خروج 7–13

اُمید ہے کہ آپ کی مرضی کبھی بھی خُدا کی مرضی کے خِلاف نہیں ہو گی، جیسا کہ فرعون کی تھی۔ پھر بھی، ہم سب کی زِندگی میں اَیسے وقت آتے ہیں جب ہمارے دِل اُتنے نرم نہیں ہوتے جتنے ہونے چاہئیں۔ خروج 7:‏14–25؛ 8:‏5–32؛ 9:‏1–26؛ 10:‏12–29؛ 12:‏29–33 میں آفتوں کے بارے میں فرعون کے ردِعمل میں آپ کو کیا چیز نُمایاں نظر آتی ہے؟ خروج 7:‏3، 13؛ 9:‏12 کی جوزف سمِتھ ترجمے میں وضاحت پر توجہ دیں۔

کیوں ”سخت“ فرعون کے دِل کی ایک اچھی وضاحت ہے؟ غور کریں کہ نرم دِل ہونے کے بارے میں آپ اِن آیات سے کیا سیکھتے ہیں: 1 نِیفی 2:‏16؛ مُضایاہ 3:‏19؛ ایلما 24:‏7–8؛ 62:‏41؛ عیتر 12:‏27۔ جب آپ فرعون کی سخت دِلی کے نتائج کے بارے میں پڑھتے ہیں، تو اپنے دِل کی حالت پر غور کریں۔ آپ کون سی تبدیلیاں کرنے کی تحریک محسُوس کرتے ہیں؟

بنی اِسرائیل کو خروج 11:‏4–5 میں بیان کردہ دسوِیں آفت سے بچنے کا واحد طریقہ یہ تھا، کہ وہ اُن ہدایات پر بالکل صحیح طریقے سے عمل کریں جو خُداوند نے خروج 12 میں مُوسیٰ کو دیں، جسے عیدِ فسح کہا جاتا ہے۔ عیدِ فسح ہمیں علامتوں کے ذریعے سِکھاتی ہے کہ جس طرح خُداوند نے بنی اِسرائیل کو مِصر میں غُلامی سے آزاد کِیا، ویسے ہی وہ ہمیں بھی گُناہ کی اَسیری سے آزاد کر سکتا ہے۔ خروج 12:‏1–42 میں اِس علامت کو دریافت کرنے کے لیے، آپ اِس طرح کے جدول کا اِستعمال کر سکتے ہیں:

فسح کی ہدایات اور علامات میں آپ کو اور کیا مِل سکتا ہے جو آپ کو یِسُوع مسِیح اور اُس کے کفّارے کی یاد دِلاتا ہے؟ یہ علامتیں آپ کو اِس بارے میں کیا تجویز کرتی ہیں کہ اُس کے کفّارے کی برکات کیسے حاصِل کی جائیں؟

مُنّجی نے اِسرائیلیوں کو حُکم دِیا کہ وہ ہر سال فسح کا مُشاہدہ کریں تاکہ وہ یاد رکھیں کہ اُس نے اُنھیں رہائی بخشی تھی، حتیٰ کہ اُن کی اَسیری ایک دور کی یاد بن جائے۔ جب آپ اُس کی ہدایات خروج 12:‏14–17، 24–27؛ 13:‏1–16 میں پڑھتے ہیں، اِس بارے میں سوچیں کہ آپ اپنے لیے خُدا کی برکات کو یاد رکھنے کے لیے کیا کر رہے ہیں۔ آپ اِس یاد کو ”اپنی نسلوں کے درمیان“ کیسے محفُوظ کر سکتے ہیں؟ (دیکھیے خروج 12:‏14، 26–27)۔

عِشائے ربّانی اور عیدِ فسح کی ضیافت کے درمیان آپ کیا مُماثلت دیکھتے ہیں؟ آپ یِسُوع مسِیح کو ”ہمیشہ یاد“ رکھنے کے لیے کیا کر سکتے ہیں؟ (مرونی 4:‏3؛ 5:‏2)۔

آپ دیگر چیزوں پر بھی غور کر سکتے ہیں جو خُداوند چاہتا ہے کہ آپ یاد رکھیں؛ دیکھیے، مِثال کے طور پر ہیلیمن 5:‏6–12؛ مرونی 10:‏3؛ عقائد اور عہُود 3:‏3–5، 10؛ 18:‏10؛ 52:‏40۔

مزید دیکھیے کیون ڈبلیو پیرسن، ”کیا آپ اب بھی مُستعد ہیں؟،“ لیحونا، نومبر 2022، 67–69؛ ”اُسے ہمیشہ یاد رکھیں“ (ویڈیو)، گاسپل لائبریری؛ ”مصلُوب کی یاد میں،“ گیت، نمبر 190۔

