اِیسٹر

پُرانے عہد نامہ میں بُہت سے حوالہ جات نجات دہندہ کی خِدمت اور کفّارہ بخش قُربانی کی طرف اِشارہ کرتے ہیں۔ درج ذیل جدول میں اِن میں سے کُچھ حوالہ جات درج ہیں۔ جب آپ اِن آیات کو پڑھتے ہیں، تو آپ کو مُنّجی کے بارے کیا تاثرات آتے ہیں؟

نجات دہندہ کی بابت تعلیم دینے والی نبُوتیں مورمن کی کِتاب میں اور بھی زیادہ وافر اور واضح ہیں۔ غور کریں کہ اِس طرح کے حوالوں سے آپ کا اِیمان کیسے مضبُوط ہوتا ہے: 1 نِیفی 11:‏31–33؛ 2 نِیفی 25:‏13؛ مُضایاہ 3:‏2–11؛ ایلما 7:‏10–13۔

آخِری ایّام کے اَنبیا یِسُوع مسِیح اور اُس کے کفّارہ بخش مِشن کی خاص گواہی دیتے ہیں۔ جب آپ اِیسٹر کے اِس اِختتامِ ہفتہ مجلسِ عامہ کو سُنتے ہیں، تو مسِیح کی گواہیوں کو نوٹ کریں جو آپ سُنتے ہیں۔ یہ آپ کو اُس کی بابت کیا سِکھاتی ہیں؟

اِیسٹر خُوش کُن وقت ہے، کیوں کہ یہ نجات دہندہ کے کفّارہ اور جی اُٹھنے کو منانے کا وقت ہے۔ اور پھر بھی، اِیسٹر کے دوران بھی، بُہت سے لوگ اَیسے ہیں جو مُختلف وجُوہات کی بِنا پر خُوش گوار محسُوس نہیں کرتے ہیں۔ اِس اِیسٹر پر مُنّجی کے اِطمینان اور خُوشی کو پھیلانے کے لیے آپ کیا کر سکتے ہیں؟

ایک خیال یہ ہے کہ صحائف میں یِسُوع مسِیح کی پیش کش کے اِطمینان اور خُوشی کے بارے میں پیغامات تلاش کریں، جیسے: زبُور 16:‏8–11؛ 30:‏2–5؛ یسعیاہ 12؛ 25:‏8–9؛ 40:‏‏28–31؛ یُوحنّا 14:‏27؛ 16:‏33؛ ایلما 26:‏11–22۔ غور کریں کہ آپ اِن پیغامات کا دُوسروں کے ساتھ کیسے اِشتراک کر سکتے ہیں۔ مِثال کے طور پر، اِن پیغامات کی بُنیاد پر، آپ بانٹنے کے لیے اِیسٹر کارڈ بنا سکتے ہیں۔ دُعاگو رہیں کہ آپ کا اِیسٹر کا پیغام کِس کو موصُول ہونا چاہیے۔ آپ سوشل میڈیا پر اپنے پیغامات کا تذکرہ کرنے کا بھی فیصلہ کر سکتے ہیں، جہاں بُہت سے لوگ اُنھیں دیکھ سکتے ہیں۔

مسِیح اور جی اُٹھنے کے بارے میں گیت، جیسے کہ ”وہ جی اُٹھا ہے!“ (گیت، نمبر 199)، اِیسٹر پر بھی اِطمینان اور خُوشی محسُوس کرنے میں ہماری مدد کر سکتا ہے۔ اِس گیت میں اَیسے فِقرات تلاش کریں جو، آپ کی رائے میں، اِیسٹر کی خُوشی کو بہترین اَنداز میں بیان کرتے ہیں۔

مزید دیکھیے جیفری آر ہالینڈ، ”اُس طرح نہیں جِس طرح دُنیا دیتی ہے،“ لیحونا، مئی 2021، 35–38؛ مارک ایس پالمر، ”ہمارا غم ہی خُوشی بن جائے گا،“ لیحونا، مئی 2021، 88–90۔

یہاں ایک سرگرمی ہے جو آپ کو یِسُوع مسِیح اور اُس کے کفّارہ کے ذریعے حاصل ہونے والی بُہت سی برکات کو دیکھنے میں مدد کر سکتی ہے۔ نیچے دِیے گئے صحائف کا مُطالعہ کریں کہ یِسُوع مسِیح کِس چیز پر غالِب آنے میں ہماری مدد کرتا ہے۔ اِن حوالہ جات کو اِن زُمرہ جات میں ترتیب دینے کی کوشِش کریں: گُناہ، موت، آزمایشیں، اور کمزوریاں (کُچھ حوالہ جات ایک سے زیادہ زُمرے کے لیے موزُوں ہو سکتے ہیں)۔ جب آپ پڑھتے ہیں، تو آپ نجات دہندہ کی قُدرت کے بارے میں کیا تاثرات رکھتے ہیں؟

• یسعیاہ 61:‏1–3

• حِزقی ایل 36:‏26–28

• متّی 11:‏28–30

• لُوقا 1:‏46–55

• رومِیوں 8:‏35–39

• ایلما 7:‏10–13

• ایلما 11:‏42–45

• ایلما 58:‏11

• مرونی 10:‏32–33

• عقائداور عہُود 19:‏15–19

• مُوسیٰ 5:‏9–12

آپ اپنے اَیسے دوست کو، جو مسِیحی نہیں ہیں، یہ کیسے سمجھائیں گے کہ یِسُوع مسِیح آپ کے لیے کیوں اَہم ہیں؟ ایلڈر احمد ایس کوربٹ کا پیغام ”کیا آپ جانتے ہیں کہ بحیثیتِ مسِیحی میں مسِیح پر اِیمان کیوں رکھتا ہُوں؟“ (لیحونا، مئی 2023، 119–21) مدد کر سکتا ہے۔

