“Kuwa 9–15 Gashyantare ‘Nowa Abonera Inema Imbere ya Nyagasani’: Itangiriro 6–11; Mose 8,” Ngwino, Unkurikire—Kubw’Urugo n’Itorero: Isezerano rya Kera 2026 (2026)
“Kuwa 9–15 Gashyantare ‘Nowa Abonera Inema Imbere ya Nyagasani’,” Ngwino, Unkurikire: 2026
Jehovah Keeps a Promise [Yehova Yubahiriza Isezerano], cyahanzwe na Sam Lawlor
Kuwa Gashyantare 9–15: “Nowa Abonera Inema Imbere ya Nyagasani”
Itangiriro 6–11; Mose 8
Kubera ko turiho mu minsi ya nyuma, dufite impamvu zidasanzwe zo kwita ku nkuru y’Umwuzure. Igihe Yesu Kristo yigishaga uko tugomba kureba Ukuza kwa Kabiri Kwe, yaravuze ati, “Nk’uko byabayeho mu minsi ya Nowa, niko bizabaho na none ku kuza k’Umwana w’Umuntu;” (Joseph Smith—Matayo 1:41). Byongeyeho, amagambo asobanura ibihe bya Nowa, nka “ruswa” na “kuzura urugomo,” bishobora mbese byoroshye gusobanura ibihe byacu (Itangiriro 6:12–13; Mose 8:28). Inkuru y’umunara wa Babeli nayo ishobora gukoreshwa mu bihe byacu, kubera ko igaragaza ubwibone bukurikirwa n’urujijo hagakurikiraho amacakubiri.
Izo nkuru za kera ni izagaciro atari uko zitwereka ko ubugome bugaruka uko amateka agenda asimburana. Icyingenzi kurushaho, zitwigisha icyo twabikoraho. Nowa “yabonye inema mu maso ya Nyagasani” (Mose 8:27). Kandi miryango ya Yeredi n’umuvandimwe we bahindukiriye Nyagasani maze barindwa urujijo n’amacakubiri i Babeli (reba Eteri 1:33–43). Niba twibaza uko twarinda twe ubwacu n’imiryango yacu mu bihe bya ruswa n’urugomo, inkuru ziri muri ibi bice zifite byinshi byo kutwigisha.
Ibitekerezo byo Kwigira mu Rugo no ku Rusengero
Itangiriro 6; Mose 8
Hari uburinzi bwa roho mu gukurikira umuhanzi wa Nyagasani.
Hari icyo ubona mu bigaragara mu minsi ya Nowa gisa nk’icy’iki gihe? By’umwihariko, reba muri Mose 8:15–24, 28. Ni izihe nsanganyamatsiko mubona zisubiramo?
Isano ry’ingenzi muzabona ni uko Imana yahamagaye Nowa ngo abe umuhanuzi, kandi yahamagaye umuhanuzi no muri ibi bihe. Mutekereze gukora urutonde rw’ukuri mwiga ku bijyanye n’abahanuzi muri Mose 8:13–30. Mbese ni gute umuhanuzi wacu uriho ubu ameze nka Nowa? Yego rwose, umuhanuzi wa Nyagasani ubu ntabwo arimo kuburirwa kubijyanye n’umwuzure cyangwa ngo adusabe kubaka inkuge. Arikose ni ibiki arimo kutuburiraho? Ndetse ni ibiki armo kudusaba gukora? Mu gufasha gusubiza ibyo bibazo, mushobora kureba umutwe uri muri Teachings of Presidents of the Church mu Isomero ry’Inkuru Nziza, cyane cyane igice cya “Invitations and Promised Blessings (Ubutumire n’Imigisha Yasezeranijwe)”. Ahari mushobora guhitamo umuburo umwe cyangwa ubutumire bumwe bugaragara nk’aho ari ingenzi kuri mwe.
