Pasika

Ibyanditswe byinshi mu Isezerano rya Kera bigaruka ku iyogezabutumwa ry’Umukiza n’igitambo cy’impongano ye. imbonerahamwe ikurikira itondekanya bimwe muri ibyo byanditswe. Uko musoma iyi mirongo, ni ibihe byiyumviro biza muri mwebwe byerekeye Umukiza?

Ubuhanuzi bwigisha ibijyanye n’Umukiza na none ni bwinshi kandi burasobanutse mu Gitabo cya Morumoni. Mutekereze uko ukwizera kwanyu gukomezwa n’imirongo nk’iyi: 1 Nefi 11:31–33; 2 Nefi 25:13; Mosaya 3:2–11; Aluma 7:10–13.

Abahanuzi b’iminsi ya nyuma bakomeza gutanga ubuhamya budasanzwe bwa Yesu Kristo n’ubutumwa bwe bwo kwihongerera. Uko mutega amatwi igiterane rusange muri izi mpera z’icyumweru cya Pasika, mwandike ubuhamya bwa Yesu Kristo mwumva. Ese ni iki bakwigisha kijyanye na We?

Pasika ni igihe cy’umunezero, kuko ari igihe cyo kwishimira impongano y’Umukiza n’Umuzuko. Kandi na none no mu gihe cya Pasika, hari abantu benshi batiyumvamo umunezero kubera impamvu zitandukanye. Mbese ni iki ushobora gukora ngo musakaze amahoro n’umunezero w’Umukiza kuri iyi Pasika?

Igitekerezo kimwe ni ugushaka ubutumwa mu byanditswe bitagatifu bwerekeye amahoro n’umunezero Yesu Kristo atanga, nk’ibi bikurikira: Zaburi 16:8–11; 30:2–5; Yesaya 12; 25:8–9; 40:28–31; Yohana 14:27; 16:33; Aluma 26:11–22. Mutekereze uko mushobora gusangiza ubu butumwa abandi. Nk’urugero, wenda mushobora gukora udukarita twa Pasika two gusangiza abandi, mugendeye kuri ubu butumwa. Musenge mumenye abakeneye kwakira indamukanyo yanyu ya Pasika. Mushobora na none guhitamo gusangiza ubutumwa bwanyu ku mbuga nkoranyambaga, aho abantu benshi bashobora kubureba.

Indirimbo zerekeye Kristo n’Umuzuko, nka “He Is Risen!” (Indirimbo, nimero. 199), nayo ishobora kudufasha kwiyumvamo amahoro n’umunezero kuri Pasika. Nimurebe imirongo yo mu ndirimbo, mu myumvire yanyu, yerekana umunezero wa Pasika.

Murebe na none Jeffrey R. Holland, “Not as the World Giveth,” Liyahona, Gicurasi 2021, 35–38; Mark S. Palmer, “Umubabaro Wacu Uzahindurwamo Umunezero,” Liyahona, Gicurasi 2021, 88–90.

Hano hari igikorwa gishobora kubafasha kureba imigisha myinshi iza inyuze muri Yesu Kristo n’Impongano Ye. Musome ibyanditswe bikurikira bijyanye n’ibyo Yesu Kristo adufasha gutsinda. Mugerageze gutondekanya ibyanditswe muri ibi byiciro: icyaha, urupfu, ibigeragezo, n’intege nke (imirongo imwe ishobora gushyirwa mu kiciro kirenze kimwe). Uko musoma, mbese ni ibihe byiyumviro mugira byerekeye ububashabw’Umukiza?

• Yesaya 61:1–3

• Ezekiyeli 36:26–28

• Matayo 11:28–30

• Luka 1:46–55

• Abaroma 8:35–39

• Aluma 7:10–13

• Aluma 11:42–45

• Aluma 58:11

• Moroni 10:32–33

• Inyigisho n’Ibihango 19:15–19

• Mose 5:9–12

Mbese ni gute mwasobanurira inshuti itari Umukristo impamvu Yesu Kristo ari ingirakamaro kuri mwe? Ubutumwa bw’Umukuru Ahmad S. Corbitt “Uzi Impamvu Njye nk’Umukristo Nemera Kristo?” (Liyahona, Gicurasi 2023, 119–21) ishobora kugufasha.

