ትንሳኤ

በብሉይ ኪዳን ውስጥ ያሉ ብዙ ምንባቦች ወደ አዳኙ አገልገግሎት እና የሃጢያት ክፍያ ይጠቁማሉ። የሚከተለው ሰንጠረዥ እነዚህን አንዳንድ ምንባቦች ይዘረዝራል። እነዚህን ጥቅሶች ስታነቡ፣ ስለአዳኙ ምን ሃሳብ ይመጣላችኋል?

ስለአዳኙ የሚያስተምሩ ትንቢቶች በመጽሃፈ ሞርሞን ውስጥ እጅግ ብዙ እና ግልጽ ናቸው፡፡ እምነታችሁ እንደዚህ ባሉ ጥቅሶች እንዴት እንደሚጠናከሩ አስቡ: 1 ኔፊ 11፥31–33፤ 2 ኔፊ 25፥13፤ ሞዛያ 3፥2–11፤ አልማ 7:10–13

የኋለኛው ቀን ነቢያት ስለ ኢየሱስ ክርስቶስ እና ስለ ኃጢያት ክፍያው ተልእኮ ልዩ ምስክርነት መስጠትቸውን ቀጥለዋል። በዚህ የትንሳኤ ቅዳሜና እሁድ አጠቃላይ ጉባኤን ስታዳምጡ፣ የምትሰሙትን የክርስቶስን ምስክርነቶች አስተውሉ። ስለ እርሱ ምን ያስተምሯችኋል?

የአዳኙን የኃጢያት ክፍያ እና ትንሳኤ የምናከብርበት ጊዜ ስለሆነ ፋሲካ አስደሳች ጊዜ ነው። ሆኖም ግን፣ በፋሲካ ወቅት እንኳን በተለያዩ ምክንያቶች ደስታ የማይሰማቸው ብዙ ሰዎች አሉ። በዚህ ፋሲካ የአዳኙን ሰላም እና ደስታ ተደራሽ ለማድረግ ምን ማድረግ ትችላላችሁ?

አንዱ ሃሳብ ኢየሱስ ክርስቶስ ስለሚሰጠው ሰላምና ደስታ በቅዱሳት መጻህፍት ውስጥ እነዚህን የመሳሰሉ መልዕክቶችን በማግኘት ነው፡ መዝሙር 16፡8–11፤ 30:2–5፤ ኢሳይያስ 12፤ 25:8–9፤ 40:28–31፤ ዮሐንስ 14:27፤ 16:33፤ አልማ 26፡11–22። እነዚህን መልዕክቶች ለሌሎች እንዴት ማጋራት እንደምትችሉ አስቡ። ለምሳሌ በእነዚህ መልዕክቶች ላይ በመመስረት የትንሳኤ ካርዶችን በማዘጋጀት ማጋራት ትችላላችሁ። የትንሳኤ ሰላምታችሁን ማን መቀበል እንዳለበት ጸልዩበት። እንዲሁም ብዙ ሰዎች ሊያዩዋቸው በሚችሉበት በማህበራዊ ሚዲያ ላይ መልዕክቶቻችሁን ለማጋራት ልትወስኑ ትችላላችሁ።

ስለ ክርስቶስ እና ትንሳኤ እንደ “He Is Risen!” (መዝሙር፣ ቁ. 199) ያሉ መዝሙሮች እንዲሁም በፋሲካ ሰላም እና ደስታ እንዲሰማን ሊረዱን ይችላሉ። በመዝሙሩ ውስጥ በእናንተ አመለካከት የፋሲካን ደስታ ይገልጻሉ ብላችሁ የምታስቡትን ሀረጎች ፈልጉ።

እንዲሁም ጄፍሪ አር. ሆላንድ “Not as the World Giveth,” ሊያሆና፣ ግንቦት 2021 (እ.አ.አ)፣ 35–38፤ ማርክ ኤስ ፓልመር፣ “Our Sorrow Shall Be Turned into Joy,” ሊያሆና፣ ግንቦት 2021(እ.አ.አ)፣ 88–90 ይመልከቱ።

በኢየሱስ ክርስቶስ እና በኃጢያት ክፍያው በኩል የሚመጡትን ብዙ በረከቶች እንድታዩ የሚረዳችሁ አክቲቪቲ እዚህ ይገኛል። ኢየሱስ ክርስቶስ እንድናሸንፍ ስለሚረዳን ነገር ከዚህ በታች ያሉትን ጥቅሶች አንብቡ። ምንባቦቹን ወደሚከተሉት ለመከፋፈል ሞክሩ፡ ኃጢአት፣ ሞት፣ ፈተናዎች እና ድክመቶች (አንዳንድ ምንባቦች ከአንድ በላይ ምድብ ውስጥ ሊገቡ ይችላሉ)። ስታነቡ ስለ አዳኙ ኃይል ምን አይነት ግንዛቤ ታገኛላችሁ?

