“Maati 2–8. ‘Karika te Atua bwa Boton Maiura’,” Nakomai, Iriirai—Ibukin te Mweenga ao te Taromauri: O Tetemanti 2026 (2026)
“Maati 2–8. ‘Karika te Atua bwa te Korakora ni Maiura’,” Nakomai, Iriirai: 2026
E Kabonakoa karineana ni Karimoa Etau, iroun Glen S. Hopkinson (taekana)
Maati 2– 8: ”Kariaia te Atua bwa Boton Maiura”
Karikani Bwaai 24–33
Ko na kanga n kamanoa am kakabwaia mairoun te Atua? Ko kona n taekinna bwa rongorongon Iakoba, tibun Aberaam ao Taara, bon karakinan te mwaane are e reiakina te kaeka nakon te titiraki anne. N te katei ike e na karekea ana kakabwaia ni karimoa n nati te mwaane, e bungiaki Iakoba bwa te kauoman n nati, e bungiaki Iakoba n te tai ae tawe i mwiin tarina are bwebweena. Nanon te ara ae “Iakoba” bon “te tia onomwi”—temanna ae te tia onea mwiin temanna. E karaoa nanon te ara anne Iakoba, te tai ae mwaiti, e onea mwiin Etau bwa te tia bwaibwai n ana kakabwaia n karineana ni karimoa ibukina bwa e aki tau iai Etau (taraa Karikani Bwaai 25:30–34; 26:34–35; 27:36). N tokina ao e a riki te kiriwe n te utu, ao e a birinako Iakoba nakon te rereua.
Ririki i mwiina, e tua te Atua nakon Iakoba bwa e na okira mweengana. I aon kawain Iakoba n oki, ma te nanorinano, e a manga ukora naba te kakabwaia mairoun te Atua. Koroboki aika tabu e kabwarabwaraa te tai aio bwa “te kaunrabwata” ibukin Iakoba, ao e taekinna bwa e na bon aki bwara nanona “ni karokoa e kakabwaiaaki” (Genesis 32:26). I mwiina e roko te reirei—ao te kakabwaia. E bita aran Iakoba te Atua nakon Iteraera—are nanona, ibuakon bwaai ni kabane, “karika te Atua bwa boton maiura.” E reiakinna Iteraera bwa karekean ana kakabwaia te Atua ae moan te kakaawaki, Ana kakabwaia n te berita ae tau, e aki riai n oneaki mwiin temanna. E aki kaboaki ana kakabwaia ke n taumatoaaki ke n tokanikai ni karekea temanna. E anga ma nanona nakoia aomata ni kabane ake a maiuakina te ara ae Iteraera—are a karika te Atua bwa e na boboto inanon maiuiia.
Iango ibukin te Kamatebwai n te Mweenga ao n te Taromauri
Karikani Bwai 24
Te mare n te berita ae tabu e kakaawaki n ana baire te Atua ae akea tokina.
N warekan Karikani Bwaai 24, titirakiniko bwa bukin tera e baireia Aberaam ana mare natina are Itaaka bwa e rangi ni kakaawaki. Bukin tera e rangi kakaawaki te mare iroun te Atua?
Tera anua ae ko kunea iroun Rebeka ae na ibuobuoki nakon te mare ae matoa ao te utu? (taraa riki kiibu 15–28, 57–61).
Taraa naba Topics and Questions, “Marriage,” Gospel Library.
Taraa Karikani B’ai 25:29–34
I kona n ataa kakaawakin bwaai aika akea tokiia i aon bwain te aonaaba aei.
N aia katei Itaaka ao Rebeka, e na karekea te kakabwaia te moan nati ae te nati te mwaane, are nanona karekean te bwaibwai ae korakora, ni ikotaki ma mwioko ae korakora n tararuaan te utu. Ngkai ko wareka Karikani Bwaai 25:29–34, iangoia bwa bukin tera e tauraoi n anga karineana ni karimoa Etau ni kaibibitia ma te amwarake. Tera te reirei ae ko kunea i bon iroum n te rongorongo aei? E na kona ni ibuobuoki karaoan uoua rinan: (1) kakabwaia mai karawa ae tangiria n anganiko te Atua ao (2) bwaain te aonaaba ae a kona n katika nanom. Ngkanne ko kona ni wareka te kibuntaeka, onea mwiin “karineaki ni karimoa” ma te bwai man ake a karinanaki man te moan ao “amwarake” ma te bwai teuana man te kauoua. Ko na kanga n kabanea am iango i aon te Tia Kamaiu ao kakabwaia aika akea tokiia n Ana euangkerio?