مزید دیکھیے رینا آئی آبرٹو، ”مَوت کی فتح نہ رہی،“ لیحونا، مئی 2021، 85–87؛ موضُوعات اور سوالات، ”یِسُوع مسِیح کا کفّارہ،“ ”قیامت،“ گاسپل لائبریری۔

آپ درج ذیل آیات سے یِسُوع مسِیح کے وسیلے آپ کی نجات کے لیے اَدا کی گئی قِیمت کے بارے میں کیا سیکھتے ہیں: یسعیاہ 53:‏3–5؛ مُضایاہ 3:‏7؛ عقائد اور عہُود 19:‏16–19؟ آسمانی باپ نے کون سی قِیمت اَدا کی؟ (دیکھیے یُوحنّا 3:‏16)۔

• اِیسٹر کا ہفتہ اپنے بچّوں کو اِس بات کی تعلیم دینے کے لیے بہترین وقت ہے کہ نجات دہندہ نے ہمارے لیے گتسِمنی میں اور صلیب پر کیا کِیا۔ آپ اُنھیں نیچے دی گئی تصاویر دِکھا کر شُروعات کر سکتے ہیں اور اُنھیں اِس بارے میں بات کرنے دے سکتے ہیں کہ اِن تصاویر میں کیا ہو رہا ہے۔ جب آپ کے بچّے تصاویر کو دیکھ رہے ہوں، آپ اِن آیات کو پڑھ سکتے ہیں جو اُن واقعات کو بیان کرتی ہیں (دیکھیے متّی 26:‏36–46؛ 27:‏35–50؛ لُوقا 22:‏39–46؛ یُوحنّا 19:‏16–30)۔ آپ کے بچّے اِن تصاویر میں تفصیلات کی نِشان دہی کر سکتے ہیں جو وہ آیات میں سُنتے ہیں۔

• ہم یِسُوع کی قُربانی کے باعث کِس طرح سے بابرکت ہیں؟ اپنے بچّوں کی اَیسے الفاظ اور فِقرات تلاش کرنے میں مدد کریں جو یسعیاہ 53:‏4–12؛ ایلما 7:‏11–13؛ اور عقائد اور عہُود 19:‏16–19 میں اِس سوال کا جواب دیتے ہیں۔ اِن آیات کا مُطالعہ کرنے کے بعد ایک دُوسرے کے ساتھ اِن باتوں کا اِشتراک کریں کہ آپ نجات دہندہ کے بارے میں کیسا محسُوس کرتے ہیں۔

• آپ اپنے بچّوں کو جی اُٹھنے کی کہانی بتانے کے لیے اِس ہفتے کے عملی سرگرمی کا صفحہ یا دیگر تصاویر اِستعمال کر سکتے ہیں (مزید دیکھیے ”یِسُوع جی اُٹھا ہے،“ عہدِ جدید کی کہانیوں میں، 139–44)۔ پھر اپنے بچّوں کو وہ کہانی آپ کو دوبارہ سُنانے دیں۔

• غور کریں کہ آپ اِس اِیسٹر پر مسِیح میں خُوشی پانے میں اپنے بچّوں کی کیسے مدد کریں گے۔ مِثال کے طور پر، آپ اِکٹھے اِیسٹر کا پسندیدہ گیت گا سکتے ہیں، جیسا کہ ”مسِیح خُداوند آج جی اُٹھا ہے“ (گیت، نمبر 200) یا ”گتسِمنی“ (گاسپل لائبریری)۔ جی اُٹھنے کے بارے میں دِیگر گیتوں کو تلاش کرنے کے لیے، آپ گیتوں اور بچّوں کے گیتوں کی کِتاب کے عُنواناتی اِشاریہ میں دیکھ سکتے ہیں۔ آپ اور آپ کے بچّے ایک دُوسرے کے ساتھ اِشتراک کر سکتے ہیں کہ آپ کو یہ گیت کیوں پسند ہیں اور جب آپ اُنھیں گاتے ہیں تو آپ کو کیسا محسُوس ہوتا ہے۔ یہ گیت ہمیں آسمانی باپ اور یِسُوع مسِیح کی بابت کیا سِکھاتے ہیں؟

• گاسپل لائبریری میں اِیسٹر کی ویڈیوز کا مجمُوعہ موجُود ہے جس سے آپ کے بچّے لُطف اَندوز ہو سکتے ہیں۔ شاید آپ اُنھیں دیکھنے کے لیے ایک مُنتخب کرنے کی اِجازت دے سکتے ہیں۔ اُن سے پُوچھیں کہ وہ ویڈیو سے یِسُوع مسِیح کے بارے میں کیا سیکھتے ہیں۔ آپ اُن سے یہ بھی کہہ سکتے ہیں کہ وہ ویڈیو کے پیغام کا ایک جُملے میں خُلاصہ کریں۔

• جب آپ اور آپ کے بچے ایسٹر کے اس ہفتہ کے آخر میں اکٹھے مجلسِ عامہ دیکھتے ہیں، تو اُن کی مدد کریں کہ وہ اُس وقت پر توجہ دیں جب مُنّجی کے خاص گواہ جی اُٹھنے کی گواہی دیتے ہیں۔ شاید آپ اِس کا کھیل بنا سکتے ہیں—ہر بار جب وہ اِیسٹر یا کفّارہ یا جی اُٹھنے جیسے الفاظ سُنتے ہیں اُنھیں کھڑے ہونے کی دعوت دیں۔ ایک دُوسرے کے ساتھ اِشتراک کریں کہ آپ مُنّجی کی زِندہ نبیوں کی گواہیوں کے لیے کیوں شُکرگُزار ہیں۔