–50; Lúkù 22:39–46; Jòhánnù 19:16–30). Àwọn ọmọ yín lè mú àwọn àlàyé kíníkíní jádé nínú àwọn àwòrán tí wọ́n gbọ́ nínú ẹsẹs náà.

• Báwo ni a ṣe ndi alábùkúnfún tó nítorí ìrúbọ Jésù fún wa? Ẹ ran àwọn ọmọ lọ́wọ́ láti wá àwọn ọ̀rọ̀ àti gbólóhùn ọ̀rọ̀ tí ó dáhùn ìbèèrè yí nínú Ísáíàh 53:4–12; Álmà 7:11–13; àti Ẹ̀kọ́ àti Àwọn Májẹ̀mú 19:16–19. Ẹ pín bí ẹ ṣe nní ìmọ̀lára nípa Olùgbàlà lẹ́hìn kíka àwọn ìwé mímọ́ wọ̀nyí pẹ̀lú ara yín.

• Ẹ lè lo ojú-ewé ṣíṣe ọ̀sẹ̀ yí tàbí àwọn àwòràn míràn nínú ìlànà yí láti sọ ìtàn ti Àjínde fún àwọn ọmọ yín (bákannáà wo “Jésù Ti Jínde,” nínú Àwọn Ìtàn Májẹ̀mú Láéláé, 139–44). Lẹ́hìnnáà ẹ jẹ́ kí àwọn ọmọ sọ ìtàn náà padà sí yín.

• Ẹ gbèrò bí ẹ ṣe lè ran àwọn ọmọ yín lọ́wọ́ láti rí ayọ̀ nínú Krístì ní Ọdún Àjínde yí. Fún àpẹrẹ, ẹ lè kọ orin ìsìn Ọdún Àjíìde kan tí ó jẹ́ ààyò, bí irú “Krístì Olúwa Ti Jínde Ní Òní” (Àwọn Orin Ìsìn, nọ́mbà 200) or “Gẹ́tsémánè” (Ibi-ìkàwé Ìhìnrere). Láti wá àwọn orin nípa Àjínde, ẹ lè wo inú ìtọ́ka ti Àwọn Orin Ìsìn àti Ìwé orin àwọn Ọmọdé. Ẹ̀yin àti àwọn ọmọ yín le pín ìdí tí ẹ fi fẹ́ràn àwọn orin wọ̀nyí àti bí ẹ ṣe nímọ̀lára nígbàtí ẹ bá nkọ wọn pẹ̀lú arayín. Kínni àwọn orin wọ̀nyí kọ́ wa nípa Baba Ọ̀run àti Jésù Krístì?

• Ibi-ìkàwé Ìhìnrere ní àkópọ̀ ti Àwọn fídíò Ọdún Àjínde tí àwọn ọmọ yín lè gbádùn. Bóyá ẹ lè jẹ́ kí wọ́n mú ọ̀kàn láti wò. Bèèrè lọ́wọ́ wọn ohun tí wọ́n kọ́ nípa Jésù Krístì látinú fídíò náà. Bákannáà ẹ lè ní kí wọ́n ṣe àkópọ̀ ọ̀rọ̀ ti fídíò náà ní ẹ̀là ọ̀rọ̀ kan.

• Bí ẹ̀yin àti àwọn ọmọ yín ṣe nwo ìpàdé àpapọ̀ gbogbogbò papọ̀ ní òpin ọ̀sẹ̀ Ọdún Àjínde yí, ẹ ràn wọ́n lọ́wọ́ láti kíyèsí ìgbàtí àwọn ẹlẹri pàtàkì Olùgbàlà bá jẹ́ ẹ̀rí nípa Àjínde. Bóyá ẹ lè ṣe eré kan nípa rẹ̀—ẹ pè wọ́n láti dúró nígbà gbogbo tí wọ́n bá gbọ́ àwọn ọ̀rọ̀ bíiti Ọdún Àjínde tàbí Ètùtù tàbí Àjínde. Ẹ pín ìdí tí ẹ fi moore fún ẹ̀rí àwọn wòlíì alààyè nípa Olùgbàlà pẹ̀lú ara yín.