Taraa naba Mataio 6:19–33; M. Russell Ballard, “Uringnga Tera ae Kakawaki Riki,” Riaona, Meei 2023, 105–7.
Iakoba i Betaera,, iroun James Smetham
Karikani Bwaai 28
E uota te mwaaka nakon maiu te berita ae tabu n ana auti te Uea.
N ana tai ni matu n uningai atiibu, E miia te mii ae na bita maiuna. Bon te bwai ae riki ae tabu ngaia are e a arana te tabo arei Iakoba bwa Betaera, ke “maneaban te Atua,” ao e taku, “Boni maneaban te Atua” (Karikani Bwaai 28:16).
Ngkai ko wareka Karikani Bwaai 28, titirakiniko bwa tera ae karika te taneiai aio bwa e na tabu nakon Iakoba. Tera ae rinanona n te tai anne? E na kanga aron ana namakin? Ko kona naba n tarai taekan kibukintaeka i nanon kiibu 10–22 aika a kauringko taekan maneaban te Uea. Tera ae kaungaa nanom ae ko karekea n taekan te Atua, Ana auti, ao Ana berita aika a tabu?
Ni kabanean te boki aei bon te korobanna ae kaota mwiin Iakoba, ko kona n nooria ngkana ko wareware. Ngkana arona bwa ko na korea am tamnei n miina, tera ae ko na karaoia? Tera koaua man te karaki ae ko kona n kataia ni koreia?
Te anene n taromauri “Nearer, My God, to Thee” (Anene n Taromauri,, no. 100) e boboto man are e rinanona Iakoba. Tera reitaki ae ko nooria i marenan te anene aio ao Karikani Bwaai 28:10–22? E kanga ni buokiko te tembora ni kaaniko riki nakon te Atua? Iangoia n tarai kaeka nakon te titiraki aei n ana rongorongo Beretitenti Russell M. Nelson “Te Tembora ao Aan Maiun Tamneim” (Riaona, Nobembwa 2021, 93–96). Ko na bae n tangiria n rinanon berita aika a tabu ao kakabwaia n ana auti te Uea n Aeniboki ni Kabuta, 27.2 (Gospel Library). E kanga aron kawakinan berita aika a tabu aikai n uota mwaakan te Atua nako nanon maium?
Bwaina te kakauiango. A mwaiti kawai n reirei man koroboki aika tabu i rarikin ae ti warekakiia. A kunea tabeman aomata bwa a mataata riki n taian koroboki aika tabu ngkana a korei tamnein rongorongoia. Tabeman a kunei nonoori n tamnei aika i nanon anene aika a tabu aika a irekereke ma koroboki aika tabu. Tai tuukiko nakon te kawai n reirei; kauka nanon ao katai aanga aika a mwaiti.
Karikani Bwaai 29:31–35; 30:1–24
E uringai te Uea i nanon katakiu.
Ngkai ko wareka Karikani Bwaai 29:31–35 ao 30:1–24, taratarai taeka ake a kabwarabwara ana nanoanga te Atua nakon Rakera ao Reea. Iangoia bwa e kanga te Atua n “noori [am] kangaanga” ao e “uringngko” (Karikani Bwaai 29:32; 30:22).
Karikani Bwaai 32–33
E konaa te Tia Kamaiu ni kamarurunga au utu.
N okin Iakoba nako Kanaan, e “bati ni maaku ao e rawawata” bwa e na kanga tarina, ae Etau ni butimwaia (Karikani Bwaai 32:7). Ngkai ko wareka Karikani Bwaai 32–33, iangoa aron reitakiia am utu—tao moarara riki are temanna ae kainnanoa te kamaiuaki. Tao te karaki aio e kona ni kaungako bwa kona karoko iroun temanna. Titiraki n aron aikai a kona n kaira am wareware:
-
E kanga Iakoba ni katauraoi ni kaitibo ma Etau?
