Te Bata are Iteraera

N te tabo teuana n te rereua i maiunikun Kanaan, E tataninga ma te nakonnano Iakoba ni kaitiboona ma tarina are bwebwena, ae Etau. Te kabanea n tai are Iakoba e nora Etau, tao bon 20 te ririki n nako, E tangira Etau bwa e na tiringnga. E bane ana tairiki Iakoba n nibwaraa, n ukoukora te kakabwaia mairoun te Atua. Man ana onimaki, botumwaaka, ao ana motinnano Iakobwa, E kaekai ana tataro te Atua. N te tairiki anne e bitaki aran Iakoba nakon Iteraera, te ara are nanona bon “te kaunrabata ma te Atua” (Karikani Bwaai 32:28, bwaai aika a na taraaki mai inano b).

Aio te moan tai are kaoti iai te ara ae Iteraera i nanon te Baibara, ao bon te ara are e reitinako ni kabutaa te boki ao ni kabutaa te rongorongo. Te ara aei e bwainaki n taekina e raka i aon temanna n aomata. Iai 12 natin Iteraera aika mwaane, ao kanoaia a kinaaki bwa te “bata are Iteraera,” te “baronga are Iteraera,” bon “natin Iteraera,” ke “tibun Iteraera.”

N rongorongon rimoa, ao natin Iteraera a namakinna bwa a rangin ni kakawaki bwa a nako man teuana te baronga are Iteraera. Rikiia bon te bwai ae kakaawaki ni kinaakin aia berita. Te Abotoro ae Bauro e katanoata bwa e roko man “ana baronga Beniamina” (I-Rom 11:1). Teuana bukina ngke e kanakoia natina mwaane Riaai nako Ierutarem n anai bwaatua buraati, bwa inanon bwaatua aika buraati bon taekan kateirikiaia ana bakatibu” (1 Nibwaai 5:14). E kunea Riaai bwa ngaia bon kanoan Iotebwa, ao ootaia kanoana n irekerekeia ma te bata are Iteraera e kaoti kakaawakina nakoia i nanon ririki ake imwina.

N te Ekaretia ni bong aikai, ko kona n ongo taekan Iteraera n taeka n aron “ikotakin Iteraera.” Ti anenei taekan “Te Tia Kamaiuia Iteraera,” te “Hope of Israel,” ao “Ye Elders of Israel.” N aikai, tiaki tii taekinii ke n anenea aban Iteraera are ngkoa ke te aba ngkai are arana Iteraera. Ma, ti taekinia aomata ake a tia n ikotaki man aban te aonaaba nakon nanon ana Ekaretia Iesu Kristo. Ti taekinia aomata ake a teimatoa ma te Atua, akea ukoukora Ana kakabwaia ma nanoia, ao ake, rinanon te bwabetito, a tia n riki bwa Ana aomata ni berita. N ana taeka Beretitenti Russell M. Nelson, n riki bwa kaain Iteraera nanona “ni kariaia te Atua bwa e na tautaeka inanon maiura, … ni kariaia te Atua bwa te kabanea n anainano ae moan te kakawaki inanon maiura.”

Am kakabwaia n tamanuea a kaota irekerekem nakon teuana mai buakon te bata are Iteraera. E raka riki nakon ae tii te rongorongo ae kakaongora n rongorongon te utu. E bon irekereke naba ma arom n te tai aei ao n taai aika a na roko. Te riki bwa kaain te bata are Iteraera nanona bwa iai am reitaki ae tabu ma Tamara are i Karawa ao Iesu Kristo. Nanona bwa ngkoe, n aron Aberaam, tabem bon te “riki bwa te kakabwaia” nakoia natin te Atua (Karikani Bwaai 12:2; Aberaam 2:9–11). Nanona, i nanon ana taeka Betero, bwa “ngkami bon te roro ae rineaki, ae te koraki n ibong n uea, ae te botanaomata ae itiaki, ae te natanaomata bon ana bwai te Atua, ba kam aonga ni kaoti raoiroin nako Teuare wetei ngkami man te ro nakon ana oota ae kamimi” (1 Betero 2:9). Nanona bwa ko “kariaia te Atua bwa e na tautaeka inanon maium”—are ngkoe temanna are“kaunrabwata ma te Atua” ngkai ko karinea am berita aika tabu ma Ngaia.