• ትንቢተ ኢሳይያስ 61፥1–3

• ትንቢተ ህዝቅኤል 36፥26–28

• ማቴዎስ 11፥28–30

• ሉቃስ 1፧46–55

• ሮሜ 8፥35–39

• አልማ 7፥10-–13

• አልማ 11፥42–45

• አልማ 58፥11

• ሞሮኒ 10፥32–33

• ትምህርት እና ቃል ኪዳኖች 19፥15–19

• ሙሴ 5፥9–12

ኢየሱስ ክርስቶስ ለእናንተ አስፈላጊ የሆነበትን ምክንያት ክርስቲያን ላልሆነ ጓደኛችሁ እንዴት ታስረዳላችሁ? የሽማግሌ አህመድ ኤስ ኮርቢት መልእክት “Do You Know Why I as a Christian Believe in Christ?” (ሊያሆና፣ ግንቦት 2023 (እ.አ.አ)) ሊረዳ ይችላል።

እንዲሁም ሬይና 1 አቡርቶ፣ “The Grave Has No Victory,” ሊያሆና፣ ግንቦት 2021 (እ.አ.አ) 85–87፣ ርዕሶች እና ጥያቄዎች፣ “የኢየሱስ ክርስቶስ የኃጢያት ክፍያ”፣ “ትንሳኤ”፣ የወንጌል ላይብረሪ ይመልከቱ።

ኢየሱስ ክርስቶስ እናንተን ለማዳን ስለከፈለው ዋጋ ከሚከተሉት ጥቅሶች ምን ትማራላችሁ፡ ኢሳይያስ 53፡3–5፤ ሞዛያ 3:7፤ ትምህርት እና ቃል ኪዳኖች 19፡16–19? የሰማይ አባትስ ምን ዋጋ ከፈለ? ( ዮሃንስ 3:16ን ይመልከቱ)።

• የፋሲካ ሳምንት አዳኙ በጌቴሴማኒ እና በመስቀል ላይ ስላደረገልን ነገር ልጆቻችሁን ለማስተማር ጥሩ ጊዜ ነው። ከታች ያሉትን ሥዕሎች በማሳየት እና በሥዕሎቹ ላይ እየሆነ ስላለው ነገር እንዲናገሩ በማድረግ መጀመር ትችላላችሁ። ልጆቻችሁ ሥዕሎቹን እየተመለከቱ ሳለ እነዚህን ክንውኖች የሚገልጹ ጥቅሶችን ማንበብ ትችላላችሁ (ማቴዎስ 26፡36–46፤ 27፡35–50፤ ሉቃስ 22፡39–46፤ ዮሐንስ 19፡16–30 ተመልከቱ)። ልጆቻችሁ በጥቅሶቹ ውስጥ የሚሰሙትን ዝርዝር ገለጻ በሥዕሎቹ ላይ ሊጠቁሙ ይችላሉ።

• ኢየሱስ ለእኛ ሲል በከፈለው መስዋዕትነት ምክንያት የተባረክነው እንዴት ነው? በኢሳይያስ 53፡4–12፣ አልማ 7፡11–13 እና ትምህርት እና ቃል ኪዳኖች 19፡16–19 ውስጥ ልጆቻችሁ ለዚህ ጥያቄ መልስ የሚሰጡ ቃላቶችን እና ሀረጎችን እንዲፈልጉ እርዷቸው። እነዚህን ጥቅሶች ካነበባችሁ በኋላ ስለአዳኙ ያላችሁን ስሜት አንዳችሁ ለሌላው አካፍሉ።

• የትንሣኤን ታሪክ ለልጆቻችሁ ለመንገር የዚህን ሳምንት የአክቲቪት ገጽ ወይም ሌሎች ሥዕሎችን መጠቀም ትችላላችሁ (በተጨማሪም “ኢየሱስ ተነስቷል”፣ በየአዲስ ኪዳን ታሪኮች፣ 139-44 ይመልከቱ)። ከዚያም ልጆቻችሁ ታሪኩን ደግመው እንዲነግሯችሁ አድርጉ።

• በዚህ ፋሲካ ልጆቻችሁ በክርስቶስ ደስታን እንዲያገኙ እንዴት መርዳት እንደምትችሉ አስቡ። ለምሳሌ፣ እንደ “Christ the Lord Is Risen Today” (መዝሙሮች፣ ቁ. 200) ወይም “Gethsemane” (የወንጌል ላይብረሪ) ያሉ ተወዳጅ የትንሳኤ መዝሙሮችን አብራችሁ መዘመር ትችላላችሁ። ስለ ትንሳኤ ሌሎች መዝሙሮችን ለማግኘት በ መዝሙሮች እና የልጆች መዝሙር መጽሃፍ ርዕስ ማውጫ ፈልጉ። እናንተ እና ልጆቻችሁ ለምን እነዚህን መዝሙሮች እንደምትወዷቸው እና ስትዘምሯቸው ምን እንደሚሰማችሁ አንዳችሁ ለሌላችሁ ልታካፍሉ ትችላላችሁ። እነዚህ መዝሙሮች ስለሰማይ አባት እና ስለኢየሱስ ክርስቶስ ምን ያስተምሩናል?

• የወንጌል ላይብረሪ ልጆቻችሁ ሊደሰቱባቸው የሚችሉ Easter videos[የፋሲካ ቪዲዮዎች] ስብስብ አለው። ምናልባት የሚመለከቱትን እንዲመርጡ ልትፈቅዱላቸው ትችላላችሁ። ከቪዲዮው ስለ ኢየሱስ ክርስቶስ ምን እንደተማሩ ጠይቋቸው። እንዲሁም የቪዲዮውን መልእክት በአንድ ዓረፍተ ነገር እንዲያጠቃልሉ ልትጠይቋቸው ትችላላችሁ።

• እናንተ እና ልጆቻችሁ በዚህ የፋሲካ ቅዳሜና እሁድ አጠቃላይ ጉባኤን ስትመለከቱ፣ የአዳኙ ልዩ ምስክሮች የትንሳኤ ምስክርነትን ሲሰጡ እንዲያስተውሉ እርዷቸው። እንደ ፋሲካ ወይም የኃጢያት ክፍያ ወይም ትንሳኤ ያሉ ቃላትን በሰሙ ቁጥር እንዲቆሙ በማድረግ መጫወት ትችላላችሁ። በህይወት ያሉ ነቢያት ስለ አዳኙ ስለሚሰጡት ምስክርነት ለምን አመስጋኞች እንደሆናችሁ አንዳችሁ ለሌላው አካፍሉ።