-
Tera ae e katereaki nakoim n taekan ana tataro Iakoba are e reke n Karikani Bwaai 32:9–12?
-
Tera ae ti kona ni reiakinna n te kabwarabure man ana banna ni katoto Etau?
-
E kanga ni buokiira te Tia Kamaiu ni kamaoa te reitaki inanon te utu?
Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Karikani Bwaai 24:10–21
I kona n akoi nakoia tabeman.
-
Ni kaota ana banna ni katooto Rebeka n te akoi ae ringa te nano, ko kona ni kaota te tamnei ae i nano nakoia am ataei ke te iteraniba ae na mwakuriaki n te wiiki aei ngke ko kakimototoa te karaki n Karikan Bwaai 24:10–21. A na bae ni kukurei am ataei ni katea kain te karaki n te kaotioti. Ko kona ni kaira te marooro ibukin karaoan te akoi are ko a tia n nooria ngkoe ma am ataei.
-
Iangoia n anenea te anene ibukin te akoi, n aron “Kindness Begins with Me” (Aia Boki n Anene Ataei, 145). A kona am ataei n ongora nakon te taeka ae “akoi” (ke te taeka ae ti tebo ma aei) ao n teirake ngkana a ongo. Ti na kangaa n akoi n ai aron Rebeka?
Old Testament Heroes, iroun Dilleen Marsh (taekana)
Karikani Bwaai 25:21–34
Bwaai aika akea tokiia a moa ni kakaawaki riki nakon bwain te aonaaba.
-
Iangoa kabonganaan “Iakoba ao Etau” (in Karaki man te O Tetemanti, 38–41) ni buokiia am ataei bwa a na mataata n te karaki i nanon Karikani Bwaai 25:21–34. Tao a kona ni iangoa Etau am ataei ngke e titiraki ibukin te ibuobuoki bwa e kona ni kaibibita karineana ni karimoa ibukin te amwarake. Tera ae a na taekinna nakoina?
2:5Jacob and Esau
-
Tera te bwai ae kakaawaki ae akea tokina nakoim ao am ataei? Tao kam kona ni kunei tamnei ke bwaai ngkoe ma am ataei ae a tei ibukin bwaai aikai. Ti na kanga ni kaotia nakon te Uea bwa a kakaawaki bwaai aikai nakoira?
Karikani Bwaai 28:10–22
Ana buokai berita aika tabu n oki nakon Tamara are i Karawa.
-
Ngkai kam wareka Karikani Bwaai 28:10–22 ni bootaki, kam kona ni kabonganaa te kaintamwarake (ke te tamnei ae ai aron ae oti man te kabwarabwara aei) n marooroa aron ara berita aika a tabu bwa kanga ai aron te kaintamwarake. Tao am ataei a kona ni bakan aongkoa a tamwarakea te kaintamwarake, ao ni katoa te mwaneka n te kaintamwarake, marooroakin taai ngke ti berita bwa ti na ongeaaba iroun te Atua, n arona ngke ti bwabetitoaki, ti kana te toa, ao ti nakon te tembora. E kanga ni kaanira ara berita aika tabu nakon te Atua?
Karikani Bwaai 32:6–11; 33:1–4
Tamara are i Karawa ao Iesu Kristo a kona ni buokai n tangiriia au utu.
-
Ni kabwarabwarai kiibu aikai, ko kona n kabwarabwara bwa i mwiin ririki aika a mwaiti n aki raoiroi ana namakin, E na manga nako ni kaitibo Iakoba ma Etau. Bootaki ni wareka Karikani Bwaai 32:6–11. Tera ae a namakinna Iakoba? Tera ae e karaoia ni karekea te ibuobuoki? Bootaki ni wareka Karikani Bwaai 33:1–4 ni kunea bwa e kanga te Uea ni kaekaa ana tataro Iakoba. Ngke arona bwa a kona Iakoba ao Etau n taetae nakoira n te bong aei, a na tera ae a na taekinna ni buokiira ngkana iai te itabaraara inanon ara utu?
Ibukin iango riki tabeua, taraa te beeba ni kaongora n te namwakaina aio n Te Rao maekatiin.