Reba na none Reyna I. Aburto, “The Grave Has No Victory [Igituro Nta Ntsinzi Gifite],” Liyahona, Gicurasi 2021, 85–87; Topics and Questions, “Atonement of Jesus Christ [Impongano ya Yesu Kristo],” “Resurrection [Umuzuko],” Isomero ry’Inkuru Nziza.

Ni iki mwigira mu mirongo ikurikira ijyanye n’ikiguzi Yesu Kristo yishyuye kubw’agakiza kanyu: Yesaya 53:3–5; Mosaya 3:7; Inyigisho n’Ibihango 19:16–19? Mbese ni ikihe kiguzi Data wo mu Ijuru yishyuye?(reba Yohana 3:16).

• Icyumweru cya Pasika ni igihe cyiza cyo kwigisha abana bawe ibijyanye n’ibyo Umukiza yadukoreye i Getsemani ndetse no ku musaraba. Mushobora gutangira mubereka amashusho akurikira maze mukabasaba kuvuga ku birimo kuba mu mashusho. Mu gihe abana banyu barimo kureba amashusho, mushobora gusoma imirongo isobanura ibyo bihe (reba Matayo 26:36–46; 27:35–50; Luka 22:39–46; Yohani 19:16–30). Abana banyu bashobora kwerekana ibisobanuro byimbitse mu mashusho bagendeye ku byo barimo kumva mu mirongo y’ibyanditswe.

• Mbese ni gute turi abanyamugisha kubera igitambo cya Yesu kubwacu? Mufasha abana banyu kureba amagambo n’imirongo isubiza ibi bibazo muri Yesaya 53:4–12; Aluma 7:11–13; no muri Inyigisho n’Ibihango 19:16–19. Musangizanye uko mwiyumva ku bijyanye n’Umukiza nyuma yo gusoma ibi byanditswe.

• Mushobora gukoresha paji y’igikorwa cy’iki cyumweru cyangwa andi mashusho muri iyi ncamake kugira ngo mubwire abana banyu inkuru y’umuzuko (reba na none “Jesus Is Risen,” muri Inkuru z’Isezerano Rishya, 139–44). Noneho mureke abana babasubiriremo iyo nkuru.

• Mutekereze uko muzafasha abana banyu kubona umunezero muri Kristo kuri iyi Pasika. Nk’urugero, mushobora kuririmbira hamwe indirimbo mukunda ya Pasika, nka “Christ the Lord Is Risen Today” (Hymns, nimero. 200) cyangwa “Gethsemane” (Isomero ry’Inkuru Nziza). Kugira ngo mubone izindi ndirimbo zijyanye n’Umuzuko, mushobora kureba ishakiro rya Hymns na Children’s Songbook. Mwebwe n’abana banyu mushobora gusangizanya impamvu mukunda ziriya ndirimbo n’uko mwiyumva iyo muziririmbye. Mbese ni iki ziriya ndirimbo zitwigisha kubijyanye na Data wo mu Ijuru na Yesu Kristo?

• Isomero ry’Inkuru Nziza rifite ikusanyo rya Easter videos abana bawe bashobora kunezererwa. Wenda mushobora kubareka bagahitamo amashusho amwe yo kureba. Mubabaze icyo bize kijyanye na Yesu Kristo muri ayo mashusho. Mushobora na none kubasaba kuvuga muri make ubutumwa bw’ayo mu mashusho mu nteruro imwe.

• Igihe mwebwe n’abana banyu murebera hamwe igiterane rusange muri izi mpera z’icyumweru cya Pasika, mubafashe kumenya igihe abahamya badasanzwe b’Umukiza batanga ubuhamya bw’Umuzuko. Wenda mushobora gukina umukino wabyo—mubasabe guhaguruka igihe cyose bumvise amagambo nka Pasika cyangwa Impongano cyangwa Umuzuko. Musangizanye impamvu mwishimira ubuhamya bw’abahanuzi bariho bw’Umukiza.