5:27

• خروج 7–11 میں بیان کردہ وباؤں نے مِصریوں اور اِسرائیلوں کو ظاہر کِیا کہ خُداوند بڑی قُدرت رکھتا ہے۔ خُداوند آپ کے بچّوں کی زِندگی بھر مدد کرے گا جب وہ اُس کی قُدرت پر اِیمان رکھیں گے۔ اِس کہانی سے سیکھنے میں اُن کی مدد کرنے کے لیے، آپ ہر بچّے کو 10 حِصّوں میں تقسیم کِیا ہُوا کاغذ دے سکتے ہیں، اور اُنھیں اِن آیات میں بیان کردہ وباؤں کی تصاویر بنانے کی دعوت دیں: خروج 7:‏17–18؛ 8:‏1–4؛ 8:‏16–17؛ 8:‏20–22؛ 9:‏1–6؛ 9:‏8–9؛ 9:‏22–23؛ 10:‏4–5؛ 10:‏21–22؛ 11:‏4–7 (” مِصر کی وبائیں“ عہدِ عتیق کی کہانیوں میں 67–69 بھی دیکھیے)۔ خروج 7:‏5 اور 9:‏14 اِکٹھے پڑھیں اِس بات کی وضاحت کرنے کے لیے کہ خُداوند نے وباؤں کو کیوں بھیجا۔

  

  2:3

• اپنے بچّوں کے ساتھ تذکرہ کریں کہ خُداوند نے آپ کو کیسے دِکھایا ہے کہ ”تمام دُنیا میں کوئی [اُس] کی مانِند نہیں ہے“ (خروج 9:‏14)۔ اُنھیں بتانے دیں کہ وہ کیسے جانتے ہیں کہ خُداوند قوّی ہے۔

• اپنے بچّوں کو تصور کرنے میں مدد دینے کے لیے کہ نرم دل ہونے سے کیا مُراد ہے، اُنھیں کوئی اَیسی چیز دِکھانا دِل چسپ ہو سکتا ہے جو سخت ہو، جیسے کہ چٹان، اور اَیسی چیز جو نرم اور جذب کرنے والی ہو، جیسا کہ سپنج۔ آپ اُن اَشیا پر پانی بھی ڈال سکتے ہیں تاکہ یہ دِکھا سکیں کہ نرم دِل کِس قدر آسانی سے خُداوند کے کلام کو قبُول کرتا ہے۔ پھر آپ چند آیات اِکٹھے پڑھ سکتے ہیں جو بیان کرتی ہیں کہ فرعون نے خُداوند کی طرف سے بھیجی گئی آفتوں کا جواب کیسے دِیا (دیکھیے خروج 8:‏28–32؛ 9:‏7)۔ کون سی چیزیں فرعون کے دِل یا رویے کی نُمایندگی کرتی ہیں؟ نرم دِل ہونا کیا معانی رکھتا ہے؟ (دیکھیے مُضایاہ 3:‏19)۔

• آپ اور آپ کے بچّے اَیسے کُچھ کاموں کی فہرست بنا سکتے ہیں جو یہ ظاہر کرتے ہیں کہ ہمارے دِل سخت ہیں (جیسے، بے رحمانہ الفاظ اِستعمال کرنا یا اشتراک کرنے کے لِئے راضی نہ ہونا)۔ ہم خُداوند کو یہ کیسے دِکھا سکتے ہیں کہ ہم نرم دِل ہونا چاہتے ہیں؟

• عیدِ فسح نے بنی اِسرائیل کو ہمارے لیے نجات دہندہ اور اُس کی قُربانی کے لیے اِنتظار کرنے کی تعلیم دی۔ جب آپ اِکٹھے خروج 12:‏1–13 کا تفصیلی جائزہ تلاش کرتے ہیں، تو اپنے بچّوں کی فسح اور یِسُوع مسِیح کے کفّارہ کی تفصیلات کے درمیان تعلق دیکھنے میں مدد کریں (مزید دیکھیے ”عید فسح“ عہدِ عتیق کی کہانیوں میں، 70–74)۔ مِثال کے طور پر، یِسُوع کِس طرح آیت 5 میں بیان کردہ برّے کی مانِند ہے؟

  

  2:54

• آج، ہم یِسُوع کی قُربانی کو یاد کرنے کے لیے عِشائے ربّانی لیتے ہیں۔ آپ اپنے بچّوں کو عِشائے ربّانی کی تصویر دِکھا سکتے ہیں اور بات کر سکتے ہیں کہ یہ رسم کیسے یِسُوع مسِیح کو یاد رکھنے میں ہماری مدد کرتی ہے۔ آپ اپنے بچّوں کی عِشائے ربّانی کی دُعاؤں میں لفظ ”یاد“ تلاش کرنے میں مدد کر سکتے ہیں (دیکھیے مرونی 4–5)۔ یا اِکٹھے عِشائے ربّانی کے بارے میں کوئی پسندیدہ گیت گائیں، اور اپنے بچّوں کی یہ محسُوس کرنے میں مدد کریں کہ جب وہ نجات دہندہ کے بارے میں سوچتے ہیں تو اُنھیں کِتنی پُرسُکون کیفیت محسُوس ہوتی ہے۔ ہم عِشائے ربّانی لیتے وقت اِس احساس کو کیسے تلاش کر سکتے ہیں؟