Umukuru Allen D. Haynie yarigishije ati: “Data wo mu ijuru wuje urukundo kandi utunganye yahisemo uburyo bwo guhishurira abana Be ukuri binyuze ku muhanuzi” (“A Living Prophet for the Latter Days,” Liyahona, Gicurasi 2023, 25). Mutekereze kwiga ubutumwa bw’Umukuru Haynie, mureba impamvu kugira umuhanuzi ari ikimenyetso cy’urukundo rwa Data wo mu Ijuru. Ni gute gukurikira umuhanuzi wa Nyagasani byabafashije kumva mutekanye muri mu minsi ya nyuma?
Reba nanone Topics and Questions, “Prophets,” Isomero ry’Inkuru Nziza; “Why Do We Have Prophets?” (amashusho), Isomero ry’Inkuru Nziza.
Why Do We Have Prophets?
Itangiriro 6:5–13
Umwuzure wari igikorwa cy’impuhwe cy’Imana.
Abantu bamwe bibaza ku butabera bw’Imana mu kohereza Umwuzure “kurimbura umuntu” (Itangiriro 6:7). Umukuru Neal A. Maxwell yasobanuye ko mu gihe cy’umwuzure, “ruswa yari igeze kurwego rw’uko ibangamira amahitamo y’abantu yo gukiranuka k’urwego rw’uko roho mutagatifu atakoherezwa mu isi kubera ko abantu bari inkozi z’ibibi” (We Will Prove Them Herewith [1982], 58). Mushobora na none gutekereza uko Umwuzre wari igikorwa cy’impuhwe. Mbese niiki mubona mu Itangiriro 6:5–13 cyerekana impuhwe zihebuje za Nyagasani n’urukundo ku bantu be?
Itangiriro 9:8–17
Ibimenyetso bimfasha kwibuka ibihango nagiranye na Nyagasani.
Mugendeye ku Itangiriro 9:8–17, Ni iki umukororombya uzana mu bitekerezo byanyu? Ni iki Ubusemuzi bwa Joseph Smith, Itangiriro 9:21–25 (buri ku mugereka wa Bibiliya) bwongera ku myumvire yanyu? Mushobora na none gutekereza gukora urutonde rw’ibindi bintu (nk’ibimenyetso, ibikoresho, cyangwa ikindi kintu icyo ari cyo cyose) Imana yabahaye. Mbese ni iki ibi bintu bibiigisha? Mbese ni gute bigufasha kwibuka?
Reba na none Gerrit W. Gong, “Always Remember Him,” Liyahona, Gicurasi 2016, 108–11; “Reverently and Meekly Now,” Indirimbo, nimero. 185.
The Tower of Babel [Umunara wa Babeli], cyahanzwe na David Green
Itangiriro 11:1–9
Gukurikira Yesu Kristo nibwo buryo bwonyine bwakugeza kuri Data wo mu Ijuru.
Inkuru y’abantu b’i Babeli bubaka umunara itanga itandukaniro ritangaje ku nkuru ya Henoki n’abantu be bubaka Siyoni, mwize icyumweru gishize. Abo bantu bombi bashakaga kugera mu ijuru ariko mu buryo butandukanye. Ni gute abantu bo muri Siyoni babonye ijuru? (reba Mose 7:18–19, 53, 62–63, 69). Mbese ni iki mwigira mu Itagiriro 11:1–9 na Helamani 6:26–28 ku bantu b’i Babeli? Mbese ni iki ibi bitwigisha ku muhate wacu wo gusubira imbere y’Imana? Mbese ni iki Imana yatanze ngo idufashe “kugera mu ijuru”? (Itangiriro 11:4; reba nanone Yohana 3:16).
Mwigane umwete. Kwiga bishobora kubamo ibirenze gusoma no gutega amatwi. nk’urugero, iyo mwiga ibijyanye n’Umunara w’i Babeli, mwebwe n’umuryango wanyu cyangwa ishuri mushobora kwandika, ku duce tw’urupapuro, ibintu bitujyana kure y’Imana. Noneho, kutundi duce tw’urupapuro, mushobora kwandikaho ibintu bituma tuza hafi y’Imana. Mutondeke itsinda rya mbere ry’udupapuro mu ishusho imeze nk’umunara n’irindi tsinda rya kabiri mu ishusho y’ingoro.
Kubw’ibirenzehoinyandiko z’uku kwezi z’amagazeti ya Liyahona na Kubw’Imaraga z’Urubyiruko .
Ibitekerezo byo Kwigisha Abana
Itangiriro 6:14–22; 7–8; Mose 8:16–24
Gukurikira umuhanuzi wa Nyagasani bizampesha umugisha hamwe n’umuryango wanjye.
-
Abana benshi bakunda inkuru ya Nowa n’inkuge. Mutekereze guha abana banyu imyanya yo gusangiza ibyo bayiziho. Mu kubafasha, mushobora gukoresha amashusho ari muri iyi ncamake, “Noah and His Family” muri Old Testament Stories (22–25), n’umurongo wa gatatu wa “Follow the Prophet” (Children’s Songbook, 110–11). Abana banyu bashobora kunezezwa no gukina igice cy’inkuru—nk’urugero, bakigira nk’aho bari gukoresha igikoresho bubaka inkuge cyangwa bagenda nk’inyamaswa binjira mu nkuge.
-
Uko muvugira kuri Nowa hamwe, mufashe abana banyu kubona uko turi abanyamugisha kuba dufite umuhanuzi w’Imana uyu munsi. Mufashe abana banyu gucukumburai Mose 8:16–24 bashakamo ibintu Nowa yigishije abahanuzi ba Nyagasani bakigisha n’ubu. Mbese ni gute duhabwa umugisha iyo dukurikiye umuhanuzi wa Nyagasani?
Itangiriro 9:15–16
Imana izubahiriza isezerano ryayo kuri njye.
-
Abana banyu bashobora kunezezwa no gushushanya cyangwa gusiga amabara umukororombya mu gihe muvuga icyo usobanuye (reba Ubusemuzi bwa Joseph Smith, Itangiriro 9:21–25 [ku mugereka wa Bibiliya]). Mbese ni iki Imana yashakaga ko Nowa n’umuryango we batekereza igihe cyose babonaga umukororombya?
-
Mushobora na none kwereka abana banyu ikintu mufite kibibutsa ikintu cy’ingenzi mu buzima bwanyu, nk’impeta y’ubukwe, ishusho, cyangwa ikinyamakuru. Mureke abana banyu basangize ingero zabo ubwabo. Ibi bishobora kubajyana mu kiganiro kijyanye n’ibintu bidufasha kwibuka ibihango byacu, nk’isakaramentu, ridufasha kwibuka igihango cyacu twagize tubatizwa cyo gukurikira Yesu Kristo (reba Inyigisho n’Ibihango 20:75–79).
Imana yabwiye umuryango wa Nowa ko umukororombya wari kuba “ikimenyetso cy’igihango nagiranye namwe” (Itangiriro 9:12).
Itangiriro 11:1–9
Gukurikira Yesu Kristo nibwo buryo bwonyine bwakugeza mu ijuru.
-
Bishobora gushimisha kubaka umunara mu matafari cyangwa ibindi bikoresho hamwe n’abana banyu. Uko mubikora, musobanure ko abantu b’i Babeli batekereje ko bari kugera mu ijuru bubatse umunara muremure. Mushobora noneho kurebera hamwe ishusho y’Umukiza maze mukabaza abana banyu uko adufasha kugera mu ijuru. Noneho mushobora kuganira ibintu mushobora gukora ngo mukurikire Umukiza.
-
Byiyongeyereye ku gusoma inkuru y’umunara w’i Babeli mu Intangiriro 11:1–9, mwebwe n’abana banyu mushobora gusoma Helamani 6:28. Mgendeye kuri uyu murongo, mbese ni kuki abantu b’i Babeli bubatse umunara? Mbese kuki kubaka uyu munara bwari uburyo bubi bwo kugera mu ijuru? Noneho mushobora gucukumbura 2 Nefii 31:20–21 na Helamani 3:28 mushakamo uburyo bwiza bwo kugera mu ijuru. Mbese ni iyihe nama twaha abantu b’i Babeli?
Kubw’ibirenzeho, reba inyandiko y’uku kwezi y’igazeti Inshuti .